دوانــــــيـــــة معلـــــــــــــــــــــمات الـريــــــــــــاض *حياكم*

[الوميض]

الحمد الله وصلت ورقة نقلى الروضة شزينها والمعلمات بيهبلون وأحسهم قلب واحد ماحسيت بإنى غريبه بينهم ومشكورين خواتى على دعائكم لأمى الله يوفقكم إنشالله​

 

[داري بلا أحباب]

السلام عليكم

معاكم داري بلا أحباب من ممكلة البحرين مدرسة رياض اطفال في ممكلة البحرين اتمنى الاقي ترحيب و اكون خفيفة عليكم

 

[nero]

حياج الله

كلمينا شلون الرياض بالبحرين انا سامعه انها مختلفه تماما عن الكويت

 

[الوميض]

مساء الخير بنات أنا الحمد الله إنتقلت للروضة اليديده بس فى مشكله أحس الإداره على المعلمات متخوفين منى جنى بعبع يعنى بيكون فيه شغل بس محد بيطلب منى بس سجلت إسمى معاهم بقوائم لما اروح لهم بقولهم شنسوى كل واحد مادرى مايعطينى رد لما اروح للمشرفه هم نفس الشي جنهم خايفين منى مادرى هلإحساس فينى وفي رفيجتى هم هى بعد الروضة متخوفه منها كل ناس تنتقل شمعنا انا يعنى ومعاى مربية فصل كل مستغربه منى اتقولى شلون تحفظينهم نشيد الأركان وماعلمتينى قلت لها كل وحده وطريقتها كل تجعمنى وخبرتها 6سنوات وانا 10 سنوات تبى تركب على بقولها لاكلمونى الإداره نتوحد النشيد بعدين أنا أبى أبرز جدام الناظره مايصير آخذ آناشيدها ضحكتنى طايحه فيها تجعم بروحى أنا مستويه من الروضة القديمه تطلع لى وحده تتحكم فينى ناقصه انا حاليا ماشيه معاها بالملى فاقده مربيتى القديمه سنعه كانت تخلى الفصل اسوى فيه إلى أبيه عكس هذه شيلى أغراضج ومايصير ومادرى شنو نحيسه اهى ماتدرى عنى بأنى راح أسفطها 10 صفر بالتدريس من تشوفنى أحفظهم نشيد تستخف وعيونها تطلع شسوى معاها اتقول لا مايصير ماقلت لى وشلون تحفظينهم بس جعمتها انا قلتها كيفج انتى حفظيهم نشيدج وانا نشيدى ​

 

[داري بلا أحباب]

nero هلا اختي و الله صراحة ماادري من اي ناحيه تبين اقول لج عن تدريس رياض الاطفال في مملكة البحرين اول شي عندنا منهج نمشي عليه نسوي عليه خطط طبعا منهج كل مستوى بختلف
عندنا ثلاث مستويات الاول و الثاني و الثالث اممم صراحة ماادري شقول لج سألي اي سؤال و بجاوب لج بعد

 

[داري بلا أحباب]

الوميض انتي ليش قلبتي صراحة صعب الواحد يحصل له مكان يرتاح فيه بسرعه

 

[LeeMa q8]

الوميض حلاته نشيد الاركان موحده !

وبعدين صدقيني بتبرزين روخج بدروسج والله يوفقج

 

[الوميض]

بس المربية أصغر منى بالعمر وأنا أكبر منها ماحب أحد يتحكم فينى لانى طالعة من روضتى مكتفيه ياما ناس صعدت على ظهرى فماراح أسمح لأحد يستغلنى لو كنتوا مكانى ماراح تلومونى أسوى جذى بس أنتوا ماجربتوا شنو صار معاى قبل فحاليا بضع حدا ماأسمح للمربية تتدخل اهى شكو ماهى موجهه ولامشرفه باخذ الحجوة من الراس الكبيره المسؤله مو منها بعدين ليش انتوا قلبتوا على من حقي أعبر شغله موعاجبتنى فبقولها إحنا فى بلد ديمقراطى بعبر والشغله الى شاغلتنى الأطفال المربية ماتسيطر عليهم يعنى راح يصير ضغط على وسبهلله وهلشغله نرفزتنى بصراحه راح تخلينى أشد وهى ترخى معاهم بارده ناقصه انا علة على قلبي أستغفر الله ياربي بس هم راضيه شي أهون من شي بحاول أبدى من جديد​

 

[داري بلا أحباب]

الله يساعدج يالوميض و يسهل عليج يارب

 

[nero]

الوميض

ما انصحج تبدين بشدة مع روضة يديده

يمكن يطلعون ناس زينين واحسن من الي قبل انتي حكمتي على الكل نفس الحكم وهذا اكبر غلط

تفاءلي خير بمكانج اليديد وتعاوني مع المربيه لان لو بديتيها بعداوات صدقيني ما راح ترتاحين

هذا المكان بتقعدين فيه 5 ساعات من يومج مجابله الي معاج حلو يكون بينكم الفه وروح طيبه مو مشادات ومنافسات وانتو صف واحد

 

[تعبت من الرجيم]

الوميض حتي لو انتي اكبر واهي اصغر!

الاتفاق حلو،،
اتفقوا علي نشيد واحد كلكم فيه ،، مو عذر انتي اكبر خلاص كل شي يمشي علي الي تبينه جذي بتخسرون بعض وتصير السنه كلها توتر

 

[تعبت من الرجيم]

بنات بسآلكم
شتسون مع المديره الي تغصبج تدفعين ،،
وانا قطيتها بوجها وقلت لها الوزاره محذرتنا ندفع فلس واحد،،
وردت علي عيل حلمي بالامتياز وماساوي الي تقط مع الي ماتقط،،
والله الشاهد قطيت 300 دينار علي الصف وكل يوم تروح وترد وتقولي ناقص وناقص وغيري هذا ومابي هذا واذا قلت ماعندي اللحين تقولي محد قالج وافقي تمسكين صف ،،قلت لها امسك صف واضبط خير الحكومه الي معطتني اياه احطه بمكانه الصحيح قالت لا تمسكين صف يعني تقطين فيه وبينزل لج كادر بعد يعني في ميزانيه


بنات والله محتررررره من طريقه كلامها انا اول سنه عندهم وصدمتني والله بكلامها
ودي اشتكي عليها بس انا خوافه صراحه اخاف تدرين اني انا المشتكيه وتسويلي سالفه والله تكرهني بالدوام :eh_s(11):​

 

[Eva-SS]

تعبت من الرجيم

حريتيني شلون ترضين تكلمج جذي .. يعني تقيمج على جم دفعتي ؟


انتي من قبل عطيتيها وجه شنو قاطه 300 دينار على صفج والله مادفع لهم ولا فلس واي شي بالصف نقص اطلب من الناظرة تدفعه انا مو ملزومه فيهم .. انتي عودتيها تدفعين وناظرتج ماتخاف ربها ولا تستحي

وبعدين شكله روضتج فيه مدرسات يدفعون .. مشكلة والله فيه مدرسات يغثووون يخربون على الباجي مادري فلوسهم لاقينها بالشارع

انتي ابدعي بشغلج ولاتخلينها تمسك عليج ممسك اما بالنسبة للدفع لا تدفعين شي كل شي اطلبي منهم حتى قرطاسيه يوفرون هذا اللي احنا نسويه ومافيها شي اذا تمادت عليج اشتكي عليها ولا دوري لج واسطة وروحي ندب لروضة ثانية هذي مو كفو تصير مديرة

 

[تعبت من الرجيم]

اي والله لابلات دفيعاااااات ونص

تخيلي استقبال الاطفال الابلات جايبين فرقه علي حسابهم كل ابله قاطه عشره
والفرقه نظمت لهم حفل
لان الناظره ماتبي الا جذي ماتبي فعاليات كل صف بروحه
يعني الوضع عندهم عادي والله لما تكلمت ردت علي ابله قالت انتي ماعندج اعيال ومصاريف ومستخسره هال١٠ دنانير

هال١٠ اكفل فيها يتم بشهر ابرك من اني اقطها بالروضه وافلوس الروضه تروح للاجتماعات والحفلات والبوفيهاات !!!

 

[الوميض]

بييييييييييييييييه شنو هذا ماألومج أختى الله يعينج أنصحج ماتخلينها مال تهديد بالوزارة لازم مستمسك عليها تسجيل شي انا بصراحه روضتى ماقطيت فلوس الناظرة تبى فواتير أييب لها وتعطينى فلوسي الظليمه شينه بس حاليا أعانى من شغلة بسيطه سالفة المربية الى تخلينى وتطلع واليوم الحمدالله يابوا بنت ميدانى على قولتهم كبش الفدا عشان تاخذ مكان المربية وانا معاها بس اليوم إنكرفت من الصبح بس إرتحت ثلث ساعة تقريبا ومن الفرصة لحد آخر الدوام ماسكه ومربية طالعه شغل ناظرة ولاقالت لى ماتستحى والموقف الخايس تدش الناظرة على وتقولى ماتعطينى لاصفي سلوكيات بلعتها وسكت وماقلت مربية طالعه تشتغل عشان انا يديده بس باجر بمسكها وبقولها تمسك حصتها بعدين تطلع انا بشر مقدر اتحمل​

 

[أم*سلمان]

مووفقه

 

[غلا الطنايا]

سلآآآآآمون معلمآآت ..
بأسألكم شلون رياض الأطفال وتهقون هو أريح ﻣ̝̚ڻ ابتدائي. بليئييز أبي الرد

 

[الوميض]

لا حبوبه كله تعب نفس الشي اللهم الفرق الوحيد ماكو تصليح إمتحانات عندج إستعداد تمسكين جدول ساعات شبه كامل وتصيرين طرزان ولا تتكلمين إذا الأبله الى معاج تسوى شغل الناظره أنا تحجيت الناظره بكبرها يتنى بالصف وجدامى طلعت زميلتى وخلتنى أمسك الصف عنها شي يبط الجبد وين طاقم السكرتاريه ليش هم مايشتغلون نصيحه منى كله تعب إستخيري وشوفي ماكو شي سهل لحد يقص عليج​

 

[داري بلا أحباب]

الله يشافي امج و يعطيج لي في بالج و يتمم لج

 

[وردة الجزائريه]

علومكم يااهل الدوانيه ش الجديد والاخبار

بنات الحين مو شغلتي صح افرغ الوحدات واكتب تخطيط واختارمفاهيم
هالروضه غبيييه والمشكله اربع اداريات وع الفاضي لازم تجي الوحده تنح عندك اكتبي مفاهيم وحدة روضتي مثلا حطي تخطبط وش الحرف ... الخ وهي بس تطبع شدعوه ع ابو انهم منقولات من ثانويه وماتعودوا

المشكله المديره مسويه فيني جميل قبل ومابي اجحد وتقول يوم ساعدتها العام طنشتنا هالسنه وصايره ام الفزعات هههه مشقيه عمري
جد ملل كل شي يحطونه براسنا لو عاملات النظافه سوو شي قالوا اسالو الابلات
اووف