ديروا بالكم من د هيلين اللهم بلغت اللهم فاشهد

[BlackRose]

السلام عليكم بنوتات

حبيت احط لكم تجربة امي مع النصابة دكتورة هيلين الله لا يبارج فيها

الله يسلمكم ما بقى احد ما مدح دكتورة هيلين حق البشرة وهالسوالف

المهم امي حبيبتي راحت لها كانت بشرة امي مرهقة بحكم السن وشوي صوب خطوط الفم طايحين

راحت لها امي قالت لها راح نحقنج بابر بلازما وفيلرز ومادري شنو ومن هالسوالف

امي قالت اوكي

اول شي قالت حق امي راح نحقن صوب خطوط اللي بجانب الفم فيلرز امي قالت لها مابي يكون فيني شي متفوخ ابي كل شي طبيعي

قالت طبعا طبيعي وراح تشوفين النتيجة

الله وكيلكم حقنت حق الوالدة الله يطول بعمرها.....قولواآمين صوب خطوط الفم وما مر اسبوع الا المادة صاعدة بخدودها

والحين ويه امي متفوووووووخ جنها معبية الخدود وصوب الفم نفس ما اهوا:rgewrg::rgewrg:

شغلة ثانية

امي كان شكل بشرتها مرهق بحكم السن وكان فيها كلف شي بسييييييييط جدا قالت لها اول شي راح نحقن بابرة بلازما ونسويه بالرول

وبعدها باسبوعين راح نحقن نضارة باحماض الفواكة

امي سوت اللي قال لها عليه الله لا يبارج فيها ولا يوفقها الحين مسكينة امي حبيبتي صار ويها مبقع بلون بني غامج والكلف زادت بشكل فظيييييييييييييييييييييييييييع

حبيبتي

هم الويه متفوخ والبشرة صار شكلها تعباااااااااااااااان بشكل مو طبيعي

ومعطيتها كريمات بالشي الفلاني
وعقب ما خلصت بلوتها اللي سوتها بالوالدة تقول حق امي النتيجة تبين بعد 9 شهووووووووووور:krkrkr::krkrkr:

يعني نصب مو طبيعي

اول شي حطت لها القمر بايد والشمس بايد وبالاخير تقول لها 9 شهووووووور

والنتيجة عكسية تماما

والحين جم مرة مرتها كله مسافرة ومو موجودة

الموجودة النصابة الثانية ايرينا
مجموع اللي دفعته الوالدة 500 دينار

ودري اوديها مكان ثاني مااعرف وين

وهم مشكلة الوالدة انها تبي حرمة تشتغل لها تستحرم تسوي عند ريال

شالحل وشالدبرة مادري

غير جذي انا خاطري اشتكي عليها بس اشلون مااعرف

حدها باطه جبدي:eh_s(16)::eh_s(16):

لا من الفلوس ولا من النتيجة

 

[لؤزْ و سُكّرْ]

امبيييه عاد الكل يمدحها بسس اهي استشارية ترى مو دكتورة انا اقول لا تسكتين دشي ببلاعيمها و رفعي عليها شكوى اذا ما يات معاج بالمساير جلبه هاذي باجر تقلب الناس سلاحف و تلهف بهالفلوس و كثر مالناس تسكت كثر ما هالاشكال تتجرأ

 

[dectora 7elwa]

لا اله الا الله
الله يعينها ويعوض عليكم
حاولوا توصلون لمدير المركز وتكلمونه لا تسكتون

 

[BlackRose]

ماتعرفون يابنات اشلون نقدر نشتكي؟؟

 

[صخر جلمود]

للآسف الحريم في كل شئ فاشلين خاصه في التجمييل

الا ما ندر

<< ما آعم آخصصصص أنا

 

[ReeM ^ Style]

استغفرالله مايخافون ربهم !!
عموما الدكاتره بالكويت اغلبهم فاشلين

 

[فـدوه]

خل تروح حق دكتورة قنال الصايغ وايد زينة

 

[اللاما]

شوفي الدكتور طلال العلي شاطر

 

[شـمـوخ آنـثـى]

آآآب لعيـــونج غنــآآتي..

 

[Air Bag]

كل إلي ينمدحون بلنت تلاقين شغلهم خرطي
ماقمت أصدق أي شيء إلا عقب تجربة
الله يعين الوالدة ويعينج,,لاتروحين لأي أحد ثاني ينصب عليج وتروح فلوسكم علفاضي
خلكم عندها حسبي الله عليها لحد ماتلاقي حل غصبن عليها وعلي يابوها

 

[أم حوور]

حسبي الله عليها


لا تسكتين عنها وقولي للسكرتاريه اذا ما دخلت وشفت الدكتوره والله افضحكم جدام المراجعين ولا تسكتين عن حق امج

 

[مذهلة 78]

حبيبتي نصيحه وديها عند الدكتوره ليندا بمجمع المسيله اللي يم السلام
دكتوره ممتازه واسعارهم وايد زينه وانا وانا شخصيا مجربتهم

 

[BlackRose]

مشكورين على التفاعل بنات

واالله ماندري شنسوي

نخاف نكمل العلاج وتاخذ فلوس زيادة على الفاضي

ومانقدر ما نكمل لان جذي مهي حالة

اختي مذهلة ليندا زينة حق النضارة؟؟؟

 

[dla3_princess]

الله يحفظ امج .. و يعووضها يارررررررب

 

[كماشه]

حسبي الله ونعم الوكيل لاتسكتين شرشحيها وخذي كل فلس اخذته منج روحي لمدير المركز وقوليله ردولي كل فلس خذيتوه على دكتورتكم النصابه ولا بيني وبينكم المحاكم وروحي لشيرين وايد زينه وبتنصحج اهي مو طماعه وحبوبه وثقه والله يشافي امج يارب

 

[ثلجة ساخنة]

الله يعوض عليكم كلمي مدير المركز يحل الموضوع:j013:

 

[softlady]

انا مجربتها من5 سنوات

نصااااااابه وعياره ومو دكتوره بعد اخصائيه
خل تولي

 

[BlackRose]

ثانكيو على التفاعل بنات

اتمنى اللي يمدح احد بالمنتدى يكون واثق من كلامه

لان الوالدة حبيبتي راحت لها بعد ما وايد بنات امدحوها اهني بالمنتدى

يخرب بيتها عفست الدنيا

 

[جروح ودموع]

وااااي كسرت خاطري الوالده بعد عمري وانصحج تكلمين صاحب المركز صدقيني راح يخافون على سمعة المركز يا انهم يصلحون الغلط ويعدلونه وبلاش ما ياخذون فلوس او يرجعون لج فلوسج تروحون مكان ثاني يكون ثقه

 

[فانيلا]

لو كنت بنت بالمنتدى تراعي ضميرها قبل لا تمدح

احد كان ماتضرر احد
حسبي الله ونعم الوكيل

اللي تمدح صدق مع اللي تمدح كذب اختلطوا وماقمنا نفرق