ديوانية بيت العمر

[DooNy]

ما نستغنى عنج حبيبتي ما تدرين شكثر استفدت منج والسيجما خذيت نفسج بس اللون بعد فا نبي اخر الجولات والصولات من حيث الكبتات والاصباغ وبلاكات الكهربا لاني ابي اللي كبستهم عريضه ما ابي العادي وشلون على تعليق الثريات وطريقة تركيب الهوك واتمنى اني اراسلج اذا سمحتي

تسلمين حبيبتي
- الكبتات: افتريت على كل المحلات منهم الوزان والقطامي و أبل حلوين بس الجوده لج عليها كلهم خشب (ام دي اف) خفت أدفع شي وشويات وتالي ما يعمر معاي فقررت اسويها نجاره بالموديل اللي ابيه.
- الأصباغ: قررت أصبغ البيت كله أبيض وألعب بالأثاث لأن مالي خلق أفكر والديكورات عندي بالسقف حرام تضيع بألوان الطوف (اللهم غرف اليهال بصبغهم ألوان بس ساده بدون حركات أذرب).
- البلاكات: أخذتهم من آرت كازا لايتس بس كانو طلبيه وطولت حول ال3 شهور والحمدلله وصلوا وتركبوا (اللي كبستهم عريضه أتوقع تلقينهم عند أوزرام).
- تعليق الثريات: وقت ماكانوا يسوون ديكورات السقف حددت أماكن الثريات وألحين بعد ماخلصوا نزلوا من مكانها سلسله عاد شلون بالضبط ما أدري حزتها كنت توني والده فما شفت شلون للأسف.

وآخر جولاتي افتريت على كل محلات الأثاث وأحس راسي بينفجر من كثر التفكير ماني عارفه أشتري شي فقررت أمسك دور دور من البيت وأثثه على راحتي


وأنطر رسالتج على الخاص.

 

[اخت فروحه]

دوني بالنسبة للكبتات يعني اللي عند حسن ابل مو جودة ؟؟؟؟؟؟؟؟؟؟؟ يعني مجربينهم ؟؟؟؟؟؟

واذا بتسوسن نجارة وين يعني مثل ديكورات الخالد ؟؟؟؟؟؟؟؟؟؟

عفية فيديني لاني مقررة اسويهم عند حسن ابل ......... احترت

 

[DooNy]

انا برايي مو جوده حسيتهم قرشاعه وخصوصا الاكسسوارات (العلاليق + الجرارات) اللي يصيرون ألمونيوم ما أعرف أحد جربهم بس يمكن يعجبج
ونفس الشي الكبتات اللي عند القطامي اليي يبيع مطابخ (بوجن بول) والوزان (بول ثاب) أسعارهم غاليه وخشبهم مضغوط
بس المطابخ روعه روعه روعه جوده وذوق.
قررت وبالفعل تعاقدت مع ديكورات الخالد وعطيتهم الموديل وإخترت خشب زان ومريتهم قبل جم يوم القوالب كانت جاهزه وحددت تقيسمة كل كبت والمره اليايه بختار الألوان والإكسسوارات وترى في غير الخالد مناجر معروفه مثل مصانع بيروت والصباح ووايد والله

 

[اخت فروحه]

دوني ادري مصخناها (( لو تفتحين مكتب استشاري احسن ههههههههههههه ))


بالنسبة للابواب تعرفين مكان جودة ومجربينه؟؟؟؟؟؟؟؟

واخر سؤال : شنو افضل خلاطات للحمامات ؟؟؟؟؟

 

[DooNy]

دوني ادري مصخناها (( لو تفتحين مكتب استشاري احسن ههههههههههههه ))


بالنسبة للابواب تعرفين مكان جودة ومجربينه؟؟؟؟؟؟؟؟

واخر سؤال : شنو افضل خلاطات للحمامات ؟؟؟؟؟

هههههههههههههه شكلي جذي :dddds:
لا بالعكس إخذي راحتج حبيبتي

اللي انا مجربته ومن عمر ديكورات الخالد ترى جني سويت لهم دعايه أبي عموله الصراحة :dddds:
بيبان بيتي كله منهم بصراحه لا يعلى عليه مالقيت عليهم أي ملاحظات سلبيه أبدا وآنا ذكرت من قبل عن الشراشيب الفنلندية الي تتركب وقت الأسود قبل المساح حسيت بقيمتهم بعد ما تركب الشرشوب الأصلي والباب كلش ما احتجنا تظبيط عيارات (الباب اييج مضبوط ماشاءالله)

الخلاطات والله كذا مكان عندج (قروهي) و (فانتيني) و (بونقيو) وحسن أبل (حولي) نسيت اسم الماركه ماخذه منهم مو معروضين بالطلب (طلبي الكاتالوج)

 

[شيوخه]

فروحه مو قلت لج ما الك الا داوني اما جولتي اليوم فكانت ورق الجدران ورحت الي بحولي ما عجبني الا الكتلوجات الطلبيه بس غاليه عند ميداس والصراف يربي شسوي ما تطيح عيني الا على الغالي ادري تو الناس بس باخذ فكره والهوك حق الثريات رحت الرحاب وفي محل باجر بيطل علشان يشوف الطريقه وهم التركيب

 

[DooNy]

شيوخة: يقولون ورق جدران أبيات حلو واسعاره أحلى بس ما شفتهم مري شوفهم
ليش ما خليتي شركة الديكور الجبس اهم اللي يركبون شحقه تدفعين مره ثانيه انا سووه لي ابلاش لأنه من ضمن شغلهم
شالله حادج اتيبين ناس يخربون عليج الديكور :eh_s(1):

 

[شيوخه]

شيوخة: يقولون ورق جدران أبيات حلو واسعاره أحلى بس ما شفتهم مري شوفهم
ليش ما خليتي شركة الديكور الجبس اهم اللي يركبون شحقه تدفعين مره ثانيه انا سووه لي ابلاش لأنه من ضمن شغلهم
شالله حادج اتيبين ناس يخربون عليج الديكور :eh_s(1):

نسيت ما كملت القصه بعدين طلعت حق محل ثالث بالثريات نصوح جزاه الله الف خير جان يدليني على محل جنبهم يبيع الهوك ورحت له ووراني راعي المحل الهوك وقالي اشتريه حتى رخيص يمكن بنص وبعدين الديكور يركبونه لج وهذا باذن الله اللي بسويه

 

[شيوخه]

نسيت ابيات ورق الجدران يهبل وراح اخذ منهم باذن الله واسعار حلوه خاصه اسبرت

 

[DooNy]

نسيت ما كملت القصه بعدين طلعت حق محل ثالث بالثريات نصوح جزاه الله الف خير جان يدليني على محل جنبهم يبيع الهوك ورحت له ووراني راعي المحل الهوك وقالي اشتريه حتى رخيص يمكن بنص وبعدين الديكور يركبونه لج وهذا باذن الله اللي بسويه

أشوه أي هذا الكلام العدل وموفقه ان شاءالله :ggdw:

 

[اخت فروحه]

اما انا بالنسبة لي اليوم خلصت تقريبا كللللللللللل الارضيات لان العمال اليوم بلشوا يشتغلون

لصالة الاستقبال خذيت رخام بيانكو روزا والديوانية كريمانوفا ((من حسن ابل حولي )) اما غرفة نومي خذيت جرانيت من حسن ابل حولي هم

والدرج بناخذ من الاسيوية والباجي والله مشكل من كل بستان زهرة


وبالنسبة لسيراميك الحوش عقددددددني ماعجبني شي اليوم مريت محل بالشويخ بالصدفة ولقيت شي ناعم ويناسب لون السيجما وشريناه على طول

 

[اخت فروحه]

شيوخة نطري شوي على ورق الجدران ركزي على الاساسيات


يعني مثلا الاجهزة الكهربائية للمطبخ من وين بتاخذينهم ؟؟؟؟؟

انا ان شاء الله باخذ من الوزان

 

[شيوخه]

شيوخة نطري شوي على ورق الجدران ركزي على الاساسيات


يعني مثلا الاجهزة الكهربائية للمطبخ من وين بتاخذينهم ؟؟؟؟؟

انا ان شاء الله باخذ من الوزان

فروحه تذكرين العام بهالوقت قلت لج على الاجهزه عند الوزان مسوين عليهم خصم وروحي بس دفعي العربون انا رحت وحجزت صار لي سنه والحين الاسعار ارتفعت بحدود 15% شاطره مو:ggdw::ggdw: والخارجي انا بعلمج من وبن عجبني اهو اخضرببيج بس اذا يناسبج قولي لي وانا ادليج

 

[شيوخه]

فروحه شنو لون السيجما مالتج

 

[ام وهابي]

السلام عليكم
شلونكم حبيبايبي شخباركم ادري غطيت وايد ّّّّّّّّّّّّّّّّّّّّّّّّّّّورجعت لكم والله لكم وحشه حدي مشتاقه لسوالفكم
وهذي هديه مني لكل اللي وصلوا لمرحلة الصبغ

 

[ام وهابي]

 

[ام وهابي]

هذا صبغ شكل ورق الجدران

 

[ام وهابي]

 

[اخت فروحه]

ام وهاااااااااااااااااااااااااااااااااابي


والله وحشتيييييييييييييييييييييينا مووووووووووووووووووووت

عودا حمييييييييييييييييييييدا

 

[شيوخه]

مشكوره ام وهابي عالصور وحشتينا لا تحرمينا من خبرتج