ديوانية بيت العمر

[sara3]

استخدام القاطع داخل الأدراج لتخزين أشياءك الصغيرة مثل الجوارب ,الملابس الداخلية , والقفازات........الخ

خصص في الخزانة أماكن للملابس التي تريد كيها

ويفضل تصميمها بالقرب من طاولة الكي


طاولة الكي لا غنى عنها في أي منزل واغلب البيوت تستعمل المتحركة او المعلقة خلف الباب
وهذا صورة تصميم حديث نوعا ما ليساعدك عند تصميم خزانتك

وهي سهلة وبسيطة ويسهل رفعها وطيها لتكون الغرفة دائما مرتبة وانيقة
كما يمكنك تصميم ارفف صغيرة للمكوى وادوات الكي ومعطرات الملابس تحت رف الطاولة

IMG]http://img292.imageshack.us/img292/5716/41jj4.png[/IMG]


بعض الملاحظات
عند الاهتمام بخزانتك




ملابسك الملونة التي لا تلبس باستمرار، بدليها بملابس بألوان أقل وأدكن وهذا لأن هذه الألوان تلبس مع كل شيء وممكن تفتيحه بالاكسسوارات. والملابس التي لم تلبسيها خلال سنة تخلصي منها لأنك لن تلبسيها.






المتسخ من الملابس ضعيه علي الفور في "سلة الغسيل" أو إرساله للتنظيف.




- حافظ علي نظام دولابك المرتب، فإن ذلك أفضل بكثير من أن تعيد ترتيبه مرة أخرى.
وعندما تريدين ترتيبه ينصحك الخبراء بأن تبدأ بالتدريج. فعليك أن تبدأ بركن أو رف فيها ثم تبدأ في تنظيفه بدقة. وبعدها تنتقل الى الرف الاخر





احرصي على شراء الورق المعطر الخاص بالأرفف + الكرات المعطرة + الأكياس المعطرة .....موجودة في محلات نكتار
توزع الاكياس المعطرة الصغيرة على علاق الملابس وعلى الارفف و توضع الكرات المعطرة في ادراج الملابس او العلب اوالصناديق ، لتنشر رائحة ذكية كلما فتحت الخزانة
واذا لم يوجد لديك اكياس معطرة يكنك استخدام الجوارب الخفيفة وحشوها بالزهور او الاعشاب العطرية مع ربطها حتى لاتتناثر


الاكسسوارات

http://img151.imageshack.us/img151/2255/51yf1.png
توضع الإكسسوارات علي أرفف الدولاب أو في الأدراج بحيث تكون في متناول الأيدي حتى يسهل استخدامها.


: الاحزمة والأوشحة ... وغيرها ....قدمت لها بعض الشركات هذه الوحدات الرائعة وهي افضل من الصناديق والادراج
وايضا لا تأخذ مساحة كبيرة لانها توضع على جانب الخزانة

http://img151.imageshack.us/img151/1655/53zg9.png



طبعا هذا ما يعتبر موضوع نقدر نقول ملف كامل وشامل حق موضوع الخزائن لاخت فى منتدى ثانى اسمها
clever-144 فكل الشكر لها على هذا المجهود الرائع اللى استفدت منة وحبيت يفيد بنات الديوانية وان الله قدرنى اكملة لكم


منققققققققققققققققققققققول

 

[ام وهابي]

صراحه موضوع مفيد الله يعطيج العافيه

 

[sara3]

ام وهابى

اشلونك شخبارك ويا الامتحانات انا عندى بنتى بالصف العاشر امطلعة عينى فى المذاكرة:0bee2e8d89:


ما مريتى على موضوعى فى قسم الديكور


مطابخ ثلاثية الابعاد؟

 

[بشتخته]

سلام عليكم يااحلى خبيرات ديكور

اول مرة ادش الدوانية
وطالبه مساعدتكم ما عليكم كلافة

أبي صور صبغ حلو حق ديكور السلم ... محتارة مادري اشلون اسويه..
:0bee2e8d89:

والدرابزين نفس اللون الي بالصورة بس الورد ذهبي والخشب صبغته نفس اللون بس فيه لمعه شوي


وهذي صورة السلم

http://up.arabseyes.com/upfiles/hSl59958.jpg

 

[sara3]

بشتختة
يا هلا حي الله من يانا ,قهوة يا الغالية


اشدعوة يا حافظ تبنين وما تمرين علينا ما كانش العشم


شوفى حبيبتى انتى تقصدين الدرابزين ولا تقصدين بيت الدرج؟

على العموم انا بحط كم صورة يمكن يكون فيهم الفايدة

 

[sara3]

اهو اكثر شى صبغ ترى وحركات بالجبس مثلات الفريم

 

[sara3]

[

 

[sara3]

هلا والله حبوبات


اناعندي صاله في الاستقبال مرتفعه درجتين وهي 7 في 6 بس مفتوحه على الثانيه وفيها شباك كبير 3في2 وناويه

احطها مغربي تنصحوني ولا لا يعني السيراميك والقعده ناويه احطه طابوق بعدين فوقه قعده خشب وبخاطري احط نافوره

صغيره فيها نقشات مغربيه بس محتاره في السقف والطوف والله يجزاكم خير الي عنده فكره او نصيحه راح اكون لها

شاكره لاني قاعده احلم بهاالصاله .ادري بدري عليها بس لازم اجمع افكار (وجتني فكره اني احط الطوفه الي بالوجه

نفس الابواب القديمه يعني شكل بس ديكور الي يكون خشب والمفتاح حديدمثل باب السور القديم ) بس اخاف الفكره

قديمه ومحتاره باشياء كثير وان شاء الله تساعدوني بهالفكره .ودي تكون هذي الصاله فيها شغل والصاله الثانيه ابيها ناعمه

مافيها شي .

سورى سافانا ماشفت مشاركتك يا الغلى كلة

شوفى هذى الصور وانا فى اول الديوانية حطيت وايد صور صالونات مغربية

 

[sara3]

يبيلة بعدين تعزمينا على كسكس مغربى

وشاى

 

[سافانا]

:eh_s(8):مشكوره سارونه الله لايخليني منك

روعه وحلوه بس انا كنت بسال تتوقعين وين احصل السيراميك الصغار مال الطوفه


والاروع الكبتات وارفف التخزين انا غرامي كبتات ايكيا وطريقة الترتيب عندهم وانا مسويه نفسهم بس نجاره اذا قدرت اني اصوره وادزه لكم راح انزله لاني مبتدئه واحس تنزيل الصور سالفه طويله


وترا انا عازمتك من الحين ورجاء ماابي اعذار ,,,,وتستاهلين كل خير

وبغيت اعلمكم ان مهندس الشلال جاء اليوم القسيمه واخذ المقاسات و بكره بيعطيني السعر واهم مكانهم حولي

وعمالتهم اندونيسين وهنود.(عسى على هالازعاج يطلع الي في بالي يارب )

 

[sara3]

اهلا سافانا


قبلنا العزيمة_03BA::dddds:


شوفى سوالف ايكيا شفتى فى محل بشويخ اسمة الاستاذ يم سطرة ملوة القفول ,يسوى العنوة ترى عندة الاكسسوارات ملوة الخزاين شفتى صورة المرة اللى تسحب العلاق عندة وايد حلوة الفكرة بصراحة انا جتفى وايد يعورنى لمن اسحب القطعة من الكبت خاصة لى صار زحمة
وحلو حق اليهال اللى ما يطولون الهدوم

اى صج الشلال هذا بعد مافيها روح وتعال يا يضبط يا يضبط مافى مجال ينخش

السيراميك الصغار كان فى موضوع حق كويت بتر فلاى تسال عنة وشوفى اخر مشركة لها عندنا باليوانية وروحى صفحتها تلقين الوان اتطير

ورابط الموضوع اللى حطتة تسال اشوفة لك والكل اجمع على انة موجود فى ام غرة اتصدقين عاد

بس انا شايفتة عند بسامكو وعند تايلز اند مور والقرقور

 

[بشتخته]

بعد قلبي

شسوي دشيت وما لقيت احد قلت احط موضوعي وامركم باليلل اكيد بتكونون متجميعين :ggdw:


حياتي تعبتج معاي .. انا كنت اقصد الديكور اللي تحت الدرابزين

نفس اللي بهالصورة الي حطيتيها

http://www.idmanufacturing.com/images/railingsnew8lg.jpg


ليش مو قادرة انزل الصور اهني :0bee2e8d89:


وهذا يشبه درابزيني وايد .. ونفس لفت السلم عندي
بس ما فيه ديكور تحت

http://www.idmanufacturing.com/images/railingsnew1lg.jpg


مادري قدرت اشرح لج عدل ... ما عرف هذا حدي ههههههههه

ما انفع مدرسه كلش
_03BA:

ومشكوورة حبوبه تعبتج معاي

 

[sara3]

هلا بشتختة

عادى حبيبتى تعبك راحة

وديوانيتنا مالها ساعة معينة ياريت يتيمعون فى وقت واحد وناسة

اللى فهمتة ان تبين زخرفة بالجبس حق الحتة اللى تحت الدرابزين


طيب شوفى هذى

 

[اخت فروحه]

مرحبا شباب اشلونكم؟
ام وهابي شخبارج ؟
سافانا الله يوفقج بالشلال وبشرينا شيصير معاج
سارة الله لا يخلينا من مواضيج المفييييييدة ذكرتيني بغسالة الصحون مو ناويه احطها حاليا بس بمدد لها وكل مرة اقول بنمدد لها احتياطي وانسى
بسألكم عن المطبخ البنيان وايد يمدحونه وينصحوني فيه ويقولون توفرين نص السعر انا شفته عند ابل عجبني انتوا اشرايكم ما سمعتوا عنه ؟

 

[sara3]

اخت فروحة

انتي لازم اتسوين دراسة جدوى اذا قصدك التوفير الموضوع ومافية انك راحت تبنين الخزاين السفلية وراح اتحطين لهم بيبان مو هنى المشكلة المشكلة اذا المطبخ صغير لان الطابوق راح ياخذ مساحة 10سم فواصل بين الكبتات فاذا ارخص والمطبخ كبير تسوى الشغلة واذا انتى من النوع اللى تحبين اتغيرين واتجددين بين فترة وفترة ما يصلح لان بتردين اتدخلين عمال يهدمون

ولاتنسين انك بتسوين الخزاين العلوية خشب مو بنا الا اذا كانت عندك الخزانة الكبيرة هذى اوكى وانتى براحتك وبيتك مملكتك:tomato2:

 

[sara3]

صباح الخير يا بنات

انا امس شنو الصور اللى حطيتهم مانى ذاكرة


على العموم

سافانا هذا رابط الاخت بتر فلاى عن الموزاييك الصغار

http://q8yat.net/showthread.php?t=163948

 

[سافانا]

السلام عليكم ورحمة الله وبركاته


حبايبي (لاتنسوا قراءة سورة الكهف )


اخت فروحه كيفك ياجارتي العزيزه ماعطيتينا اخر اخبار المهندس اتفقتوا معاه ولالا ....وشنو اخر التطورات .

أم وهابي خلصتي المطبخ ولا بعد ....

سارونه الحبيبه لك كل الشكر على المجهود الرائع ....

 

[اخت فروحه]

مساء الخير سافانا توني خلصت سورة الكهف وفتحت النت بالنسبة لمهندس الديكور قال لما تشطبون كلموني بس طلب منا نقاط كهربا في اماكن معينة احنا الحين بنبلش بالطرطشة والمساح
سارة والله ما دري شقولج على ملاحظات العظيمة فعلا تفيدينا حيل
ام وهابي شخبارالمطبخ ؟

 

[sara3]

بنات لاتنسون اتزورون موضوعى مطابخ ثلاثية الابعاد


كل يوم فى مطبخ جديد وتعليقات علية

رابط الموضوع

http://www.q8yat.net/showthread.php?t=167134

 

[ام وهابي]

مشكوره سارونه والله لا يخلينا من طلتج علينا
اخت فروحه الله يتمم عليج وينولج اللي تبين بيتج والله المطبخ المفروض يركب من زمان بس عطلنا عامل المدخنه لسه ما خلصها اهي تفصيل الاخ كل يوم يسوي شغله وينحاش والله جننا وللاسف كل شي يتوقف عليها لازم تخلص ونركب سقف لالمنيوم بعدها وبعدين ندق على شركه المطبخ يركبونه
الله كريم