ديوانية بيت العمر

[صعفوقة]

صعفوقة من وين الجرانيت دبل كريستال؟؟

اهلين عمار بالنسبه للمدخنه اكيد الطباخ تحتها سوى حاجريمين ويسار الطباخ ورفعيه فوق للمدخنه فهمتى عشان تحكرين الريحه_03BA:
وبالنسبه للجرانيت دبل كريستال انا حجزته من محل عندنا بالجهراء اسمه (امغره) انا اول شى قلت لزوجى بفتر بمحلات الديره كلها للارضيات عشان اخذ فكره عن الاشكال والاسعار ولقيت اللى ابيه غالى :0bee2e8d89: وقالتلى وحده معاى بالمدرسه يافلانه ليش ما تروحين لامغره مخفضين اسعارهم حيل عشان محلاتهم تعديات ويبون يشيلونهم ورحت ياطويلة العمر شفت ارضيات روعه حتى الاسبانى عندهم واسعارهم رخيصه حيل حيل واللى اخترته لقيته بالشويخ 7 دنانير وانا اخذته 4ونص طبق الاصل
واى شى انا حاضره:tek:

 

[صعفوقة]

بنات صج شرايكم بالوان لمطبخى انا مشتهيه (كرزى مع ابيض )او لون(مشمشى مع رمادى فاتح)شرايكم

 

[asma_alyousef]

ياحلوي ويازيني والله وانا حسبالي الشغلة هينة وبسيطة لا واتشرط على ريلي بختار الديكور والارضيات وكل قطعة وانت مالك شغل بشي وانا حامل توني ابداية حمالي اول شهور وبنرمم بيتنا واخاف من ذوق ريلي الفاشل اظن والله اعلم على اللي قريته بنطر لما اولد ولا راح انشق بالنص صعبة السالفة

 

[asma_alyousef]

بس والله وايد استفدت من كلامكم بروح افتر على مناقشات الديكووور

 

[عمار يا كويت]

صعفوقة ما قصرتي بس محل اسمه امغرة قصدج بامغرة المحلات االي مقابل السكراب ولا المحل جذي اسمه

 

[اخت فروحه]

آآآآآآآآآآآآآآآآآآآآخخخخخخخخخخخخخخ يااااااااااااا التشطيباااااااااااااااااااات


سيراميك الحوش رحت غيرته لانهفيه مثل البروز واخاف يتجمع بينه الغبار

بايبات الصحي مال حمام المعيشة للخلاط يقول المسافة بينهم مو15 سم يعني لازم نكسر السيراميك منعدل

بايبات الجاكوزي يقول موعلى مستوى واحد يعنيهم نكسر

الكهربائي واهوا يسحب الوايرات كسر بايب ماي وشرينا غيره وعدلنا

المشكلة ان احنا ماخذين اغلى واجود المواد واحسن وافضل المعلمين


الله يستر من الباجي

 

[اخت فروحه]

صعفوقة حبيبتي حبه حبه

يعني الحين ركزي بالديكور وخلي كل تفكيرج فيه لما تستقرين عالديزاينات وتعطينهم معلم الديكور

يعدين لما تتفقون خلاص فكري بالارضيات واخذي جوله حلوة وفري عالمحلات مرة وثنتين وثلاث لما تستقرين بعدين


وبالنسبه لسعر الرخام لازم يطلع غالي لذا تبين شي مميز وجودة

 

[اخت فروحه]

ياحلوي ويازيني والله وانا حسبالي الشغلة هينة وبسيطة لا واتشرط على ريلي بختار الديكور والارضيات وكل قطعة وانت مالك شغل بشي وانا حامل توني ابداية حمالي اول شهور وبنرمم بيتنا واخاف من ذوق ريلي الفاشل اظن والله اعلم على اللي قريته بنطر لما اولد ولا راح انشق بالنص صعبة السالفة

حياج الله حبيبتي

والله يسهل حمالج وولادتج


فعلا انا اقول خليه بعد الولادة

 

[عمار يا كويت]

واااااااي فروحة ضيقتي خلقي و حاشني احباط
الللله يعييييييييييييييييييييينكم

 

[صعفوقة]

صعفوقة ما قصرتي بس محل اسمه امغرة قصدج بامغرة المحلات االي مقابل السكراب ولا المحل جذي اسمه

اى حياتى قصدى جذى اهو اللى يم السكراب:ggdw:

 

[صعفوقة]

صعفوقة حبيبتي حبه حبه

يعني الحين ركزي بالديكور وخلي كل تفكيرج فيه لما تستقرين عالديزاينات وتعطينهم معلم الديكور

يعدين لما تتفقون خلاص فكري بالارضيات واخذي جوله حلوة وفري عالمحلات مرة وثنتين وثلاث لما تستقرين بعدين


وبالنسبه لسعر الرخام لازم يطلع غالي لذا تبين شي مميز وجودة

فروحه حبيبتى انتى ماتدرين ان كارنيش الديكور للمطبخ والحمامات مايركبونه الا اذا حطينا ارضيتهم يعنى المطابخ والحمامات وبعدين احنا اول شى نبى نخلص من الدور الثالث للمؤجر يعنى ديكور وعلى طول ارضيه عشان نستفيد وعلى الاقل يساعدنى فى التاثيث قبل مانسكن لان اسم الله عليج خلصت افلوسنا على التعديل وهدم الطوف :0bee2e8d89: قلت هذا بيت العمر اعدل الحين ولا بعدين _03BA:

 

[اخت فروحه]

اكمل لكم الجزء الثاني من هموم ومشاكل التشطيبات :


معلم السيراميك واهوا يسوي ميزان لارضية السرداب لقى ان الخرسانه اصلا مو متساويه مرتفعه عند واجهة البيت يعني صوب الديوانية ونازله من الداخل صوب صالة الحريم وهذا خطأ من المقاول الله يسامحةاللي ماسوى ميزان للارضية ((ياربي حنا شدرانا بهالسوالف اول مرة نبني)) فيانحط عتبه او نسوي دفان قلت جم يعني ارتفاع العتبه قالولي تقريبا 3سم قلت حتى لو اكثر مثلا7سم مومشكلة خل يسوون دفان

عاد ريلي لما راح القسيمة قالي ترى جنهم دافنين وايد قلت بروح اشوف ولما دقينا عالمقاول ورحنا نشوف ولا دافن 32سم انصدمنا لييييييش عاد احنا اصلا متكلفين ورافعين السقف والحين نزل من الارضيه وقبلها دكتات التكييف والديكور صار ارتفاع السقف عادي

كلمهم ريلي قال شيل شوي من الدفان وسو عتبه المشكلة انهم حطوا رمل واسمنت وصبوا عليه ماي عصبوا العمال وزعلوا والله مالومهم الجو كلش مايساعد ومني ومناك قال المقاول اقدر اشيل 10 سم بس قلت مو مشكلة العوض ولا القطيعة


يامسهل الامور سهل لنا وباجي المسلمين

ادعووووولللللللللللللييييييييييييييي

 

[اخت فروحه]

صعفوقة اللي اعرفه اول شي يركبون الكورنيش بعدين الديكور وبعدين الارضية

 

[شيوخه]

ووووووووووووااااااااااااييييييييييييييييييييييييي فروحة اللة يعينج صج ضيقة خلق احنا نفسج ياتنا فترة بس مشاكل كل شوي طالع لنا شي بس مايخالف علشان جذية احنا تاخرنا
صعفوقة خلصي ديكورج وبعدين طقي تذكرتج الصين شري ارضياتج والحمامات مناك
فروحة عيل انا ضايق خلقي ان المطبخ الرئيسي مسويتة 5 في 4والمخزن 5في 2 اقول لو مسويتة مطبخ كامل 5في 6 مو احلى وبعدين انا مطبخي تذكرين انا مسوية فية بنيان على الجولة وتينن بس المشكلة يم الباب يعني مو بالوجة يعني تدخلين بعدين تلفين يسار علشان تشوفين الطباخ فحيل متضايقة

 

[اخت فروحه]

ووووووووونكملللللللللل الجزء الثالث :eh_s(14): :eh_s(14)::eh_s(14): :

اليوم عمال السيراميك موجايين القسيمة لان واحد منهم ماسكينه المخفر لان اقامته منتهية ومتضامنين معاه ويبجون :krkrkr: ((فلم هندي لزوم الاكشن))

ماراضين يشتغلون الا اذا طلع من المخفر وطول النهار ريلي بالمخفر عشان يطلعه :0bee2e8d89:؟؟؟؟؟؟؟؟؟؟؟؟؟؟؟؟؟؟

 

[شيوخه]

فروحة عادي عادي قلت لج كلنا صار لنا نفس الشي واكثر :tek::tek:

 

[صعفوقة]

ياحليلكم والله افلام هنديه تصير بس تدرون الاستعجال هو اللى مخرب علينا(صج حريم)

 

[صعفوقة]

بنات عفيه ابى كل وحده تقولى شنو حطت لديكور صالتها انا شفت الكتالوجات تقريبا بس بعرف انتم شحطتو بالاستقبال؟؟؟

 

[شيوخه]

صعفوقة قولي لي شنو قياس صالاتج يمكن اقدر اساعدج

 

[اخت فروحه]

اشلونكم كويتيات :



شيوخة لقيت بلاكات الكهرباء اللي كبستهم عريضة عند الجسار فرنسي وعليه كفالة 10 سنوات وسعرهم مناسب

وهم عند اليوسفي بس تايلندي