ديزني فرنسا

[kuwaitiya_84]

مساء الخير بنات هونت مابي اودي اليهال لندن بعطلة الربيع هههههههههه

عجبني ديزني فرنسا اقرب واحد بس شكثر الميزانيه يبي وشلون الحجز واذا بقعد هناك مثلا 3 او 4 ايام شلوووون ومابي اطول بفرسا غاليه بس مدة السفره عشر ايام ياريت تعطوني اسم فندق بفرنسا قريب من كل شي ورقم القطار الي يودي حق ديزني بلييييز بحجز من الحين

 

[kuwaitiya_84]

شدعوة تسع مشاهدات ولا رد وييينهم خبيرات ديزني

 

[شغشغش]

تري يومين كافي
و انا نفسج اول مره بروح اقصد يومي بيوردزني كافي و باجي في باريس

 

[ryoonah]

منو يعرف فندق ماريوت يم يورو ديزني

 

[Pissy Missy]

شوفي حبيبتي انا ما اذكر بالضبط جم ميزانيه دزني بروحها بس كانت التذاكر و الاقامه حق شخصين في جنيف لمدة سبوع و باريس ودزني لمده سبوع منهم ٣ ليالي في دزني تقريبا ٢٥٠٠ دينار

والفندق الي حجزنا فيه dream castle وايد حلو وفيه باص يوديج دزني ويردج

دزنيكافي عليها يومين او ٣ بالكثير

 

[دلوعة فرنسا]

هلا حبيبتي
بالنسبة لديزني لاند باريس عندج حلين يااما تسكنين عند ديزني او تسكنين في باريس
ديزني مع اليهال يبلها 2 يومين لانه الحديقة الكبيرة يبلها على الأقل يوم كامل
في فنادق وايد عند ديزني بس اللي أقرب شي الماريوت
واذا حبيت تسكنين في باريس نفسها عندج منطقة الاديفانص هذا كلها عوايل وحلوة المنطقة في مجمع وعدة فنادق
واذا بتروحين ديزني في خط المترو اللي هو الrer a لونه أحمر هذا تاخذينه وويوصلج لين ديزني لاند اللي هي أخر محطة
بالنسبة لي أفضل السكن في باريس
لأنه السكن عند ديزني مافي شي اذا حبيتي تطلعين بالليل يعني في باريس في الشانز
المهم حبوبة
إذا أحتجتي أي شي لا يردج الا الكيبورد

 

[ryoonah]

شنو الافضل حجز الفندق مع التذاكر من الكويت والا فقط الفندق والتذاكر يوم بيوم

 

[دلوعة فرنسا]

هلا حبوبة
قصدج أي تذاكر بالضبط عشان اقولج؟

 

[ryoonah]

تذاكر دخول البارك

 

[benoo]

مساء الخيرات

انا سكنت بفندق بالشانزليزيه و اخذنا تاكسي و رحنا ديزني من الصبح و رجعنا
بنفس اليوم بالليل بس كفانا الوقت و انبسطنا مو شرط تطولون ​

 

[دلوعة فرنسا]

تذاكر البارك
تقدرين تشترينهم من محل ديزني اللي بالشانز
او من الحديقة هناك
بس اخذيها من المحل اللي بالشانز اخف عن الزحمة