دوانيه شلة منتظرات نتيجه عملية اطفال الانابيب والحقن المجهري

[Libroo]

حبايبي الله يسلمكم المشيمه نازله ومغطيه على عنق الرحم الحمدلله
ياربي ترتفع كلمت دكتور وراسلتله قالي اذا مغطيه عنق الرحم احتمال تستمر لي نهاية الحمل .. ياربي ترتفع وارتاح .. انا لي 15 اسبوع يعني اسبوعين بالرابع صح !

انشالله يارب يثبت حملج وترتفع المشيمه ... صح انتي بنص الرابع

 

[BARBI]

يارب ..

 

[عيون عمشة]

مشكورين عالدعوه الحلوه حبايبي ليبيرو ومس زوز ومنوة والله يفرح قلوبكم بعد يا رب ..
باربي انتبهي لنفسج لا تتحركين بنت خالتي نفسج المشيمه نازله وكانت تنزف ويوقف واذا تحركت يرد النزيف وظلت مرتاحه وعلى المراجعات لحد ماشاءالله ما ارتفعت المشيمه وصارت زينه مع ابر التثبيت من دكتورتها ،، وهاذي الحين ماشاءاللله الله يهنيها قربت تولد لا تحاتين في امل بس انتبهي لنفسج والتزمي بالادويه وعليج بالراااااحه ،،، باربي ما ادري ليش احسج تجهدين نفسج حبيبتي انتبهي لحد ما تولدين بالسلامه يا رب

 

[BARBI]

هلا عيون عمشه لاكلش ماقاعد اجهد نفسي .. قدر الله وماشاء فعل ..

 

[منوة الزين]

ام وهوبي

الله يعوضج خيررر


باربي دربالج على نفسج

 

[BARBI]

الحمدلله احاول احافظ على هالحمل واللي كاتبه الله ماني رادته ..
وربي يثبته يارب انا سئلت الدكتوره امس قالتلي جدامج عشرين يوم وتسكرين الرابع .. ربي يسهل يارب .. وايد تعبت استغفرالله .. بعض المرات اقول ياربي ياثبته ياخلاص .. وانا واثقه انه ربي يختبرني ويشوف صبري صج الحمال بروحه تعبت اذا مافيج شي اشلون اذا تعرضتي لمضاعفات الحمل ..

 

[Om_HoBi]

تصدقين باربي انا يوم حملت ابنتي اول مره جذي صج مبجر بس هم كنت وايد حابه اني احمل و يوم حملت عقب شهر او شهرين معنه مافيني نساه بس الهرمونات تضرب و تحسين مالج خلق و تعب كنت اقول حق امي لو يطيح عادي و ماراح احمل بعدين بسرعه لأن جربت الوضع حسيت مو حلو
يعني النفسيه بالحمال مادري شلون تنعفس فتحسين ان تبين تفتكين استغفر الله
بس ربي يثبت حملج انشالله و يقر عينج بشوفت ضناج
و ديري بالج على نفسج و بالنهايه كل شي كتبت الله مهما حافظتي او اهملتي بس انتي سوي اللي عليج

 

[Libroo]

باربي الله يثبته وهانت ترا نص مدة الحمل يتخلص.. وبعدين الامور راح تستقر

 

[Libroo]

انا طلع عندي اجسام مضاده مالت الغده الدرقيه وباجر بروح اشوف مستشفى الصباح شالسالفه

 

[BARBI]

حبايبي جزاكم الله خير ..
اي عادي ليبروو انا للاجسام المضاده اخذ حبوب كيرتزون وهمن اخذ مغذي حق الاجسام المضاده عند رائده الفضلي من قبل الحمل كل اسبوعين ومن هالشهر بلشت اخذه كل شهر لين إن شاء الله الثامن ربي يسهل .. ماتشوفين شر بس ديري بالج لازم تاخذين العلاج ..

 

[Libroo]

والله مادري انا اليوم رحت الولاده وحولوني علا الاميري الغدد الصماء والدكتوره قالت لي التأثير هذا لها مو بالرحم فاا مادري اطنش والا اروح.. احس اني تعبت من كثر المراجعات والمستشفيات والحكومه طبعا شغلهم متعب ويومهم عن سنه..

اليوم سويت سونار داخلي عشان اذا احتاج ربط وقالو ان اذا 3 سم يعني مو لازم وانا خايفه ومادري اسوي الربط بخاص والا اخليها على الله لان حده حده اتوقع هذا اخر حد بالطبيعي اذا اقل من ٣ يسوون الربط

 

[BARBI]

لا لازم تاخذين علاج اذا معاج قصور بالغده وهمن اجسام مضاده تاخذين كيرتزون
لاتنطرين الخاص روحي لدكتور عبدالناصر العثمان خبري موجود بالصباح وهمن عنده عياده خاصه انا اروح له في برج مزايا بالجابريه الدور 17 واخذي كل تحاليل ووريه وهذا رقمهم *25339330‬ لانه هو في ايام مايداوم فيها دقي وسئلي متى يداوم ..

بس ضروري تاخذين علاج عشان الهرمون موزين يقل عالجنين ..

 

[Libroo]

انا زياده نشاط غده عندي

 

[BARBI]

حبيبتي ماتشوفين شر .. مادري عن الغده النشطه وعلاجاتها ..
بس همن روحي لدكتور عبدالناصر وشوفي شنو يقولوج ..

 

[عيون عمشة]

حبايبي الله لا يخسر تعبنا ان شاءالله

 

[Libroo]

باربي انا رحت وقالولي مو ذيك الخطوره بس لازم اتابع درجة نشاطها..

ابي اعرف متى اقدر اعالج الالتهاب؟

 

[منوة الزين]

ربي لاتذرني فردا وانت خير الوارثين

يارب مايمر هالشهر الا كل متاخره ترزق بالحمل ياااااااارب

ويسهل امورنا يارحيييم

 

[BARBI]

حبيبتي ماتشوفين شر يارب .. الله يسهل امورنا جمعياً ..

 

[منوة الزين]

اميييين

 

[منوة الزين]

اشلونكم