دود ابيض صغير في رمل قطوتي .... أبي حـــل !!!!!

[bnt^q8]

السلام عليكم

ابي اسألكم .. للي صار معاها هالشي وعندها خبره

رمل قطوتي متروس دود ابيض وصغيييير حيييل ( مع ان نغير له باستمرار وبانتظام) وعمر القطو تقريبا بيدش السنه - شيرازي .. والصراحه قمنا نخاف منه حبيبي مسكين :eh_s(2):

ملحوظه1 : نستخدم رمل عادي وليس خاص.
ملحوظه2: هذا تقريبا 7 او 8 قطو نربيه وكلهم كنا نحطلهم نفس الرمل بس ما صار معاهم هالشي , يعني من الاخير صرنا خبره بتربيه القطط ومواليدهم

الخوف ان الدود هذا من بطنه .. والصراحه شاكين بالاكل ماله ( اكل القطط المجفف الي بالكراتين ) سمعنا ان يحطون فيه بيض الدود عشان يخليهم ياكلون وايد و بشراهه (طبعا هذا لتسويق منتجهم :eh_s(14): )

اي ودايما يرجّع عزكم الله .. يعني ممكن بالاسبوع او الاسبوعين مره .. طبعا بحكم ان شعره طويل لما ينظف روحه يبلع شعره فشي طبيعي وعادي ان القطو يرجع بين فتره وفتره عشان يتخلص من الشعر الي دش بطنه .. بس بخصوص المعدل الطبيعي للفتره الزمنيه الي المفروض يرجع فيها القطو ما عندي علم فيها الصراحه !

شالحل تكفون .. لان اذا ما استمرت معاه هالمشكله راح نطلعه الشارع

 

[ربي رجوتك]

الافضل تعرضينه على بيطري

 

[golnaz]

حبيبتي لازم تودينه البيطري يمكن هالدود من بطنه مو شرط يكون من الاكل .. ترا حتى انا ما اثق بهالاكل الي يسوونه انا اكثر شي قطاوتي الي اربيهم اعودهم على اكل البيت ... مرة كانت عندي قطوة شيرازية تمرضت و اذونهة قامت اطلع وصصصخ .. وديتهة البيطري قالي هذا من اثر دود في بطنها والدود كان يوصل لأذونهة المسكينة ... وديتهة وتعالجت الحمدالله وانصحج تودينه الري ترا شطار اطبائهم وان شاءالله مافيه الا العافية

 

[غلاى الغويليه]

ليش مو رمل خاص ؟؟

رمل الشارع لو تغيرينه مليون مره راح يبقا وسخ لانى قطاوه الشوارع يسون فيه بعد
لله يهداج مايصير جذى ؟

 

[dodash1984]

بالنسبة للدود فده يعتمد على انه بياكل لحوم كتير سواء كانت فراخ او لحم او انه بياكل معلبات كتير زى السلمون والتونة او انه بياكل مورتديلا لان دول اكتر اشياء بتصيب بطن القط بالعفن واللى بتنتج عنه تراكم الديدان فى معدته وخروجها عند البول او البراز فأفضل حل ان انتى تبدلى اكله اليومين دول وتحطيله خضار علشان يبقى فيه تنويع فى الاكل وميبقاش اكله لحوم وبس وتديله حوالى سنتى بالحقنة من دوا شرب انتينال مطهر للمعدة علشان لو فى اى ديدان تانى فى معدته تنضفها والجرعة هى ان انتى تجيبى دوا الشرب وتجيبى حقنة وتشيلى منها السن الحديد ترميه وتعايرى سنتى من العلاج وتديله بالحقنة فى بؤه لو مش متوفر فى الكويت دوا انتينال ممكن تسألى الطبيب ان انتى عاوزة دوا مطهر للمعدة لطفل عمره سنة متقوليش قط لانهم كتير بيستهزقو بالموضوع ده​

 

[مزيوونة]

مادري بس حاولي تغيرين الرمل كل يوم وجربي يمكن من الحر اللحين قام يطلع او يمكن صج من بطنة احسن حل ان البيطري يشوفه واذا مالج خلق تودينة دقي عليه هو يجيج للبيت بس حرام لاتهملينها كلللللش وغيري اكلة عطية دجاج وشريه حليب يمكن صج الاكل مو زين وقوليلنا شيصير معاج
موفقه

 

[بسوين]

اولا وديه الطبيب يعطيه جرعه ديان انتبهي جرعه مو ابره الابره قاتله وممنوعه دوليا
ثانيا استخدمي له رمل خاص رمل الشارع يكون وسخ لان قطط الشارع مريضه وتسوي فيه فممكن تنقل العدوى لقطك
الاكل عطيه اكل بيبتي ترى الدراي فوود مضر لا تكثرينه بالكثير مرتين اسبوعيا واذا يكون من رويال كانون افضل شي
غير كذا اهتمي بتطعيمه

 

[غزلان-2]

من صجج ماوديتيه الطبيب
دام يطلع منه دود وديه الطبيب يعالجه

واشتريله تراب خاص احسنله من الجراثيم والامراض

 

[موهوبة فوتوشوب]

حبيبتي لازم لازم تودينه طبيب
ثاني شئ لازم تجيبيله تراب خاص بالقطط ..

 

[Ańwăr Almlěssờń]

خيتو انواع الديدان بالقطط كثيره في بالدم و في بالقلب

بس الي تكون مع البراز اهيا الديدان الشريطيه هذا اسمها

طريقة معالجتها عند البيطري ولكن احذري من الابره مالت الديدان لانها حيييل خطره على القطط


الديدان ..

المشاكل التي تسببها للقطه:

فقدان للوزن استفراغ في بعض الاحيان اسهال وامساك , لغق القطه المصابه مؤخرتها بشده لما تسببه من تهيج في المنطقه,فقر للدم واكتأب.

طرق المعالجه:

اولا:معالجه القطه من البراغيث لانها المسبب الرئيسي للعدوى.
ثانيا: عدم اخراج القط خارج المنزل حتى لاياكل من القوارض المصابه بالديدان.

 

[bnt^q8]

ليش مو رمل خاص ؟؟

رمل الشارع لو تغيرينه مليون مره راح يبقا وسخ لانى قطاوه الشوارع يسون فيه بعد
لله يهداج مايصير جذى ؟

لا مو من الشارع ... اشتريه بس رمل عادي :")
اكيد ما راح اخذ رمل وصخ !!!!

 

[bnt^q8]

مشكووورين بنات ما قصرتوا