دوانيه شلة منتظرات نتيجه عملية اطفال الانابيب والحقن المجهري

[H.al]

لصمت حكايه رديتي عدتي التحليل شفتيه يتضاعف او لا وبلش معاج الوحام ولا لاءالزمرد وينج اختفيتي شنو صار عليج مع تنشيط

 

[l9amty7kayh]

اي قام اعيده كل يومين الحمدلله يتضاعفللحين ماحس بوحام وقاعده بالبيت بس ان شاء الله الاسبوع الياي عندي جامعه بتوكل على الله واداوم وكله بيد الله سبحانه

 

[H.al]

الحمدالله الله يتمم عليج مو شرط تحسين الحين تو ناس 

 

[BARBI]

حبايبي ربي يتمم عليكم لصمت ديري بالح من الدرج والمشي بسرعه بالجامعة 

 

[H.al]

باربي ابي اسالج انتي يوم سوتلج الدكتوره اول سونار شنو قالتلج انا مستغربه ليش مو عاجبها ارتفاع هرموني معنه اهي قالت زين شفنا جيس معنه اهو مايبين لا يكون هرمون ١٥٠٠ لي ٢٠٠٠

 

[BARBI]

انا همن ماكان عاجبها انه مايتضاعف وقالت خلينا ننطر لين نشوف الجيس وشفنا الجيس وماكان عاجبها مكان انغراس الجيس لانه كان على الطرف وبعدها نطرت عشر ايام وسمعت النبض وكأني قبل لا اكمل العشر ايام سمعت النبض وسويته حتى بعياده قريب من منطقتنا .. والحمدلله سمعت النبض .. وتميت شهر اموري زينه ويعد الشهر بلش النزيف معاي ترى انا كنت مجهده نفسي عشان جذيه صار معاي نزيف وتالي بعد جم شهر نزلت المشيمه عندي وتالي صار معاي ولاده مبكره 

 

[H.al]

انا لي ماكان عاجبها رحمي قاعد ينقبض ومو عاجبها دم لي موجود حتى قلتها ممكن يكون من جنين الثاني قالت ماقدر اقرر بس بعد الاثنين يبين بس ممكن اسالج بعد ماوصل الف هرمونج جم صار لي وراه

 

[BARBI]

هلا اتش تو شفت الوسائط عندي بتاريخ 16 صار 1900 وبعدها بتسع ايام سويت التحليل كان بتاريخ 25 وصار الهرمون 8340 وهذا كان اخر تحليل سويته وبعدها سويت سونار وشفت الچيس وماسمعت النبض ونطرت اسبوع الي عشر ايام وسمعت النبض

 

[nonlove]

السلام.... للصمت والله مو متشائمه بس انا استعيلت سويت عندها السونار المفروض اصبر وانطر د. ناصر يسويلي كان راح يكون اريحلي... وحتى الأحد د.ناصر قال بعد اسبوعين احسن.... بس د. فاطمه تقول نمشي على نظام معين بعد اسبوع نشوف... والله كريم انا هذا السونار بسويه عندها بس اللي وراه بأخذ موعد عنده والله كريم يارب..... H الله يطمنج والله بيني وبينج في دكاتره مايراعون حاله المريض يعني انا كلمتها ترن في اذوني لمه قالت we have to wearied والله صج يعني لو قايله الوضع طبيعي ووايد بنات يصير جيذيه ونشوفه عقب كان اريحلي... بس يالله الحمدالله على كل حال...وثقتي بربي كبيره و انتو وتجاربكم وكلامكم هم يريح الواحد الحمدالله.... للصمت الله يسهل عليج يارب يارب يارب... والحمدالله رب العالمين... انا اليوم زرت أمس وعقب بيت يدتي من زمان مو شايفتهم ومااتحرك من مكاني.... والحمدالله غيرت جو... 

 

[H.al]

شلام بنات شلونك نون حبي والله لو تنطرين موعدج مع دكتور ناصر احسلج واريحلج استعيلتي رحتي عند دكتور ثاني انا اايوم عدت تحليل والحمدالله صار ٢١٥٠ نسبه قاعد تزيد بنسبه ثابته عندي ٦٠  بالميه باقي اخر تحليل يوم الاثنين وبعدها تقرر دكتوره شنو نسوي

 

[nonlove]

الحمدالله رب العالمين.... وان شاءالله خير ياربانا رحت لها عشان الادويه و آخر مره مع اني كنت رايحه حق دكتور ناصر قبل لا يوصل عيادته قالولي جدامج ١٠... و١٠ معناتها أقل شي ٤ ساعات وانا ماكان فيني اصبر كنت بين البينين ومتوتره وقلت بدخل عليها واشوف بس لمه قالت خل اسوي سونار قلت خل اسوي وارتاح..... مافيني انطر باجر بسوي عندها والأحد اللي وراه عنده.... واشوف شنو يصير أن شاءالله

 

[H.al]

الله يكتب لي فيه الخير بس انا مو فاهمه اهي ماشافت شنو جيس الجنين ولا ماشافت الجنين نفسه

 

[BARBI]

الحمدلله اتش الظاهر الدكتور الاردني يقولي في حريم تزيد النسبه عندهم 60‎%‎ وانا فهمته غلط الحمدلله ان النسبه تزيد وشفتي بعينج اشلون النسبه تزيد عندي والامر كله عند رب العالمين ربي يتمم عليج نون إن شاء الله تسمعين النبض 

 

[H.al]

الحمدالله باربي والله راضيه ولي الله كاتبه بيصير الحمدالله دم وايد خف واشوف بالمسحات واغلبع لونه بني المهم يكون طفل سليم وكامل خلق وخلقه والحمدالله ردت على دكتوره مستانسه من تحليل والاثنين اعيد تحليل بعد ولي الله كاتبه بصير وقررت من اليوم اشرب كوب ماي مع نشا قريت ان يوقف النزيف ويثبت الحمل

 

[BARBI]

الحمدلله ربي يفرح قلبج يارب

 

[l9amty7kayh]

الله يثبت حملكم وحملي ويرزق كل من تتمنى الحمل

 

[BARBI]

اللهم آمين 

 

[nonlove]

السلام.... انا الدكتورة شافت كيس الحمل بس ما بين الجنين... وان شاءالله باجر بسوي تحليل هرموني عشان اتطمن من النسبه وعقب بدخل على الدكتورة حق السونار أن شاءالله والله يكتب اللي فيه الخير يارب... واللهم امين يثبت ويرزق كل من تتمنى الضنا يارب يارب يارب...... اللهم لا تذرني فردا وحيدا وانت خير الوارثين

 

[منوة الزين]

الله يكتب لكم الخيره

 

[H.al]

ان شالله تسمعين النبض اليوم وتفرحين خل نغير جو محتات  .... شنو تحسوون فيه وكل وحده تقولنا اهي باي اسبوع انا بالاسبوع الخامس لي احس فيه الم اسفل الظهر  وشكله بلشت لوعه  معاي .... بشكل عام خمول تام