miss abrar
New member
- إنضم
- 8 أكتوبر 2008
- المشاركات
- 1,052
- مستوى التفاعل
- 0
- النقاط
- 0
انا نفسج وحيدة امي وابوي والحين صار عمري 30 مشاكلي كانت نفسج واكبر المشاكل اللي كنت اواجها ان لما ارافج وحده اعطيها من كل قلبي واقولها ادق تفاصيل حياتي والغلط وين اني اعوض فيها الاخت اما بالنسبه لها انا رفيجه مو اكثر فانصدمت وايد من الرفيجات لكن عرفت الصح ان لازم اخش اسراري واصدق رفيجه لي اهي امي واهي اللي اشكيلها حالي واعطيها اسراري لا تستحين من شي انا كل شي قمت اقوله لامي لانها ستر وغطا على والمشكله الثانيه اللي واجهتني ان خبرتي الاجتماعيه اقل من عمري بوايد لآن الوحيده تكون طريقة تربيتها وبيئتها مختلفه لانها معزوله نوعا ما فتعتقد ان العالم مثالي وتنصدمين ان الدنيا مختلفه عن بيتكم واحلامج الورديه ... وفعلا دوام الحال من المحال الله رزقني بزوج طيب وعوضني عن الخوات والرفيجات وانا تزوجت صغيره وعندي اربع عيال فما عدت وحيده وبنتي الكبيره بالمتوسط الحين وصار اهي بعد بنتي واختي بنفس الوقت خاصة لما نروح نتسوق ونتشاور ... ونسيت اقولج على المشكله الثالثه اللي اعتقد ان كل وحيده تواجها واهي الرهاب الاجتماعي او الخوف من التجمعات الوايد مثل الاستقبالات والمولات الزحمه بس كل هالمشاكل راح تروح صدقيني واذا تحبين اعتبريني اختج وانسي شي اسمه وحيده
تصدقين انا كل يوم لما ريلي وعيالي ينامون لازم اقعد بالصاله بروحي لو ساعه اشبك بالنت او اشوف التلفزيون بس المهم عندي ان اقعد بروحي استرخي مع نفسي لأن هاذا الشي اللي ما قدرت اغيره مع الزمن لأني تعودت من صغري اكون بروحي غالبا فاتضايق لما يمر يوم ماقدرت الاقي فيه ساعه اقعدها بروحي شبح مو ابرار 
