ديوانية بيت العمر

[اخت فروحه]

مرحبيتن سارة
ليش اتقولين لا عزاء للسيجما اللي اعرفة انه اغلى من الحجر الموزاييك وبفرق 6الاف تقريبا ؟ ولا اشرايج

 

[اخت فروحه]

ام ووهابي بشرينا عنج وصحة وهابي ان شاء احسن ؟

بشتخته عسى المانع خير ليش مو امبيه؟

سافانا ردي على اسئلتي بنتي تنطرج

اليوم ياجارتي مريت على بيتكم وانا رايحة الدوام في ثلاث بيوت يم بعض كلهم عالدور الثاني اي واحد بيتج وفي واحد عالراس ؟

 

[sara3]

مرحبيتن سارة
ليش اتقولين لا عزاء للسيجما اللي اعرفة انه اغلى من الحجر الموزاييك وبفرق 6الاف تقريبا ؟ ولا اشرايج

هلا اخت فروحة انا موقصدى فرق السعر بس المعرف ان الحجر ينحط حق لبيوت الكبيرة اللى واجهتها عريضة والسيجما تنحط للبيوت الحندقة يعنى بيوتنا اصغيرونة ولا اشرايك؟؟؟

 

[سافانا]

هلا اخت فروحه غيبه ابي اكتب غريبه

بنتي في مدرسة في القرين يم البيت واهي اجتماعيه حيل وتحاتي الصديقات .


وبيتي وبيت جيرانا اهم الوحيدين الي حيقتنا علا الشارع علا طول مايفصلهم شارع نفس باقي البيوت

وبيتيي الوحيد الي يمه خيمتين واصل الدور الثاني جايه الشبابيك كبار .

 

[سافانا]

سارونه حبيبتي انا نسيت انك قاعده تبنين والله سامحيني نسيت مااقولك انك اول وحده اعطيها الهديه والله سامحيني.

بالنسبه للحديد مرتفع سعره غالي غالي بالسوق احنا نبي نشتري من الي عندهم حديد زايد ومدعوم سعره بيكون ارخص

من السوق .


وانتي مارديتي على اقتراحي بخصوص المسن الخاص.

والفسيفساء الي اهي قطع الزجاج الصغير الملون .

 

[اخت فروحه]

السلام عليكم:

سافانا فعلا الحديد غاااالي دوروا من المدعوم احنا بعناه على واحد يعرفه زوجي , حساغة باجر مو دوام الاحد باذن الله اشيك على بيتكم انا بيتي تشوفينه عالفحيحيل السريع لأن اللي بظهرنا توه بالسرداب ومشكورة عالمبادرة بالهدية
وان شاء الله ديوانيتنا عمرة بوجودنا يارب
بالنسبة للرسالة عالخاص دوريها في الرسائل المرسلة اذا لقيتيها يعني اندزت

سارة معلومة الحجر والسيجما اول مرة اسمع فيها بجيك عليها

 

[sara3]

عزل الحمامات


بعض المخططات يكون هناك نزول بدورات المياه و بعض المخططات لا يوجد بها نزول بل يتم تصميم دورات المياه حسب المخططات بأن تكون مواسير الصرف ذات المقاس 4 بوصة ضمن الصبه وإذا لم يتم تأسيس المواسير بداخل الصبة فيتم تأسيسها بعد عملية العزل المائي


أولا
عدم تركيب تمديدات السباكة إلا بعد أعمال العزل

ثانياً
تركيب سيراميك الجدران عدا آخر بلاطة من الأسفل لا يتم تركيبها إلا بعد العزل

ثالثاً
عمل اللياسة لأرضية الحمام أو المطبخ مع عمل زاوية اسمنتية 10×10 سم على كامل الوزرة عند التقاء الأرضيات مع الجدران

رابعاً
يتم بعد ذلك عمل العزل المائي حسب المطلوب و هنا تم عمله بواسطة الدهان نوعية فولكم 350 صناعة أمريكية و يعتبر رقم 1 بالنسبة للعزل المائي و يتم عمل المتر بحوالي 75 يال وجهين

خامساً
بعد الأنتهاء من عمل العزل المائي يتم بعد ذلك تمديد مواسير الصرف ذات المقاس 4 و بوصة و أيضاً المواسير ذات المقاس 2 أو 1.5 بوصة للمغاسل و البانيو أو الشور

سادساً
بعد الانتهاء من تمديد المواسير من قبل السباك يقوم مقاول العزل بوضع معجون خاص عند ملتقى المواسير بعضها ببعض خاصة ما يتم تركيبه داخل الصفاية من مواسير المغاسل و الشور و ما سورة تصريف المكيف الأسبلت أو المخفي

سابعاً
يتم عمل الاختبار اللازم و يكون بوضع الماء على مستوى العزل لمدة حوالي 3 إلى 4 أيام

ثامناً
بعد نجاح اختبار العزل يتم بعد ذلك عمل الدفان لأرضية الحمام و عمل البلاط مباشرة

ملاحظات هامة
يتم عزل دورات المياه بعد الانتهاء تماماً من بلاط الغرف و الصالات
يجب أن يكون منسوب الحمام أو المطبخ نازل عن المنسوب العام بـ 2 سم أو 1 سم

منقووووووووووووووووووووووووووو وووووووووووووووووووووووووول

 

[سافانا]

السلام عليكم ورحمة الله وبركاته


لاتنسوا قراءة سورة الكهف


واكثروا من الصلاة والسلام على الرسول

 

[اخت فروحه]

اللهم صلي على محمد وقرينا سورة الكهف

شخباركم منو موجود:؟

 

[اخت فروحه]

مرحبا سارة
الجو ما فج الغبار من امس الصبح وقاعد يزيد مع لواهيب والله المستعان مادري اشسالفة الغبار هالسنة على طول الجو مغبر

سارة الظاهر انج في ديرة ابعيدة صح ؟ احس فرق التوقيت مو شوية لانج اتغسلين مواعين متأخر

بيتنا الحين بلشنا بالطرطشة

سافانا فعندي سؤال كله ابي اساأل وانسى بالنسبة للرخام الصناعي احيه عاجبج انا ماعجبني احس ابسرعة ينكسر واذا انكسر جزء بسيط لازم اتبدلين القطعة كاملة لانه يجي لوح كامل صح ولا لأ ؟

 

[nono78]

اشلونكم بنات شخباركم مع البيت الي مو راضي يخلص


ام وهابي سلامات ماتشوفون شر وان شااء الله احسن واشلون هوبه حبيبي مايستاهل والله

الله يشافيه يارب ويبعد عنكم الأمراض يارب



بنات شريت مغسله حوضين حق المطبخ بس الي تكون طرفها المنيوم

فهمتوني

بعد ماشريتها جني تحسفت قلت لو ماخذه بس حوضين من غير الطرف الزايد لي في المنيوم

شرايكم ابدلها ولا اخليها ؟؟؟؟؟؟؟

 

[sara3]

اخت فروحة
اهى ماخذة جذى

طيب وين المشكلة انتى ما تبين الطرف الالمنيوم انا اقول بدون احلى احط لك صورة الحين

 

[nono78]

سارا

اشرايج ابدلها ؟؟؟؟؟

ريلي يقولي خق الغسيل وبيد الخدم هذا احسن

يقولي من غير المنيوم بيصير الجرانيت كلا ماي وعمره يقصر ؟؟؟؟؟؟؟؟؟ظ


اشرايج بهالكلام ؟؟

 

[nono78]

تهلين نونو ودي اساعدج بس مو فاهمة

فروحه شوفي صور سارا اشرايج

بس المغسله الي ماخذتها احلى من اول صوره



قوليلي ايهو احسن

 

[nono78]

وينكم بنوتات

من الصبح وانا افكرررررررررررررررر

ابدلها ولا لأ ؟؟؟؟؟؟؟؟؟؟؟؟؟؟؟؟

 

[اخت فروحه]

شوفي نونو فعلا كلام ريلج صح بالنسبة لي لأن الجرانيت والرخام مع الوقت يشرب ماي اهوا فعلا شكل الثانين احلى بس الافضل احس مع طرف الالومنيوم عشان بعد غسيل المواعين تحطينهم على طرف الالومنيوم وينزل الماي لما تجف ولا اشرايكم

امبيه أثاري في اشياء وايد تحير انا عبالي بس تصميم البيت وتوزيع نقاط الكهرباء اثاري الطريطج طوييييييييييييل


سافانا جني عرفت بيتكم اهوا اللي دراشه امقوسه بالطول ؟؟

 

[nono78]

شوفي نونو فعلا كلام ريلج صح بالنسبة لي لأن الجرانيت والرخام مع الوقت يشرب ماي اهوا فعلا شكل الثانين احلى بس الافضل احس مع طرف الالومنيوم عشان بعد غسيل المواعين تحطينهم على طرف الالومنيوم وينزل الماي لما تجف ولا اشرايكم

امبيه أثاري في اشياء وايد تحير انا عبالي بس تصميم البيت وتوزيع نقاط الكهرباء اثاري الطريطج طوييييييييييييل


سافانا جني عرفت بيتكم اهوا اللي دراشه امقوسه بالطول ؟؟

واي فروحه انا بيتي جاهز اول ماشفته ثلت بس باثث وسكن

بس اول ماشرينا نعدل ونغير فييييييييه

اذا طول اليوم افكر بمغسله لووووووووووووووووول

الله يعينا

وعلى سالفة الشكل خو احنا نموت عالشكل شنسوي كويتيات لوووووووووووول

بس مطبخي كبيييير ريلي يقول ماراح يخرب على شكل المطبخ


يعني فروحه مابدل المغسله هذا رايج ؟؟؟

 

[sara3]

سارا

اشرايج ابدلها ؟؟؟؟؟

ريلي يقولي خق الغسيل وبيد الخدم هذا احسن

يقولي من غير المنيوم بيصير الجرانيت كلا ماي وعمره يقصر ؟؟؟؟؟؟؟؟؟ظ


اشرايج بهالكلام ؟؟

انا اقول اتوكلى على الله ما دام بيد الخدم وربى يعين على باقى البيت ادورلك صور ان لقيت وهى راكبة ام خطوط بس ما شفتى اللى عند صفات الغانم اللى فيهم 3 احواض واحد اصغنون حق الصابون

 

[sara3]

[

امبيه أثاري في اشياء وايد تحير انا عبالي بس تصميم البيت وتوزيع نقاط الكهرباء اثاري الطريطج طوييييييييييييل


سافانا جني عرفت بيتكم اهوا اللي دراشه امقوسه بالطول ؟؟[/quote]



توك تدرين على قولة فيروز مشواااااااااااااااااااااااااااااااااااااااااااااااااااااااااار مشوااااااااااااااااااااااااااااااااااااااااااار


ما حطت علم ابيض؟؟؟؟؟

 

[nono78]

انا اقول اتوكلى على الله ما دام بيد الخدم وربى يعين على باقى البيت ادورلك صور ان لقيت وهى راكبة ام خطوط بس ما شفتى اللى عند صفات الغانم اللى فيهم 3 احواض واحد اصغنون حق الصابون

وااي سارا شوقتوني علصغنون حق الصابوووووووووووووووووووووووووون

والله رحت حولي ومادري اشفيني استعيلت

طاح من عيني خلاص