دورة هندسة الراتب للمهندس طارق جمال الدرباس *دورة مميزة*

[xxx]

الراتب هو الاجر الذي تحصل عليه بنهاية الشهر نظير عمل قمت به

اتوقع اغلب الاشخاص يمشيلها راتب نهاية الشهر سواء طالب او موظف

ما نلاحظ اغلب الناس قبل ما يوصل نهاية الشهر بجم يوم الا البوك يصفر
وينطر على اعصابه نزول الراتب
وكل شوي يجيك وصله مسج من البنك والا لأ

وليش وايد ناس يتعذرون انهم يبلشون مشروع تجاري

غالبا لانه ما عنده راس المال

وليش البعض لما يرجع من السفر لو 5 ايام ينطر المعاش الياي

كل هذي الامور تصير لانه غالباً نفتقد لفن ومهارات ادارة الراتب

ودايماً نلاحظ انه في بداية الشهر طلباتنا زايده
ومن نوصل لي اخر الشهر ويكون باقي اخر جم دينار بالبوك تقل مصاريفنا
سبحان الله ( نتكيف )

انزين نبي نبدأ بخطوات عملية بهذي الورشة
علشان نـ ( هندس رواتبنا )

نبي نعرف وين اماكن صرف الراتب
كل شخص يكتب مصاريفه الشهرية بورقة

اول خطوة لادارة الراتب

الالتزام والارادة بالخطة اللي راح نحطها بعد شوي ..
والرغبه في ادارة الراتب ..

مستحيل انك تدير راتبك وانت ما تبي

الالتزام والارادة والرغبة انه نوصل الى الحرية المالية ..


يتبع .....

 

[xxx]

الخطه


توزيع الراتب بشكل مناسب ..

وراح اتكلم عنه عن طريق النسب المئوية مو مبالغ وارقام ..
راح اضرب مثال براتب قدره 1000 دينار ..

طريقة توزيع الراتب المقترحة :

10%
من الراتب اتكون للإدخار ..
هذا المبلغ مهما يكون ما نقرب صوبه خير شر ..
ويتحول بالحساب اللي فتحناه ..

10% = 100 دينار = ادخار

المتبقي 900 دينار ..

20% لحساب المتعة والازمات وهذا الحساب الثاني اللي فتحناه ..

20% = 200 دينار شهرياً = 2400 دينار سنوياً

المتبقي 700 دينار ..

15% قسط السيارة

15% = 150 دينار شهرياً = 1800سنوياً ..

المتبقي 550 دينار ..

5% تكون للصدقة

5% = 50 دينار = 600 دينار سنوياً

المتبقي 500 دينار

والصدقة اهيا بركة الراتب صراحة واثرها عجيب

ما نقص مال من صدقة

المتبقي 50% من الراتب

واهي تعادل 500 دينار

واهيا للمصاريف الحياتية الشهرية والطلعات والوناسه

وتعادل تقريباً 16 دينار يومياً

انزين شنو موضوع حساب المتعة ؟

في البداية انا قلت اذا سافرنا ورجعنا نرجع منتفين
ليش ؟
لانه نسافر من معاشنا
لكن حساب المتعة يقضي عالمشكلة

انا اقولكم شلون نستغل حساب المتعة
انا قلت راح نوفر فيه 20% من الراتب معناته 2400 بالسنة
معناته اذا سافرت ورجعت اسافر من هالحساب

اذا رجعت اكون الـ 500 ما صرفتها مالت المصاريف الاساسية
اذا ابي اشتري شي هالشهر او عندي مناسبة
كله من حساب المتعة علشان ما تختل الميزانية

وبالنهاية اكون استمتعت براتبي
وما حرمت نفسي من شي
وبنفس الوقت وفرت منه
وما نطرت لي اخر الشهر علشان نزول الراتب


تم بحمدالله

الف شكر للمهندس طارق الدرباس الي امتعنا بهالدورة المميزة

 

[زهرة الزهور]

موضوع حلو ومفيد مشكوورة
بس حساب المتعه رح اسافر فيه واخر شي بلف عالراتب والادخار اتسوق فيه واتمتع فيه بعد لوووول

 

[Aryam30]

انزين واللي اصلا لما ينزل الراتب مايستلم منه الا نصه بعد وين في مجال انقسم هالحتاحيت

 

[F.DIAMOND_Q8]

يعطيه العافيه

و ثانكس حبوبه​

 

[أريد حلا]

مشكووووووووووووووووورة

 

[الباسمه]

يسلمووووووووووووووو
أحب هالمواضيع​

 

[((الزين))]

مشكوره يا مديرتنا والشكر موصول للمهندس الدرباس
تقريبا نفس كلام د ابراهيم خلف بدورته عن ادارة الدخل الشهري
قال لنا قسموا الراتب الي مصاريف ثابته ومصاريف غير ثابته
والتوفير يكون من المصاريف الغير ثابته
طبعا هذا غير ال10% من الراتب نوفرها
وقال بعد نحط حصاله ونكتب عليها تاريخ مثلا2014 او2015
وما نفتحها الا بهالتاريخ
واخر كلمه قالها لنا الاراده ثم الاراده ثم الاراده
والله يوفق الجميع

 

[noody a&a]

روعهx روعه ْx روعه

جد جد إذا صار عندنا اراده قوية وطبقنا هالنظام

بنعيش مرتاحين طووول الشهر

بحاول من الشهر الياي

مشكورة

 

[هيفو777]

الصراحه خوش موضوع يعطيج العافيه

 

[๑ஐ MeMo ஐ๑]

قواج الله جد مفيد ابدع مهندس طارق الدرباس وهالشي مو يديد عليه

يزاكم الله خير

 

[xxx]

حيااااااكم الله

نورتو الموضوع

 

[قطوة@@]

واايد استفدت

مشكورة و قوااج الله

 

[هيفو777]

اب اب

 

[هيفو777]

لا يوقف

 

[شماليه أصليه]

موضوع ممتع و شيق
هي الحكاية كلها تبيلها نظام وارادة فقط

 

[manoooram]

الله يعطيج العافيه بنت الكويت على الموضوع وانا هالطريقه علمتني اياها وحده من صديقاتي صج فادتني

 

[أم عزيزان الحلو]

مشكوره حبيبتي

 

[xxx]

حياااكم الله

نورتو الموضوع

 

[بحر الرمال]

يعطيج العافيه فعلا محتاجين مواضيع تثقيفيه لاننا مجتمع استهلاكي من الدرجه الاولى
و في ملاحظه احب اضيفها بالنسبه حق اللي يحبون التسوق مثلي:
اولا: اشتري اشياء قليله بس تكون ماركه و نوعها زين و كرفيها طلعي سعرها, بس لا تشترين اشياء وايد و رخيصه لان راح تملين منها
و النصيحه الثانيه: لا تشترون وقت التنزيلات (الا حق الاطفال), لان الاشياء الباقيه تكون موذاك الزود و تلبسينها جم مره و تملين منها, بس اذا شريتي شي توه نازل و يديد بقراطيسه له زهوه غير و ينكرف