ديوانية المسافرين الى فرنسا 2008 تعالوا نسولف و نستفيد

[bambena]

روحي ش سان جيرمان وسان ميشيل محلات ومطاعم

وروحي الافنيو مونتين والفوبور سانتونوريه ماركات

وعندج مطعم الديوان ونورا والعجمي - لبناني

مطعم بودابار

وبس اكمل بعدين

 

[جناش]

انشالله انا بروح اخر 7 وحاجزة فندق ارامنتي شانزاليزيه بس حبيت اسأل شنو في الحي اللاتيني يسوى ولة لأ والأدفانس مجمع وله منطقة تسوق واللافيلاج اهو نفس فالدايورب وله غير ياريت اتفيدونا وحبيت شنو في غابة بولونيا اهي نفسها اللي فيها الشلال

 

[جاكليت]

روحي ش سان جيرمان وسان ميشيل محلات ومطاعم

وروحي الافنيو مونتين والفوبور سانتونوريه ماركات

وعندج مطعم الديوان ونورا والعجمي - لبناني

مطعم بودابار

وبس اكمل بعدين

أولا حبيتي ممكن تحددين الأماكن ؟؟

ثانيا ممكن تفيديني عن الطبيعه في فرنسا لأني أعشق الجبال و الخضرة والشلالات


وشاكرة لج :tek:​

 

[جاكليت]

بنات ممكن تفيدوني هل أقدر أروح سويسر من باريس وشكثر المسافه وأي منطقه ؟؟

يعني بيت هايدي قريب ولا بعييييييييييييد ؟؟

 

[كوكو واوه]

حبيبتي انا بطلع من باريس الى جنيف بلقطار 3 ساعات تقريبا

 

[عاشقة ديور]

السلام ... بنات بليز ساعدوني مختاره بين باريس وماليزا شنو احلى اول مره بسافر ؟؟؟ احس ماني عارفه.. امنية حياتي اروح باريس ودي اروح ماليزا لانه الكل يسولف عنها ؟ مختاره

 

[بدويه عيميه]

حبيبتي ماي سايز احنا خمس اشخاص طلع علينا 240 حق الفيز زائد 115يعني كلا طلع علينا 355

 

[كوكو واوه]

من صجج عاشقه اشياب الي ياب اتحطين ماليزيا عند باريس روحي باريس وانتي امغمضه ماليزيا بالصيف موشي كلها هيالق السعوديه وطقتهم

 

[*سكون*]

بامبينا .. شارع عثمان وين ؟ بأي منطقة ؟ وعلى أي محطه أنزل بالمترو ؟

بالنسبة للجوو هالأيام حايشتهم موجة حر .. يعني الصبح ان طلعنا الشمس تصك راسنا

وبالنسبة للاماكن ما رحت وايد أماكن لأني برحلة علاج بس رحت برج ايفل ومتحف اللوفر والشانزلزيه وشفنا ميدان الكونكورد وقوس النصر ورحت حديقة الحيوان بس بصراحه اللي رحت لها حسافه فيها الروحه

 

[*سكون*]

عاشقة ديور .. هالشي يعتمد على ميزانيتج وميولج بالسفر .. سوي بحث بقوقل وشوفي الأماكن السياحية بكل بلد .. بالنسبة لي .. باريس تجربة لن تكرر باذن الله .. انا ما رحت ماليزيا بس اللي سمعته تونس ورخيصه
واذا تدورين الجو اهني يوم برد وثلاثه حر انا صار لي 10 أيام حرر وبالمجمعات قمته مو طبيعيه لان ما فيها تكييف وزحمة

 

[*سكون*]

ماي سايز .. مكتب القبس بالدوليه اللي بالديره ( الميزانين )

 

[my_size]

تكنسلت السفره

اقدر ابيع التذاكر و الاقامه ؟؟

 

[بدويه عيميه]

حبيبتي والله ما تستاهلين بس اقولج خبر مو زين ما تقدرين تبيعين التذاكر والأقامة بس حبيبتي ليش تكنسلت السفرة

انشاء الله تعوضينها بسفرة احلى

 

[ظلال القرآن]

حبيبتي ممكن اعرف من اي مكان مأجريين فيه السيارة بليييز الرد


و مشكورة:eh_s(22)::bye22:

اجرنها من يورب كار من مكتبهم بمطار الكويت
راح نستلمها بجنيف ونسلمها بباريس

 

[*سكون*]

ماي سايز بعد قلبي لا يضيق خلقج .. ان شا الله خيره لج وتقدرين اتصرفين التذاكر والاقامة

ان ما صار حاولي تأجلين الروحه وان شا الله يصير

 

[my_size]

ياليت اقدر ياليت والله
من امس ما احاجي ريلي على هالسالفه

 

[a7la_3emya]

ليش تكنسلت السفره عسى ما شر ؟؟؟

بس لا يضيق خلقك خلشئ فيه خيره لج ما تدرين بعد ...

 

[*سكون*]

اللي الله كاتبه ان شا الله خير لج حبيبتي

 

[ظلال القرآن]

تكنسلت السفره

اقدر ابيع التذاكر و الاقامه ؟؟

نفس الي صارلي الالصيف الي طاف واي كان ايام عصيبه

الله يعينج بس لا تزعلين عليه ترا يعاند اكثر انا زعلت عليه العام وعاند يقول لو انتي جايتني بالحبابه والحيله جان حاولت بشتى الطرق اسافر بس اعصابج وزعلج اهو الي خلاني اعاند واتحداج

 

[جاكليت]

شدعوه بنات ليش ما تردون على أسألتي


ترى بزعل وما اي الديوانيه