دوانيه شلة منتظرات نتيجه عملية اطفال الانابيب والحقن المجهري

[منوة الزين]

من اليوم العاشر ...


بششششرينا متفائله خييييير

 

[H.al]

قصدي اسويه صبح ولا اي وقت قلت حق ريلي يبلي واحد معاه
للحين ماسويت
يارب يامنوه يكون تفائلج بمحله يارب ....

 

[منوة الزين]

بأي وقت الدجيتال يبين لج الحمل بأي اسبوع

انا طالبته ... شوقتيتي احلل ...


يارب يارب حوامل

 

[H.al]

يارب نفرح بعض يارب يكتب لنا فيه خير معنه ريلي مو مقتنع بس انا قاعد احسن

 

[منوة الزين]

امين يارب ان شاءالله خييييييير

 

[H.al]

حسبتج تحمستي تسوين تحليل ...يارب يفرح قلبج ويرزقج كل خير
ويطمن قلبي يارب

 

[منوة الزين]

ان شاءالله خير متفائلين

صبرنا والله يفرجها
والحمدلله على كل حال



ان شاءالله احلل وابلغكم باللي يطلع لي



وتبشرنا مش حائول مفروض محلله ...

 

[مش حائول]

بنااات الحمدالله والشكر لك يارب ابشركم انا حامل رحت اليوم بعد ماضغطت على زوجي وحللت هرموني
يارب عقبالكم والله ارتجف وخايفه يارب اكون بشارة خير عليكم

 

[مش حائول]

والله يا بنات كل اعراض الحمل الي اعرفها اختفت حتى نبض السره الي اتفائل فيه وهقني صار ينبض واتضايق لاني اذا حملت يوقف النبض مجربتها
وصدري ولا وجعني ولا حتى قسى عااادي الي بس حسيته وجع الدوره بيوم الدوره مت قعدت من النوم من وجعها سبحان الله سبحانه الدايم
يارب افرح فيكم كلكم

 

[BARBI]

حبيبتي مش حائول مبرووووك
وإن شاء الله تكونين بشارة خير
ع منوة الزين وh ..
ربي يتمم عليج ياعمري ويثبت حملج يااارب
وتفرحين بسماع نبض البيبي ...

 

[منوة الزين]

الف الف الف الف مبرووووووووك


الله يتمم لج على خير


ويفرحج ويفرح زوجج وبنتج



الحمدلله والشكر لله


انج بالي ومتفائله فييييج



وعقبال ياااارب hفرحيييييينا

 

[H.al]

الف الف الف مبروووك الله يتمم عليج يارب على خير
فرحتلج والله
ان شالله تكون بشارة خيررعلينا يارب
ماشالله ولا حوله ولا قوة الله بالله
الله يتممرعليكم فرحتكم
وتبشرينا منوه الزين بحملج

 

[منوة الزين]

الحمدلله




الحمدلله



الحمدلله

بنات توني حللت


وطلع لي حمل اللهم لك الحمد والشكر يارب



يارب ان شاءالله يبشروني يوم الاحد وتكمل فرحتي


شوفو الصوره حملتها لكم

 

[منوة الزين]

عقبال ماتبشرنا h


ياااااااااارب

 

[منوة الزين]

بنات اكلمكم وقلبي وجسمي مادري شعور لايوصف


الله يتمم على خيييييير

 

[BARBI]

منوة الزين حبيبتي مبروووووك وربي يتمم عليج
ويثبت حملج يااااارب وتفرحين بسماع نبضه ..

الفال يارب ل h

 

[منوة الزين]

باربي يبارك بعمرج ياقلبي


امس حللت تحليل عادي وبين خط خفيييف... حللت ديجتال والحمدلله بان معاي ......

 

[BARBI]

حبايبي وايد فرحت لكم الله يشهد
قاعد اكتب وانا ابتسم وفرحانه لكم

منوة الزين قاعد اذكر تجاربج اللي قبل
واقول الحمدلله اللي ربي عوضها ..


يالله h فرحيناااا

 

[BARBI]

باربي يبارك بعمرج ياقلبي


امس حللت تحليل عادي وبين خط خفيييف... حللت ديجتال والحمدلله بان معاي ......

الحمدلله ربي لايخسر لكم تعب

 

[BARBI]

بنات ديروا بالكم واحرصوا على نفسكم
لاتتعرضون لمضاعفات الحمل نفس
ماتعرضت انا له من بداية الحمل وانا كله بالمستشفى
لين ولدوني .. والحمدلله الله حفظلي البيبي ..