--- دوانــــــيــــة معــــــــــلمــــات الروضــــــــة بالصيــــــــــــــــف ---

[lovely jojo]

اعتقد 13/9 ......

 

[*أم*خالد*]

في موضوع منقول كاتبين موعدين لبدء الدوامات وانا مادري اي واحد فيهم لوووووول

تلقينه بقسم المعلمات جان قدرتي تفهمينه وتعرفين متى نداوم بليز علميني

 

[لحظهــ سكونــ]

السلام عليكم و رحمه الله و بركاااته

انا الكورس الاول تربية عمليه

حدي خااايفه من التدريس >>من الموجهه تحديدا

مادري اشلون راح يكون الوضع؟؟!!

 

[*أم*خالد*]

شوفي حبيبتي عاملي الأطفال بالحسنى بس لاتطيحين الميانه خلج معاهم طيبه بس اكو قواعد وقوانين
حلو ؟

شي ثاني انتي زهبي شغلج وقدمي درسج وسئلي اللي معاج وان شاء الله لاتحاتين شي

ولا تعتمدين على أبله وحده حاولي تتعرفين على ابلات الروضة وتسئلين كل وحده منهم عن الموجهة وشنو تحب وشنو تبي

والله يوفقج

 

[LeeMa q8]

مرحبااا .}}}

شلــــــــــــووونكم .ٌ.ً@!

 

[*أم*خالد*]

هلا ريانه تمام انتي شلونج

حياج الله تقهوي

 

[جبروت امرأة]

السلام عليكم و رحمه الله و بركاااته

انا الكورس الاول تربية عمليه

حدي خااايفه من التدريس >>من الموجهه تحديدا

مادري اشلون راح يكون الوضع؟؟!!

حياج حبيبتي لاتخافين ولا تحاتين

الوضع عادي كلنا مرينا بنفس هالمرحله والحمدلله عدت

انتوا اسمكم متدربات يعني مو معلمات

بس خلي شخصيتج مع الاطفال قويه وواضحه في تطبيق القوانين

ترا الاطفال اذكياء جدا جدا يعرفون اللي جدامهم

وراح يكون اول 6 اسابيع للتوجيه والارشاد يعني يصلحون من اخطاءج ويعلمونج الصح

اما 6 اسابيع الاخيره فتكون للتقييم يعين خلاص اخذتي شهر ونص تتعلمين لازم الاخطاء اللي سويتها قبل ماتتكرر مره ثانيه

وانشالله سهالات مع الممارسه راح يكون كل شي تمام

بس لازم تكون شغلج كامل وتحضيرج بعد ولا تعتمدين علي اللي موجود بالروضه يعني شغلج كله معاج من وسائل وادوات ممكن تستخدمينها بالنشاط مالج

وانشالله بالتوفيق لحظه سكون

 

[جبروت امرأة]

محد رد متى الدوامات

هلا حبيبتي شموع

احنا المعلمات نداوم 13 - 9 الاثنين

اما الاطفال يداومون 21 - 9 الاربعاء

 

[شمووووع الليل]

شكرررررررا حياااااااتي عالرد

 

[مخروووشة]

بنات عيزت اسال محد رد علي


روضة الشاميه اشلونها ضروري

 

[lovely jojo]

^
^
^
ماعرفها ...

 

[3so0ola]

قووووووة ابلااات
ترى فرزوا النقل الخارجي برياضهم
اليوم عرفت روضتي

 

[عهود الحب]

رد : --- دوانــــــيــــة معــــــــــلمــــات الروضــــــــة بالصيــــــــــــــــف

قوة بنات
اشتقت لكم
حييييييييييييييل كثر شوقي للسوق




ما عاد باقي عالداوم الا 6 اسابيع مدري خمسة

نصيحة من انسانة مجربة

استمتعوا بكل لحظة من لحظات العطلة ولاتفكرون بالدوام ابدا نهائيا نهااااااااائيا



استانسوا بكل لحظات العطلة اطلعوا تمشوا وسعوا صدوركم
و رمضان قرب يعني احلى من جذي ماكو



احنا نجتمع هني عشان نوسع صدور بعض ما نبي شي يغمتنا و يسبب لنا انهيارات عاطفية
و مانبي نتذكر ذكريات موشي



وسلامتكم




سهرانة على برنامج [ Amirecas Got Talent ]

مشكلة ميولي كل شي اجانب بأجانب ما احب القنوات العربية احس تسبب التخلف

 

[عهود الحب]

رد : --- دوانــــــيــــة معــــــــــلمــــات الروضــــــــة بالصيــــــــــــــــف

ام خالد لما تكلمتي عن النحاسة
كلامج صحيح
تدرين
في عضوات تبارك الرحمن خدومات وحبيبات
بس في نسبة كبيرة من البعض فيهم نسبة نحاسة مو طبيعية
لدرجة بس يدشون يتطمشون ويدقون سلف
حتى منتدى المعلمات
كل المعلمات الي فيه باختلاف اقسامهم قاع يتساعدون بأفكارهم
بس هني

مو طبيعية السالفة

احس النحاسة الي بالدوام تنعكس عالمنتدى نفسه
و سبحان الله الانسان الخدوم

الي يحب يساعد لوجه الله يساعد بكل مكان
سواء بالنت او بالدوام نفسه

انا مرات اقعد بالدوام و يدشون علي طالبات التربية العملية و اقعد اشرح لهم حيل ومرات نرسم كروكي للمسابقة او للمشروع
او حتى طريقة المثير
و بس تخلص و تطلع البنت
يمسكوني الابلات شحقه تتعبين نفسج وتعلمينها
استغرب
يعني انتم ما تبون تعلمون شي لوجه الله
خلاص لاتمنعون الغير من المساعدة
او يا كرههم لما يسألوني تعرفينها ؟ شعرفج فيها

يعني ما اساعد الا الي اعرفها ؟ او تقولي اي عشانها من قبيلتج [ يعني الواحد ما يساعد الا علشان عنصرية او مصلحة ؟؟ ]



مرة في معلمة زميلة كانت قاعدة و جذي تسولف معاي بالصف
دشت طالبة و سألت شغلات و خلصت و راحت
قالت تدرين البنت هذي شكاية و راعية مشاكل


ما تستاهل احد يساعدها
سبحااااانك ياربي

عشان بطلت حلجها و قالت بس تعبتوني انا طالبة مو معلمة صارت شكاية !


انا استغرب من نحاسة البعض مع الطالبات

ليش احنا ما كنا بيوم طالبات ؟؟؟؟؟؟؟؟؟؟؟
ما كنا صغار و جاهلين بأمور التدريس و فنونه

ليش ما نحس فيهم ؟
مادري ليش الابلات فيهم نسبة كبيرة من النحاسة بالمعلومة او الفكرة


ترى الافكار ما تموت
كل يوم تنولد فكرة جديدة

والابداع يولد ابداع

والابتكار ماله حدوود

والفكرة الي تنجح معاج ممكن ما تنجح مع غيرج

فما فيها شي لما تفكرين تساعدين الغير لوجه الله


ترى المعاش ماخذينه ماخذينه
و الدوام مداومينه مداومينه

بس لما نسوي خدمة لوجه الله
محد رابح كثرنا


ترى الربح الحقيقي
الكلمة النافعة
والعلم النافع




و احنا ما نبي من هالدنيا ترى الا الذكر الطيب و عاد يا قل الذكر الطيب بالرياض
ياكثر الظلم و الحش والقيل قال بالرياض و ياكثرها من ذنوب


ياااااكثر قرقتي عاد :/


انا قراري للسنة الجاية

كلش ما احش
ولا اشارك بالحش
و أمنية حياتي يمر اليوم كله بالروضة بدون حشة من هني و من هناك
شلون مادري :rgewrg:
بس عسى ربي يكون بالعون

 

[ملاك-77]

مرحبا اشلونكم؟؟

عهود الحب الحمدلله ع السلامه
ومبروك على المشتروات وتكسرينهم بالعافيه
<<<<<<<< متابعه موضوعج (ياناس دلوني درب المواعين وينه )


عسوووله مبروك النقل والله يوفقج يارب

 

[عهود الحب]

رد : --- دوانــــــيــــة معــــــــــلمــــات الروضــــــــة بالصيــــــــــــــــف

مسلسل الحش بالروضة كمثال يعني

ندش من الباب نحش بالحارس شكو يخز واذا علينا مناوبة يا نحش بازواجنا تسلطوا امس الا عشا ولا ما وصلنا مبجر
ولا نحش بالخدامة

خلصنا نحش بوليات الامور
نمر بطريق الحش عالوكيلة والتوقيع
واذا زميلة جت متأخرة
هم حشينا فيها
كله تتأخر ومحد يحاجيها
نحش بالابلات شكو ما ياخذون عيالهم مبجر
طق الجرس نحش بالمكملة الزميلة بالصف شكو ما جت تستلم لازم اوصلها الاطفال يعني
خلاص بوصلهم للصف مو معقولة امسك النشاط بدال حضرتها تتسلط تستأذن باليوم الي ماعلي نشاط [ كله تصير فيني ]
عقب نحش بالابلة الي عليها النشاط [ وع شهالفقرة من صجهم هذولي
واذا لابسين شلابسين شهالهلاقة
ندش عاد عالحلقة
نحش عقب بالمشرفة اذا حضرت لنا وعقب


7
7
7
7
7
اكمل :/


ستين الف ذنب واحنا للحين بالحلقة ما رحنا للمطعم

احس الروضة من مسببات الحش

 

[ملاك-77]

عهود الحب

قواج الله على هالنصايح
فعلا الانسان لازم يخدم الناس يساعدهم
لانه مرده بيحتاجهم بيوم من الايام

 

[ملاك-77]

عهودالحب


صاااااااااااااااااااجه هذا نموذج بسيط ليوميات الروضة هههههههه
بس لازم نحط حد للحش والله مع ان مانقصد نسيء لأحد
او ممكن ينتقل الكلام لوحده من الابلات بطريقه غلط بس في ابلات الله يسامحهم
ينقلون الحجي حق الابله و تزعل وتشيل بخاطرها وتبدأ عاد تتصيد عليج ..الخ

 

[عهود الحب]

رد : --- دوانــــــيــــة معــــــــــلمــــات الروضــــــــة بالصيــــــــــــــــف

الله يبارك فيج ملاك
والله ما ودي يتكسرون مع انه هذا دعا زوجي على مواعيني
تسلمين حبيبتي
شفت مراكي ومساند ظهر بغيت اشتريهم لديوانيتكم بعدين هونت
احس ديوانيتنا الي يليق عليها النظام الي تصير القنفة ام براطم
للحين منها ولا انقرضت ؟

 

[عهود الحب]

رد : --- دوانــــــيــــة معــــــــــلمــــات الروضــــــــة بالصيــــــــــــــــف

فديتج ملاك
الكلام حايشج حايشج
مدح ولا ذم
بس تدرين مووووو مهم
تدرين انا اسمع كلام عني بدوامي يشيب الراس
وان ما تكلموا اشوف الكلام بعيونهم

بس تدرين ليش مطنشة
لأنه ما يخلي الناس تتكلم الا زود القهر والحرة والغيرة
والحريم ما يغارون بشكل عام الا من الانسان الناجح



فان تكلموا عنج اعرفي انج مميزة
عشان جذي تتسلط عليج الاضواء

طنش تعش ولا تواجهين احد ولا كأنج سمعتي شي


نصيحة
استعبطي


من الذكاء أحيانا ان تتصنع الغباء

احيانا الاستعباط احسن حل وحتى لما تسمعين كلمة موب زينة بحقج قولي

هااااااااااا
تصيمخي

صيري فجأة صمخة


صدقيني التصيمخ هذا شنو يقهر نااااااااااااااس يموتهم قهر
لأنه في ناس حاشاج تداوم عشان تناطح خلق الله
ثيران مو بشر