ديوانية بيت العمر

[جويـريه]

بنات


شلون على ديكور السقف ؟؟


منين اخذتوه شنو احسن المحلات ؟؟

شنو تنصحوني فيه ؟؟

 

[shjoon]

قوة بنات شلونكم الله يعطيكم العافية
تذكرون بنات المطلبخ لما كنا نسولف شنو احسن الشركات وفي ناس مدحو المورد الكويتي ...في وحدة جربت شغلهم
اللي تسال عن المغاسل انا سويت الكاونتر قبل تركيب البورسلان

كم كلفج كانتر بحنفيتين ومنو اللي يسويه لان مل السيراميك يقول موشغلته ... واذا عندج رقم تلفون واحد يسويلي

وعمار ياكويت ربي يوفقج ....

 

[شيوخه]

كم كلفج كانتر بحنفيتين ومنو اللي يسويه لان مل السيراميك يقول موشغلته ... واذا عندج رقم تلفون واحد يسويلي

وعمار ياكويت ربي يوفقج ....

معلمكم مال السيراميك دايخ طبعا شغلة يسوي الكاونتر ويبني وبعدين يركب السيراميك والبنيان يكلف من 100 الي 150 حسب الشغل

 

[Red ليبس]

قوه بنات انا صارلي فتره مادخلت نت مشغوله بالتخطيط وتجهيز بيت العمر
واختي جويريه بالنسبه للسقف سوي سقف مشدود اشوف شكثر هابين فيه في السعوديه وسوي بحث عن الاسقف المشدوده في قوقل شئ خيال ومنظرها فخم.............

 

[جويـريه]

Red ليبس

الله يجزاج خير والله احس اني ضايعه بالديكور ماعرف فيه شي

 

[Red ليبس]

تامرين باالشوفه ............

 

[شادية سعيد]

:balo::balo:

المطبخ المفتوح الاتجاه الجديد للمصممين

كل شئ يتجدد ويتطور بمرور الزمن و قد تطور مفهوم المطبخ و مظهره كذلك
فظهر ما يعرف بالمطبخ المفتوح و أصبح ضرورة لملائمته لمتطلبات العصر
فهو يخلق جو من التواصل بين الأم وأفراد أسرتها فكم هو رائع أن تعد الأم الطعام
وفي ذات الوقت تشرف على أطفالها وهم يدرسون أو يشاهدون التلفاز أو يلعبون أو حتى تتحدث معهم
و في جانب آخر يرى البعض أن المطبخ المفتوح غير عملي لأن رائحة الطبخ والقلي ستظل عالقة في البيت والأثاث
كما أنه يفقد كل من المطبخ و الصالة خصوصيته المطلوبة خصوصاً عند وجود ضيوف في الصالة أو خادمة في المطبخ
و يرى آخرين أن يختص هذا النوع من المطابخ بأمور البسيطة كتجهيز الشاي و القهوة فقط
مع وجود مطبخ آخر مغلق يختص بالطبخ يكون خارج المنزل أو يكون بين المطبخين باب
و بالرغم من أن ذلك يحتاج إلى مساحة إضافية إلا أن ذلك يتناسب مع مجتمعنا الشرقي اكثر
و ظهرت أفكار لهذا النوع من المطابخ تحاوزت إطلالته على الصالة العائلية
كأن يطل على المسبح والحديقة من خلال نافذة أو باب زجاجي

و بشكل عام العملية ليست مجرد إلغاء أحد جدران المطبخ
بل يجب أن نخطط لذلك جيداً قبل بناء المنزل و أثناء التخطيط الهندسي له و دراسة
ما سيطل عليه المطبخ ؟
و كيف سيكون مظهره ؟
و كيفية التهوية ؟
و الإضاءة ؟
و مساحته ؟
و هل سيكون هناك مطبخ مغلق متصل به أو منفصل ؟
....الخ
أي أن الموضوع يحتج لدراسة وافية من جميع الجوانب
فالناس تتعلم من أخطائها و النجاح لا يحدث إلا بالمحاولة و الخطأ
و قد يظهر في المستقبل العديد من المطابخ المفتوحة العملية و المناسبة لمختلف احتياجات الأسرة
وسيكون تقبل الناس له اكبر خصوصاً مع إمكانية تحويل المطبخ التقليدي المغلق إلى مطبخ مفتوح في حال توفر شروط نجاحه
و من خلال تجارب الآخرين يمكن تحديد متطلبات المطبخ المفتوح كما يلي :

1- أن يطل على الأماكن العائلية كالصالة و الحديقة و ليس أماكن استقبال الضيوف .
2- وجود طاولة كاونتر لتناول الطعام مزودة بمقاعد و الاهتمام بتصميمها بشكل جيد وفي هذه الحالة يمكن إلغاء غرفة الطعام العائلية
3- وجود مراوح شفط قوية تسحب الهواء و الروائح لخارج المنزل
4- مراعاة النظافة الشديدة في المطبخ باستمرار
5- اختيار ألوان المطبخ بشكل يتناسب مع الفراغ الذي يطل عليه
6- في الأسر الكبيرة يفضل وجود مطبخ أخر خارجي أو مغلق لاستخدامات القلي و الطبخ

منقول


--------------------------------------------------------------------------------

 

[ريناد9]

مرحبا بنات ..ان شاء الله بخيرات ...

شخباركم مع البنيان اعتقد عاد وصلتو مرحلة تنقيل اللي كانو قبلي ...

احنا في مرحلة تركيب السراميك حمامات( الله يعزكم) شغل ماشي كلعادة بطيئ

 

[اخت فروحه]

موفقة ريناد


عاد هذي اتعب مرحلة بنظري وحييييييل بطيئة

 

[جويـريه]

بس هالمرحله ممتعه حدها تشوق وتونس


احنا بعد بتركيب السيراميك

بس خايفه من ذوقي بالالوان

الله يستر

 

[شيوخه]

جنة الديوانية صخة ما كو احد شالسالفة اخت فروحة سارة داوني سافانا وينكم وين وصلتوا جنكم فجيتوا ياللة نبي الاخبار السنعة انا قاعدة امسح السيجما وتعاقدنا مع الالمنيوم وخلصنا الارضيات وشنو بعد اي وسلامتكم وانتو وين وصلتوا بالمشوار

 

[nono78]

اشلونك بنات

اشرايكم بشبابيك اليو بي في سي

ضد الغبار والحراره والصوت

بنغير شبابيك بيتنا لأنهم سحاب ومتأذين منهم حييييييييييييييل ( مركبين شترات بس جامات السحاب ازعااااااااااااج وغبار )

 

[ريناد9]

موفقة ريناد


عاد هذي اتعب مرحلة بنظري وحييييييل بطيئة

مشكورة حبيبتي فروحة ...

بالفعل تعبت من لف ودوران ...خلاص فيني ما فيني ما قادرة انتظر ابي انتقل لبيتي بسرعة (ما فيني صبر خخخخ


اللي قاهرني ان مطبخي لونه بيج واخترت السراميك لونه بني درجة جالكسي مع بيج ....لما يابو السراميك شفت لون مو انا اللي بغيته طلع لونهم برتقالي على خوخي......انقهرت واتصل ريلي عليهم ويوم الثاني رجعناهم ....ورحنا المحل شان يقولون نفس الرقم بس
طبخة يتغير هاي كلامه هو لبناني :eh_s(10):

فريت كل المحلات بعد كذي لمدة اسبوعين وما حصلت لون البني نفس اللي عنده

بالاخير رجعت اخذتهم وانا ما مقتنعة كلش راح اصورهم اليوم وانزل الصور السراميك قولولي رايكم

 

[ريناد9]

هاي الصور لسراميك المطبخ ....

ترى هاي لون برتقالي مش بني .. بس تصوير

[/url][/IMG][/IMG]

[/url][/IMG]

قولولي رايكم

 

[زو71غة]

سلام عليكم حبايبي اشلونكم
انا اليوم خلصت السرداب وبدوا بالدور الاول:nbvppw:
وينج حبيبتي سارونة نصايحج في هالمرحلة

 

[زو71غة]

حبيبتي رناد الون حلو ولايق مع البيج واحس ان البني راح يكون غامج ويكون مطبخج مظلم

 

[مشاعل]

مرحبا

اخيرا خلصنا من دوشه بنك التسليف ع الموافقه ان يعطونا وثيقه البيت علشان البنيان

وخلصنا من الخريطه وان شاء الله بعد العيد بدور لى اجار

والله يعينا ع البنيان

 

[شيوخه]

وعسى ان تكرهوا شيئا وهو خيرا لكم ريناد9 انا يتراوالي لونج البرتقالي راح يكون وايد احلى من البني لان لونج البرتقالي غريب وشرح اكثر من البني

 

[ريناد9]

زو 71غة....و شيوخة .... مشكورات على ردودكم

انا من صغري وانا اكرة لون برتقالي فاتح بما يسمى خوخي ..ما ادري ليش ما احب هالون

تدرون انا كل يوم اروح موقع بس عشان اقنع روحي بالمطبخي مع هالون .....وكل هذا في معظم بيوت حاطين نفس درجة برتقالي

خاطري في بني لكن خلاص ما يصير

يا الله ماشي حال

 

[OM-3ABADY]

سلام بنات

عندي طلب ضروري

ابي رقم صباغ شاطر شاطر شاطر

لان الشغل اللي ابيه يكون تأسيس مو بس رسم و صبغ

يعني مساح و ويساوي لي الطوف

مشكورين مقدما لليي يساعدوني