ديروا بالكم من هالعيادااات!!!! شاركونا بناات

[Bamya]

انا مو عياده انا دكتور بكبره ودرني وبغيت اروح من جيس اهلي بس الله ستر
والدكتور مغرور وشايف نفسه عالطل و الله كان ودي ارفع عليه شكوى بس امي مو راضيه تقولي خلاص خليه يولي وحمدي ربج انج صرتي زينه
واسمه احمد الفضلي ينقال انه استشاري جهاز هضمي وانا ابصم بالعشر انه مايعرف الامعاء الغليظه من الرفيعه
وعنده عياده خاصه ويشتغل بمستشفى مبارك

حمدالله على سلاااااااااامتج حبيبتي

وااي كل شي ولا الجهاز الهضمي .. احنا بشرة تنسحك نتصرقع عليها من الخرعه هالمره جهاز هضمي بكبره؟!!!!

خطاااج السوو ومشكورة عالتنبيييييه

 

[كويتيه رزتها ملكيه]

انا مو عياده انا دكتور بكبره ودرني وبغيت اروح من جيس اهلي بس الله ستر
والدكتور مغرور وشايف نفسه عالطل و الله كان ودي ارفع عليه شكوى بس امي مو راضيه تقولي خلاص خليه يولي وحمدي ربج انج صرتي زينه
واسمه احمد الفضلي ينقال انه استشاري جهاز هضمي وانا ابصم بالعشر انه مايعرف الامعاء الغليظه من الرفيعه
وعنده عياده خاصه ويشتغل بمستشفى مبارك

تصدقين نفس اللى صاار مع ااختى مااادرى شصار لها لما سو لها سونار شافت الموت عقبها من مستشفى لمستشفى حسبى الله عليه والله لا يوفقه صج هالدكاتره فشله ومصدقين روحهم

 

[Bamya]

وي الصراحة صج لعبوا فينا لعب

شوفوا سالفتي عيل انا
كنت بسوي ليزر علشان الشعر بشيله
وقلت ابي اسوي كل جسمي وافتك _03BA:
مستانسة حدي ورحنا مستشفى الراشد
وعطونا موعد قالوا تبون الدكتورة المصرية او الكندية
جان نقول لا الكندية اكيد شغلها اضبط واحسن
المهم حطينا موعد ورحت قلت اول شي ابي اسوي
ريولي وحطولي كريمات وسوالف وصكروا عيوني
وفي الم احس انه جنه كهربه يعور شوي
ويوم خلصت وقمت سجلت لي كريم قالت دهني
فيه اسبوع كل يوم لازم قلت انزين وريلي احس
تعورني وما اقدر امشي عدل رحت البيت يوم
ابي اغير ملابسي واللا انصدم واخترع فخوذي
محترقة حرق احمر واسود وبنفسجي كله فوق
وتحت ورا كل ريولي وريت امي واخترعت حدها
واللا الكريم اللي معطيني اياه كريم ميبو مال الحروق
وحتى ما دوامت لان ما اقدر امشي وكان بالصيف
الجو ما يساعد وقلت بس مابي اكمل الجلسات
علشان اموت اسم الله عليي
بس وايد سمعت ان سووا ليزر ما صار فيهم شي
وقالوا ان ما يعور اللا انا يعني على حظي
يعني احذركم من هالمستشفى لا تسوون ليزر فيه ​

الظاهر مو ظابطة لج قوة الليزر المناسبه لبشرتج

سلامااااات حبيبتي

انا شفت رفيجاتي مسوين ريولهم اول جلسات تصير منقطه تخرررع جنه دوالي بس بعد فترة يروح

بس ما وصل لدرجة الحروووق والتصلخ!!

زين قلتيلنا عنه عشان نحتاااط

 

[Bamya]

موضوع جيد .. للاستفاده من خبراتكم .

مرووورج الجيد قلبوووو :ggdw:

 

[Bamya]

شوفوا يالغاليات أولا جزاها الله خير صاحبة الفكرة وجزى الله خير كل من أفادنا بفكرة آنا عندي تحذي إحذروا من عيادات الطب البديل ولاتغركم الإعلانات الكاذبة ولا الشعارات الخداعة والتجاب معها طويلة وايد .

مشكووووووووورة على التحذير حبيبتي

انا كنت وااايد مغتره بالطب البدييل بس شكلي بغير رايي من كلامكم

 

[Bamya]

وااااااااااي خووووووووووش موضوع حدي محتره

انا سويت تقشير عند صالون ميس ون بقرطبه عند خبيرة تجميلهم اسمها يولا لبنانيه صج صج

حسبي الله ونعم الوكيل قطيت 230د.ك قالتلي بجلسه وحده راح تروح كل آثار الحبوب والنتيجه

عقب 3 اسابيع من الجلسه وعطتني 3 كريمات حدهااااااااااااااااااااااااااااا نصااااااااااااااااااااااااااابه

ويهي مثل ما اهوا ما تغير ولا شي بس عقب 3 اسابيع ابيضيت شوي و عقب رد لوني مثل ما اهوا

و الأثار كاهي موجوده ليلحين!!! صج بياعين حجي واحنا بس رايحين نصدق وقاطين فلوسنا

حسبي الله عليييهم هالصالونات ملعوزينا عدددددل ويعرفون نقطة ضعفنا:eh_s(14):

الحمدالله ان ويهج على حطته ما صار فيه شي .. شي اهون من شي

 

[Bamya]

بنااااااااااااات شاركووونا بعد فيدووونا خلونا ندير بالنا عشان لحد يستغفلنا

 

[نــور1]

صالح بو حمرة

دكتور جلدية


شعري كان كل ماله يصير خفيف قلت خل الحق ع البقية الباقية منه المهم طقطقني ابررررررررررررررر وكل جلسة بالشيء الفلاني

والنتيجة ولا شيء

 

[أحلى عيون]

بصراحه انا الي مااستفدت ونصبت علي

عاليه الفضلي دكتوره امراض نسى اخذت مني 800 دينار بشهر ولا سوت لي شي ولا حتى البويضات عندها تكبر

اما الثانيه مهجه البدر اخذت مني 500 دينار وتقعد تهاوش وتقولي شتبين بالعيال الحين توج صغيره << دكتوره مصخره احلى شي فيها تحط لولب وتشيله

ودكتور موسى سلامه جبر والله اكبر نصاب بالعالم ما يقعد يقولج شنو فيج يطلع من الغرفه يروح وما يرجع لج الا بعد ساعه ويقعد يفتح بالدروجه وانا مره صادف انه سيفون الحمام(عزكم الله) خربان وقاعد يسولف مع الهندي الي يصلحه وانا قاعده وزوجي ينتظرني

وبعدها قعد وقالي شفيج اكلمه مو منتبه لي واخر شي قلت له دكتور انت وياي ولا بالك للحين على السيفون واخر شي يعطيني رقمه وكانت وياي حماتي ويقولي الاخت الي وياي لا تقولين لها وكلميني على النقال << يغازلني

مصخره والله ماادري على شنو يبون كادر الاطبه على فشلهم ولا على شنووو


اي نسيت ومركز الحمرا للشعر طقيت عنده شهر كامل ابر وكل مااروح 5 دنانير والله شعري طاح ولا استفدت منه

وهذي معاناتي والي جاي اكثر

 

[Bamya]

صالح بو حمرة

دكتور جلدية


شعري كان كل ماله يصير خفيف قلت خل الحق ع البقية الباقية منه المهم طقطقني ابررررررررررررررر وكل جلسة بالشيء الفلاني

والنتيجة ولا شيء

الشعر يبيله صبر .. ما قالج النتيجه شكثر على ما تبين؟؟

لان اللي اعرفه هالابر فيتاميناات تحفز البصيلات عشان ينبت الشعر ، يبيلها وقت شوية

 

[Bamya]

بصراحه انا الي مااستفدت ونصبت علي

عاليه الفضلي دكتوره امراض نسى اخذت مني 800 دينار بشهر ولا سوت لي شي ولا حتى البويضات عندها تكبر

اما الثانيه مهجه البدر اخذت مني 500 دينار وتقعد تهاوش وتقولي شتبين بالعيال الحين توج صغيره << دكتوره مصخره احلى شي فيها تحط لولب وتشيله

ودكتور موسى سلامه جبر والله اكبر نصاب بالعالم ما يقعد يقولج شنو فيج يطلع من الغرفه يروح وما يرجع لج الا بعد ساعه ويقعد يفتح بالدروجه وانا مره صادف انه سيفون الحمام(عزكم الله) خربان وقاعد يسولف مع الهندي الي يصلحه وانا قاعده وزوجي ينتظرني

وبعدها قعد وقالي شفيج اكلمه مو منتبه لي واخر شي قلت له دكتور انت وياي ولا بالك للحين على السيفون واخر شي يعطيني رقمه وكانت وياي حماتي ويقولي الاخت الي وياي لا تقولين لها وكلميني على النقال << يغازلني

مصخره والله ماادري على شنو يبون كادر الاطبه على فشلهم ولا على شنووو


اي نسيت ومركز الحمرا للشعر طقيت عنده شهر كامل ابر وكل مااروح 5 دنانير والله شعري طاح ولا استفدت منه

وهذي معاناتي والي جاي اكثر

لووووووووووووووووووووووووول امبييه مو صججججججج!! دكتور معطيج رقمه وزوجج ناطرج عند الباب؟؟!! بايعهاااا ، صج اي شي هالدكاااتره استخفوا

الله يعيييييييينج حبيبتي احسج تمرمرتي من دكتووره لين دكتووور كل شي بأجره ان شاء الله

 

[جوك احلى جو]

والله انا بتكلم عن صالونات اللي تسوي برنامج للبشره مثل كوزمودم بختصار انا سويت عندهم تنظيف بشره مع تقشير كريستال صراحه بس نصب علي الاواد وصديقتي مسويه حمام مغربي عندهم حق عرسها والله تقول شغلهم يلوع الجبد

 

[حبووبة 76]

عيادة الانصاري للاسنان اي كلاااااااااااام
بس بوووووووووووق فلوووووووووس

 

[حنين3]

انا جربت تقشير عيادة الصالح كلنك

ما اقول الا حسبي الله ونعم الوكيل فيهم

بشرتي حيل تضررت وليما الحين اعاني منهم


حراااااااااااااااااااااااااااااااااااااااااااااااااااااااااااااااااااامية محترفين نصب

 

[miss_math]

مشكووورين ع التنبيه

 

[بزنسجيه]

يعطيها العافيه صاحبه الموضوع على هالموضوع اللي يبرد القلب

صراحه انا فيني حره على قنال الصايغ ومستشفى الراشد عمى بعينهم بوووووق ونصب وجان زين بس جذي يخربون بدال مايعدلون


بالنسبه حق مستشفى الراشد رحت لهم عشان اسوي ليزر حق ويهي (الدكتور اجنبي) قلت له ابي ليزر قالي اي فيه ليزر وكل شي وبعد مادشيت الغرفه مالت الليزر قالي في شي احسن من الليزر اللي اهو الكهربا ...عرفتووه بنات؟؟ اللي يشيل الشعره بملقط ويقز مكانها بالضبط بابره وهالابره فيها كهربا (يعني قزه الابره تذبح + الم الكهربا اللي جنه صعقه كهربائي)


المهم قلت لها دكتور ليش هذا احسن قال هذا بسرعه يروح الشعر من مره او مرتين حدي استانسسسست


المهم يوم سوالي الجلسه روحيييييييي اطلعت اتخيلوا كل شعره يشيلها ويقزها ابره وكهربا مت مت مت اقوم اعرق وجسمي يرجف والله اقوم احس ماقدر اوقف على حيلي حايشني دوااااااااااار


اتعبت نفسيتيييييييييي بس تعذيب هذااااااا

المهم بعد 3 او 4 جلسات يرررررررررد الشعر نفس ما اهووووووو ولا جنه امسوي شي كل جلسه 80 تخيلواااااااا يقول احسب على كمبيه الشعر

المهم ادري طولت عليكم ..بعدين بعد رابع جلسه وانا ميته قهر طبعا بين كل جلسه والثانيه 3 اسابيع بس

قام يطلع مكان كل شعره بقعه بنيه اتخيلواااااااااااااااااااا ..لانه يحرق مكانها يعني الحين المصيبه مصيبتين شعر+بقع بنيه

رحت قلت له خلاص بوقف الكهربا ابي ليزر (ٍمعوا المصيبه شقالي)قال ماعندنا ليزر احنا :| انصدددددددددمت


قلت له جان قلت لي انه ماعندمن ليييييييييش اتقولي الكهربا احسن وانتي ماينفعج الا الكهربا

طبعا على البقع اللي صارت لي وعلى العذاب والالم وعلى الفلوس اللي ققطيتها نزلت تحت عند الاداره وقلبت عليهم الدنيا

قلت لهم لييييييش ماتقولون ماعندنا ليش اتسون شي على مزاجكم وبهذلتهم قلت لهم والله لاشتكي عليكم عاد خافوا وقالت لي المسئوله لالا حبيبتي كل شي له حل وانشاء الله بنييب جهاز ليزر بدايه شهر واحد وانسويلج جلسات ابلاش

ونعطيج كريمات الحين عشان البقع البنيه تروح


المهم نطرررررررررررررررت لين شهر واحد ورحت لهم قالوا ماترخص جهازنا ...نطري شهر 3 ونطرررررررت وعقبها سولي جلستين مجانا طبعا بدال سواد ويهم وييتهم الجلسه الثالثه ولا يقولون لي الدكتور هذا سافر وفي بداله واحد مصري مادري شسمه عاد قلت خلااااص خيولون حسبي يالله ونعم الوكيل فيهم بس الحمد الله رب العالمين البقع راحت بعد مده طويله سنه او اكثر بس راحت

ومعاناتي الثانيه مع قنال الصايغ رحت لها حق ويهي هم نهبتنييييييييييي عالفاضي ولا سوت لي شي مثل الناس شهر واحد خذت مني 250 دينار تقريبا وبطلت اروح عندها نفسيتي اتعبت من ادويتها

والله يكافينا شر هالمستشفيات والعيادات الفاشله

وسامحوني عالاطاله

 

[حناينq8]

حبيبتي باميا والله مشكوره على هالموضوع اللي يتيح لنا ان نفيد ونستفيد من البنات وتجاربهم

انا انصحكم من هالنصاب اللي اسمه - عيسى بشور - بمستشفى دار الشفا ترا سمعته عالفاضي ونفسه خايسه وعلاجه ولا شي بالمره

وفي دكتور انا راجعت عنده بعد بمستشفى دار الشفا اسمه - احنف ارناؤوط - اول ماصار فيني الدسك كان يبي يسوي لي عمليه باي طريقه بس عشان ياخذ فلوس حسبي الله عليه قال لي اذا ما سويتي العمليه راح تنشلين والله يا بنات اني رحت حق بروفيسور امريكي كان ياي زياره بالسلام قال لي ماعليج منه جذاب وحالتج ما تأدي الي الشلل كل اللي فيج دسك ويتعالج بأبره


انا غسلت ايدي من شي اسمه دار الشفا - اكبر نصابين بالكويت

 

[عطر البوادي]

بو حمره دكتور الجلدية
والله الظليمه شينه أهوا زين لما تتعالجين عنده حق بشرتج بس الشعر لاااااااااااااااااااااااااا وألف لاااااااااااااااااااا
والأبر اللي يقزها بالراس أنا مجربتها وهي كورتيزون ضرتني ونشفت شعري وزاد التساقط وفوق كل هذا يقول فيني ثعلبه والصدفه الغريبه أن قال حق رفيجتي أن فيج ثعلبه ورفيجتي لما كانت بالإنتظار تنطر دورها أسألت اللي يمها ( فضول ) جان تقول لها الدكتور قالي ثعلبه لا لا شي مو طبيعي

ودار الشفا ما فادوني بخصوص شعري

 

[Bella^^swan]

Bamya

موضوعج عجييييب وصج استفدت منه ..
انا تجربتي كانت مع صالون ديزيريه اللي في الجابريه "عمى بعينهم" شوهو ويهي .. كنت رايحه أسوي عندهم تنظيف بشره .. حاطين لهم هنديه و مسمينها خبيره بشره !!! .. الله وكيلكم ما بقى سنفره ما حطتها بويهي وهذا غير الكريم اللي يحرق .. وبعدين طلعتلي مثل الحديده المبوزه وقامت تحفر بويهي تقولي هذي تطلع الرؤوس السوده "الله يسود وييها" .. والله رجعت البيت ولا ويهي محبب بشكل مو طبيعي وما لاحظت ولا تغيير على بشرتي و تمت معاي الحبوب لمدة اسبوع وماراحو الا لمن استخدمت كريم حق الحبوب والحروق .. وهم ااحين أحس ان في آثار حروق اب بشرتي .. فا نصيحه بنات .. ديربالكم تروحوون تسوون تنظيف عند هالصالون ..

 

[رورو الدلوعة]

النصاااااااااااب بوحمرة للجلدية كانت لي تجربة لازالة وحمة برجللي دفعت 500دينار ومع عذاب شديد

بالاخر ما رراحت ف قالي نحن كنا نجرب اذا تروح ولا لأ!!!!!!!


يا نصاب تجرب على الناس جرب عليك بالاول