++++++++ دوانــــــيـــة معلــــمـات الـريـــــاض ++++++++

[عهود الحب]

رد : ++++++++ دوانــــــيـــة معلــــمـات الـريـــــاض ++++++++

حبيبتي ريانة انا ابلة في منطقة الفروانية التعليمية
شكثر والله ناس يشبهون عالاسلوب
الله يا الاسلوب عاد !

ليلاس شنو رياض مبارك
يعني شنو هي المناطق التي تقع ضمن هذه المحافظة ؟؟عشان اعرف لما انقط فيها اقرب روضة وين

الي يسمعني الحين يعني ضمنت النجاح بالمقابلة ههههههههههههههههه




بنااااااااااات ادعولي ذبحني التفكير والهم

 

[عهود الحب]

رد : ++++++++ دوانــــــيـــة معلــــمـات الـريـــــاض ++++++++

لوولوووة
موزين هالسلبية
بسج تحلطم ترى التحلطم يتعب النفسية
نصيحة اذا مو مرتاحة انتقلي عادي ترى
اهم انسان بالروضة المديرة ومن عقبها المشرفة المسؤولة عنج
وبسسسسسسسسس
المدرسات عادي عاشريهم بالمعروف والي تحسينها مو خوش بنت خلج رسمية معاها
وافضل اسلوب تكونين رسمية مع الكل وتخلين في شوي سبيس بينج وبينهم
ترى جذي اريح

عن تجررررربة الحريم خصوصا الزميلات عدوات حتى صديقة اليوم ممكن تكون عدوة المستقبل
فديربالج

 

[^ليلاس^]

رد : ++++++++ دوانــــــيـــة معلــــمـات الـريـــــاض ++++++++

عهوووود صباح السالم تعالي عندنا بسرعه لوول

متى مقابلتج

ويارب تبشرينا بالنجاح مثل ما فرحتينا بالامتحان

 

[ملاك-77]

رد: رد : ++++++++ دوانــــــيـــة معلــــمـات الـريـــــاض ++++++++

ملاك مشكورة ياقلبي
ادعولنا ورانا مقابلة شخصية
بنات لي نجحت تعالولي بروضتي
ياكثر الي عزمتهم الله يستر
اضبطكم و ابرد جبودكم
ادري مجربة مشرفات النحاسة

عسى الله يوفقج ويوفق الجميع بالمقابلة
وتنجحون وتصيرون مشرفات تبردون القلب

 

[ملاك-77]

الف الف الف مبروووووووووووووووووك عهود تستاهلين كل خير

وسمعت ان الاحمدي متسرب الامتحان لان مو معقول وايد ناجحين منهم واجاباتهم نموذجية

مايندرى عاد صج او اشاعة

والله يوفق الجميع

وانشالله قبل لا اترشح للاشراف اكون طالعه من التربية بكبرها

السلام عليكم عسوووله
كتبت لج رد بصفحه 37 وشي أكيد ماانتبهتي عليه وماشفتيه
ياليت توضحين لي وتفيديني وتجاوبيني على أسئلتي البسيطة لاني مااستوعبت

بانتظااااارج عسوووووولتنا

 

[lolowawa1234]

لالالالا
عهود ان شاء الله لما تنجح بالمقابله نبيها بالجهرا
مبارك الكبير يدوخونج ويتعبونج

 

[عهود الحب]

رد : ++++++++ دوانــــــيـــة معلــــمـات الـريـــــاض ++++++++

صباح الخير و السلام عليكم ابلات
لولوة خلاص سنة بالجهرا و سنة بصباح السالم ههههههههه
ماابي احد يزعل
اشفيكم خل انجح بالمقابلة اول
ياربي ياكثر الي يدور براسي
ان سقطت لا حول و لاقوة الا بالله
وان نجحت هم لاحول ولاقوة الا بالله
امس ابلات معانا تهاوشوا وحشروا المشرفة بينهم
جان اتخيل روحي بهالموقف
يمااااااااه مااحب هالسوالف
صج صج بنات الاشراف الفني اسوء وظيفة بالتربية
مسكينة مثل الفوطة كل شي ينمسح فيها
لو يطيح بالروضة ابرة
قالوا بسبتها :/
واعليه

لعل بالأمر خيرة ان نجحنا ولا سقطنا
لا وظيفة ابلة الروضة مريحة ولا وظيفة المشرفة الفنية مريحة
هذا واقع بنات بس اغلبنا ما يدري
انا ما عرفت الا لما درست المرشد صراحة كل شي بوجه هالمسيكينة واعليه

 

[أم حمد 4]

يارب ياعهوووووووووود تنجحين وتييييييييين العاصمه ترى روضنتا وادارتنا عسسسسسسسسسل عكس الي عندكم

 

[^ليلاس^]

رد : ++++++++ دوانــــــيـــة معلــــمـات الـريـــــاض ++++++++

عهوود شيلي هالافكار من بالج والله يوفقج

ترى الاشراف حلو برستيج حده مكتب وشغل عدل
:ggdw:

 

[* @ * كرستال * @ *]

مكتوب اختبار دور اول
لو في شوية عدل
كان حطوا اختبار دور ثاني بعد شهر من الاول
و الي بتعيد الاختبار لها حق تعيده
عطوهم فرصة تقرير المصير يمكن البعض خلاص اكتفى ومايبي
الي لها رغبة عطوها فرصة
ومو بالضرورة تتعين بسرعة كمشرفة فنية
تختبر وان نجحت تنتظر الدفعات القديمة تخلص بالتعيينات
وعقب يجي دورها
بس عالاقل
ولا الاحباط والقهر @@
انا كلمت زميلاتي الي ماحالفهم الحظ باجتياز الاختبار
شنو نفسيات محبطة شنو كانوا متوقعين ومتفائلين وانصدموا
يعني معقولة ماحلوا !!
الكلام عند الي صححوا اهمة ادرى

في طريقة كانت وايد أحسن من اللي صار من باب العدل المفروض ينادون ذوات الامتياز بآخر خمس سنوات ، النجاح في مجال عملنا مو بالامتحان سؤال و جواب بالرياض الشاطرة اللي تبدع و تتحرك و تنتج وهذولي الفئة دشوا الامتحان وماطلع اسمهم شنو يبون الوزارة شنو هدفهم يختبرون مدرسات ابتدوا مسيرتهم بالتعليم من سنوات و سنوات و أعدوا اجيال هذي مكافأتهم لهم ..لابد أن يعطونهم فرصة للترقي بالسلم الوظيفي كأي موظف بالوزارات الأخرى وبالدول المتحضرة ، فغيرهم بالمراحل التعليمية والتخصصات الأخرى صاروا رئيسات قسم بعد 7 سنين خدمة والدفعة الأخيرة بعد 12 سنة خبرة والدفعة هذي مظلومة مظلومة 14 ـ 15 سنة ، زين اذا ماطلعت اساميهم اشراف شوفولهم ترقيات غيرها بوزارة التربية تليق بسنوات خبرتهم الوظائف عديدة أوفوهم حقهم الوظيفي ، الترقية حق من حقوق كل موظف عمل بجد واجتهاد .
الترقية أساسها الاعتماد الرئيسي على التقارير العالية والكفاءة وللمعلمة اللي خدمت أطفالها بهمة وجدية واخلاص داخل فصلها و خارج أسوار روضتها و على مستوى الرياض بكل سنوات عملها وكان ومازال لها لمسات واضحة وجلية لكافة التربوين بمجال عملها .​

 

[lolowawa1234]

كرستال صح لسانج٪

 

[3so0ola]

استراتيجية التخطيط الابداعي ؟
استمارة تكتبين فيها اسمج وفكرتج و مؤشر نجاح الفكرة و شرحها و موجهه لمنو وأهدافها عشان تشتغلين عليها طول السنة


ملف الجودة ؟
ملف لكل معلمة تكتب فيها اي شي سوته لتحقيق الجودة فكل معلمة تمسك بند من بنود الجودة و تطبق فيه مثلا الطفل !
اي ورشة او لاصفي او اي فكرة عندج للطفل طبقتيها تكتبين عنها مع الصور و ترفقينهم بالملف
وفي لجنة تقييم للجودة تمر الروضة وتشوف شغل كل أبلة

الكتب ؟
عندنا كتب عربي و رياضيات ندرس الاطفال باخر الأركان واللاصفيات اذا كان موسيقى فردية


النشاط النموذجي ؟
نشاط بنقدمه للوزيرة و كل يوم تدرب اليهال ساعه عليه ولازم تواجد جميع معلمات الفصل!!!


و اطفال القرآن والشعر وفريق اطفال يتنافسون و فريق الترشيد ؟
شارحين نفسهم بالصف تشكلية فريق لكل نشاط و تدربينهم


غير النشاط والحلقات والأركان و اللاصفيات

وبس ماكو شي عندنا كلششش

 

[3so0ola]

انتم اشفيييكم
طقااااق بالاداره معاشج ماشي ماشي مالج خلق عطي اللي عليج وبسسس كااافي
استثمار وبورصه ومادري شنو وفلووس اتطير والحساابه بتحسب بالاخر ياريت كلمه سنعه لااااا يا ابله ليش مو كاتبه المنبه والا ينقصون منج شي مو ناقص حتي لو مسويته...
لييييش ظلموا ؟؟؟
احنااا اللي علمناهم احنا اللي كل شي نقول صار وتم حتى المناوبات مو حقنا للإداريات ونقولهم تممم
يا ابله دفعي ركضتوا واختبيتوا كانه قاعدين تحت بنك والكل مديوون ومقترض
يا ابله فلانه أحسن منج رحتوا حسدتوها وحفرتوا لها وخو الربع مستانسيين عالهوشات مو يقولون فرق تسد
فلانه جاسوسه طقيتولها تحيه وخفتوا منها
الحق حق والظلم شييين
واطفالي اولا بشغلي واولا أني اجابلهم واحترمهم واسمع سوالفهم
والاداره بعدي عنها وغنيلهااا
ترا حتى الجاسوسات متأذين واكثر ناس تخسر بالأخير
بس اللي صح ومع ربه والله مايضيع ومايقدرون عليه لو من كان

واذا انظلمتي وحسيتي روحج وسط ذياب ماترحم تذكري انه عندج سلاح
سهام الليل لاتخطئ
بعد الساعه12 ربج يناديج يبي يسمع شكواج ...
لاتشتكين لرفيجه تدرون لييش بالروضه مافي رفيجه الا قليييييل والكلمه اللي تقولينها بدون قصد بتوصل للاداره قبل تكملينهاا الكل يبي يااكل من الكيكه لاكنهاا بعيده عنهم واذا حصلوهاا مابيستلذون بطعمها
داومي7وثلث وقعي واخذي عيالج وجهزي شغلج وسولفي مع الاطفال شوفي شكواهم وسوالفهم لذذذذيييذه ولهاا طعم فيها براءه وفيها فرحه وآجر قصي لهم قصه وسعي خيااالهم اللي صاااير ضححل الطفل كل ماكبر خياله كل ما ابدع وصار اذكى ...
قعدي وياهم لعبي تغشمري والمعلمات انسيي اي شي بينج وبينها وسولفوا بشي برره الروضه واذا سولفوا عن الروضه طلعي مو لازم تسمعين نغززه عنج او نغززه عن زميلتج

القافله تسيييير وال.....تنبح.....
واللي بيتكلم عليج قولي يؤوؤؤ ؤؤ حرااام تعب لسانه حتى المشرفه والموجهه
اذا شرحتي درسج وخلصتي وانتي مقتنعه لما تناديج وتقول سلبياتج لاتسمعييين دخلي باليمين وطلعي من اليسار ....
وعقبها طلعي من الدوام وانسيييه وانسي مشاااكله ورووحي تمشي واستانسي

معاااااج بكل كلمة بعد عمري والله

 

[عهود الحب]

رد : ++++++++ دوانــــــيـــة معلــــمـات الـريـــــاض ++++++++

قوة بنات

اشلونكم

كرستال اجتزتي الاختبار ولا لا ؟


اتصدقون بنات تعبت نفسيا من كثر التفكير و شدعوة درست
ياربي امانة ً شنو ندرس ؟؟؟؟
موحرام عليهم المفروض يعطونا دورة مبسطة
وبعدها مقابلة شخصية

 

[lolowawa1234]

امبييه عهووود اشفيييج

شددي حيلج وبلا سوالف مستوى اول بداية السنه
اهي شنو المقابله سلام عليكم
الهدف الشامل للتربيه وجم سؤال
تأكدي انه المقابله مو قياس لمعلوماتج لانه معلوماتج قاسوها وخلصو 14سنه يعصرون فيكم معلومات ووراها امتحان تعجيزي انفضوا مخكم نفااض لوووووووول

لاياعمري المقابله قياس لشخصيتج
دخلي سلملي عليهم بثقه
اهم شي الثقه
شلون بيعينون مشرفه بروضه فيها20معلمه كل معلمه يبيلها اسلوب تعامل غير عن الثانيه
اكييد بيختبرون شخصيتج

قولي لا اله الا الله وتعوذي من ابليس موو بس شياطين الجن حتى الانس اكو منهم شياطين

وقبل المقابله سوي صميمينه وانا وخيتج وترسيهااا زععتر جووود نطلع نفس الربع اياهم اهل الزعتر وساعتها مو يخلونج مشرفه لااا
يحطونج مراقبه

شدي حيلج وعلى طاري خبرة حيوانات ونباتات
ان لم تكن ذئبا.......

 

[عهود الحب]

رد : ++++++++ دوانــــــيـــة معلــــمـات الـريـــــاض ++++++++

هههههههههههههه ان لم تكن ذئبا اكلتك الذئاب
والله الذئاب الي بالروضة
تحطيم نظامهم
الحمدلله على كل حال
انا نفسيا ً مو مستعدة الحمدلله على كل حال
بس ماكو الا الزعتر
شكله يبيله كود يشتغل هالمخ
حبطوونا يقولون ما يبون هالكثر مشرفات
اللي تقول يبون 60 مشرفة واللي تقول بس يبون 50 والي تقولي بس يبون 30
انا شكو تقولون لي يعني نظام حبطني
ماعليه الله كريم
واللي له رزق بياخذه بياخذه

 

[lolowawa1234]

لووووول الطابور السابع بدأ بث اشاعاته
لا حبيبتي يبوون مشرفات ووايد والله نقص عندنا ماكوو مشرفات
خلي اللي بيتحجى يتحجى
والقافله تسير والشسمونه تتببببح لوووووول
اذا مانجحتي باخذ يافطه وأعلقها جدام مبنى ١ بالتربيه وأقول
بالرووح بالدم نفديج ياعهووود..
مو بس وزيرتناا الحين
هم بروح جدام بيت نوريه الصبيح وأقول..
يانوريه يانوريه ابله عهود ميه ميه لووووووووول عهوووود والله بستخف اكثر منج اذا مااجتزتي المقابله

 

[عهود الحب]

رد : ++++++++ دوانــــــيـــة معلــــمـات الـريـــــاض ++++++++

ههههههههههههههههههههه
اي والله
اليوم في وحدة قالت لي جذي وحدي تضايقت
بس حاجيت انسانة عزيزة علي
و قالت لي لو يبون واحدة بس والله كاتب تكونين هالوحدة بتكونين
لاتحاتين رزقج رزقج محد ياخذه غيرج
وانا ادعي ربي يوفقني
والله فشلة يا لولو عقب هالعمر اسقط جدام عيالي
بيمصخرني ولدي الكبير الله يهداه بسويها زيطة وزمبليطه
خو يبون الزلة علي
وبناتي كل شوي يمه درسي يمه درسي
شدرس ياحظي
خلاص تعقدت :/

 

[غلاي غير]

ابلات لو سمحتوا بسالكم
متى ان شاء الله تخرج 2 روضه اقصد حفلة التخرج متى تكون بشهر 5
ادري تو الناس بس احاتي ان شاء الله ولادتي بشهر 5

فاللي عارفه اكون لها شاكره بالخاص لو سمحتوا

 

[* @ * كرستال * @ *]

رد: رد : ++++++++ دوانــــــيـــة معلــــمـات الـريـــــاض ++++++++

قوة بنات
اشلونكم
كرستال اجتزتي الاختبار ولا لا ؟
اتصدقون بنات تعبت نفسيا من كثر التفكير و شدعوة درست
ياربي امانة ً شنو ندرس ؟؟؟؟
موحرام عليهم المفروض يعطونا دورة مبسطة
وبعدها مقابلة شخصية

لأ الله يعطيهم العافية // خلوني أسترجع شريط ذكرياتي بداية من التخصص اللي درسته أربع سنوات قبل الوظيفة
وسيرة حياتي اللي قضيتها بين الفصول و الأطفال و الوسائل والملف المليان انجازات
الى اللحظة اللي تمر علي بكل موقف بالوقت الحالي بالتحضير بالتدريس بكل الفترات بالفرصة بالمطعم
كل سنوات عملي و دراستي اختصروها باختبار تافه مايعتبر معيار للقدرات الشخصية والا شلون عندنا شهادة تخصص و مانجتاز اختبار من صميم خبرتنا و عملنا ... ان دل ذلك على شيئ فانما يدل على ضعف مخرجات رياضنا واصبع الاتهام يشار اليهم مسؤولينا ، والحمد لله أنا واثقة ان اسمي ماطلع ليس ضعفا فيني فعطائي متواصل
و لكن حركة مقصودة للتصفيات والابادة الجماعية .​