دورة الكمبيوتر....شسالفه!!!

[miamy]

اليوم فاجأووونا

اليوم عندكم دوره من ال5 لي ال 8:krkrkr:

هو شسالفه؟؟؟ دورة كمبيوتر مدتها اسبوعين واللي ما تيي نخصم عليها شهر ونعاقبها عقاب تأديبي

يعني شلون!!

والللي عندها مسئوليات، وامتحانات وعيال صغار شتسوي!!

والدوره حد المصخره علمونها اشياء سخيييفه وتافهه

يعني اللي عندها خلفيه بالكمبيوتر المفروض ما تنجبر

ها ابلات حاشتكم الدوره؟؟؟

 

[nero]

هذي دورة محو امية الحاسوب

عطوها مدرسات المراحل الثانيه والحين دورنا

والي عندها اي سي دي ال معفية من الدوره

 

[عمشه المنتفشه]

انا بعد رحت امس بس ترا هالدوره ماتعفي عن ال اي سي دي ال بس ليش الللي ماخذين ال اي سي معفيين دام انهم مونفس الشي

صراحه ماله داعي والوقت غلط امتحانات واستقبالات حجاج (( هذا اللي هامني ))

 

[smily]

الي عندها شهادة icdl تعفى من الدورة
تاخذ صورة من الشهادة و تروح مكان دورة و تعفى منها

 

[أم سعـود]

عمشه المنتفشه حبيبتي ترا الدوره سخيفه ومافيها شي بالنسبه للاي سي دي ال

يعني هناك ناخذ كلشي صعب حيل ونمتحن فيه بالاي سي دي ال

بس بالثانيه لأ من جذيه عفونا منها

انا ماخلصت دورتي بس انشالله الخميس اخلص واخذ لمن يهمه الامر واقطه بويهم

 

[miamy]

الله يوفقج يا أم سعود وتنجحين

اصلا هالدوره مو عاجبه احد، احنا يا كلنا نعرف ومومحتاجين هالدوره

واللا كبار وبيتقاعدون هذيله اللي مايعرفون كوعهم من بوعهم ولا يبون اصلا

والمفروض تكون وقت الدوام

احنا مو ملزومين بدوام ثاني العصر!!!

اصلا لازم ناخذ مكافأه ان داومنا العصر <<<<مصختها وايد ههههه

اووفففف انا كللش مو عاجبتني

انزين صج في خصم واللا خرابيط؟؟؟

واذا كشت ومارحت شيصير؟؟

 

[nero]

اذا كشتي

كل يومين .. بخصم يوم كامل من يوميتج

.. باجر الوزارات يعطون اوفر تايم
وواحنا يخلونا نداوم العصر وان ما داومنا خصمو علينا

ههههههههه

 

[قصــب سكــر]

والمفروض تكون وقت الدوام

احنا مو ملزومين بدوام ثاني العصر!!!

اصلا لازم ناخذ مكافأه ان داومنا العصر <<<<مصختها وايد ههههه

لا حبيبتي ما مصختيها المفروض تكون في وقت الدوام

يعني اذا اجباريه جذي ما تكون العصر يدبرون عمرهم شنو هالسالفه

شايفينا حيل فاضيين وماعندنا التزامات حاطين لنا دوام ثاني ؟ ؟

بصراحه احتريت مع اني مو ماخذتها بس تصدقين نستاهل يسوون فينا جذي

لانا ما اخذنا موقف لو ماخذين موقف ورافضين بالبدايه جان ما يتجرأون يسوون فينا هالحركات

المفروض مهنه المعلم تكون المهنة الاولى في الدول من ناحيه الاهتمام وتوفير مطالب المعلمين

لكن اللي نشوفه في ديرتنا اخر الاهتمام في المعلمين خلونا غصب نكره الوظيفه ونروح الدوام والنفسيه صفر

مليان قلبي مليان

 

[*أم*خالد*]

واي انا بس ادعي عليهم واتحسب

حسبي الله عليهم وعساهم جهنم انشالله

والله اليوم مامداني اتغدا ولا نوم انام .. على أشياء سخييييييييييييييييييفه .. اليوم موديه كمبيوتري معاي قعد اكمل شغلي .. وباجر بعد نفس الشي
حسبي الله عليهم ونعم الوكيل

وجمعية المعلمين والله لو يسكرونها ابرك .. وجودها مثل عدمها .. بس حق المناصب والترزز والفلوس !!

قلبي مو متروسة الا بينفجررررر !!

 

[أم سعـود]

حرام صج الله يعين اللي بتشلووو فيها

انا لي الحين مارحت ولا قلتلهم ان عندي ICDL

لأنهم قالو يعطوني الورقه لمن يهمه الأمر الاسبوع الياي

وااي مادري شسوي تخيلووو درب لي صليبيخات عشان لس اقول ترا سوري انا عندي icdl

شنو وظيفة لسكرتاريه يعني غصب غصب غصب اخذووو دوره شالسخافه

 

[ع ــندك / خ ــبر]

الوقت غلط امتحانات واستقبالات حجاج

 

[* @ * كرستال * @ *]

حرام صج الله يعين اللي بتشلووو فيها

انا لي الحين مارحت ولا قلتلهم ان عندي ICDL

لأنهم قالو يعطوني الورقه لمن يهمه الأمر الاسبوع الياي

وااي مادري شسوي تخيلووو درب لي صليبيخات عشان لس اقول ترا سوري انا عندي icdl

شنو وظيفة لسكرتاريه يعني غصب غصب غصب اخذووو دوره شالسخافه

- هل أعطي نسخة icdl للموظفين بالدورة ونسخة ثانية الجابرية مركز التطوير والتنمية ؟؟؟؟

- لمن يهمه الأمر! ما بلغوني عنها ـ من وين نستلمها ؟؟

- صج تخلف الحين يبون يمحون أمية الحاسوب وما يقدرون يلغون أسامي اللي عندهم شهادة القيادة من الكشوفات بكبسة زر
ويبونا نفرفر على المناطق عشان نعطيهم نسخة عن شهادة icdl ​

 

[مُن مُن]

و الله صج كلامكم الدوره مامنها فايدة ولا عايد بس تضيع وقت عالفاضي ومو بس جذيه لا و قصب بعد ليش وين قاعدين؟؟؟؟؟؟ و مثل ماقالوا البنات المفروض تكون الصبح وقت الدوام اذا كانت الزامية بهذي الطريقة ... وعلى فكره ديوان الخدمة المدنية مايدري عنها شلووووووووووووون والدورة على معممه على جميع المناطق التعليمية و اعضاء الهيئة التدريسية......................
و انا ايدج قصب السكر ...................
ترى ما فات الفوت بس راح يفوت اذا قعدنا نتحلطم بينا وبين بعض و محد يدري عنا
لازم نوصل صوتنا للمسؤولين و تكون كلمتنا وحدة ...
وعلى فكرة ترى الخير بقبال و فيه دورة ثانية بالطريج

 

[miamy]

يلا هانت ابلات

خلصنا اسبوع باقي اسبوع هههههههه

وانا عن نفسي بديت استانس بلمة البنات هههههههه

 

[sunfire]

أنا لا عندى الدورة اللى تقولونها ولا رحت كلمة وحدة قلتها للناظرة أنا مو مجبرة انى أروح لأنى ملتزمة فى أمور بيتى وعيالى وإذا أهم جادين بسالفة الدورة لازم ينسقون السالفة ويخلونها وقت الدوام الرسمى... بعد الدوام الرسمى مالهم أمر على واللى فى أمه خير يخصم من معاشى الله راح العب فيهم لعب ... الظاهر كانت نايمة وحلمت ولما قعدت طبقت حلمها وقررت بكيف أمها تلزمنا بالدورة ... بعدين موبكيف أى أحد يسير نظام بيوتنا الزوجية عاد احنا ماخذين رياييل شسالفة نخرب بيوتنا علشان قرارات عشوائية مافيها دراسة يلا...يلا....شبعنا تهديدات قاعدين يتعاملون معانا مثل اليهال .... إذا بحاسبونا أثناء الدوام بعد الدوام لأ ...والف لأ...لأنه وقت بيتى وعيالى ...صيروا على قلب مرة فى حياتكم يا معلمات هذا مو رأى هذا واقع نعيشة وحيات نمارسها احنا فى عصر التطور ولازم تصرين على قناعاتج مو كل شى الدوام البيت وقته أهم شنو الفايدة قاعدة تتعبين علشان طفل الروضة وأنى تهملين طفل بيتج شنو الفايدة انادى بشعارات تماسك الأسرة واحنا نحطم أسرنا ترى فى بعض رياييل يسكتون بس يحطون بقلبهم وتلقينهم مرة وحدة ينفجرون وتصير لخبطة داخل حياتج الأسرية ....أنا أقول اللى شايفة كلامى فيه غلط خليها تروح بس بعدين لا تكتشف نفسها بعد خدمة 10 أو 11 سنة أنا صارت مثل الروبوت يتلقى الأوامر وينفذها بس ..... لازم يعرفون ان احنا بشر زوجات وأمهات لنا مسؤوليات وعلينا واجبات تجاه بيوتنا والله راح يحاسبنا عليهم .