دوام الحآل من المحآآآل !!!

[miss thrba]

شـلونكم حبيبآآتي بنآت منتداي الغآآلي منتدى كويتيآآت ..


يمكن تكون مآ عندي سآآلفه بس انا وحيده ما عندي خوات وما احب اضآآيق امي بمشآآعري اللي مرات احس مالها دآعي

ويمكن أكون أنا حسآسه زيادة عن اللزوم ..


دايما لما كنت اسمع مقولة دوام الحآل من المحآل احط ببآلي انه ممكن الغني يصير فقير والعكس


أو انه الفاشل ينجح أو انه الفري يمكن يلتزم والعكس الخ ..

لكنن ما حطيت ببآلي شي مهم !!


أنه احنا ننتقل في حيآتنا الى عدة مرااااااااحل وانه هالشي ما راح يستمررررر

ايام الثانويه كانت اكبر همومنا امتحانات والمجموع واي كلية راح ندخل

آيااام كلها حيويه وضحك ووناااااااااااااسة ورفيجاات ولا تعرفيييين معنى للوحده ابداااااااااااااا


في أمور تنطريها تدريين انها بتفررحج نتاااييييج ودرجاات وكل يوووم نلتقي بالناس اللي نحببببببهم

وبعدهآآ نخرجنآآآ طبعآآ وكل وحده راحت كلية غير عن الثآآآنييييية !!

دخلت الكلية صج انه كل شي يديد صعـــــــــــــــــــــــــــــــب وحيييل بعد لكن !!


آيام الجاامعه مهما كان ما تعرفيين الناس بس مردج بتتعرفيين على القررررروب اللي معآآآج

وشوفي كل مادة جم وحده معآآج بالبداية يكون مجرد تعاارف بعدها سلام وسوالف وبعديييييين نحل مع بعض وندرس مع

بعض ونااكل مع بعضضضضضض ومعظم يومنآآآ بالكلية ومع بعــض !!

بس الصدمة بعد التخررررررج من الجآآمعة !!


قعدت بالبيت 3 شهور والصدمـــة شنو ...@@

اني انقبلت بسرعه للوظيفة مدرسة بنآآآآآت !!!

قسما بالله ببداييييية شغلي كنت كل يوم ارررررجع البيت ابجي بجيييييييي مو طبيعي !!

ناس يديده حيآآه يديده مررررررره وحده بشر مووووووو صج !!


جذب ونفااااااااااااااااااااااق ومن تحت لي تحت !!!

احنا ويين وهذوول ويييييين؟؟

تقريبا بعد 3 او 4 شهور تأقلمت انا الحين صارلي 8 شهور تقريبا لكن والله لي الحييييييين احس اني غريبه مع انه قسمي

محتتويني وزينين معآي بس انا صغييره حيل علييهم !!

حياتي واايد تغيرت ما قمت احس انه في شي انطره يفرحني نفس النتايج قبل والدرجاات او اني اروح المدرسه مشتااقه حق

رفيجاات مآآكو !!


وانا مثل ما قلتلكم وحيدة امي وابوي وماعندي بنات خالة والحمدالله عندي بنت عمة حييل معاها بس تزوجت هالفتر وانشغلت

شوي .. !!!


حبيبت افضضضضضضضفض بسسسسسس واذا عندكم طرررررررق اني لما اروح المدرسه


ما احس اني غــــــريييييييييبة !!

واتمنى انه يكون اسلوبي مو ملل !!


وفعــلا دوام الحاآآل من المحآآآل ..​

 

[miss thrba]

14 وحده شاافت الموضووع


بدون ولا رد

 

[nandeny]

هلا حبيبتي عورتي قلبي تدرين الكلام اللي قلتيه قسمن بالله دايما اقوله قبل احنا شنو والحين شنو قبل ضاربين الناس بالحيط وناسه وضحك ولا هم ولا شي اللهم بدراستنا والحين همومنا اكثرت لمن توظفنا وحالي من حالج بالوظيفه شدعوه حابتها والله من اول سنه وانا احاول اطلع بس سبحان الله قاعده وهذي 4 سنه لي وتأٌقلمت وقااعده اجامل بشغلي وانا موطايقته حبيبتي اذا موقادره وتوج 8 شهور حاولي انج تطلعين من هالمكان وروحي مكان ثاني او تأقلمي قعدي مع ابلات ترتاحين لهم من طقتج يعني شوفي رفيجاتج بين فتره وفتره راح تتغير نفسيتج وربي يفرجها عليج وعلينا والله ايسسسر اموررررررررررررررررررررررررررررررررنا وتقبلي مروري

 

[عبااير]

تدرين في بنات واجد مشاكلهم وتعاستهم من خواتهم
وبعدين انتي اخلقي سعادتج بنفسج ترى موشرط الواحد لازم الكل يكون معاه عشان يستانس ...ممكن اتمر فترات تلقين نفسج بروحج
انتي ماشالله موظفه راح تلقين بنات كبرج يوالمونج يمكن انتي تعبانه لان الابلات اللي معاج بالقسم كباار ؟؟؟
عادي خليج انتي مرحه معاهم واذا مكانج بالدوام موشي انتقلي دوري مدرسه فيها احد اتعرفينه
وبعدين ماتدرين انا احنا كلنا في هالمنتدى خواااااااااااااااتج .....واي وقت اتحسين ضايق خلقج مالج شغل انا وحده مستعده خخخخخخخخ
تراااني فاضيه حدي ههههههههههههه
تقبلي مروري

 

[miss thrba]

بعد عمري miss_untouchable

اي والله كنا ضاربين النااااس بالحيييط بس هذي الدنيا وان شاءالله ايامنا اليآآيه تكون أحلىىىىىىىى ..


اسعدني مرورج حييل ..

 

[miss thrba]

هلا حبيبتي عبآآآير


نورتني صفحتي ..

خلاص ما يضيق خلقي بزعجج لما تقوليين ياليتني ما قلت لها هههههه ..

 

[Miss independent]

انا نفس حالج بالضبط وفعلا هالايام كله اتذكر الثانويه والجامعه
ودوام الحال من المحال

 

[miss thrba]

هلا والله اختي Miss independent ..

روتين ملل سبحان الله وفوق هذا ما عندج احس بالدوام تحسين ترتاحين له او تحبين القعده معاه

الله يعين

 

[فيونكة_وردية]

فدييييتج كلنا خوااااتج تعالي بس قوومي اهوووه الدنا حلوة ياا ماتسوى يحلو الونااسه والضحكتخلي نفسيتج عسل وتصيرين جميله الجميلات اما الهم والغم يجكر يسوي البنت عجوووز متهردقه قااضيه محندبه >>> شرح دقيييق ههههههههههههههههههههه

 

[ألماس الغلا]

بالفعــل الأيـــام تركض ومااانحس إلا أحنا منتهيــن من مرحلــــــــه كــانت من ارووع المــراحل وأنا ألحيــن في الجـــامعة وويـــــاي ربعــي كلهـم وونــاسه وضحـــــــك بس مــب نفــس قبـــل حتــى أنــي أقووول خلاااص مليت متى أتخرج وأتوووظف وأرتااااح يعني كل واحد مب رااضي ع اللي هو فيه ..

بس الواااحد هو اللي يخلي عمره مستاانس ويخلي عمره متضاايق أحنا مشكلتنا ماانعرف نووظف الوناااسه وندخلها غصب فأنا كنت نفسك أقوول ضااايق خلقي ضاايقه ومااشي يعجبني بس قدرت أونس عمرررري قلت قد ما أقدر بحــاول أدور الونااسه وأخلقها لي وأنتي أشتركي في شي وخلي لك جدول طلعات تقابلي ويا أحد سوي جووو لنفسك وصدقيني راااح تتأقلمين وتستانسين وأبعدي كلمة الضيق عن بـــــــــــــــــــالك بقدر المستطاع ترى النفسيه هي الي تلعب دووور وأنتي شكليها...

 

[miss thrba]

بعد عمري والله فيوونكة ..


والله يخليييييييكم لي إن شاءالله ..


وربي يفتحها علييكم وين ماآآآ رحتوااا ..

 

[miss thrba]

ألمااس الغـلا ..


كلااااامج صح مليون % بس مرات الواحد يحتاج رفيجات كل يوم يشووفهم وان شاءالله بحاول اكون صدااقات كلوز لانه العلاقه اللي بيني وبينهم


صج فيها سوالف بس العمر حييل يفرق والاهتمامات تفرق ..


اشكر مرورج حبيبتي ..

 

[Miss independent]

مس انا باك
مساع كتبت لج رد بو سطر كنت مستعيله بتغدا ههههههههههههههههه

ترا انا نفس حالتج هم ماحب اضايق امي واذا كلمتها اصلا تكون مشغووولة

بس حبي جد شماخذين من الدنيا

انا انصحج وانا اردى منج ترا خخخخخخخخخ

بس صج يعني ليش كله تفكيرنا جذي

انا يمكن الي يساعدني انه لو ما توالمت مع احد اصير سايلنت وما اتكلم واعطي بالمفيد بس

واكفي خيري شري

اما اذا توالمت مع بنت وحده بس افرفش لج الجو كله

انتي الحين ادري منصدمه من الاشكال الي شفتيها بالمدرسه

بس لا تقارنين وضعج هذا بالجامعه

الجامعه مجتمع مفتوووووح وكبيييير وتلقين فيه اشكال والوان

واذا ماعجبتج هاذي ومارتحتي وياها

توخرين عنها وتشوفين غيرها

اما المدرسه انتي داشه على مجتمع مغلق وناس ملزومه تجابلينها وقت طويل

يعني اللي انتي تمرين فيه جدا طبيعي


جني قرقت وايد خخخخخخخخخخخخ

وسلامتج وتعيشين

 

[غلاا الرووح]

وانا بعرف اللي عندها هالمنتدى وهالبنااااااات العسل شلوون بيضيق خلقه !!!!!!!!!!!!

تقدرين تكونين صدااقااات داخل المنتدى وموشرط الصديقه تكون في نفس مجاال عملج .. صح ؟؟

الله يشرح صدرج ويزيل همج

 

[miss thrba]

هلا حبيبتي Miss independent

ان شاءالله تكون الايام اليايه احلى واايد ونحقق نجاح بكل شغلنا

وان شاءالله يتيغير طبعي لاني انا بعد هاديه زياده عن اللزوم

وجودكم اثلج صدري .. ما تقصــرون

 

[miss thrba]

عظيم الشووووق هلا والله اختي


اي والله لولا هالمنتدى والبنات اللي فيييه


جآن صج ما ادري ششششسوي


الله يخلييكم لي ..

 

[سعودية عسل]

يالله مو مصدقه في احد نفس معاناتي

انا نفسيتي صايرة زفت
لاني انتقلت من مجتمع الرفيجات والوناسة الى مجتمع كلهم اكبر مني

ونفس ماقلتي نغزات من تحت لتحت

لدرجه حسيت اني كبرت 20 سنه لقدام
حتى تفكيري تغير كل شي تغير فيني

انا من النوعيه اللي اتاثر بسرعه بلي حولي

والله ماعندي حل لج بس ياليت في احد يلقى لنا حل

 

[miss thrba]

هلا خبيبتي سعودية عسل

اللي يفررجهآآ علي وعلييج وعلى كل اللي يمرون بنفس حالتنآآ


ولما نحس انه في احد نفسنا ترى تخف الضيقة

 

[سعودية عسل]

امين يارب

والمشكله انا مو حابه اغير المدرسة الاداره حلوة واااايد

بس مجتمع المدرسات هو مشكلتي

حتى الطالبات اعدادهم حلوة وبالموت حصلت هالمدرسة انا

بس الاهم انه مافي احد نفس تفكيري او بعمري

 

[miss thrba]

اييي نفس الحالة


الاداااارة روووعة وما اقد افررط فيها


وتقريبا اثبت وجودي


يالله الحمدالله شي احسن من شي