دوانيه شلة منتظرات نتيجه عملية اطفال الانابيب والحقن المجهري
- بادئ الموضوع كبرت وراحت على
- تاريخ البدء
السلام عليكم
شلونكم بنات شخباركم
انا طبعا مو يديده عالمنتدى ولا على هالموضوع بالذات
شاركت فيه بتجربتي الاولى باطفال انابيب و فشلت و بعدها ماقمت اشارك و ربي لك الحمد عدت العمليه عقب اربع اشهر و حملت و مابغيت اكتب تجربتي بس كل يوميا ادش المنتدى هههه
ماراح اتكلم عن تجربتي الاولى بس شي بسيط ان كانت بالحكومه وحده الخصوبه بمستشفى الولاده عند الدكتور عبدالرحمن السري
الحمدللله انا ماعندي مشكله وحملت طبيعي اول حمل بس بعدين ريلي طلع عنده دوالي و سببت له ضعف بالحركه و العدد كان ١٧ مليون
اول عمليه فشلت من الله الحمدلله يعني من اليوم ٩ حللت هرموني ماكان في حمل طبعا قبلها بيوم نفسيتي بالحضيض قمت ابجي مو عارفه وضعي شنو فرحت استعيلت و حللت و ارتحت خلاص و قلت بسسس مابي اعيدها ههههه
الصدفه ان يوم حطولي موعد مع الدكتور عقب يومها قلت بس مابي اروح ولا يدقون و يقولون لي لازم اتيين عشان الدكتور يحدد لج موعد العمليه الثانيه لأن بسافر
وانا ماتوقعت يعني عشان اول عمليه طولت ١٠ اشهر على ما يا دوري فماكنت متوقعه
المهم رحت له و كان هذا شهر ١٢/٢٠١٧
قالي موعدج شهر ٢ صدمني ماتوقعت ان جذي مبجر
صار شهر ٢ و يتني الدوره و قالي تعالي و عقب دزلي مسج ان المختبر مسكر عشان عطلة العيد الوطني و اصلا انا لو مسويتها جان اصلا قبل العطله بس سكت و قلت يالله خيره
و سبحان الله انا متزوجه خمس اسنين و كل ما ابي اروح العمره مايصير
ووقتها شهر ٢ قلت حق ريلي ابي اروح العمره و يومين جان نحجز معنه قبل كل ما اخطط مايصير و حجزنا و رحت و دعيت وااااااااااااايد ان الله يرزقني توأم بنت وولد
رحت ٣ ليالي رديت ٢٨ فبراير و ٤ مارس يتني الدوره
و طبعا سبحان الله دكتوري ماشفته ههههه
كل موعد عند دكتوره كنت
بس ان دكتوري قبل كان كاتبلي بورقه شنو المنشط اللي اخذه لأن انا قلت له زيدلي المنشط عشان تطلعلي بويضات اكثر لأن انا شايله مبيض من ثمان اسنين فعندي بس واحد يعني العدد يطلع اقل
المهم
خذيت المنشط و كل شي تمام و يوم العمليه طلع عندي ٨ بويضات الحمدلله
و عقب وانا راده بالسياره لاعت جبدي من البنج و شربت عصير برتقال و رديت البيت جان ارجع تكرمون
و كان عندي عوار فقلت خلاص انا ماني متحركه مو نفس المره اللي طافت طلعت و جذي قلت مابي اتعب نفسي
و دقو علي ثاني يوم قالولي ٣ تلقحو و انا عمري ٢٩ فيردون لي بس ٢ وانا ارجع اجنه اليوم الثاني يعني اسوي العمليه الخميس و السبت الترجيع جذي
المهم ليلة السبت ياني مغص كنت ببجي منه غازاااااااات جنها طلق تذبح من العوار مافجت الا الفير لما حطيت مطاره حاره و قلت شكله بتتكنسل العمليه بس الحمدلله الصبح ماكو شي
اي واللي سوالي العمليه دكتور حاتم مطر اللي اهو استشاري بعد بمستشفى الهادي
و يوم الترجيع كان نفسه
يوم الترجيع صادفت مرا يايه بترجع مجمد مال ٣ اسنين و انا يوم يا دوري علبو اهيا وراي
و يوم خلصت قالولي خلج شوي ارتاحي بنفس المكان يعني ما نقلوني غرفه ثانيه فماتحركت كلش قلت لهم وين اللي وراي قالو اجنتها ما تصلح و سبحان الله خيره تميت يمكن ثلث ساعه من ورا الترجيع بمكاني رافعه ركبي و منسدحه بس ليما خلاص ماتحملت ابي اروح الحمام
و عقب هم نطرت الويل جير فقعدت بكرسي منسدحه بعد
المهم اللي صار ان فترة الانتظار شوي اختلفت عن المره اللي قبل
كنت اشرب حليب و عصير تفاح و اكل خيار و اشرب ماي وايد هذا اكثر شي
و كنت ارتاح قد ما اقدر
بس اول يوم صليت وانا قاعده يعني وقت السجود اقعد وحتى الوضوء قلت برفع ريلي و اتوضى اذا الله كاتب الحمل بصير
و ثاني يوم قلت خلاص بصلي عادي لأن السجود يوصل الدم لي الرحم
و هم بلشت اكل بيبي اسبرين
و سبحان الله صليت يمكن يوم واحد و بعدها خلاص تم عندي عوار ماكنت ماخذه راحتي منه ماقدر اسجد و اقوم يعورني رحمي
و هالفتره هم طلعت ٤ يوم رحت مدرسة بنتي كان وقتها عيد الام فرحت شوي صورت وياها بس
و يوم كملت اسبوع كان يوم عيد ميلادي و رحنا تعشينا بدار الاوبرا و مشيت شوي
بس اغلب وقتي كنت ارتاح لأن صج كان عندي عوار مو نفس قبل
بس نفسيتي كانت واااايد احسن كانت عاديه كنت اقول حق ريلي اذا حامل او مو حامل احس عادي عندي
نطرت لي يوم التحليل
بس قبل يمكن ثلاث ايام بنتي كانت شووووي مسخنه و طابت نفس اليوم
و انا قبل يوم التحليل بالضبببببط يوم كامل يتني سخونه فجأه فجأه يتني بالليل و ماراحت الا ثاني يوم بالليل يعني ٢٤ ساعه جذي مدتها استغربتها بس كنت اقول يمكن بنتي عادتني بس انا سخونتي كانت وايد يعني كنت ارجف وانا نايمه و تعباااانه و صرت زينه يعني عقب فجت عني و الصبح رحت احلل كان يوم ١٥
وحللت و قالولي بعد ٣ ساعات تطلع النتيجه و رديت البيت وانا ميته بالفراش ناطره يدقون وبيدي خاتم الاستغفار طبعا ما استغنيت عنه
و ادق عليهم محد يشيله ادق على قسم العمليات يقولون الحين نشوف و نخليهم يكلمونج و صرت ناطره ٥ ساعات وانا على اعصابي و قلبي طول الوقت يدق حييييل يوم رن التليفون ولا تكلمني المصريه مو نفس ذاك المره السستر الهنديه
فحسيت ان في شي
جان تقولي مبروك حامل و النسبه حلوه ٥٠٠ و شي
انا هني بطيتها بجي اهيا خافت تناديني تناديني وانا مو قادره اتكلم و ابجي ابجي ههههههه
و ثاني يوم بالضبط عقب ٢٤ ساعه رحت طيبة كلينك و عدته و كان متضاعف صاير ١٠٠٠ و شي
و بسسسسس الحمدلله
عقب يوم كملت ٦ اسابيع و شي رحت مستشفى الراشد اسوي سونار بتأكد يعني مافيني صبر لي موعدي
واهو توه حاط السونار وانا قاعده ادعي بسم الله الذي لا يضر مع اسمه شيء في الارض ولا في السماء و هو السميع العليم ولا يقولي توأم
اللي ماقدرت استوعب
وبس اللهم لك الحمد
بس كنت حدي خوااافه فهالحمل و تقريبا كل اسبوعين رايحه مسويه سونار هههههه
و الحمدلله طلعو بنت وولد نفس مادعيت
و الحين انا بقالي اسبوع و ادش السابع و دعواتكم اوصل لي التاسع بالسلامه
و بخصوص الحمل بتوأم بدايته عاديه يعني بس من السادس عذاااب ثقل و خاصه وقت النوم و القلبه من جنب لي جنب
و طبعا من بداية الحمل وانا ما فارقت الحمام كله احس حصراااانه
و بس سلامتكم و انشالله يارب تعيشون التجربه
بس اللي استفدته ان الله يختار الوقت المناسب حق اللي تبينه يعني احنا نتمنى لكن الله يختار
يعني بنتي وقت ولادتي بتكمل خمس اسنين
و الحمدلله ربي عوضني بتوأم بعد هالسنين كلها الحمدلله
شلونكم بنات شخباركم
انا طبعا مو يديده عالمنتدى ولا على هالموضوع بالذات
شاركت فيه بتجربتي الاولى باطفال انابيب و فشلت و بعدها ماقمت اشارك و ربي لك الحمد عدت العمليه عقب اربع اشهر و حملت و مابغيت اكتب تجربتي بس كل يوميا ادش المنتدى هههه
ماراح اتكلم عن تجربتي الاولى بس شي بسيط ان كانت بالحكومه وحده الخصوبه بمستشفى الولاده عند الدكتور عبدالرحمن السري
الحمدللله انا ماعندي مشكله وحملت طبيعي اول حمل بس بعدين ريلي طلع عنده دوالي و سببت له ضعف بالحركه و العدد كان ١٧ مليون
اول عمليه فشلت من الله الحمدلله يعني من اليوم ٩ حللت هرموني ماكان في حمل طبعا قبلها بيوم نفسيتي بالحضيض قمت ابجي مو عارفه وضعي شنو فرحت استعيلت و حللت و ارتحت خلاص و قلت بسسس مابي اعيدها ههههه
الصدفه ان يوم حطولي موعد مع الدكتور عقب يومها قلت بس مابي اروح ولا يدقون و يقولون لي لازم اتيين عشان الدكتور يحدد لج موعد العمليه الثانيه لأن بسافر
وانا ماتوقعت يعني عشان اول عمليه طولت ١٠ اشهر على ما يا دوري فماكنت متوقعه
المهم رحت له و كان هذا شهر ١٢/٢٠١٧
قالي موعدج شهر ٢ صدمني ماتوقعت ان جذي مبجر
صار شهر ٢ و يتني الدوره و قالي تعالي و عقب دزلي مسج ان المختبر مسكر عشان عطلة العيد الوطني و اصلا انا لو مسويتها جان اصلا قبل العطله بس سكت و قلت يالله خيره
و سبحان الله انا متزوجه خمس اسنين و كل ما ابي اروح العمره مايصير
ووقتها شهر ٢ قلت حق ريلي ابي اروح العمره و يومين جان نحجز معنه قبل كل ما اخطط مايصير و حجزنا و رحت و دعيت وااااااااااااايد ان الله يرزقني توأم بنت وولد
رحت ٣ ليالي رديت ٢٨ فبراير و ٤ مارس يتني الدوره
و طبعا سبحان الله دكتوري ماشفته ههههه
كل موعد عند دكتوره كنت
بس ان دكتوري قبل كان كاتبلي بورقه شنو المنشط اللي اخذه لأن انا قلت له زيدلي المنشط عشان تطلعلي بويضات اكثر لأن انا شايله مبيض من ثمان اسنين فعندي بس واحد يعني العدد يطلع اقل
المهم
خذيت المنشط و كل شي تمام و يوم العمليه طلع عندي ٨ بويضات الحمدلله
و عقب وانا راده بالسياره لاعت جبدي من البنج و شربت عصير برتقال و رديت البيت جان ارجع تكرمون
و كان عندي عوار فقلت خلاص انا ماني متحركه مو نفس المره اللي طافت طلعت و جذي قلت مابي اتعب نفسي
و دقو علي ثاني يوم قالولي ٣ تلقحو و انا عمري ٢٩ فيردون لي بس ٢ وانا ارجع اجنه اليوم الثاني يعني اسوي العمليه الخميس و السبت الترجيع جذي
المهم ليلة السبت ياني مغص كنت ببجي منه غازاااااااات جنها طلق تذبح من العوار مافجت الا الفير لما حطيت مطاره حاره و قلت شكله بتتكنسل العمليه بس الحمدلله الصبح ماكو شي
اي واللي سوالي العمليه دكتور حاتم مطر اللي اهو استشاري بعد بمستشفى الهادي
و يوم الترجيع كان نفسه
يوم الترجيع صادفت مرا يايه بترجع مجمد مال ٣ اسنين و انا يوم يا دوري علبو اهيا وراي
و يوم خلصت قالولي خلج شوي ارتاحي بنفس المكان يعني ما نقلوني غرفه ثانيه فماتحركت كلش قلت لهم وين اللي وراي قالو اجنتها ما تصلح و سبحان الله خيره تميت يمكن ثلث ساعه من ورا الترجيع بمكاني رافعه ركبي و منسدحه بس ليما خلاص ماتحملت ابي اروح الحمام
و عقب هم نطرت الويل جير فقعدت بكرسي منسدحه بعد
المهم اللي صار ان فترة الانتظار شوي اختلفت عن المره اللي قبل
كنت اشرب حليب و عصير تفاح و اكل خيار و اشرب ماي وايد هذا اكثر شي
و كنت ارتاح قد ما اقدر
بس اول يوم صليت وانا قاعده يعني وقت السجود اقعد وحتى الوضوء قلت برفع ريلي و اتوضى اذا الله كاتب الحمل بصير
و ثاني يوم قلت خلاص بصلي عادي لأن السجود يوصل الدم لي الرحم
و هم بلشت اكل بيبي اسبرين
و سبحان الله صليت يمكن يوم واحد و بعدها خلاص تم عندي عوار ماكنت ماخذه راحتي منه ماقدر اسجد و اقوم يعورني رحمي
و هالفتره هم طلعت ٤ يوم رحت مدرسة بنتي كان وقتها عيد الام فرحت شوي صورت وياها بس
و يوم كملت اسبوع كان يوم عيد ميلادي و رحنا تعشينا بدار الاوبرا و مشيت شوي
بس اغلب وقتي كنت ارتاح لأن صج كان عندي عوار مو نفس قبل
بس نفسيتي كانت واااايد احسن كانت عاديه كنت اقول حق ريلي اذا حامل او مو حامل احس عادي عندي
نطرت لي يوم التحليل
بس قبل يمكن ثلاث ايام بنتي كانت شووووي مسخنه و طابت نفس اليوم
و انا قبل يوم التحليل بالضبببببط يوم كامل يتني سخونه فجأه فجأه يتني بالليل و ماراحت الا ثاني يوم بالليل يعني ٢٤ ساعه جذي مدتها استغربتها بس كنت اقول يمكن بنتي عادتني بس انا سخونتي كانت وايد يعني كنت ارجف وانا نايمه و تعباااانه و صرت زينه يعني عقب فجت عني و الصبح رحت احلل كان يوم ١٥
وحللت و قالولي بعد ٣ ساعات تطلع النتيجه و رديت البيت وانا ميته بالفراش ناطره يدقون وبيدي خاتم الاستغفار طبعا ما استغنيت عنه
و ادق عليهم محد يشيله ادق على قسم العمليات يقولون الحين نشوف و نخليهم يكلمونج و صرت ناطره ٥ ساعات وانا على اعصابي و قلبي طول الوقت يدق حييييل يوم رن التليفون ولا تكلمني المصريه مو نفس ذاك المره السستر الهنديه
فحسيت ان في شي
جان تقولي مبروك حامل و النسبه حلوه ٥٠٠ و شي
انا هني بطيتها بجي اهيا خافت تناديني تناديني وانا مو قادره اتكلم و ابجي ابجي ههههههه
و ثاني يوم بالضبط عقب ٢٤ ساعه رحت طيبة كلينك و عدته و كان متضاعف صاير ١٠٠٠ و شي
و بسسسسس الحمدلله
عقب يوم كملت ٦ اسابيع و شي رحت مستشفى الراشد اسوي سونار بتأكد يعني مافيني صبر لي موعدي
واهو توه حاط السونار وانا قاعده ادعي بسم الله الذي لا يضر مع اسمه شيء في الارض ولا في السماء و هو السميع العليم ولا يقولي توأم
اللي ماقدرت استوعب
وبس اللهم لك الحمد
بس كنت حدي خوااافه فهالحمل و تقريبا كل اسبوعين رايحه مسويه سونار هههههه
و الحمدلله طلعو بنت وولد نفس مادعيت
و الحين انا بقالي اسبوع و ادش السابع و دعواتكم اوصل لي التاسع بالسلامه
و بخصوص الحمل بتوأم بدايته عاديه يعني بس من السادس عذاااب ثقل و خاصه وقت النوم و القلبه من جنب لي جنب
و طبعا من بداية الحمل وانا ما فارقت الحمام كله احس حصراااانه
و بس سلامتكم و انشالله يارب تعيشون التجربه
بس اللي استفدته ان الله يختار الوقت المناسب حق اللي تبينه يعني احنا نتمنى لكن الله يختار
يعني بنتي وقت ولادتي بتكمل خمس اسنين
و الحمدلله ربي عوضني بتوأم بعد هالسنين كلها الحمدلله
التعديل الأخير:
ادري كتبت وايد و يمكن لو قبل جان شاركت بتفاصيل اكثر بس الحين حبيت اشرح شوي
نصيحتي لكم بنات جربو مستشفى الولاده لأن حيل شطار
صج ما يسوون فحص اجنه بس يمكن الحالات اللي تحتاج يسوون لها فحص
غير جذي صج بالبدايه العمليه يمكن شوي موعدها بعيد بس بعدين سهل الاعاده و مو دافعه ولا فلس و كل شي منهم يعني انا سويت حقن مجهري و كنت اخذ مثبتات منهم و كل شي منهم
و هم عطوني اجازه شهر ونص غير اسبوعين العمليه يعني شهرين و سويت تقرير منهم و قدمت مجلس طبي و الحمدلله من يوم العمليه لي الولاده وانا ما اداوم كلش بعد لأني توأم فوافقو على طول
يعني اول مره رحت بالرابع قدمت مرضياتي اعتمدوها و عطوني شهرين مع تجديد و الموعد الثاني رحت و عطوني لي الولاده
وانا الحين ٢٦ اسبوع
نصيحتي لكم بنات جربو مستشفى الولاده لأن حيل شطار
صج ما يسوون فحص اجنه بس يمكن الحالات اللي تحتاج يسوون لها فحص
غير جذي صج بالبدايه العمليه يمكن شوي موعدها بعيد بس بعدين سهل الاعاده و مو دافعه ولا فلس و كل شي منهم يعني انا سويت حقن مجهري و كنت اخذ مثبتات منهم و كل شي منهم
و هم عطوني اجازه شهر ونص غير اسبوعين العمليه يعني شهرين و سويت تقرير منهم و قدمت مجلس طبي و الحمدلله من يوم العمليه لي الولاده وانا ما اداوم كلش بعد لأني توأم فوافقو على طول
يعني اول مره رحت بالرابع قدمت مرضياتي اعتمدوها و عطوني شهرين مع تجديد و الموعد الثاني رحت و عطوني لي الولاده
وانا الحين ٢٦ اسبوع
في شي بخصوص فترة الانتظار
لا تسمعون كلام احد ان ارتاحو ولا تسبحون و هالخرابيط
اهم شي تتوكلين على الله و تقرين ادعية التثبيت انا كنت يوميا اقراها لي الشهر الثالث
كنت امشي بالبيت
اركب سياره اوصل بنتي المدرسه
اتسبح بس ماي مو بارد ولا حار و ما اطول وايد
ثاني يوم من الترجيع انا داشه المطبخ اسوي الغدا
و طول هالوقت انا مؤمنه ان اللي الله كاتبه بصير
سالفة انام اسبوعين على ظهري ماراح تييب نتيجه كلش
بس الشي اللي كان غير ان خذيت بيبي اسبرين و يمكن صج هذا اللي نفع وياي بعد لأن ممتاااز و مستمره عليه لي الشهر الثامن
و الحمدلله اجنتي بخير و عافيه و طبيعيين
نصيحه روحو العمره بنية الحمل
استغفروا ١٠٠٠ مره باليوم
ادعو ادعو قد ما تقدرون
والله على كثر ما كنت ادعي ان الله يرزقني فرحه تخليني اسجد وانا ابجي
صج صارت اول ماعرفت اني حامل فزيت و سجدت وانا ابجي الحمدلله
و يوميا عقب كنت احمد الله ان ماحرمني ولا خيب ظني
لا تسمعون كلام احد ان ارتاحو ولا تسبحون و هالخرابيط
اهم شي تتوكلين على الله و تقرين ادعية التثبيت انا كنت يوميا اقراها لي الشهر الثالث
كنت امشي بالبيت
اركب سياره اوصل بنتي المدرسه
اتسبح بس ماي مو بارد ولا حار و ما اطول وايد
ثاني يوم من الترجيع انا داشه المطبخ اسوي الغدا
و طول هالوقت انا مؤمنه ان اللي الله كاتبه بصير
سالفة انام اسبوعين على ظهري ماراح تييب نتيجه كلش
بس الشي اللي كان غير ان خذيت بيبي اسبرين و يمكن صج هذا اللي نفع وياي بعد لأن ممتاااز و مستمره عليه لي الشهر الثامن
و الحمدلله اجنتي بخير و عافيه و طبيعيين
نصيحه روحو العمره بنية الحمل
استغفروا ١٠٠٠ مره باليوم
ادعو ادعو قد ما تقدرون
والله على كثر ما كنت ادعي ان الله يرزقني فرحه تخليني اسجد وانا ابجي
صج صارت اول ماعرفت اني حامل فزيت و سجدت وانا ابجي الحمدلله
و يوميا عقب كنت احمد الله ان ماحرمني ولا خيب ظني
ام حوبي
فرحتيني الحمدلله ربي عوضج خير
االله يتمم لج على خير
انتي سابقتني بشهر
انا نص السادس الله يتمم لنا على خير
الحمدلله على جميع العطايا
والله يعوض ويرزق كل البنات ....
فرحتيني الحمدلله ربي عوضج خير
االله يتمم لج على خير
انتي سابقتني بشهر
انا نص السادس الله يتمم لنا على خير
الحمدلله على جميع العطايا
والله يعوض ويرزق كل البنات ....
