ديرو بالكم من شباب هالوقت ترا السانهم فالت

[زيتونا كويتيا]

شلونكم يا حلوين

سمعو هالسالفه إلي لي الحين مصدومه منها

كنت مع اخوي رايحين مركز سلطان السالمية صوب المسافط واقفه مع اخوي الجلو امس كانت حلو بليل يهبل المهم
قاعده اشوف واحد صافط ولا يسفطون 2 بنات بسياره إلي تسوق بطلت باب سيارتها ولا ترقع سيارة إلي يمها إلي اقولكم عنه قاعد بسياره

فنزل من السياره شاف سيارته الظاهر البنات ماشافو انه داخل السياره فمشو ولا يروحلهم وقولهم لو سمحتو بنات وكان معصب :eh_s(14)::eh_s(14)::eh_s(14):

ولا يقول على الاقل اعتذري قولي سوري مو قصدي حشت سيارتك ولا تقوله البنيه خو ماشفناك ولا ندري ولا يقولها حلوة ماشفتيني يعني ماشفتيني تمشين جذي بارده امبرده ولا تقوله اوكي وشنو صار الحين حشتها ومادري ولا يقولي صج منتي كفو احترام هذا سلوبج
ولا تقوله روح روح زين اخاف سيارتك فراري وانا مادري

اهيا قالت جذي ولا يلتفت عليها ومعصب :rgewrg::eh_s(14)::eh_s(14)::rgewrg::rgewrg::rgewrg:

وسفل فيها تسفل بنات لو تشوفون اسوه فيها مسح فيها الارض مافي سبه ماسباها واهما البنات ساكتين مصدومين اقولكم قاعد يسبها مافي كلمه ماقالها وتفل عليهم وراح دخل مركز سلطان

خو انا واخوي مصدومين

عاد اخوي يقولي زين سوه فيهم عشان يعرفون يحترمون نفسهم سلوبها كان بايخ من البدايه

اشرايكم بنات بالموقف منو تتوقعون غلطان :bbbiu::eh_s(10)::bbbiu:

 

[moon-14]

الصراحه تستاهل البنت
اولا اسلوبها قلة ادب شنو شدعوه فراري هذا حجي
بدال ما تعتذر وبعدين شفتيه اعتذري ليش قلة الادب

 

[marimor]

احسن تستاهل

اهي قلييله ادب وماعندها اسلووب واهوا تفاهم معاها بالاول

بس طلعت مووكفووو

 

[Joy close]

حقها وماجاها

 

[مــلائكيه]

اهياا ماتستحي ,, امنفسه عليه ولا تتطنز بعد !!
جان من اول ماكلمها قايلتله سووري مادري
ولاحصلت هالإهانات !

 

[Ψ 3soola Ψ]

ee 9a7 tstahl​

 

[kuwait_queen82]

اوكي هي قليليه ادب بس ابراي هو مو ريال لو ريال ما رد على البنات بهل الطريقه حتى لو مسيحي ماسوا جذي
و لعنة تلعنهم اثنياناتهم

 

[خُزام]

اثنينهم غلطانين بس الغلط الأكبر على البنت
يعني الشاب مهما صار ما توصل لدرجة انه يسبهم ويتفل عليهم !!
وبنفس الوقت البنت هي استفزته مبين انها تافهه وما عندها أسلوب سنع
بالله عليها تقول له خو ما شفناك !! والا اوكي وبعدين يعني شنو صار
وكملتها آخر شي روح روح أخاف سيارتك فراري !!
لو محترمه نفسها من البداية و قايلة آسفة ما شفناك السموحة اخوي
جان احترمها هو بعد وقال حصل خير وكلن راح بدربه

 

[Sweet Brunette]

البنت غلطانه

 

[Sweet Brunette]

اوكي هي قليليه ادب بس ابراي هو مو ريال لو ريال ما رد على البنات بهل الطريقه حتى لو مسيحي ماسوا جذي
و لعنة تلعنهم اثنياناتهم

بابا ما يجوز تلعنين :eh_s(8):

 

[زوجة عزيز]

اهي غلطانه واهو غلط بعد

 

[%ماكنتوش%]

تستاهل جان معتذرا باسلوب.....,,,,,, زين سوى فيها علشان تحترم نفسها

 

[Miss Cherry]

والله تبين الصج فيه بنات صج قليلات أدب


مرا بمكان عام تحترم نفسها لو هي محترمه نفسها وراده عليه باسلوب عدل جان ماغلط عليها

 

[شـمـوخ آنـثـى]

آلـبنــــت غلطـــآنــــــه..

 

[حساسة مصر]

هي غلطانة

اذا اعتذرت من البداية واحترمته كان احترمها و سكت و مشي


لاكن هي بدأت خلهيا تتحمل

 

[gala q8]

اثنينهمممم غلطـــــــــآنين ..

المفروض اهوا يكلمها عدل و هي تكلمه عدل بعد ..

بس لو اهوا من الاول يكلمها عدل .. جاان كلمته عدل ,,.

بس اهوا اسلوبه من الاول مو عدل .. شكله معصب من شغله و حاط حرته عليها !!

 

[زيتونا كويتيا]

هلا بنات اي انا معاكم بشي هذا

اهيا كانت مو عاجبها اصلا وشاف سلوبها ين زياده وشخلها شخال

واي يمه لو تشوفونه الصبي شلون عصب الله لايحشونه بجذي موقف

 

[حناينq8]

الغلط من الاثنين

الولد نزل لهم ويا تعتذرون والا بعصب وبسب !!

والبنات حقروا من سيارته وتطنزوا !!

موقف عادي يصير كل يوم وكل دقيقه ما ادري ليش هالاوادم دمهم يغلي اللهم ياكافي
احنا عيال ديره وحده وعيب يصير بينا جذي

 

[Green 55]

الغلطانة البنت و الصبي مو غلطان

راح كلمها بادب و اهي شنو ردت عليه قليلة الادب

يعني لو البنية محترمة نفسها جان ما صار فيها جذي !

 

[رحــــيــــل]

البنت قليلة أدب وتستاهل ما ياها اهي الغلطانة المفروض تعتذر مو تطول لسانها مترين
وعصبية الولد ردة فهل طبيعية لوقاحتها وسوء أدبها