ديوانية بيت العمر

[سافانا]

اختي سوزان حياك الله ....

موضوع الغسيل عقدني كثير وفكرت فيه اكثر ....

انا حطيت الغسيل في الدور الارضي ....بس الكوي الي يكون كثير تحت بالسرداب .... والغسيل صراحه يكون اكثر شي بالصبح واحنا بالدوامات ..والكوي اكثر شي بعد الساعه 9 لان مايكون عندها شي ..

وحطيت مكان صغير فوق عند النوم لغسيل ابو قطعه قطعتين ويمه الكوي ويكون هذا في غرفة الديرتي رووم(لان هذي الغرفه يكون فيها تلفزيون حق اليهال غير الي بصالة المعيشه ...وصاير وراها مثل البلكونه فاستغليتها مطبخ تحضيري ومكان للغسيل )

فكرتي انو اذا رحنا ننام تكون الحدم بهذي الغرفه يغسلون ويكوون ويجهزون اغراض المدارس فيها .(واحيانا ينامون فيها )لاني سويت باب على الدور الي فوق بحيث بعد الساعه تسع احنا كلنا فوق (صراحه انا وحده خوافه )وماحب اسمع اصوات ومااعرف من وين جايه لان بيتنا علا حديقه ومداخله كثير وزوجي احيانا ينام بالدوام وابي كل شي يمي .

 

[sara3]

اهلا سافانا
شكرا على التذكير

شفتوا اشلون كل وحدة ونظامها فى بيتها بالنسبة لغرفة الغسيل والكوى

 

[sara3]

حركة حلوة للمطابخ الكلاسيك

 

[sara3]

فكرة حلوة حق تحت الدرج اشرايكم

 

[al.nada]

مشكورين بنات لردكم واهتمامكم وصح كل وحده ونظامها ببيتها بس انا ودى تكون غرفه الغسيل مع الكوى غرفه وحده احسن احس منظم اكثر ولا شرايكم

 

[sara3]

مشكورين بنات لردكم واهتمامكم وصح كل وحده ونظامها ببيتها بس انا ودى تكون غرفه الغسيل مع الكوى غرفه وحده احسن احس منظم اكثر ولا شرايكم

عادى وفى فكرة اتك اتخلين هم مفصولين بنفس الغرفة تسوين 2 لفل الغسيل تحت وبعدين ادرية ومكان الكوى

 

[كشتهـ]

السلام عليكم وصباحكم سكر ..

اول مره اشارك معكمـ وعاجبتني سوالفكمـ مع اني مو كويتيه << يعني شتبين لووووووووووول

بس لي سنه ساكنه وعارفه لوووووووووووووية البيوت الله يسهل اموركمـ

 

[nono78]

صباح الورد

شوفى سنعة

انا اشوف ان هالشغلات سوالف الترتيب وجذى تخضع حق ربة البيت ونظامها فى بيتها

بالنسبة لى شخصيا مسوية غرفة حق الكمبيوترات فى الدور الاول .وعندنا غرفة مكتب بالارضى فما لة داعى الاجهزة يم الكوى

الجواتى ما انصح مع الكوى كل واحد جواتية بحجرتة الخاصة افكر انى اسوى خزانة خاصة واخليها بمخزن بالسرداب حق

الجواتى الموسمية

نييى حق العبى والهدوم عموما انا ما لى خاطر احط خزانة فى غرفة النوم وما اعتتقد ان غرفة التبديل بتكفينى انا وريلى

حتى عيالى غرف التبديل لهم مو كبيرة وايد شنو الحل.بالنسبة لى انا من النوع اللى ما اكود هدوم بس حاسة انى بتوهق


اشرايكم بنات خاصةnono78

وام وهابى نبى تجاربكم

سارا انا بيتي جاهز فغيرت فييي شوي

فوق بالدور الأول كان عندي مطبخ تحضيري حولته كوي وغسيل

والغسيل والكوي بس فترة الصبح والعصر

وحطيته بالدور الأول عشان الخادمه مو على كيفها تغسل على بعض وانا مادري

واهدومي واهدوم زوجي انا الي اغسلهم فيمي وايد اسهل بنفس الدور

وحتى مرات ابي اكوي شيلتي ولا قطعه بسرعه انا ابيها الغرفه نفس الدور

وبالنسبه للكبتات افضلها بنفس غرفة النوم تخلينه جزء منفصل
وكامل للملابس وتكرمين الجواتي والنعل

عباله كل شي بغرفه ثانيه

انا غرفتي وايد كبيره

مقسمتها قسمين مسويه بالجبس قوس صوب تكريمن الحمام والكبتات

غرفة الكبتات حرف يووو وفيها دريشه

فبسوي الكبتات حرف ال والي تحت الدريشه بسوييي كبت تكرمين حق الجواتي

ما اعتقد فكرة العبي بره حلوه والله بتصير حوسه

كله بغرفة النوم احسن

لأن الواحد يسوي شي لراحته مو شي يتعبه

هذا رايييي

 

[nono78]

واااااااو

تسلم ايدج سارونه عالصور روعههههههههههههههه

 

[سنعه ومنعه]

نونو غرفتى عودة ونفس تصميميى بسوية

وبعدين غرفة الخدمات وااايد عودة وهاذى عندى أهم غرفة يعنى نصيحة لا أتخلين كل غرفج نوم,, لأأأ سوى وحدة للهسوالف

سارا 3 كبتات الجواتى أول ما تصعدين السلم للدور اللأول معلمة عيالى أنهم يغلون تكرمون نعالهم من هالغرفة ويدخلون باقى البيت بالمداسات وبغوا يبدلون للطلعة بعد يمرون هالغرفة وبيدلون هالداسات ويطلعون بنعالهم ,,, عسكرية حشى موبيت ههههه

كل وحدة وطريقتها وأسلوبها مع أسرتها حتى أبوهم قبلهم يدخل هالغرفة أكون محضرة لة الوزار يبدل ويطلع منها خخخخخخخخخخخخخ جنى شذيت عن الموضوع آآآخ ياعينى ما أدرى أشفيها أحس شعرة وماكو شى جنها فلفل

ما علينا خلينا بموضوع البنا والتناتيف ألى تطلع طلع بلاوى مو تناتيف تخيلوا بشيل الكهربا من الواجهة وبغير مكان الدريشة وبسوى باب خاص للديوانية تخيلوا وأنا واجهت وسيجما مخلصة ومركبة أبوابى لو بشرح للصبح مراح تفهوممون بس الشرهة على سى السيد الى بس الكهربا عليك وعفسها

 

[اخت فروحه]

مرحبا :

دام سنعة تحجت عن الاخطاء انا طلع عندي خطأ في حمام المعيشة ان طوفة الدش صارت قبال المرحاض والمسافة بينهم تقريبا 40 سم وما في مجال اغير لان السيراميك تركب والعازل صبيناه مع اني كنت مشيكة على هالشغلة وعبالي تمديد الماي اهوا مكان المرحاض وكنت اقول مناسب بس للاسف طلع المرحاض وراه

خطأ ثاني : اهوا مو خطأ بس تحسفت اني ما كبرت غرفة الملابس اللي بغرفتي

خطأ ثالث : بالنسبة للمغاسل ستاندرد المتعارف عليه 85 سم بس حسيت انه يكون عالي شوي لما بنغسل رجولنا للوضوء وانا بس سويت حمام واحد فباجي الحمامات بسويهم 83 سم


هذا والله يستر ومن الباجي والله يوفق الجميع

 

[sara3]

ما علينا خلينا بموضوع البنا والتناتيف ألى تطلع طلع بلاوى مو تناتيف تخيلوا بشيل الكهربا من الواجهة وبغير مكان الدريشة وبسوى باب خاص للديوانية تخيلوا وأنا واجهت وسيجما مخلصة ومركبة أبوابى لو بشرح للصبح مراح تفهوممون بس الشرهة على سى السيد الى بس الكهربا عليك وعفسها

امبى عادى احنا ترى مطرطقين ودانة , كلة ولا الاخطاء والتعديلات نبى نستفيد علشان لانطيح فى نفس الاخطاء سواء انا ولا غيرى

سنعة الكهرباء تقصدين صندوق الكهرباء ولا الموزع اللى داخل البيت؟؟وليش تبين اتغيرين مكانة؟؟

 

[sara3]

مرحبا :

دام سنعة تحجت عن الاخطاء انا طلع عندي خطأ في حمام المعيشة ان طوفة الدش صارت قبال المرحاض والمسافة بينهم تقريبا 40 سم وما في مجال اغير لان السيراميك تركب والعازل صبيناه مع اني كنت مشيكة على هالشغلة وعبالي تمديد الماي اهوا مكان المرحاض وكنت اقول مناسب بس للاسف طلع المرحاض وراه

خطأ ثاني : اهوا مو خطأ بس تحسفت اني ما كبرت غرفة الملابس اللي بغرفتي

خطأ ثالث : بالنسبة للمغاسل ستاندرد المتعارف عليه 85 سم بس حسيت انه يكون عالي شوي لما بنغسل رجولنا للوضوء وانا بس سويت حمام واحد فباجي الحمامات بسويهم 83 سم


هذا والله يستر ومن الباجي والله يوفق الجميع

هلا فروحة

الخطا الاول الخاص بالحمام انا من راى اتعدلونة من اول وجديد لانكم قاعدين تبنون وفى مجال اتغيرون ناس بيوتها عايشة فيها وقاعدة تنسف الخمامات واتعدل فيها

غرفة التبديل ما اظن فى مجال الا اذا كان يمها مساحة اتساعد ان اتدخلينها واتوسعين الغرفة

اهى كم مساحتها بالضبط


بنات لاتستهينون فى غرفة التبديل خلوا مساحتها حلوة وراهية لا تنسونان انها لشخصين واحنا قشنا ما شاء اللة شتوى وصيفى

بالنسبة لارتفاع المغاسل سوى لك فى الارضى حمام منهم فى مثل الحنفية واطية لليدود والدور الاول نفس الشى.عيالى لا بغوا يتيددون يتلفون الحمام بالماى:0bee2e8d89:

 

[اخت فروحه]

سارة غرفتي التبديل مساحتها 3 في 2 ونص اهيا مناسبة بس لو اكبر احسن

شيوخة ما اقدر اشيل السيراميك المعلم عصب وريلي مارضي واهوا حمام مو اساسي

 

[اخت فروحه]

على فكرة سارة انا غرفتي النوم مساحتها 8 في 6 وبحط فيها كبت
انا بغيت اكنسل الكبت بغرفة النوم بس مساحة غرفة التبديل ماتساعد

 

[اخت فروحه]

سارا حلمت فيج انتي وبنات الديوانية بس اللي اتذكرهم انتي وكان معاج بنتين توأم لابسين وردي عمرهم قل من سنه يهبلون ماشاء الله وشكلهم اجانب ((يمكن عشان انتي بغربة ههههه))
واذمر بعد كسرة بخور لابسة نقاب وعباة راس (( مادري ليش هل في الواقع جذي ؟؟)) يكمن عشان انها دايما تذكر الله ما شاء الله عليها
والباجين كانوا بالحلم بس ما اذكر اشكالهم

 

[اخت فروحه]

نسيت اقول ان المغاسل اللي سويتها ارتفاعها 85 اهي المغاسل اللي برا الحمام بس اللي داخل الحمام بنزلها شوي وباجي المغاسل بالبيت هم

يالله قولولناى عن اخطائكم خل نستفيد


شخباركم مع الامتحانات انا مليت باجر باجر وعقب باجر للابتدائي هانت

 

[ام وهابي]

فديتكم بنات
شحلات سوالفكم والله مشتاقه لكم
شلونكم وشخباركم
وهذي بوسه لكل وحده فيكم مووووووووووووووووووووووووووووحه

 

[ام وهابي]

نسيت اقول ان المغاسل اللي سويتها ارتفاعها 85 اهي المغاسل اللي برا الحمام بس اللي داخل الحمام بنزلها شوي وباجي المغاسل بالبيت هم

يالله قولولناى عن اخطائكم خل نستفيد


شخباركم مع الامتحانات انا مليت باجر باجر وعقب باجر للابتدائي هانت[/quote

اي والله ملينا صج وانبطت جبودنا بعد وخاصه الي عندها الثلاث مراحل امتحانات الله يعينا بس
ويقولون السنه الجايه تشمل الامتحانات ثالثه ابتدائي بعد
والله حاسونا بالنظام الجديد ومو مستفيد احد لا الطلاب ولا المدرسين الكل يتحلطم منه

 

[ام وهابي]

بنات الاخطاء بالبيت لازم تصير لان الكل اباله شي
ونصيحه يا بنات لما يتركب السيراميك ويكون فيه طريقه معينه للتركيب لازم لازم ريلج يقابله ليما يخلص لان اغلب العمال ما يركبون صح
يبون يخلصون وبس ما يهمهم تركب صح او الا واذا على الدوام خلي التركيب بيوم اجازته احسن