ديوانية بيت العمر

[sara3]

الحمدلله عالسلامه سارون ’’’’’

عقبال الاستقرار ,,,,

شكرا سافانا

 

[sara3]

مشكورين على دعواتكم

خلصت المقابلة وما نجحت للأسف عاد الاسئلة كانت سهلة وجاوبت عليها بس الظاهر المتقدمين وايد وانا اقل خبرة

خيرة ان شاء الله


وين وصلتوا ياحلوين في البنيان ؟؟؟

هاردلك حبيبتى

 

[sara3]

السلام عليكم شخباركم حبليبي اشتقت لكم والله
صار عندي شوي مشاكلبلالسود ومشاكل الله يستر من الياي
شخباركم وين وصلتو:gathering:احياكم

اشلونك حبيبتى

سولفيلنا شوى عن الاخطاء علشان البنات لا يطيحون فيها

 

[sara3]

جمعه مباركه بنات لا تنسون قراءة سورة الكهف

 

[اخت فروحه]

اهلين ساره :

انا حاليا قاعدة افكر بالاصباغ ومحتارة
تقريبا استقريت عالالوان بس حيييييييييل خايفة من درجات الالوان اخاف مايطلع اللي ابالي
بروح بعد امتحانات العيال ان شاء الله ادور الصبغ

كان ودي شركة معينه للصبغ بس ما أقدر حاليا بصبغ عادي عشان أسكن ليما ربج يفرجها وبعدين يمكن أقدر أغير

عاد تدرين كنت أستغرب من اللي يصبغون عادي ماكان بإذني ماي كنت ابي شي معين لكن الحمدلله

 

[اخت فروحه]

اشرايج سارا :

عندي مثل غرفة صالون أومعيشة تحت المهم معزولة عن الاستقبال : أصبغها فاتح ولا غامج ؟؟؟؟؟؟

الفاتح أشرح لكن قلت لو أغمجه شوي يعطي فخامة لأن الصبغ ساااااادة ومحتارة باللون آخذ الككاوي الفتح ولا الخاكي الزيتي ولا القمر ديني أو الدارسيني



اشرايكم بنات ؟؟؟؟؟

ناطره ردودكم

 

[حلم صعب المنال]

اعتقد الالوان الفاتحه للمعيشة احلى واشرح لان الالوان الغامجة للمعيشة ممكن تسبب لج كآبة مع مرور الوقت

 

[سافانا]

هلا والله بالحبايب ,,,

اخت فروحه على حسب الاثاث الي انتي ناويه تحطينه بالمعيشه وعلا حجم الغرفه بعد ,,,

وبعد لازم تحطين شي حلو ووفخم لانها القعده الي كل يوم بتقعدين فيها عشان تحسين بالفرق بين الشقه والبيت

 

[سافانا]

رحت اشوف السيراميك وماعجبني شي ....

ورحت امغره وبعد كساد الا محل واحد عجيب غريب رخيص ....

اخذنا منه عينات عشان مهندس الديكور يفحصها ويتاكد من مدى امتصاصها للماء .وصورت له بعض الصور استغرب من المحل قال غريبه هذا المحل مره كشخه ,,,واخذ رقمه عشان بيروح له .وليما الحين مارسينا على بر .

 

[sara3]

اهلين ساره :

انا حاليا قاعدة افكر بالاصباغ ومحتارة
تقريبا استقريت عالالوان بس حيييييييييل خايفة من درجات الالوان اخاف مايطلع اللي ابالي
بروح بعد امتحانات العيال ان شاء الله ادور الصبغ

كان ودي شركة معينه للصبغ بس ما أقدر حاليا بصبغ عادي عشان أسكن ليما ربج يفرجها وبعدين يمكن أقدر أغير

عاد تدرين كنت أستغرب من اللي يصبغون عادي ماكان بإذني ماي كنت ابي شي معين لكن الحمدلله

هلا اخت فروحه بالنسبه للصبغ يا مالك من الحيره والخوف من ان اللون ما يكون اللى فى باللك شى طبيعى اصلا الصبغ وهو فى العلبه غير وهو على الطوفه غير

ومثل ما قالت سافانا يعتمد على الاثاث وذوقك الشخصى

واذا انتى حاسه انك محتارة فى الالوان وريلك متفهم وما عنده مانع يصبغ فى اى وقت ما عندك مشكله خليك على البيجيات وتالى حطى اللى تبينه

واذا تبين شورى المعيشه لفى شوفى الاثاث وحطى الالوان فى بالك واعتمديها لان المعيشه حلاته لمن تنزلين البيت تكون خالصه

وعندك غرفكم النوم بعد اعتمدى الوانها حاولى كثر ما تقدرين وباقتناع واذا عيالك كبار خليهم يشاركون بالاختيار مع انى اذكر ان عيالك الله يحفظهم صغار بس مانى متاكده

والباقى تالى وموفقه

 

[sara3]

رحت اشوف السيراميك وماعجبني شي ....

ورحت امغره وبعد كساد الا محل واحد عجيب غريب رخيص ....

اخذنا منه عينات عشان مهندس الديكور يفحصها ويتاكد من مدى امتصاصها للماء .وصورت له بعض الصور استغرب من المحل قال غريبه هذا المحل مره كشخه ,,,واخذ رقمه عشان بيروح له .وليما الحين مارسينا على بر .

سافانا امغره لمن الحين موجود مو قالوا بيسكرونهم ،وشكله مهندس الديكور بيخم اللى عنده كله

سافانا السيراميك حق وين تبينه بالضبط حق البيت كله ولا الحمامات ؟؟؟؟؟؟؟؟؟

 

[اخت فروحه]

اعتقد الالوان الفاتحه للمعيشة احلى واشرح لان الالوان الغامجة للمعيشة ممكن تسبب لج كآبة مع مرور الوقت

هلا حبيبتي :
مشكورة عالرد وانا مثلج أحب الألوان الشرحه بس لما اسشوف الغامج احسه يعطي فخامة بس بسرعة ينمل منه



سافانا : مرحلة السيراميك أكثر مرحلة تعبتني الله يعينج واخذي وقتج بالتفكير لاتستعجلين



سارا : ياحياتي العيال كبرت خخخخخخخخخخ صار لنا ثالث سنه نبني

 

[تووكي]

الله يوفقكم ان شاء الله ويهنيكم ويعطيكم خيره ويكفيكم شره لكل اللي يبنون وادعولي ان الله يفرجها علي وابني واشتري بيت وبالتوفيق

 

[سافانا]

صباح الخير حبايبي ,,,

امغره موجوده وعامره بعد بكل مالذوطاب ,,ومتغيره بعد احسهم موسعين المحلات وحاطين ديكورات مومثل اول قاطين كل شي عالارض لا حاطينه له زوايا واشكال يعني ماتحتارين .

وهذا المحل لما زوجي سأله عن البضاعه ليه غير عن السوق قال احنا نجيب البضاعه من الصين دايركت واحنا اساسا موردين .

ولو اعرف انزل صور نزلت بس المشكله ماتضبط بس باحاول ان شاء الله ...

والسيراميك بس للحمامات بس وانا رايحه كنت بس اختار مال المؤجرين بس لقيت اشياء تصلح لنا .

 

[سافانا]

سؤال ليش السوق كله صيني ؟؟؟؟

واذالقيتي اسباني يكون ارخص من الصيني صراحه انا مستغربه ؟

كاني قاعده اختار فستان عرس واختار التخريجات وانواع الخامات لازم كل شي دقيق , الله يعين .

 

[مشاعل]

صبحكم الله بالخير

توزنا مخلصين من الهدم وهذا الاسبوع بيبدون الحفر

وبنبدى التعب والشقى

 

[زو71غة]

هلا والله سارونه شخبارج

الاخطاء حبيبتي خلوالدرج فوقه ولازم الصاعد ينزل راسه اذا صعد
واحواض الدرايش سوهم صغار
يالله الحمدلله عاى كل حال:weight_lift:

 

[ريناد9]

هلا بيكم ..........

فروحة ...
ليش ما تصبغين جدارين مقابل بعض لون بني غامق وجدارين مقابل جهة ثانية لون ابيض ..وحطي كنبات بني في جهه لون الابيض

وانا عاجبتني لون اخضر غامق عشبي..

 

[sara3]

الله يوفقكم ان شاء الله ويهنيكم ويعطيكم خيره ويكفيكم شره لكل اللي يبنون وادعولي ان الله يفرجها علي وابني واشتري بيت وبالتوفيق

تووكى مشكوره على الدعوةالحلوه ولك مثلها حبيبتى وربى يفرجها عليك وعلى وليدك ويرزقكم ابيت الملك قادر يا كريم

 

[sara3]

سؤال ليش السوق كله صيني ؟؟؟؟

واذالقيتي اسباني يكون ارخص من الصيني صراحه انا مستغربه ؟

كاني قاعده اختار فستان عرس واختار التخريجات وانواع الخامات لازم كل شي دقيق , الله يعين .

لان الصينى عليه اقبال من قبل الناس الحين، والاغلب يسترخص ثمنه على اساس ان يغيرة بعدين

الحين الناس قامت اتغير ارضيات بيوتها جنهم يغيرون اثاثهم