ديوانية المسافرين الى فرنسا 2008 تعالوا نسولف و نستفيد

[بدويه عيميه]

هاااااااااااااااو بتاااات وينكم؟ ردو علي فرفشو و مغسييي بوكو[[[/QUOTE][/QUOTE]

 

[danaoo]

بنات ابى اسألكم اذا بروح فرنسا انا وزوجي وولدى تقريبا جم تكلفنا السفره بنقعد اسبوع بليز ساعدونى اول مرة ارووح فما تعرف جم الميزانيه

 

[بدويه عيميه]

يمكن من 2000 الى 2500 و مشكووووووووورييييييييييييييننننن

 

[سنع ومنع]

بنات منو يعرف من وين اقدر أأجر سيارة وسايق في باريس ؟؟؟؟؟؟؟؟؟؟؟
واللي يسلمكم ردوا علي حديييييييييي متوهقة ....
ناطر ردودكم ...

 

[>>sHy<<]

ها بنات محد رد من فرنسا !
بغيت اسأل عن سعر الفيزا .. اذا انا بقعد سنه في فرنسا ,,
لأن قالولي على حسب المده ..

 

[حصوص]

حرير ممكن سؤال ؟


ابي اعرف الاسواق الشعبيه والرخيصـه هناك .,, مثلا في لندن في برايمارك !!


بس هل فرنسا فيها نفس جذي ؟؟

 

[pampeno]

هاي حبايبي انا مسافرة باجر فرنسا وسويسرا تكفون ابي الاماكن الرخيصة بسويسرا جنيف بازل زيورخ

 

[pampeno]

تبيت تأجرين سيارة عندي رقم واحد هناك يأجر سيارة مع السايق طبعا اييب لج الرقم اليوم بالليل بس قوليلي وين رحتي اباريس شنو لسوقه الرخيصة هناك

 

[pampeno]

انا وريلي وبني بنروح فرنسا باجر كلفتنا السفره تقريبا 2300وشوي بس تذاكر وسكن بنتي عمرها 3 سنين وشوي

 

[tofy]

حرير ممكن سؤال ؟


ابي اعرف الاسواق الشعبيه والرخيصـه هناك .,, مثلا في لندن في برايمارك !!


بس هل فرنسا فيها نفس جذي ؟؟

محل c&A

نفس بريمارك

 

[بدويه عيميه]

توى الله يعافيج وين c&a

 

[pampeno]

قوة حبايب قلبي في وحدة كانت تبي رقم سايق بفرنسا نسيت منو هذا رققم السايق متخصص للخليجيين او العرب طبعا بسيارتة ويقولون انا ماشقت باجر راح اجربه انشالله بس يقولون ان السيارة نظيفة وسنعه وهاكم الرقم 8008971492 و مشكورين

 

[@Miss Dio@]

انا بعد تكنسلت سفرتي قمه الكآبه الحمد لله على كل حال

 

[*caramel macchiato*]

بنات مر قلتو اني اقدر احجز تذاكر دزني قبلها بجم يوم وتطلعلي ارخص...؟؟؟


سؤالي <<< لازم احجزها قبل جم يوم بالضبط؟؟؟؟

وين احجزهم؟؟؟ بدزني ستور الي بالشانزيلزيه؟؟؟؟


بلييييييييييييييييييز جاوبوني

 

[C'est La Vie]

قوة بنات
حبيت اضيف جم مكان بفرنسا احس ما خذو حقهم

في مركز علمي بفرنسا يعتبر اكبر متحف علمي باوروبا كلها
لا تحسبون انه طقة مالنا لا حده غير
فيه تجارب واقسام مختلفة حق الكبار والصغار
في قسم عن الجينات في قسم عن الضوء في قسم له علاقة بالفيزياء
في زاوية يسون فيها تغطية عن موضوع يوم رحت كان عن موضوع الانتحار اسبابه وآثاره على المجتمع
في قسم حق اليهال من 4 سنين لي 9
في قسم حق اليهال من 11 لي 14 سنة يشرحلهم عن مرحلة البلوغ
اول ما دشينا ولا الارضية حاطين عليها خريطة فرنسا ويسون مسابقات منو يلاقي المنطقة الفلانية اول
طبيت ويا اليهال<---- عشت طفولتي :dddds:
في قسم الفيزيا كانو حاطين تجارب اقول حق ابوي هذا ماخذته بالمدرسة واذكر هالشغلة
حده وناسة
نسيت اقولكم
بعد في قسم حق السيارات وقسم حق السفن الفضائية (الصواريخ)
حاطين صاروخ تصعدين له فوق تشوفين شنو داخله
وايد وايد استانسنا عليه
اول ما اذكر اسمه اكتبلكم اياه


ثاني مكان بروحتكم حق قصر فرساي لا تطوفون الحديقة
روووووووووووووعة
تقدرون تتغدون تاكلون برد تتمشون تركبون قواري تروحون تجديف
معاكم الخريطة وضيعو بالحديقة كل ما تدعستو بمكان تكتشفون شي يديد نوافير وشلالات وقصور ثانية
و بالويك اند يشغولون النوافير والموسيقى يصير المكان خيال جنج قاعدة بقصر سندريلا p:
ايي وعلا طاري القصر نصيحة وحدة مجربة
لا تشترون تذاكر من paris vision ولا citirama حق القصر
روحو بالقطار لي محطة Versailles Rive Gauche وعند ماكدونلدر تلاقون وحدة حاطه كشك تبيع تذاكر حق الدخلة على 20 يويو و citirama و paris vision يبيعونهم على 60 يورو
ليما تخلصون من القصر والحدايق
تلاقون جبال القصر فندق اسمه pull moon روحوله تلاقون يوزعون مجله اسمها where هذي فيها كل الاماكن والفعاليات بهالشهر
بعدين طلعو تمشو بمدينة فرساي
جوها هادي ومافيها زحمة نفس باريس
فيها محلات ومطاعم وكافيهات مرو عليها بطريجكم لا تطوفكم

المكان الثالث اللي ما خذا حقه اسمه France Miniature
مثل حديقة فيها معالم فرنسا كاملة مصغرة
وفيها العاب حلوة اذا معاكم يهال راح يستانسون عليها
بس نصيحة لا تروحون لها بالقطار راح تاخذون باص ويقطكم بالشارع العام وتطقونها مشي نص ساعة <--- صارت فيني
روحولها بتاكسي

Saint Michele oo Saint German هبينا فيهم عدل
كله مطاعم ومحلات شارع ورا شارع تضيعين
فيها محل برد لا يفوتكم اسمه Amorio يسويلج البرد على شكل ورده شكله اينن والله يا هو لذيييييييييييذ

Rue Rivoli اللي اهو شارع اللوفر فيه كافيهات وقعدتها حلوة ومحلاتها شويه وجباله حديقة اللوفر اسمها Tuiliries فيها نوافير ومطعم والعاب يهال. واللي يحب القراية بهالشارع في مكتبتين يبيعون كتب انجليزية طيحت عندهم عدل

ورا Rivoli اييكم Rue Saint Honor هذا شارع المحلات الهاي هاي Gucci Dior Lv Chanel اللي يطري ببالكم موجود

عقب ما تخلصون Honor روحو حق لا فاييت واللي جباله Printemp
بطلعتكم تلاقون بره شوارع محلات بعد < --- ما تخلص

مجبال برج ايفل في ساحة يتيمعون فيها الناس ويصورون وفي اغاني وناس يرقصون بريك دانس وناسة هالمكان

صوب النهر تقدرون تنزلون تحت تتمشون يمه

بباريس راح تشوفون قواري اجار تتمشون فيهم وليما تخلصون تردونهم بأي مكان يأجر القواري واهما منتشرين وايد راح تشوفون منهم

وهذا اللي قدرت اذكره ليلحين
انشالله لي روحة الاسبوع الياي واقولكم اذا لقيت اماكن يديدة
بس حبيت اسأل اذا احد راح Astrex park وحديقة حيوان اسمها توري Tuiry شلونهم؟

 

[الوسام]

حبيبتي اللي تسأل عن تذاكر ديزني

احنا فباريس الان ورحت يوم الثلاثاء اللي طاف وكنا ماخذين التذاكر من يوم السبت من الفندق

بقيمه 49 يورو

فندق الكونكورد

يعني عادي متى مارحتي روحي مو مهم بنفس اليوم التذاكر وعادي لو قصيتيها قبل روحتك بأسبوع حتى

واحسن لج خذيها من اي مكان خاص بديزني احسن من زحمة دزني نفسها والوقفه

حله سعيده

بس ترى مايكفين يومين

 

[C'est La Vie]

توني رادة كنت شارية التذاكر من محل فيرجن بالشانز اليزيه قبلها بخمس ايام
طلعت علي الوحدة ب 29 يورو

 

[بريطانيا]

مرحبااا بناات ..
بغيت أسألكم عن جو باريس بشهر فبراير ؟؟ وايد بارده و الا الجو حلوو ؟؟؟؟ تصلح حق شهر العسل ؟؟؟؟

 

[C'est La Vie]

شهر فبراير برد ادفى شي توصل 9 درجات
البس جاكيت طبفتين وتسوس ومو ملحقة
وكله مطر ما كنت اشتهي حتى اطلع
انا قعدت بباريس من شهر 2 لي شهر 6
واحلا جو مر علي اهو شهر 4 توه بادي الربيع الجو روعة
هذي تجربتي
وانتي واللي يناسبج

 

[bambena]

انا راحت استريكس حلوه بس مو كبيره وبره باريس بطريج سانليس


بعد اكو منطقه شانتييي ولييل حلوين