دوانيه شلة منتظرات نتيجه عملية اطفال الانابيب والحقن المجهري

[arnooba123]

هلا حبيبتي مده العلاج تاخذ شهر تقريبا حسب استجابه الجسم ويعطونج ابر منشطه للبويضات بعدين تسوين عمليه سحب البويضات ويلقحونها بالحبوان المنوي وينطرونها تنقسم بعدين يرجعونها وتنطرين اسبوعين وربي يكتب الحمل
هذا بشكل سريع قاعده اقولج وفي وايد دكاتره زينين انا ارشح دكتور ناهض حماديه

 

[:: عائشه بقلبي ::]

الف الف مبرووووك للي حملوا والله فرحت لكم من قلبي ويارب يثبت حمالكم ويرزق الباقيين

 

[ملكة الأمل]

اهلا بنات انا مسوية حقن مجهري ولي يومين مرجعة اجنة الله يرزقنا بالذرية الصالحة يارررب

قلب مغليك والبنات اللي رجعوا وش حسيتوا في فترة الترجيع ومتى حللتوا الدكتور قالي بعد 3 اسابيع احس كثير

 

[فهده 777]

مرحبا بنات انا اليوم الخامس من الترجيع ومن رجعت وأنا أحس بنفس أعراض الدوره واليوم زادت علي
ظهري ونغزات ببطنى ومبىضى اليسار بنات الله ىسعدكم طمنونى أعصابى تعبانه هذى المره الرابعه
طمنونى الله ايفرجها عليكم المرات اللى قبل ماكنت مرتاحه أبد حتي الجماع عادي بس هلمره غيرت الدكتور ومرتاحه علي ظهرى بس أوسوس أن الاجنه ماثبتت لان ألم الدوره ملازمنى أرجوكم ريحونى من صار لها كذا وحملت

 

[تميميه]

فهده 777 انشاء الله علامت ثبات,,,, انا الخمس الايام الاولى الام مو طبيعية وبعدين وووقف بس ماصار حمل سبحان الله الله ماكتب
ريحي نفسك ولا تفكرين وقولي اذا الله كاتب يثبت راح يثبت توكلي على الله والله كريم بنت خالي دايم تنجح معاها وتحمل تنام يومين على ظهرها وباقي الايام تشتغل وتنظف بس ماتشيل ثقيل ولا تصعد درج والالام تلازمها الى يوم التحليل واذا حللت بوستف وانا مريحة على الاخر واخرتها التحليل نقتف ولا زوجي يقول خلاص ماراح نسوي مرة ثالثة قلعتك ماوقف معي بالعكس صار بس يزامر علي ويتنرفز من كلامي كانها انا اللي ماخليت الحمل يتم وهذا بيد الله يعني زود همي هم
بس الله يهداه وينور بصيرتة وتنجح المرة الثالثة الله لايضيع لنا تعب ويرزقنا من واسع فضلة والله مليت من الابر والعلاجات والنفسية الزفت ونظرات الناس

 

[ملكة الأمل]

السلام عليكم
بنات اشلونكم يارب يرزقكم بالحمل اللهم امين
انا مرجعه اجنه مجمده اليوم لي ثالث وقاعده احاتي يارب يكتب لي الحمل
متخوفه لانه مجمد بس الله كريم ورحيم

لا حبيبتي بالعكس المجمد بعد له فرص نجاح ..ويقولون فرص نجاح المجمد اعلى اللي
خلاه يعيش هالفترة بالتجميد وبعد مافكوا التجميد عنه اكمل انقسامه فرص علوقه بالرحم اعلى ..وانا اعرف وحده الان حامل باجنة مجمدة تطمني

ربي يتمم عليك وعلي بالحمل ياررررب

 

[ملكة الأمل]

كيف نظامكم بفترة الترجيع ..أنا كله انسدح ع ظهري بس طفشت عادي لو اغير ع الجوانب

بنات خلونا نسووولف ونطمن بعض

 

[ملكة الأمل]

فهده 777 انشاء الله علامت ثبات,,,, انا الخمس الايام الاولى الام مو طبيعية وبعدين وووقف بس ماصار حمل سبحان الله الله ماكتب
ريحي نفسك ولا تفكرين وقولي اذا الله كاتب يثبت راح يثبت توكلي على الله والله كريم بنت خالي دايم تنجح معاها وتحمل تنام يومين على ظهرها وباقي الايام تشتغل وتنظف بس ماتشيل ثقيل ولا تصعد درج والالام تلازمها الى يوم التحليل واذا حللت بوستف وانا مريحة على الاخر واخرتها التحليل نقتف ولا زوجي يقول خلاص ماراح نسوي مرة ثالثة قلعتك ماوقف معي بالعكس صار بس يزامر علي ويتنرفز من كلامي كانها انا اللي ماخليت الحمل يتم وهذا بيد الله يعني زود همي هم
بس الله يهداه وينور بصيرتة وتنجح المرة الثالثة الله لايضيع لنا تعب ويرزقنا من واسع فضلة والله مليت من الابر والعلاجات والنفسية الزفت ونظرات الناس

ياحبيبتي ان شاء الله ربي يرزقك بتوام تامين الخلقة ...وحاولي لاتيأسين ربي مايضيع تعب اللي يتعب ..وزوجك فترة وتعدي ماتدرين قد ايش الررجال يتمنون الضنا ..وانتي طنشيه ..الله يسخر لك زوجك ويرزقك بالذرية الصالحة

 

[arnooba123]

ملكه الامل الله يسمع منج ويرزقنا
بعد الاسبوع تحركي على الخفيف لازم يمشي الدم يعني مو كله منسدحه
جم يوم صار لج وشتحسين فيه

 

[فهده 777]

تميميه الله يسعد قلبك ويعطيك أكثر من مايرضييك طمنتيني بس والله مليت من الابر والكشف والبنج وأتعس شي هلاسبوعيين ياالله تحسينهم سنيين
ملكه الامل فضفضي حبيبتي أنتي كم صارلك مرجعه وهذي أي تجربه لك
وسؤال للجميع آنا مره سمعت دكتور في قناه أجنبيه إنه كل مازاد عدد الاجنه المرجعه أرتفعت نسبه الحمل وشرأيكم فيه أحد سمع نفس الشي

 

[جنان ام عزوز]

انا اليوم رجعت اجنه

الحمدلله مريحه انام على ظهري والجوانب وشربت ماي بنشا واكلت خياار

وربي يثبتهم في رحمي ويثبت اجنه كل الحواامل

 

[arnooba123]

يارب يثبت مافي رحمج ارتاحي
وعليج بالاستغفار وربي يعطيج اللي تتمنينه

 

[جنان ام عزوز]

اللهم اني استودعتك اجنتي يامن لاتضيع الودائع عنده

اللهم ياامن امسكت السماء من ان تقع على الارض بلاعمد ثبت وامسك ماي رحمي ياارحم الراحمين

 

[جنان ام عزوز]

ارنوبه
جزااج الله خير

والله شوي اوسوس لما انسدح غلط والا اتحرك شوي

يارب ودعتكم عليهم

 

[حلمي الأمومة]

بنات نصيحتي لكم لاتفكرين واجد بفترة الترجيع يعني تحركي عادي بس لاتشيلين شي ثقيل او ترفعين شي من الارض او تطلعين شي من الكبت مرتفع ..يعني ارتاحي بس موتنسدحين طول الوقت مايسير شلون تتحرك الدورة الدمويه ويوصل الدم للرحم..؟!

بعدين لازم تشغلين نفسج بشي انا ان شاء الله بحاول احفظ الي اقدر عليه من سورة البقرة على الاقل اشغل نفسي وبسويلي كم برنامج

وتوكلي على الله اذا اراد انه يثبت بيثبت واذا ما اراد لو شنو تسويين
والله كريييييييم

 

[حلمي الأمومة]

الحين الي بستفسر عنه الصلاه شلون تصلون سمعت انه عادي تصلين وانتي واقفة وحتى وضعيه السجود يقولون تغذي الرحم ويوصل الدم للرحم بس ما ادري تقومينن وتقعدين اتوقع اصلي على كرسي احسن انتم شلون تصلون؟

 

[ملكة الأمل]

ارنوبة :أنا مرجعة لي ٤ ايام اول حسيت بالم الدورة قطع بطني من قوته والحين ما احس بشي ابد

فهدة ياقلبي أنا مرجعة لي ٤ ايام وذي اول محاولة علشان كذا ما اعرف شي ومحتارة
وصادقة حبيبتي كل مازاد عدد الأجنة كل مازادت فرصً النجاح معلومة صحيحة

حلمي الأمومة :أنا بصلي اول اسبوع جالسة الله يأجرنا ربي اعلم بظروفنا والتعب اللي شفناه بالعملية
والله أني مررة تعبت وبعد الترجيع جلست يوم بالمستشفى انخفض الضغط علي الله لا يضيع لنا تعب


الله يرزقنا اجمعين بالذرية الصالحة ..

 

[حلمي الأمومة]

ملكة ,,,,,الله لايضيع تعبج وياجرج ويرزقج نجاح العمليه والحمل التام ... امين

 

[meme.k]

السلام عليكم و رحمة الله و بركاته

سويتها عند الدكتورة عاليه الفضلي
مو اول مره هذي تعتبر ثالث مره

اول مره الحمدلله نجحت و تم الحمل وولدت ولادة طبيعيه الحمدلله وانجبت بنت واللحين عمرها سنتين

ثاني مره سويتها الحمدلله نجحت ايضا وحملت بتوام ولد وبنت والحمدلله رب العالمين ولدت بالسادس وتوفوو وسبب الولاده انفتح عندي الرحم بالشهر الخامس يالله لك الحمد والشكر علي كل حال

ثالث مره اللحين ترجيع اجنة مجمده من اخر مره وعملية ترجيع المجمد وايد اسهل من جميع النواحي يعني مافي ابر مكثفه ولاعوار قوي و حسيتها سهله و بسيطه الحمدلله

التكاليف ما اعرف الضبط بس تقريبا مثل تكاليف الباقي وممكن اقل بشويه

اول يومين فقط اللي بدون حركة والباقي الايام عادي امارس حياتي طبيعيه ازور و اطلع و اصعد الدرج بس ع الراحه

سويت عملية الترجيع بتاريخ 18/6

اخر دورة كانت 4/6

بحملي الثاني حللت يوم 13 بالبيت منزلي وبين معاي ايجابي والحمدلله

واللحين ننطر بعد ثلاث ايام ان شالله واذا عندكم اي سؤال انا حاظره

واذا تاخرت عليكم اسمحولي لاني ما ادش النت وايد


يارب لا تذرني فردا وانت خير الوارثين

رب هب لي من لدنك ذرية طيبه انك سميع الدعااااء

يارب يرزقني واياكم الذريه الصالحه

 

[arnooba123]

يارحيم
يارحيم
يارحيم
ترزقنا انا وخواتي الذريه الصالحه المتعافيه اللهم امين
انا اليوم
١١بس ماحس الا بالم دوره بس ماحس بطني متفوخ ولا احس بالم بصدري مادري خايفه ودي احلل
شنو تحسون فيه بنات*