ديوانية بيت العمر

[sara3]

السلام عليكم
شلونكم بنات لوسمحتوو ابي مغاسل كشخه لحمامات الاستقبال بليز وين وبحدود جم؟
ومشكوووورين مقداماااا

هلا حبيبتى انا ما اقدر افيدك لانى مو متواجده حاليا بالكويت

انشوف ردود البنات

 

[sara3]

السلام عليكم ورحمة الله وبركاته

خواتي الغاليات كويتيات بشاوركم ,,,

انا الحين لازم اشتري واجهز السيراميك حق الحمامات والمطابخ

كل اللي بالسوق صيني ,,,ابي ذوقكم ورايكم اي المحلات احسن ابيات ولا ال بانيو ولا ميداس

هذولي اللي فريت عليهم وشفت ابيات اكثر تشكيله واقل سعر ,,من خبرتج اشرايج بالسراميك الصيني

المغاسل شلون اسويها انا احب الرخام ,,من وين ايب الرخام ومن يسوي لي المغاسل (اللي يركب السيراميك نفسه )


عندي ممر بين المطبخ والصاله ودي البسه حجر ,,,اشرايكم؟؟

ومفتوح على ممر ثاني للغسيل اهم احطه نفس الممر حجر ولا سيراميك ؟؟


وجزاكم الله خير

السيراميك

حسب ميزانيتك ترى تفرق يعنى حطى فى بالك 3 دنانير للمطبخ لو زاد نصف دينار اوكى ولازم اتعرفين اشكثر امتار تحتاجين,اذا عندك مطبخ مفتوح خليه نفس الاستقبال والصالات.اللهم اذا بتغيرين فية شوى غيرى بطريقه الصف ماله السيراميك او سوى بعد 60سم ماله الخزاين سجادة لونها غامق

والحمامات نفس شى لازم اتحددين لك ميزانيه تطلعين شوى تنزلين شوى ما شاء الله تدرين فله جم حمام فيها يفرق اذا عندك 5 او6 حمامات ميزانيتهم غير اذا 13 حمام مثلى



وبعدين منو قال مافى صينى وفى ايطالى بعد والصينى نخب اول اشفية

وكله مساله ذوق وتفاوت اسعار


الممر اذا مفتوح على الصالات سويه اما اذا مسكر فحرام اتخسرين عليه

المغاسل الرخام متخصص بالديكور والرخام مرى على محلات الرخام اللى فى الشويخ عندك من الاسيويه وطالع عندهم الواح الرخام واكيد عندهم لو تطلبين فنيين حق هالسوالف

فى واحد بالعماير فى حولى قبل البنزين مدخلة من ورا مو على الشارع الرئيسى يعنى العماير اللى لازقه بالنزين بس من الخلف

اهى شركه كلهم شباب عندهم تصاميمهم عارضينها .وممكن اتييبين تصميم يضبطونه لك

وها خليك متواصله معانا وقولى لنا اخر التطورات

 

[اخت فروحه]

شجون :

تبين مغاسل جاهزة ولا رخام ؟؟؟؟

اذا تبين جاهز عندج ابيات و حسن ابل والشايع سواء حولي او الشويخ وعندج بعد محل اسمه تيسير بشارع الشايع الاقتصادي والاسيويه
وشوفي بعد اكوا موندو

 

[shjoon]

هلالالا اخت فروحه ومشكوره على الرد ,,,,,,,, للحين ماشريت حمامات مفكره اروح الرميح ,,, رحت امغره الطريج اوففففففففف بعيييييييد رحت اختار قبه ديكور حق الصاله اخترت وحده ناعمه ساده وكلششششششش ماعجبني شي

وابو العيال مايبي اسوي فورمه ,,,

ياشريت الحمامات باخذ شوركم وواعلمكم ,,,

صج انا بالمدخل بالويه الباب الرئيسي ويمينه باب غرفه لها باب خارجي ويساره باب المطبخ لازم يكوونون نفس الستايل

افكاركم شحط خشب ولا حديد ولا المنيوم وكم تبدا اسعارهم

وشكرااااااااااا

 

[اخت فروحه]

الابواب الخارجية لااااااااااااازم الومنيوم ولا تفكرين بغيره ابدا

لان الخشب يتقشر ويتشقق ويتبطط من الشمس والحديد يصدي

 

[رقي]

رقي

مو حسافه بيتكم يخربونه المؤجرين؟؟[/quote]

هلاوالله
شسوي ريلي موراضي يسكن
ولا انا كل يوم اتحلم بالبيت

 

[رقي]

السلام عليكم
شلونكم بنات لوسمحتوو ابي مغاسل كشخه لحمامات الاستقبال بليز وين وبحدود جم؟
ومشكوووورين مقداماااا

انا رحت بيت اينننننننننننن حمامهم
سئلتها قالت من الرميح

 

[shjoon]

الابواب الخارجية لااااااااااااازم الومنيوم ولا تفكرين بغيره ابدا

لان الخشب يتقشر ويتشقق ويتبطط من الشمس والحديد يصدي

والله انج صاجه الخشب عند اختي مقشر من تحت ,,,والحديد ثجيل ويصدي ,,الالمنيوم شكله حلو وخفيف وحتى مو غالي


طيب تعرفين احسن المحلات اللي تبيعهم ابي يكون شكله خشب طبيعي

 

[shjoon]

بنات شوفوا الباركيه

اذا ابي سيراميك نفسه اتهقون فيه ,,,,,,,,,, ووين القى اللي نفس هالباركيه وجم اسعارهم

 

[تمر حنا]

مشكووورين الي ردو علي بخصوص الحمامات
رقي مشكوره حياتي بس وين محل الرميح بالضبط؟؟

 

[رقي]

تمر
اعتقد بحولي
قبال مجمع الرميح

 

[جويـريه]

شجون :

تبين مغاسل جاهزة ولا رخام ؟؟؟؟

اذا تبين جاهز عندج ابيات و حسن ابل والشايع سواء حولي او الشويخ وعندج بعد محل اسمه تيسير بشارع الشايع الاقتصادي والاسيويه
وشوفي بعد اكوا موندو

مادري احس مغاسل ابيات موعمليه اكثرها خشب او اشرايكم ؟؟

 

[sara3]

مادري احس مغاسل ابيات موعمليه اكثرها خشب او اشرايكم ؟؟

هلا حبيبتى الخشب حلو وراقى بس يبيله عنايه

 

[dectora 7elwa]

مرحبا بنات والله ودي اتواصل معاكم بس عندي مشكله بعرض الصفحات الدوانيه تطلعلي لغليه ص 221 تاريخ 22\3 بس الباجي مايطلع حطيت مشكلتي بصفحه الاستفسارات الحاسوبيه بس محد عرف لها بس انا اشوف ان في مشاركات يديده لكن ما اقدر اقراها ياريت احد يعلمني شسوي جربت بلاب توب ريلي نفس الشي

 

[sara3]

مرحبا بنات والله ودي اتواصل معاكم بس عندي مشكله بعرض الصفحات الدوانيه تطلعلي لغليه ص 221 تاريخ 22\3 بس الباجي مايطلع حطيت مشكلتي بصفحه الاستفسارات الحاسوبيه بس محد عرف لها بس انا اشوف ان في مشاركات يديده لكن ما اقدر اقراها ياريت احد يعلمني شسوي جربت بلاب توب ريلي نفس الشي

جربى سوي تسجيل خروج ودشى مرة ثانيه

 

[جويـريه]

مادري اذا ينفع روحي لوحه التحكم

تعديل خيارات

عدد المشاركات المعروضه في كل صفحه

40 مشاركه في الصفحه

وعمر المواضيع الإفتراضية


اختاري استخدام الافتراضي


جربي

 

[dectora 7elwa]

ما شاء الله عليكم يا جويريه ويا saraوجزاكم الله خير_03BA: الحين كل شي تمام طبعا انا قريت رساله ساره اللي عالخاص لاني ماقدر اشوف المشاركات اليديده وبعد ما ضبط قريت ردج جويريه وشكرا لكم:tek:

 

[sara3]

ما شاء الله عليكم يا جويريه ويا saraوجزاكم الله خير_03BA: الحين كل شي تمام طبعا انا قريت رساله ساره اللي عالخاص لاني ماقدر اشوف المشاركات اليديده وبعد ما ضبط قريت ردج جويريه وشكرا لكم:tek:

هلا حبيبتى ما سويت شى.بس انتى عاد عن التعبث

وبعد مالك حجة ما تمرين ا الردود وطالعه :eh_s(6):_03BA:

 

[sara3]

اشلونكم بنات الديوانيه شخباركم

توه طالع من عندى ملوت ايكيا ركبوا 3 مكتبات و day bed بس احس الغرفه صارت ملغمه من الاثاث مافى اكسجين

بناتى يدرون بسالفه المكتبه بس مادروا عن السرير شكلهم بيتفاجئون ،انا جذى احب المفاجئات واحب اسويها _03BA:

 

[سافانا]

عليكم بالعافيه سارون ,,,

احلا شي بها الدنيا المفاجأت السعيده ,,,,