دورة بيانو

[مهناز]

قوه بنات

ودي اتعلم بيانو من a-z
كل شي مع النوته واعزف بيدي الثنتين :wqedqw:

:lolo:

ابي معهد زين العصر لانه عندي دوام الصبح

ساعدوني​

 

[stokes]

السلام عليكم مهناز

الصيف اللي طاف سجلت في معهد اكادمية الفنون للعلوم الموسيقية على اساس اتعلم العزف على الاورج

طبعا في تعليم للبيانو و الات ثانية مثل كمان جيتار او حتى قراءة النوتة الموسيقية حتى اذا تبين تغنين يدربون لج صوتج

الدورة ب 70 دينار و انتي اللي تحددين الاوقات و المواعيد

عنوانهم السالمية قبال نادي الشعب البحري

تلفونهم 25640044- 25611440
بالتوفيج

 

[مهناز]

عليكم السلام حبيبة قلبييييييييييييي

مشكورة بعد عمري عاد سمعت فيه وكنت ادوره: ****

تسلميييييين وما قصرتي

 

[مارلين مونرو]

عندج بيت لوذان بس انا ما جربتهم سعر الدورة 80

 

[كويتيه ذربه]

ماتدرون اذا يدربون يهال بعد ولا لأ
بنتي ودها تتعلم جيتار عمرها 8 سنين

 

[مهناز]

مارلين مشكوره حبيبتي :*
وكويتيه مادري والله دقي عليهم :*

 

[stokes]

ماتدرون اذا يدربون يهال بعد ولا لأ
بنتي ودها تتعلم جيتار عمرها 8 سنين

اي يدربون يهال صغار شفت بنوته صغيره عمرها حوالي 6سنين ماسكة جيتارها و قاعدة تنطر موعدها يبلش و اذكر بعد صبي 10 سنين او اقل كان قاعد يعزف بيانو

موفقين:eh_s(7):

 

[Fa6oM]

stokes عاد استفدتي ولا لا؟؟ يعني تسوى السالفه ؟؟

 

[stokes]

stokes عاد استفدتي ولا لا؟؟ يعني تسوى السالفه ؟؟

هلا فطوم

اكيد تسوى السالفة اذا انتي تحبين تعزفين و تتقنين الشغله و تعرفين على اساسياتها توكلي على الله و روحي , بالنسبة لي يعني ما اقولج صرت بتهوفن الكويت بس الحمد لله قمت اقدر اقرى النوتات الموسيقية و اعزفها بروحي , و استخدم ايديني الثنتين بالعزف - مو نفس قبل كله اعزف بايدي اليمين واليسار طايحة يمي جنها متخدرة اسم الله عليها و همن حفظت اماكن المفاتيح عدل مو نفس قبل اوقف بنص المقطوعة ادور الري وين و الصول وين

و اكيد لستمريت بالتدريب معاهم او بروحي اكيد راح اصك على بتهوفن وسشتراوس و حتى ياني :yaaaaaarb:
قولوا ان شاء الله,ليش ان صج لما كنت انطر دوري كنت اسمع عزف صبي حوالي 13-12 سنة قاعد داخل مع مدرس البيانو و قاعد يعزف حسيت اني قاعدة باوبرا ما شاء الله عليه كان عزفه خياال و المدرس كان كل شوي يوقفه و يوجهه- انا بيني و بين نفسي اقول ما شاء الله عليه مو ناقص توجيه خله يكمل (تكلمت الخبيرة :krkrkr: )

على العموم المعهد للي يحب الموسيقى و يبي يكمل و للعلم المدرسين مصريين ما قط شفت مدرسة و صاحبب المعهد ريال كويتي عود نسيت اسمه :080402ask_prv: دايما يكون هناك

موفقين :hjy5jewf: