دوانيه البطاليه حياكم (للبطاليه فقط)!!

[BaTTy]

مسااا النور يالبطاليات لوول
شلونكم شخباركم ؟

 

[BaTTy]

عندج معهد الدراسات المصرفيه يعطونج دورتين icdl وانجيلش
ببلاش بس بشرط يتوقف اسمج مؤقتا بالديوان لين تخلصين الدورة ويعطونج معاها مكافئه شهريا
انا كنت بدخلها بس قلت حرام رقمي قريب ومالي خلق انطر 4 شهور ونص

ثانكيووو عالرد
والله خوش شي بس المشكله انا مو كويتيه امي كويتيه ما ينفع :eh_s(22):

 

[spanish-girl]

مساء النورbatty شلونج نورتي

 

[دالياQ8]

هاي بنات تقبلوني معاكم

 

[جالكسية كويتية]

اكيد حياج الله معانا

 

[spanish-girl]

اكيد داليا منوره حبوبه

 

[دالياQ8]

تسلمون ياقلبي منور بوجودكم

 

[spanish-girl]

شلونج داليا شخبارج انتي بطاليه؟ واذا اي من وين متخرجة؟

 

[BaTTy]

ان بخير الحمدالله
انتو شلونكم شخباركم ؟

حياج الله داليا و ان شالله قعدتج ما تطوول بهالدوانيه بس يعني حياج الله <-- فاهمتني؟ لوول

سبانيش شنو شهادتج انتي ؟؟ قانون ولا انا غلطانه ؟

 

[spanish-girl]

لا منتي غلطانه شهادتي دبلوم قانون

وانتي شنو شهادتج؟

 

[BaTTy]

انا تربيه فنية

 

[spanish-girl]

يعني انشاءالله مدرسة تربية فنيه من متى مقدمة على الديوان

 

[BaTTy]

مو مقدمه على الديوان ( مو كويتيه )
و توني انا خريجة كورس اول ان شالله الاحد بروح اخذ شهادتي و بروح وزارة التربيه اقدم
سمعت انه ما يوظفون غير كويتيين الي تخصصهم مواد مو اساسيه بس مو متأكده من هالحجي
و هم حاطة سالفة اني اقدم على شركات ابالي و نشوف شالله كاتب
و انتي مقدمة بالديوان و خاص ولا؟؟

 

[spanish-girl]

مقدمة على الاثنين بس بالخاص توني قبل اسبوع مقدمه والديوان من زمان صارلي سنه بطاليه والخاص قالتلي بنك تبين قلتلها لا ما ابي رفضت

 

[BaTTy]

شغل البنك حلو رفيجتي توها مشتغله بالتجاري قريب السنه و تقولي تعالي عندنا الكول سنتر يبوون
بس انا الي احاتيه سالفة الحرام

 

[spanish-girl]

امممممممممممممممم انزين وين حاطه ابالج تشتغلين

 

[BaTTy]

ويييه الله يعينج سنه قاعده بطاليه
تحبطت
انا شهر و بدت تلوع جبدي لول :>

 

[spanish-girl]

شاسوي يا Batty الله كريم انا لايعة جبدي بس شاسوي حظي الزفت الي مطيحني بهذا التخصص الي يلوع الجبد وماله مستقبل

 

[BaTTy]

شوفي خل اقولج قصتي
انا مادري شفيتي ما فكرت قبل لا ادش تربيه
تخرجت نسبتي 75 قالولي روحي العديلية رحت خذيت ظرف شفت انه التربيه يبون 75 سجلت و سجلت تجاري جم رغبه
قبلوني تربيه و انا حطيت فنيه لاني احب الفنيه و والله ولا ابالي اني اصير مدرسه :s
ادري غباء شوي و بس دشيت و مشيت و الحين توهقت لاني ما ابي
ودي شغل اداري
يعني نفس جذي شغل التأمينات
خاطري اشتغل بزين عادي عندي اشتغل بالكول سنتر يعني احس الي يصلحلي شغل على الكمبيوتر على التلفون جذي
و محد قعد ينصحني بمكان اهلي كلما قلت شي قالوا كيفج :\

 

[BaTTy]

حبيبتي يالله ميخالف هذا الي الله كاتبه و الحمدالله
الله يعوضج خير ان شالله عن هالسنه لا يضيق خلقج :*