~* ديوانية التصوير الفوتوغرافي *~

[معبوده الجماهير]

ابي اشتري فلاش حق كامرتي
بغيت اسال من وين اقدر اشتريه وجم سعره بالكويت ؟؟

 

[ام مهودي]

اللي جاوبوووني مشكووورين وايد وايد


معبودة الجماهير تقدرين تحصلين فلاش الكاميرات من يوريكا والغانم وكارفوور وويمكن مركز سلطان واسعاارهم تتراوح بين 80 دينار واكثر يعني في 100 او 200 على حسب العدسه اللي بتاخذينها وماركتها

 

[جاي وحليب]

معبوده الجماهير

بالنسبه للفلاش تلقينه بالاماكن اللي قالت عنهم الاخت ام مهودي
بالاضافه الى الوكيل لكاميرتج..

وافضل منهم كلهم من حيث السعر..
amazon.com

وعلى فكرة ترى الفلاشات انواع




ام مهودي.. مشكوره على ردج
بس حبيت اصلح لج شغله .. الفلاش ماله علاقه بالعدسه
يمكن تقصدين انواع الفلاشات لان فيه انواع الرنج فلاش والدبل فلاش والفلاش العادي
وفي منهم متخصص للماكرو ويعني هالشغلات...

 

[معبوده الجماهير]

ام مهودي
وجاي حليب

حبيباتي ماقصرتوو
مشكورين

 

[فراولة^فوشيا]

جايونه ياريت تسوين لنا درس عن الفلاشات واهميتها واستخداماتها

لاني ماعرف شي فيها كلش

 

[ام مهودي]

لوووول اي جاي وحلييب قصدي فلاااش بس كتبت عدسه بالغلط الظاهر :") لانه الفلاش ماله شغل بالعدسه بس غلط مطبعي :")

 

[جاي وحليب]

حياكم الله بنات


فراولة^فوشيا .. انا بعد مااعرف فيها وايد
بس علشانج ان شالله احطها في بالي
وادور لكم عنها..
واكتب الموضوع بالقسم


انا حطيت لكم موضوع بالقسم يمكن مااخذ حقه
بس ياليت كلكم تكتبون فيه...

واهم نقطه في رايي ماتطوفونها اللي اهيا رقم 5

5- الدروس/المجالات اللي ودج تعرفين فيها اكثر بالتصوير

الموضوع: ~* دقيقتين من وقتج وشاركينا بهالموضوع *~

 

[toot^o^mishmish]

جايونه اشلونج ادري بأذيج بأسلتي بس عفية استحمليني...
بغيت منج شغله يريت اتفيديني فيها وان شاء الله البنات يستفيدون بعد...
ابي اعرف اشلون طريقة الفلكر واشلون احط الصور فيه ...وهل اهيا اتم على طول والا تنحذف بعد فترة... لان بصراحة ودي احط صوري من اول تجاربي ليم الله يكتبلي واكون محترفة بهالمجال...
اذا تقدرين سوي لنا دروس او ورشه بالتفصيل (لاعت جبدج صح خخخخخخ)

الله يعطيج الف عافية ومشكووووووووورة

 

[toot^o^mishmish]

ونسيت لا اقولج صورج بالفلكر اكثر من روعة صراحة اقدر اقولج مبدعة ...
شوقتيني اكثر عالتصوير بس الوهقة الناس ماترحم الواحد ...عساني ما اطلع كامرتي الا الكل قام يخز....حسبالهم قاعد اصورهم ويتأففون ويتضايجون ..وسيده اردها بالجنطة

 

[جاي وحليب]

toot^o^mishmish

توت بالنسبه لفلكر اهو تسوين لج اكاونت فيه بطريقه سهله حيل
نفس الرجستر حق الايميل تقريبا...
بس من اهم المتطلبات فيه ان يكون عندج ايميل عالياهو
وبس تعرضين فيه صورج وتشاركين بقروبات وفي قروبات لكل مجال بالتصوير تقريبا
وفي قروبات فعاله ويكون فيها دروس بالتصوير...
والواحد يحاول يستفيد قد مايقدر منهم.. وانتي تنزلين الصور فيه
ويتمون على طول موجودين الا اذا انتي مسحتيهم من اكاونتج..

حبيبتي ماودي اشرحه لان الموقع سهل حيل وطريقته حيل سهله
انتي جربي سوي والنقاط اللي توقفين عندها قوليلي اساعدج ان شالله
وعطينا صفحتج وان شالله نساعد بعض بالملاحظات..
واذا شايفه صور موبيرفكت عندج او تدرين ان فيها اخطاء وماودج تحطينها
حطيها لنا بالديوانيه اهني وان شالله نساعدج ومن الملاحظات تستفيدين وتطورين من مستواج

مشكوره على رايج بصوري..
وماعليج من الناس برا.. واحسن طريقه لراحتج النفسيه اخذي معاج الايبود
لي رحتي تصورين برا.. والناس عطيهم طاف وصوري على راحتج
اهم شي انتي تستمتعين بكل لحظه وتطلعين بالصور الحلوه اللي تبينها

شوفي هالموضوع وضحكي واقري ردي فيه مواقف صارتلي برا...


مواقف طريفة ... للمصورات



وحياج الله حبيبتي الديوانيه لكم واخذو راحتكم بكل شي وبكل سؤال

 

[digital]

السلالالالالالالالالالالالالالالالالام عليكم بنااااات

زين زين صار عندنه ديوانيه لهواة التصوير

شريت دي 80 قبل سنه تقريبا والصراحه ليلحين ما اعرف لهه وااايد بس احس انه الصور غالبا مظلمه الظاهر يبيلى فلاش

العام واحنه بفرنسا زوجى كان ماسكهه وطيحهه من على الدرج (الحمد لله اته اهوه مو انا)

ومن يومهه حسينه انه العدسه صار فيهه خلل واحيانا اذا بنصور ما تصور بسرعه


وداهه زوجى الوكيل قبل جم يوم وقاله لازم نودديهه اليابان يشوفون الخلل اللى فيهه والسالفه تطول اقل شي شهر

واحنا بنسافر بعد جم يوم وباخذهه معانه وقررنه بعد ما نرد \ياخذهه مره ثانيه للتصليح

المهممممممم



الحين ابس فلاش زين للتصوير العادي والمسافات القريبه شنو احسن فلاش

ولكم تحياتي

 

[معبوده الجماهير]

حبيبتي ماعندي فكره عن الفلاشات انشالله البنات يساعدونج

 

[ام مهودي]

عندي مشكله بكامرتي :"(
لمن بصور شغله واطل من الفتحه الي اشوف فيها اللقطه يطلع كل شي مضبب يعني الصوره مو واضحه بس لمن اصور الصوره واضحه بس لمن اشوفها مو واضحه يعني حتى لو بسوي فوكس او شي جذي ما اقدر :"(
قبل كانت واضحه بس الحين صارها جم يوم جذي ما ادري ليش

 

[ام مهودي]

بنااااااااات زين عرفت شنو مشكلت كامرتي خل اقولكم المعلومه عشان اخاف تصير معاكم بس انا كامرتي كانون 450 دي
شفتو المكان اللي تشوفون منه اللقطه اللي بتصوروونه في يمه علامة سالب وموجب اذا حولتيها صوب الموجب تصير الصوره مضببه واذا حولتيها صوب السالب تصير الصوره اوكي وواضحه
وانا كنت حاطته صوب الموجب عشان جذي الصوره كانت تطلع مو واضحه :")

 

[جاي وحليب]

زين اشوه عرفتي شفيها كاميرتج..
ومشكوره على وضع المشكلة وحلها
علشان الكل يستفيد..

 

[toot^o^mishmish]

بنات بشروا متى تطلع نتايج المسابقة ...........................
والله كان حدي ودي اشارك بس المشكله حاولت ووايد وماقدرت اضبط الفكرة الي في بالي

موفقييييييييييييين يارب

 

[جاي وحليب]

toot^o^mishmish

يالله ماعليه مسابقات يايه تشاركين معانا فيها ان شالله
وبعدين حتى لو كانت لج محاولات تقدرين تحطينهم بالدوانيه
ونساعدج بافكارنا على اساس تطلعين بالصورة اللي في بالج..
او يمكن تحتاجين اعدادات معينة للفكرة اللي في بالج..
وبافكار البنات يساعدونج وتطبقين اللي في بالج...


عموماً.. النتايج ان شالله قريب نحطها..
بس ناطرة تصويت الادارة..

 

[مبدعة]

مشكورين على هالمجهود الطيب الصراحة انا احب التصوير و شريت كاميرا ممتازه لكن ما خذيت دورات و لا فهمت على كاميرتي عدل

للاسف يعني ما اسغليتها عدل

كاميرتي كانون جي 7 بس ما اعرف سوالف سرعه الغالق و الشتر و الايزو و هالخرابيط

مادري يمكن اسئلتي مكررة بس لو في موضوع يشرح هالشي بالتفصيل حطوا لي الرابط و لو ما في ياريت لو احد يشرح لي شي شي

اسفه عالازعاج

 

[طوق البنفسج]

مساء الخير

عندي سؤال بخصوص التراي بود ... هل راح احتاجه بالسفر مع العلم اني مبتدأ يعني تطبيقي الحقيقي للدروس بيكون بالسفر الانه الحين حدي موفاضيه اطبق بس قاعده اقرى ..

و اذا كان مهم في اشياء صغيره اتصفط و تنحط بالجنطه الانه الي شفتهم كلهم طوال .. ما ابي شي يثقل علي بالسفر ..

ومشكوورين

 

[miss_lavendar82]

حبيبتي ليمونه

اول شي صورج تكون مظلمه مو بسبه الفلاش اتوقع بسبه الايزو عندج
حاول تعلينه

وبالنسبه لج حبوبه طوق

روح كارفور تلقين عندهم تراي بودات روعه واسعهارها معقوله

واحجام وايد حلوه صغيره وكبير

حبيت اسال عن اعدادات تصوير القمر

شنو احسن شي لاني بحاول اصور بالمانويل
؟؟؟