دورة كوني واثقه حياج معانا بعالم الثقه والقوة

[غيآبڪ عذآبي]

وينكممم

 

[رووز q8]

ماادري

ان شالله نسوم تكون بخير مو عوايدها تقطع جذي ..~

Up

 

[مـــــــذهـلـة]

انشالله بس ارتب كلامي وبدز لج رساله خاصه وشكلي بجننج لاني وين ماروح ترحب فيني المشاكل هههههههه

 

[نسمه بارده]

بنات اعذروني والله لهيت بموضوعي بفسم الحياه الزوجيه حياكم معانا
وان شاء الله لي عوده لهذا الموضوع قريب

 

[رووز q8]

< مآزلت الوحيده المناضله في الموضوع هع p

 

[نسمه بارده]

حبيبتي روز منورة الموضوع وراح نكمله مثل ماوعدنكم
ابتداء من اليوم

 

[نسمه بارده]

من اكثر الشخصيات الي تهز ثقه الشخص بنفسه هي شخصيه المحقر
تعالو نشوف شنو هالشخصيه وليش اصبحت جذي وشنو الحل لما تتعاملين مع شخصيه المحقر
تعالو اول شي نتعرف علي المحقر :
1-اولا لازم نعرف ان اي محقر هو شخص تعرض للتحقير وهو صغير لذلك هي سلسله واحرصي علي عدم التعرض لاطفالج بالتحقير حتي لو كنتي معصبه لانه يكبر ويتحول الي محقر
2-هي شخصيه انانيه وقاسيه وحقيره والاهم هو شخص محلل
يعني يحلل شخصيه الي جدامه علشان يعرف من وين تاكل الكتف
كوني حذره في بدايه تعاملج مع اي شخصيه جديده عليج لاتعطين اي شخص فرصه ياخذ منج اكثر من اللازم خصوصا المحقر
3-المحقر ممثل كبير في البدايه يكون شخصيه جميله وجذابه علي فكره شخصيته حوالينها هاله من الاهميه ويعطي نفسه قيمه وسيمه علي قولتهم علشان يغطي علي حقيقته الدنيئه
4-المحقر مهدد بطبعه يعني دايما يلجئ للتهديد والوعيد الانفعال ووالعصبيه ((طبعا زائفه في اغلب الحالات ))علشان يستخدمها وقت الاهانه بكل حريه
5-المحقر غالبا مايرضيه شي لو تعطينه كل وقتج وجهدج وصحتج ماراح يكفيه لانه بحر لاقرار ياستار دايما دايما يبي اكثر مايقتنع مهما عطيتي
6-المحقر غالبا هدفه يحطم الي جدامه كنوع من المتعه والتنفيس وفرض السيطرة بس يعني مجرد ماينتهي من الضحيه ينساه ولايفكر فيه ابدااااااااا لذلك احذر البنات من العلاقات العشوائيه وخصوصا الغراميه الي تودي بداهيه خصوصا اذا تورطتي بشخصيه مثل المحقر
7-المحقر يدمر اي فرصه لج لتفخرين بنفسج لانه وقوده الي يعيش عليه هو هز ثقه الناس وتدميرهم بلارحمه
8-غالبا المحقر يلجئ الي اساليب اقوي من الالفاظ اذا فشل في تحطيم الشخص الذي امامه ممكن يمد ايده ممكن يقتل في لحظه غليان الحقد الي في داخله لذلك الحذر كل الحذر من المحقر
9-المحقر يعيش الضحيه في سلسله مغلقه تدور فيها الضحيه بلا نهايه يعني مرة يحقره مرة يراضيه وهكذا طبعا يراضيه بصورة غريبه جدا
تخيلو يحقرج وبعدين يبين لج انه يترفع عن تحقيرج رحمه بحالج وانج من كثر مانتي ولاشي هو عطاج هدنه شوي تخيلوووو

 

[كيكه توفي]

يعطيج الف عافيه

 

[نسمه بارده]

نكمل مع شخصيه المحقر اذا عرفنا هالشخصيه وين ممكن توصل بسلوكياتها تعالو نعرف شلون نكتشف المحقر ؟
1- المحقرين اكثر من الهم علي القلب يعني بتلاقين منهم وايد في حياتج
2-الغالبيه اما محقرين محترفين وهذول اصعب نوع او محقرين مبتدئين وهالنوع ممكن بخطوات بسيطه توقفينه عند حد ةوتتلاعبين في نقطه ضعفه بعد
3-لاحظي ان المحقر هو شخص يميل الي الكلام بهدوء وغالبا كلامه سخريه ونادرا ماينفجر المحقر الا في الاوقات الي ينفس فيها عن حقد متراكم مثل ماقلت لكم
4-المحقر مايقدر يمثل ويضبط نفسه اذا تواجد في بيئه كلها انتاج وابداع بعطيكم مثال
مثلا نفرض 3 زميلات بالعمل وحده كرموها مثلا لانها مجتهده ووحده شغلها وانتاجها قليل لكن نفسها كريمه تفرح شوي لزميلتها وتغير شوي
شخصيه الثالثه هي المحقره راح تلقونها ميته من القهر وماتقدر تتحكم باعصابها ودايركت تبتدي تنفس وتحقر الي جدامها بس طبعا بذكاء خصوصا اذا مالها ميانه علي اللي جدامها
بسرعه تلقونها عطت تعليق يحطم الي كرموها مثلا
ا((ي من زين الجائزة والله لو يعطوني بقطها بالزباله عاااااااااااد مو انا الي اتشفق علي الجوايز ))
لاحظو الاسلوب شلون
وصلت الفكرة بصورة خبيثه جدا
خلونا نحلل الجمله مع بعض :
1-اول شي سخرت من الجائزة كقيمه معنويه وماديه
2-استخدمت لفظ زباله لان المحقر مايقدر يضبط الفاظه خصوصا اذا جته نوبه التحقير فهذا اللفظ بين مدي الغضب والحقد لي وصلت له المحقره
3-بينت انها تترفع عن الجوايز يعني الي فازت هي مشفوحه علي الجوايز
يعني انا مستوي كلاس والي خذت الجائزة حثاله لذلك قبلت الجائزة
4-قللت من قيمه الامر كله وشوهت الفكرة من تكريم الي اهانه بس شرايكم بالاسلوب تحطيم رسمي مو؟

 

[نسمه بارده]

هلاحبيبتي كيكه توفي منورة الموضوع نبي رايج وتجاربج مع شخصيه المحقر

 

[نسمه بارده]

نكمل عن شخصيه المحقر
لاحظو معاي ان المحقر شخصيه شعيفه من الداخل هششششششششششش لذلك لاتفكرين تواجهينه راح يحطمج وممكن توصل الي درجه القتل صدقوني
طيب عرفنا شخصيه المحقر
تعالو نعرف منو الضحيه المستهدفه للمحقر ؟
1-الشخصيات الي تربت علي الخضوع وتعودت علي الخضوع لرغبه الغير(لاتجبرين بنتج تسوي شي غصبا عنها خصوصا اذا كانت شخصيتها قابله للخضوع انتبهي راح تتعود وتستسلم بسهوله للمحقر ))
لاتستخدمين اسلوب التهديد والوعيد مع اطفالج لانهم يبتعودون علي التنازل اذا سمعو هذا الاسلوب من اي شخص وهذا خطر جدا خصوصا اذا نشئو في بيئه تحتوي علي محقر مثل الاب او احد قريب منهم
3-لاتسبين بنتج وتنفسين غضبج وعصبيتج فيها راح تكبر وتتعود علي انها تكون مصدر راحه وتنفيس للمحقر
انتي جذي تهدمين شخصيتها وثقتها بنفسها بتقول امي كانت تسبني دايما وتهنيني وتحقرني يعني فعلا انا جذي
4-لاتلجئين للضرب الا في الضوروة القصوى وعدم استخدام الضرب كتعذيب بل وسيله تعليم وايضا مانصح فيه ابدا
لان اطفالج يكبرون عندهم استعداد اما انهم ينضربون او يضربون وحطي تحتها ميه خط احمر
5-علمي اطفالج المواجهه دايما لانهم اذا سكتو وخافو طبعا مافي احلي من المحقر علشان يحطمهم ويدمر شخصيتهم
6-علمي اطفالج يحللون شخصيه الي جدامهم يوحللون معاني الكلام عطيهم ثقه بالنفس وخليهم دايما عندهم مناعه من المحقرين
7-احرصي علي تدريب اطفالج علي النظر بعمق في عيون الاخرين وهذي النظرة راح تهز ثقه المحقر في نفسه جدااااااااااااا وهذا المطلوب
انتظروني بالمزيد تعبت الحين

 

[رووز q8]

وااااااي يا كثررررهم بحياتي بس تدرين شنو اسوي معاهم ..!!

نظره وضحكه استهزاء والسلام


نسسومه قلبي مشكوره صج اشتقت لدررج .~

وياليت تعطيني حلول للتخلص من الخجل الزايد اذا تعرفين ان حبيتي هني او بالخاص ماكو مشكله ..,

 

[نسمه بارده]

هلا بالغاليه روووز
منورة الموضوع
وحاضر بكتب لج عن الخجل الزايد قريبا بس راح يكون داخل الموضوع نفسه علشان يكون متكامل

 

[bigsmile66]

يعطيج العافية نسمة باردة على مواضيعج و مجهودج

 

[رووز q8]

فديتج يابعدي

خلاص بانتظـآرج

 

[نسمه بارده]

هلا بالغاليه حبيبتي
اعذروني عندي امتحانات هالفتره باذن الله اكمل لكم قريب

 

[سامحني راح انسى]

انا بشارك معااكم لاني فعلا محتاجه لتغير شخصيتي

 

[نسمه بارده]

حياج الله اختي والدورة مفتوحه وتزيد بمشاركاتكم

 

[المهمومه...]

رووووووووووووووووعه

 

[الحور]

انا بصراحه سويت كوبي عالموضوع وبطبعه واقراه بتمعن ..
بس اللي بغيت اعرفه .. اشلون طريقة الدوره ودي اشترك فيها ..
ياليت تفيديني يالغلا ..