دوانيه شلة منتظرات نتيجه عملية اطفال الانابيب والحقن المجهري

[مسك أبيض]

ههههههه بدري عالتقاعد قلبي الله يسعدك يارب

 

[مسك أبيض]

بنات عندي مشكلة انا في المرتين اللي سويت تلقيح صناعي اخذت تحاميل سايكولوجيست كنت احطها قبل النوم وبس اقوم احس افرازات وسالت الدكتور قال عادي الرحم يستفيد والباقي ينزل على شكل افرازات بس المشكلة ان الافرازات تسوي لي حكه سألت الدكتور قال لي بيعطيني أبر بدل التحاميل بس مابي لآن الابر بضطر انزل واصعد درج كل يوم مين تعرف كيف اتجنب الافرازات والحكة
اعذروني على هالسؤال بنات

 

[mona777]

قلبي حساس سوي مجلس طبي تظلي بلبيت للولاده. وراتبج ماشي واحنا حاله خاصه يوافقون علطول ومنيه الين تجهز اورقج خذي طبيات حتى لو تجاوزتيها تالي اعتمدي كل طبياتج من حملج وما يصير خصم بيردون فلوسج حتى لو انخصم

 

[glby7sas]

مسك حبيبتي انا هالتحامبل اخذها بس قمت احطهم شرجيه ترا عادي لاني بصراحه كنت احطهم من جدام وماتحملتهم كلش احسن حطيهم شرجيه وفكي عمرج

منى هذا اللي بيصير اصلا الدكتوره ماخيرتني قالتلي مااداومين وكتبتلي تقرير للمجلس الطبي الحين انطر بعد العيد واكلم مسؤلي يسويلي مجلس طبي

 

[مسك أبيض]

الله يجزاك خير قلبي

 

[مسك أبيض]

بنت ابوها بشري عدتي التحليل طمنينا

 

[مسك أبيض]

قوووت وينك ان شاءالله تكوني بخير

 

[qoot]

شلونكم

مسك شخبارج كنت مريضه هاليومين بشريني عنج شمسويه

 

[مسك أبيض]

اهلين قووت الحمدلله بخير كان عندي سونار اليوم و زود لي الجرعه من ابرة التنشيط لمدة يومين واراجع

 

[مسك أبيض]

سلامتك حبيبتي قوت ماعليك شر

 

[glby7sas]

قووت سلامات ماتشوفين شر


مسك عادي حبيبتي انا تدرين كان مبين تكبر البويضات والثاني غصب يكبرون قم خلاني اخذ يوم وترك جرعات مره يقلل ويوم يكثر لين اضبطو مع بعض مادري ليش جذي صار


انزين بسألكم الحين اذا ابي ازيد فتره الاجنه المجمده يصير يعني بزيدهم ثلاث سنين عادي واشلون الطريقه اذا يصير اروح للمستشفى اقولهم وله دكتوري؟!

 

[glby7sas]

مبيض ***

ياكثر بدلياتي ههههه

 

[qoot]

مسك وقلبي حساس الله يسلمكم

مسك كثري ماي الفتره هذي وعسى الله ييسر امووورج

قلبي حساس والله ماعندي فكره اللي اعرفه بس سنه يجمدون مادري يمكن الحين تطورو

 

[مسك أبيض]

بكرا ان شاءالله مراجعتي يااارب خير

 

[مسك أبيض]

قلبي اي الدكتور قال لي احتمال اقلل لك الجرعه بعد يومين حسب الاستجابه

 

[Pink_Roses]

مبروك للي احملوا والفال حق اللي ياخذون تنشيط انا ناطرة الدورة عشان اراجع مرة ثانية

 

[سله تفاح]

سويت ترجيع الحمد الله اليوم سادس يوم يارب يوفقني ويوفق الجميع

 

[مسك أبيض]

بينك و سلة موفقين يارب الله يسهل اموركم و امورنا وربي يرزقنا

 

[شمس خلف السحاب]

انا سويت مرتين وفشل
حده نفسيتي تعبت

 

[Pink_Roses]

شمس انا نفس حالتج سويت مرتين وفشلت اخر مرة شهر ثمانية اللي طاف صج نفسيتي تعبت حيل وقلت خلاص ماراح اعيدها بس شسوي العمر يركض وودي احضن لي ياهل

بتوكل على الله وبعيدها واملي بالله كبير ان راح يرزقني هالمرة