دوانيه شلة منتظرات نتيجه عملية اطفال الانابيب والحقن المجهري

[Fashion]

باذن الله خيره

اختي شلون اراجع بالصباح يعني

لازم تحويل من المستوصف وصج بيكون الموعد بعد

٣سنين

 

[حلوة الاخدود]

لحد يجذب عليج بعد ٣سنين
انا مااا قعدت ٣شهور الاوراجعت بعمليني
هال٣شهور مو قاعده بالبيت انطر لا تحاليل واوراق
وامور ييسونها قبل العمليه هذا شي طبيعي
روحي قسم الانبوب بصباح اصعدي فوق السكرتاريه
ويعلمونج كل شي .. واو تجيبين تقرير عن حالتج
يوافقون عليج بسرعه .. والله يتمم عليج

 

[حلوة الاخدود]

انا باجر او اللي عقبه بروح اخذ موعد للعمليه الثانيه
والله يعينا وياجرنا ويرزقنا الحمل

 

[mona777]

باتريك اسمع وايد تمرمرو معاه وانه مادى
الصباح ممتاز لا يعلى عليه
انا عن نفسي علطول سوو عمليتى استثنونى علشان عامل العمر يتلاحقونى وحملت معاهم مرتين وما كمل بعدين سكرو ملقى لانى تجاوزت السن الى يسمح يعالجونى فيه
عقبها صرت. اتعالج بلخاص مع دكتوره رائده الى كانت بفتره رئيسه وحده الانبوب بصباح وتبعت معاى نفس علاج الحكومه والله رزقنى بولدى الحمد لله والدكتوره سبب بعد مشيئه الله

 

[Pink_Roses]

حلوة خليج على الصباح وايد احسن الخاص نهيبة بهالفلوس واخر شي صدمات من كل مكان بعد الفشل يقولون لج االبويضات ماكانت زينه والا بطانه الرحم كانت ضعيفة عشان جذي ما صار حمل انزين ليش ما تقولون هالشي قبل العمليه ؟؟؟؟


الافضل انج تعيددينها عند نفس المكان يمكت يغيرونلج الطريقة بس اذا رحتي خاص راح تبدين من جديد

انشاءالله ربي يرزقنا من غير عمليات

 

[حلوة الاخدود]

مونا الله يخليلج وليدج
ويقر عينج فيه وبعياله


بنك .. بستمر معاهم ان شاءالله

وانتي روحي نصيحه مايبيلها شي
مثل ماقلت لفوشيا
روحي قسم الانبوب بصباح
السكرتاريه فوق ويعلمونج
الله يسر امورنا

 

[mona777]

الله يرزقج حلوه الخدود
وعشان جوده بويضات وزياده عددها مافى رجيم وشربي حليب كامل دسم وكلى بيض يومى ولحم وشربي اناناس ولا تاخذين اعشاب وكثرى شرب ماى
انا كنت اشرب لبن الكيفر هابين فيه الناس تراه ممتاز للتبويض وتنتج اجنه درجه اولى
ترى الافوكاتو ممتاز للتبويض والعسل بعد

 

[شمخانيه]

السلام عليكم
شفيه التجمع صار مهجور

 

[شمخانيه]

ما نسيتكم

دائماً اتابعكم افرح لفرحكم. واحزن لحزنكم

 

[شمخانيه]

تجاوبوا معاي

لا تخلوني من دعاءكم

سويت العمليه حقن مجهري

واليوم سابع يوم من الترجيع

رجعوا لي بويضه من الدرجة الثانيه

وربي يبارك لي فيها

 

[حلوة الاخدود]

جزاج الله خير مونا
بشرب حليب وبشتري اللبن
وبشتري عصير اناناس

بشتري لي فيتامينات تعوضني

باخذلي فيتامينe قريت عنه
وبشتري فيتامين بريجناكير اللي ياخذونه قبل الحمل
ومع الفوليك اسد ماني تاركته


ياااااااارب يااااااارب
يارحييييم ارزقنا الحمل

 

[حلوة الاخدود]

شمخانيه يارب يرزقج
وتفرحين ونقرح فيج بالحمل
وتبسرينا بحمالج على خير


حياج الله

 

[mona777]

هلا شمخانيه الله يثبت جنينك ونفرح فيج يارب ويجعله من الذريه الصالحه

 

[فنر 7]

السلام عليكم

شماخينه
الله يكتبلج توأم تامين الخلق والخلقه ويرزق كب بنات التجمع



انا من فتره كتبتلكم اني عند فوزيه ومن 9 ايام رجعتلي بس جنين واحد باليوم الخامس
واليوم حللت مفروض ان يبين تكرمون بتحليل البول استخدمت كلير بلو اللي يبين النتيجه قبل اريع ايام من الدوره والحمدالله علي كل حال طلع نيغاتيف ماكو حمل ? ماجذب ضاق خلقي وايد واحس بمعني الكلمه اني حزينه بس صليت ركعتين وشكرت ربي وحمدته علي النعمه

 

[Pink_Roses]

شمخانية الله يثبن جنينج و تشوفينه بحضنج


فنر لا تعتمدين على تحليل البول نسبة الخطأ كبيرة الافضل تسوين تحليل دم هرموني

 

[شمخانيه]

جزاكم الله خير

والله دمعت عيوني لدعاءكم لي

الله يرزق الجميع

وبعد انا صايره ام دميعه

 

[شمخانيه]

فنر

لا تياسين من رحمه الله

وقولي يامحي العظام وهي رميم

ثبت لي اجنتي

 

[شمخانيه]

حلوه
اخذي فيتكس يقويك

 

[فنر 7]

الحمدالله علي كل حال ويا علها خيره يمكن الله دافع عني قضاء سوء والله يعلم وانتم لاتعلمون
انا مؤمنه بقضاء ربي ولاراح أأمل نفسي بان التحليل غلط لان كلير بلو دقيق جدا وتستخدمينه بالتحليل حتا قيل اربع ايام من الموعد وبما اني مرجعه باليوم الخامس مفروض يبين
الحمدالله والله يعوضني خير
يمكن الله مو قاسملي صبي لخيره والله يخليلي بناتي ويمتعني فيهم

 

[شمخانيه]

اليوم
ذبحني عوار الراس
وبطني ما لها حس ولا خبر