دوانيه شلة منتظرات نتيجه عملية اطفال الانابيب والحقن المجهري

[l9amty7kayh]

انا ماعندي خدامه اخدم نفسي اسويلي بيض مسلوق وعيش ابيض وروب وحليب اشرب مع بروتين واشرب عصير تفاح وخيار وخس وبس طول الوقت ع فراشي منسدحه ماسبحت واحس شعري دهن مستحيه من ريلي شكلي غلط اصلي وانا قاعده وبس اذتني التحاميل تلعوز

 

[سمو النفس]

h  ، وصمت , ونون يالله ان شاءالله بدايه سنه خير عليكم وتبشرونا يارب   نون عمره عيالي خمس سنوات ونص  صمت ايه صعدت الدرج اول ماطلعت من المستشفى لشقتي ونزلت بعد ورحت بيت اهلي وصعدت وقعدت بغرفتي لي التحليل اذكر مره سالتي  عن تحليل الايدز الله يكفينا شره عادي الكل يسون له هالتحليل احتياط  وانا حملت بعيالي مجمد ومن الدرجه الثانيه الحمدالله يارب ربي يحفظهم والمجمد اسهل بكثير من الفرش والابر بس ان شاءالله تنجح وماتحتاجينه الا بالحمل الثاني يارب 

 

[l9amty7kayh]

شكرا سمو ع مواساتج لي طمنتيني اتش منو دكتورجنون حبيبتي حاسه فيج الحينيارب تبشرينا نبي اخبار سارهزمرد وين وصلتي بالعلاج ومختفيه وينباربي هذا حقج > ?

 

[H.al]

هلا والله سمو تشجعي وردي المجمد والله يكتب لي فيه الخير لصمتي حكايه حاليا انا ثاني مره اسوي عند الدكتوره رائده السعدوني والله يكتب لي فيه الخير ان شالله 

 

[nonlove]

مشكورة حبيبتي للصمت... يالله ميخالف والله انا تحملت اسبوع بدون سبوح كل بس يوميا امش مش جسمي.. وبالنسبه شعري عقب اسبوع غسلته... والحمدالله خل نتحمل هالايام شنو نسوي... سمو النفس الله يخليهم لج يارب عيل السنه اليايه أولى ابتدائي أن شاالله.. والله يحفظهم لج يارب... وإذا ودج تردين المجمد ترى واااايد أسهل من الفريش والله يكتبلج اللي فيه الخير.... H  الله يسهل امورج يارب يارب يارب

 

[H.al]

اللهم أمين  يارب تجبر بخواطنا وتفرح قلوبنا للصمت انا كنت نفسج بجملي الاولي ماعندي خدامه وكنت اسوي اكل حق نفسي وقاعده بشقتي بروحي ... وسالفه تسبح تحملى بعد اسبوع سبحى انا اخر مره سويت قعدت اسبوع ماسبحت وصار حمل وماكمل والله يكتبلي هل مره يارب 

 

[BARBI]

لصمت بعد قلبي ماقصرتي عالبوسه ?بالنسبه للسبوح انا كنت اغسل جسمي شعري كلش ماحاشه ماي ... وبيوم التحليل سبحت والله .. سمو النفس ربي يبلغج فيهم .. يالله رجعي المجمد لاطولين .. نون ولصمت حكايه واتش ربي يفرحكم وتفروحنا معاكم .. 

 

[سمو النفس]

صمت دكتوري ناهض حماديه ان شاءالله ربي يكتبلي وارد المجمد 

 

[BARBI]

ربي يكتبلكم اللي فيه الخير لكم كلكم 

 

[nonlove]

السلام... شلونكم.... بانتظار باجر ومتفائله أن شاءالله.... والله الاحساس اللي  احس فيه ثقل بالصدر و نغزات بالبطن وساعات بالرحيل مثل عوار ويروح ثواني... والاكل ماشاءالله اكل عادي... والبطن متفوخ.... والله يكتب اللي فيه الخير لنا يارب يارب يارب.... اللحين الدكتور قالي باجر الظهر وقالي يبيله ٣ ساعات معقولهجنه وايد ٣ ساعات والله كريم..... 

 

[H.al]

الله يكتبلج لي فيه الخير ويفرح قلبج يارب  

 

[BARBI]

صباح الخير نون حبيبتي متفائله فيج خير ربي يبشرج بكل خير بالنسبه لتحليل يبيله ساعتين وتطلع النتيجه  وعادي اي مختبر يسويها لج ..

 

[H.al]

استغفر الله استغفر اللهاستغفرالله

 

[nonlove]

مساء الخير... مشكورين على دعائكم... مو انا التحليل عندهم شاملفقلت اسويه عندهم ومره وحده اخذ دريب الحديد و حاليا صار لي ساعه من سويته وقلت ايي اكل شي وعقب اخذ دريب الحديد.... والله يكتب الخير لنا كلنا..... وان شاءالله إيماني بربي كبير إذا صار الحمدالله وإذا ماصار الحمدالله الف مره. والله يخليلي عيالي اللي عندي يارب واحبكم...

 

[l9amty7kayh]

ياعمري يانونا احس اصعب لحظات لاتضيقين خلقج اذا ماصار حملوارضي بكتبة اللهوان شاء الله اذا صار حمل الحمدلله يارب واللهم بارك

 

[l9amty7kayh]

اليوم الرابع من الترجيعحاسه بالام دوره فضيعه وركبتي تعورني ياربي لطفك فينا

 

[nonlove]

الحمدالله الحمدالله الحمدالله... رب العالمين.... النتيجه حاااامل.... والله يكتب لكم كل خير يارب يارب يارب...... ومشكووورين كل من دعا لي....والله يكتب للباقي كل خير يارب يارب يارب.... 

 

[H.al]

الف الف مبروك والله يتمم عليج يارب الحمد الله ان والله بداية خير  وبداية سنه حلوه

 

[l9amty7kayh]

مبروك الف مبروك نونة قلبييارب يثبته ويتممه على خيرالحين عاد دور الراحه والمثبتات والقرانلاتهاونين ياقلبيوربي فرحت لج عطيتينا امل ?

 

[BARBI]

ماشاء الله مبروووك نون الحمل ربي يثبت حملج عسى الله يتمم عليج فرحتج يارب  وديري بالح وانتبهي على نفسج مو تصيرين نفسي بعد 4 اشهر قمت ومشيت وعادي الوضع عندي لين جتني ولاده مبكره ... لصمت حكايه إن شاء الله مافي الا الخير كثري استغفار .. وربي يبشرج خير ..