دورات الروضه

[miamy]

هلو ابلاتي الغاليات

شلووونكم

شعلوومكم مع الروضه...يلا ما بقى شي انشاءالله سهالات ..خلصنا وملصنا

بسألكم عن الدورات اللي خذيتوها

كل وحده تقولنا شنو ماخذه دوره!! تدرون ليش؟

لأن بتقويم الكفاءه آخر السنه كله يسألونا عن الدورات للي محتاجينها...ممممم وانا اتوهق مادري شنو عندهم!

عاد مره سألت الناظره قلت لها مثل شنو الدورات اللي تقدمها الوزاره؟؟

تدرون شقالت لي!! لا دام ماعندج شي في بالج معناته مو محتاجه!!!!

لوووووووول كف عالوي عطتني

المهم هالكورس في دورات وييبون لنا نشرات بس ما نسمع اللا فلانه حاجزه

انزين وحنا!! ليش على ناس وناس!! ماكو عدل بالمسأله.

المهم طولت السالفه وهي قصيره

شنهي دوراتكم؟

بالنسبه لي:

أخذت دوره المعلمين الجدد، دوره محو امية الحاسوب

بسسسس

:eh_s(8):

 

[miamy]

لاااااااااا عن الملااااااقه يلاااااااااااا

قولولي شدعوااااا

 

[QUMAR]

انا مثلج دورة الحاسوب اللي بالغصب
وبس سلامتج
ومثل ما قلتي الدورات حق اللي " لي حبتك عيني ما ضامك الدهر "

 

[راقية باخلاقي]

أخذت دوره المعلمين الجدد، دوره محو امية الحاسوب

 

[عبق الورد]

انا اخذت دوره (( جوده التعليم .. صناعه المستقبل ))
يوم واحد بس ويقولون عليها شهاده

 

[miamy]

شكرا حبايبي على مروركم

انا سامعه بدورة الدسلكسيا

والحين دزولنا دورة عن صعوبة التعلم

 

[طيرشلوا]

انا دورة محو الامية
وصراحة ما استفدت منها لانى اساسا شاطرة بالبوربوينت والوندز

 

[miamy]

اي والله

محو الاميه تلوع الجبد اصلا

خرابيط

 

[عهود الحب]

اانا ما اتذكر اسامي دوراتي الي خذيتهم بس اغلبهم خرابيط
في تخصصات لهم دورات تجيب العافية
اختي مدرسة ابتدائي
والله يا دوراتهم وورش عملهم
انها تفتح النفس
انا استانس لما تجي تشرح لي اخر تطوراتهم
اما الرياض اطفال
فدوراتهم تجيب النوم والمغص والهمممممممممممممم

اخر شي خذيته كان بالمؤتمر مال جمعية المعلمين
موشي صراحة
صرف حجي على قولة امي

وانقهر لما اشوف الدول الثانية القريبة مننننا حيييييييييييييييل
شلون دوراتهم بالرياض حيل حيل سنعين
حيل تطوروا وسبقونا
وصرنا على طمام المرحوم

 

[miamy]

هلاااا عهوود

عاد شنهي دوراتج؟؟

المهم دوره تنحط بالملف

 

[nero]

والله ماذكر دوراتي غير الاي سي دي ال الي خذيتها بفلوسي

 

[عهود الحب]

خذيت االاي سي دي ال من سنين يمكن من اوائل المعلمات الي خذوها انا
وخذيت دورات كلام على ورق
مثل عازتهم عرفتي
الوحيدة الي نفعتني حيل مالت الاي سي دي ال صج احس منها فود
وفي دورات اسعافات اولية خوش دورة بس للأسف ماحطوني معاهم
وفي دورات الي تكون اعداد للمشرفات الفنيات عرفتي < حامض على بوزي اخذها
عقب 15 سنة للحين مادري متى بيعطوني اياها


في دورات فرونت بيج وانشاء مواقع اتمنى بيوم اخذها
اختي تقولي حيل حيل سهلة
وفي دورات فوتوشوب وميكروميديا فلاش
خذيت مالت الفلاشات بجمعية المعلمين بس ماكملت للاخر كنت كله نايمة من الملل


وسلامتج

 

[miamy]

عهود انتي عضوة بجمعية المعلمين؟

حلوه دوراتهم؟

الحيم منزلين دورة عن فن التعامل مع الرؤساء ومادري شنو..شرايج آخذها؟

 

[nero]

"دورة عن فن التعامل مع الرؤساء "
شكلها حلوه هالدوره

وين وشلون ومتى

 

[miamy]

نيرو الدوره في جمعية المعلمين بالدسمه

للأعضاء 25 دينار
غير الأعضاء 35 دينار

لمدة 3 ايام الاثنين الثلاثا الاربعا من الاسبوع الياي
من الساعه 5ونص الى 8ونص

يلا سجلي فيها خل اشوفج

 

[روحي رياضية]

آنا معاي شهادة الآي سي دي ال ..
دوره في مهارات التعامل ..

 

[miamy]

keep going teachers

 

[kajool_80]

في تقويم الكفاءة أكو بند الدورات وعليه 10 درجات من 100 درجة اللي تتقيمين عليها كل سنه
وكل ما أخذتي دورات وايد وطبقتيها عن طريق ورش او مواضيع او تقارير عنها كان بند الدورات وبند الاجتهاد الذاتي للمعلمة يرتفع وانا عن نفسي احب الدورات ومن اول ما اشتغلت في رياض الاطفال خذيت وايد دورات ومنها
دورة المعلمات المستجدات
icdl
تجارب علمية في النادي العلمي
تنمية التفكير الابداعي في النادي العلمي
مهارات التعامل مع الطفل في النادي العلمي
دورة سمات القائد الناجح في جمعية المعلمين
دورة فوتوشوب في جمعية المعلمين
دورة فرونت بيج في جمعية المعلمين
دورة فلاش في جمعية المعلمين
دورة الرسوم المتحركة في جمعية المعلمين
وسنزات الخبرة في رياض الأطفال عندي 5 سنوات
والحمدلله استفدت منهم وايد بالكمبيوتر وتقديم ورش للمعلمات عن ماهية هذه الدورات على مستوى الروضه والتوجيه
فالدورات محسوبه عليج من ناحية الدرجات وضرورية لج ومفيدة
فاذا تبين تاخذين دورة اكو دورة يوم الاثنين بجمعية المعلمين لمدة ثلاث أيام بعنوان فن التعامل مع الآخرين سجلي فيها

 

[miamy]

كاجول الله يعطيج العافيه

كفيتي ووفيتي

توني ادري ان الدورات عليها درجات!!!

 

[عهود الحب]

لو الدورة عليها درجات
اتمنى من احد ينورنا ويأكد لنا

انا اتوقع هذي مثل التنمية الذاتية
بس مو معناته انه الي ماياخذ دورات ما نمى ذاته
احنا لو بيدنا طول السنة نفتر عالدورات
بس امانة هي مسألة توزيع وحسبة حاسبينها الادارة
يعني مو بيدنا

ومسألة اني استقطع من يومي واطق درب لجمعية المعلمين بالدسمة عشان دورة
طيب هم هذي صععععععبة
خصوصا انه انا عندي اطفال بالمدارس وكبار يبون عناية ومجابل
والله صعبة صعبة صعببة صج