ديروا بالكم من هالعيادااات!!!! شاركونا بناات

[Laymo0ona]

امبيه شهالدكاترة وااااي الله يعينكم اللي ماتوفقوا عند اي دكتور
انا ما عندي اي تجربه وكان في بالي اجرب جم شغله بس صراحه خرعتوني احس كلهم طلعوا خواره و مو ثقه:eh_s(1):

 

[_LaNa_]

واااا ي امبييييه صج صج هذا الموضووع اللي محتاجينه

طبعا التجارب الفاشله وايد بس راح ابدي اب اسوأها

الدكتوور اللي كل يوم ادعي عليه والله

دكتور الاسنان د.محمد النوري اللي في مستشفى الاميري

انا كنت رايحتله لان كان عندي سوسه صغيره ماتبين يعني في اسناني اللي جدام
بينت بالاشعه بس , فقلت ما بي المستوصف يسوونها اخاف تبين باروح المستشفى احسن

و شفت ان اهو رئيس الوحده ( مادري على شنو ) فقلت خلاص و كنت حدي مستانسه

طبعا اول ما شاف الاشعه قالي لا بسيطه

يوم قعدت على الكرسي جان يقول لثتج جنها ملتهبه شوي
قتله اي ادري لاني اتنفس من حلجي بس مو ملتهبه وايد و دايما اذا حطيت الجل تكون اوكي

جان يقولي اش رايج ارفعلج لثتج شوي , انا خفت صراحه بس اهو اصلا رئيس وحدة اللثه و قالي مو وايد بس شوي و راح تكون لثتج وايد احسن

قتله اوكي وقعد يشتغل و انا مخدره ساعتين و لما خلص قالي شوفي
والله شفت بقيت ابجي :eh_s(2): ولا الاخ يقولي انا قصرت اسنانج اللي جدام و قللت عرضهم جذيه احلى

و اذا تبين اقصرهم بعد عادي اقدر , جان اقوله لااااااااااااااء مابي

طبعا كنت ميته من الالم و مو مصدقه :rgewrg:

طلعت مسبهه و قالي راجعيني الاسبوع الياي اشوف اللثه و اسوي السوسه

رحتله و قعد يشتغل و انا مخدره طبعا و لما خلص ولا اشوف بالمنظره و اقوله دكتور احس الناب و اللي يمه شكلهم غير عن قبل يعني الاخ مسويهم بزاويه و متان ( مغطيهم بطبقه متينه) و غير عن الناب الثاني و لا يقولي اي انا غيرتهم ( مع انهم سليمين و مافيهم شي) و المره اليايه اغير الناب الثاني و اسوي السوسه ( لاحظو ما سواها للحين)

طبعا انا طلعت ابجي و ما رحتله مره ثانيه و لثتي قامت تلتهب اكثر و اكثر و خصوصا عند الضرسين اللي غير شكلهم الله لا يوفقه دنيا و اخره لا وجان زين كان فيهم شي لا بالعكس لعب بالاسنان السليمه:eh_s(11):

بعدها رحت حق عيادة خاصة و لما شافت اسناني الدكتورة اخترعت و قالتلي ليش مسوي فيهم جذي اهو اصلا دكتور لثه مو تجميل و الحشوات ليش جذي! و ليش مغطي هالاسنان؟

و صلحتلي الناب و اللي يمه و ردت شكلهم نفس قبل بس طبعا بعد جهد جهيد و اشهر من المواعيد و سوت السوسه بس اسناني اللي جدام ليلحين

والله حتى اني خايفه اسويهم تعقدت


وليلحين قاطه 960 دينار علشان اصلح اللي خربه هالفاشل حسبي الله عليه و الله لايوفقه :eh_s(14):

لا وليلحين ما خلصت بعد و شكله المشوار جدامي طويل ادعووووولي بنات ​

 

[Laymo0ona]

هذا بعد بمستشفى حكومه وجذي! شخله حق الخااااص!!!!!!!!!!!

 

[الفرفورةرفرف]

مرحبا يا خواتي
الصراحة عن نفسي انا احب علاجات زين الاتات استعملوها عدل وبتشوفون النتايج والاخت اللي صار فيها التهاب اكيد كانت تحط الكريم بطبقة كثيفة او تستخدمة وتطلع للشمس انا المنتج اللي ما استفدت منة ماضرني بالعكس يكفي ان زين الاتات علاجاتة اعشاب 100% مو مخلوط بمواد كيميائية
أما بالنسبة للحابة تسوي تقشير انا سويت تقشير كيميائي عند الدكتور عبدالمحسن جعفر صج كان غالي بس النتيجة مرضية وايد بس ماكو فايدة الحبوب ترجع تخرب كل شي:0bee2e8d89:
اما بالنسبة لقنال معروف عنها كل اللي قلتوه نصب وبلع فلوس_03BA:
وعالية الفضلي ولدت مرت اخوي بشهرها الثامن واهياتقول لها انتي بالتاسع :eh_s(14):وحطو البيبي بالشيشة وحمدالله ماصار في شي
عيادات النصب وايد واذا بتعرفين شطارة دكتور الجلدية شوفي بشرتة هذي نصيحة للكل:wqedqw:
حماتي سوت تقشير في طيبة كلينك والدكتور حرق لها ويها وراحت له قالت له ويهي محوق قام وشال لها الحرق بالملقط تخيلو ماتت واهيا قاعدة وليلحين الاثر مبين:rgewrg:
والله يعينا ونصيحة لاتسوون تنظيف بشرة الا في عيادات ولا ابر ولا تقشير لازم يشوفج دكتور:tek:

 

[lolocati]

ووووووووواااااااااااااااااااي شنو هذي قتال؟؟؟!!!!!!!!!!!!!

اعوذ بالله شلون ضميرهاا مايانبها؟؟؟
رفيجتي مسكيينه فيها اثار حبوب خفيفه انقردت وراحت لها اول ماشافتها قالت انتي يبيلج ست جلسات تقشير وقعدت جم شهر اتمرس وكان منظر ويها بشع هذا غير الكريمات الي تكتبلها اياها فوق ال 200 دينار اليييييييييين خلصت ولا كانه صار شي نفس الحاله(اتيتي تيتي مثل مارحتي مثل ماجيتي) ويوم توهقت قالت خنسويلج بعد جلستين تخيلو!!!!ردت قالت هذا ويهي اذا شفتيني عندج مرا ثانيه ........تقول لمه طلعت الرسبشن هواش ولويه والي اتصارخ بشتكي عليها العبت بويه بنتي...................




والله انا لين الحين مستغربه عيادتها مفتوحهّّّّّّّّّّّّّّّّّّّّ!!!!!!!!!!!!!!!!!!!

 

[كل الحب]

موضوع يستاهل التثبيت أنا عن نفسى مدحولى سهيلة اللى بدار البراء فينى كلف بوجهى صغير حيل

بس معقدنى ظليمتها شينة مانحرق ولا شى أول أسبوع بشرتى تهبل حتى اول مرة أحط كريم أساس

يطلع حلو على بس بعد فترة رد وجهى. وقطيت عندها مبلغ وقدرة اللة يعينا على هالخساير عند العيادات


نبى الزين ههههههههههههه

 

[mesk20008]

مدام ليلى قبل عالجت عندها xxxxx دربالكم منها اهي كانت تشتغل قبل فترة في سفير وكنت عندها سووتلي شغلات دربالكم منا وباعتلي حبوب تخسيس من امريكا طلعت تسوي مرض القلب ,,,,,,,,,,,,,,

 

[caramel]

اشكركم خواتي على التنبيه بالعيادات اللي فيها مشاكل بس بصراحه انا ماصادفت مشاكل ...... بس بصراحه ودي اسوي ليزر الفراكسل للوجه منو فيكم جربته او سمعت عن احد جربه ومنو الدكتور اللي سواه لها ومشكورين

 

[Laymo0ona]

بعد بعد بنات طلعوا البلاوي ورانا شغل بنشتغله على روحنا خل نعرف منو الزين ومنو الشين

 

[روانوف]

دكتور عيسى بشور بالعكس انا اشووفه شاطر
عالج اخوي طلعووله حبوب بكل جسمه فجاه وبدون سبب
والحين الحمدللله ماكو

وانا كان عندي حب شباب كللللل ويهي واثار
طول العلاج 4 اشهر صارت بشرتي بشرة بيبي بس طبعا عانيت كريمات طول اليوم وويهي تقشر مده ..
بس النتيجه كانت رووووعه

المهم بعد فتره ردو الحبوب وردوو صار عندي اثار وولا كاني مسويه شي :dddds:

رحتله قتله بعالج مره ثانيه
يقول غريبه ان طلعوولج اكيد انتي تعصبين وايد !! (شكو مادري)
:eh_s(10):

عبالي طبيعي ان يردون بس قال المفروض مايطلعلج بعد

مادري منه ولا مني !
سوري عالاطاله

 

[عـذبك طيفي]

مشكلتي بالاسنان ..

سويت تبييض اسنان عند بوحمره كلينك ب 100 دينار ولا فرق علي شي .. اللهم شوية لمعه بس بياض ماكو..

انا كنت تو شايله التقويم وابي ابيض .. وربي نهيبه ولما رحت يومين وشفت ماكو نتيجه رديت لها جان تقولي انا نسيت اقولج

كل وحده تفرق عن الثانيه بالنتيجه قلت لها بس انا ماكو نتيجه قالت لا اسنانك بيض حلوين.. بس فلووس ماقدر ارجعها

انتي سويتي وخلاص انا اشوفهم بيض !!!

شنو انا عميا تقص علي وصرت مطنازه عند خواتي .. اي قلنا لج لا تسوين قصو عليج خذو فلوسج

والحين ودي اسوي عند عيادة ابها بس خايفه لان يقولون يخفف مينا الاسنان !! مادري شنو مينا بس مابيه يخف

 

[نووووونا]

مشكلتي بالاسنان ..

سويت تبييض اسنان عند بوحمره كلينك ب 100 دينار ولا فرق علي شي .. اللهم شوية لمعه بس بياض ماكو..

انا كنت تو شايله التقويم وابي ابيض .. وربي نهيبه ولما رحت يومين وشفت ماكو نتيجه رديت لها جان تقولي انا نسيت اقولج

كل وحده تفرق عن الثانيه بالنتيجه قلت لها بس انا ماكو نتيجه قالت لا اسنانك بيض حلوين.. بس فلووس ماقدر ارجعها

انتي سويتي وخلاص انا اشوفهم بيض !!!

شنو انا عميا تقص علي وصرت مطنازه عند خواتي .. اي قلنا لج لا تسوين قصو عليج خذو فلوسج

والحين ودي اسوي عند عيادة ابها بس خايفه لان يقولون يخفف مينا الاسنان !! مادري شنو مينا بس مابيه يخف

هذى صوره توضح المينا عزيزتى

 

[spanish Guitar]

بنات ديروا بالكم من مدام ليلى هذي الي بقصر النخيل يعني كذا شي امسويه روحها اختصاصيه فيه واهيا خبر خير

 

[a7la2006]

دكتور عبدالحق بدر الدين (مصري)مركز الزهير الطبي دكتور نساء وولاده طبعا دكتور لاذمه ولا ضمير يخلي اليهال ميت بطني شهر ولا يقول عشان بس اروح اعالج عنده ويحطلي مغذي .... والدكتور محمود سعيد بوشهري كلينك انا ولدي فيه تكسر بالدم ممنوع من البقوليات انا كنت ما اعرف شنو الآشياء الممنوعه عنه فسالته قالي عطيه كل شي بس الفول لا تعطينه وباجي البقوليات عطيه طبعا ما اقتنهت بالكلام ورحت دكتور ثاني وقالي الأشياء الممنوعه وقالي لو معطته الي قاله لج جان بوله صار دم ونزل كل دمه واحتاج نقل دم بس الحمدالله انه ما صدقت كلامه لا بعد اسمه استشاري وكل ياهل يكح يقول فيه لحميه سوله عمليه ..

 

[فديته]

اااااااااااااااااااااااه والف ااااااااااااااااااااااااااه من عيادات التجميل والجلديه

شوفوا قصتي مع دكتور مصري بمستشفى الراشد انا شفتي الفوقيه ماكو قلت بتفخها شوي عشان تتناسق مع اللي تحت
المهم رحت المستشفى ومدحوا هالدكتور اللي نسيت اسمه
وانا عنده مسك شفتي وقعد يقولبها((مادري ليش-----
جان يقول للسستر عطيني العلاج الفلاني جان تقول خلص ماكو ورد قالها خلاص ممكن دة ينفع ((واهني الصدمه!!!
قالي احطلج مخدر كريم وخليج نص ساعه واطقج الابرة قلت اوكي
المهم حطلي الكريم راحت ساعه وحسيت التخدير خف
قلتله دكتور ماصارت قال ماشي والله يابنات انه يطقني الابرة واحس فيها وابجي اقوله خلااااااااااااص تكفى مابي وهو ولايسمع
وبالاخير التهبت شفتي ووصلت لخشمي اسبوع كامل وبعدها انتفخ وجهي كله تورم وبالخير ولحد الان صار مثل التييل داخل شفتي حسبي الله ونعم الوكيل

الانصاري كلينك
طبعا سويت تبييض الاسنان عندهم 150د ولاشي ماتغيروا
بس التقشير والتنظيف عندهم بيرفكت
والدكتوره هيلين نفخت عندها قبل شفاتي ومن اول اسبوع طارت ولاكاني سويت شي مامداني استانس بشكلها
قلتلها ليش قالت انتي شكلج عصبيه دمج حار(((شكــــــــــــــــــــــوووووو
صالون الهلتون
سويت شعري عنهم يوكو عشتو عند خبيرت التجميل اللي بالاخير طلعت نصابه وكلها موظفه استقبال بصالون عادي حدة قبل----وزلغتني 350دينار وطبعا شعري صار خشن وتقصف وطاح حظه عقب ماكان يضرب فيه المثل

سوري على الاطاله بس بصراحه خوش موضوع وشاكرة لصاحبته

 

[قمر من شافها طمر]

واااااااااي بعدجبديBamya

موضوعج رووووووعه عشان الكل يستفيد


وثانكيووووو بناتنا ع الافاده صج مرجع قبل لانتوهق لووووووول


يعني د. بشور طلع مو ع المدح اللي سمعته عنه؟


ويييييييييه!!عروووس وابي اتضبط ههههههه

قواكم الله ومنكم نستفيد

 

[سنتر الزين]

مشكوووووووووووووووووره باميه على الموضوع

 

[Business Girl]

باميا مشكوره على الموضوع ماقصرتي

انا سويت جلسات تبييض بصالون فيزيك اللي بالسره حق ريولي 10 جلسات ب 190 دينار والاخصائيه قالت لي ان كل اثار الجروح وكل شي يروح ولازم كل يوم وبصراحه ماصار اي شي ولا اي تغيير حتى 1% ولا حدي تحسفت وقررت ماسوي اي شي بالصالونات كله نصب عالفاضي

 

[أماميل]

صج موضوع روعة - مشكورو باميا حلوة على هذا الموضوع
انا بالنسبة لي وديت بنتي عند محمد سعيد الفاشل عشان الكحة وعطاها ابرة وانا شكيت بالابرة ولما راجعت عند الدكتور فهد المخيزيم اللي فعلا انسان فاهم قالي لا تفكرين تروحين له مرة ثانية هذا عليه عدة شكاوي وهو طايحله ابر بهاليهال لدرجة انه عطا ياهل من هالابر وكان عنده ربو صار وياه مضاعفات وتوفى - فديروا بالكم على عيالكم من هالدكتور والحمدالله ان ما صار ببنتي شي - والله يكافينا شر هالدكاترة والعيادات الفاشلة الي صارت تجارة ومو مهنة انسانية

 

[بلو ليدي]

مشكورة موضوع وايد حلو
انا سويت عملية تجميل حق خشمي عند الكتور عبدالمحسن جعفر وليما الحين اعاني من اثر الغرز اللي شوهت ويهي لأن الغبي مخيط الغرز من برا وطالع اثر الغرز والخياط على خشمي ومو راضين يروحون هالاثار ومنخر اكبر من الثاني الله لا يوفقه