ديوانية بيت العمر

[sara3]

يعطيكم العافية بنات
موووضوع وايد مفيد وانا شخصيا استفدت منه وااااايد


بنات منو عندها صباغ شاطر يرسم على الطوف

تعبت وانا ادور

كل اللي يوووون يا قولون لج نبرتيه ولا زيبرا وترخيم

انا ما ابي هالشغلات
ابي واحد يعرف في دمج الالوان وابي راسمات خفيفه

يعني ما ابي شلال و منظر طبيعي

لا لا لا

ابي ارسم دار البنات وابي واحد يرسم ورد بألوان حلوه ولايقه على بعض

ما ادري فهمتوا ولا لأ !!!!!!

يعافيك om-3abady ويا هلا فيك
ما عندى فكره بس فى بنات حاطين مواضيع ما اذكر فى موضوع اذكر وحده راسمه على كل طوفه فى الغرفه بس الرسم كان متقن،اتمنى لك التوفيق

 

[sara3]

بنات واللي يعافيكم بسالكم عن المطابخ شنو احط على الكباتة رخام والا جرانيت

الوليد يمدهم اثنينهم وانا احترت

جرانيت افضل اهم شى يهتمون للفواصل

 

[sara3]

لكل وحدة في المرحلة الأولى من بيت العمر-لازم تحرصين على اختيار التكييف في مرحلة مبكرة واختيار الشركة المناسبة من بين عروض الأسعار وترى مو دايما الأرخص هي الأفضل ولا العكس صحيح وراح تلاحظين كل مندوب من الشركات يقول الزين عندي ويسب في الشركات الثانية :weight_lift:
علشان جذيه لازم تطلبين مواصفات التكييف مع عرض السعر وتقارنين بين المواصفات :016:
وراح أنزل لكم المواصفات علشان تقدرين تناقشين المندوب ويكون عندج فكرة:rerrerek:

مشكورة حبيبتى فى الانتظار وياريت يصير موضوع للنقاش من قبل رواد الديوانيه

 

[ســتارز]

جرانيت افضل اهم شى يهتمون للفواصل

مشكورة سارة ويعطيج العافية عالمساعدة

بس يالغالية شنو قصدج بالفواصل ؟

 

[CrystalQ8]

انشالله منزل مبارك للي سكنو والله يتم عليكم ......انا ادور قسيمه انشالله الاقي وحده لأن اذا مالقيت بنأخذ بصباح الأحمد

 

[moon2009]

أولا: العوازل



(ويوصي بان تكون بالمواصفات التالية)


1- العوازل الداخلية: سماكة 1 انش وبكثافة 24 كجم.


2- العوازل الخارجيه: سماكة 2 انش وبكثافة 48 كجم.


3- عازل الصوت: سماكة 1 انش وبكثافة 24 كجم.
(منقول من كتاب ( بيتك خطوة بخطوة )


ثانيا: نوعية مجاري الهواء


( ويحب ان يتم إختيار نوع المجاري قبل طلب عرض السعر والانواع المتوفره هي )


1- نيبون ستيل (ياباني)


2- سابك (سعودي)


3- أوسكار ( جنوب افريقي )


ثالثا: اجهزة الحماية لوحدات التكييف


(ويجب ان يتضمن عرض السعر الحمايات التالية)


1- Low Pressure Cut Out


يعمل هذا الجهاز على فصل التيار الكهربائي عن وحدات التكييف عندما يقل الضغط حماية للكمبريسور.


2- High Pressure Cut Out


يعمل هذا الجهاز على فصل التيار الكهربائي عن وحدات التكييف عندما يزيد الضغط حماية للكمبريسور.


3- TIMER


يستخدم هذا الجهاز في تأخير تغيير في درجات الحرارة من مفتاح التشغيل حماية لهذه الوحدات من العبث.


4- ( OVER LOAD Cut Out ( Compressor + Motors


يعمل هذا الجهاز على فصل التيار الكهربائي عن وحدات التكييف عند زيادة الحمل الكهربائي على الضاغط (compressor) أو محرك مروحة المبخر أو محرك مروحة المكثف .


5- Single Phase Preventor


وهو عبارة عن قاطع للتيار الكهربائي يعمل عند حدوث خلل في الدائرة الكهربائية في أحد خطوط التغذية الثلاث التي تغذي وحدة التكييف أو حدوث خطأ في توصيل التيار الكهربائي.
رابعا: مداخل ومخارج الهواء


(واشهر نوعين متوفرين بالسوق هم داسكو أو سياكو)


خامسا: فترة الصيانة وما تتضمن


سادسا: منضومة الهواء النقي ( فرش اير)

 

[moon2009]

كل المواصفات السابقة هي خاصة بالتكييف السنترال
ومثل ما قلت من قبل لازم تطلبين المواصفات من الشركة وتقارنينها بالمواصفات السابقة
وفيه نقاط ثانية مهمة راح أنزلها لكم
سارة مشكورة على ذوقج حياتي

 

[sara3]

جرانيت افضل اهم شى يهتمون للفواصل

هلا حبيبتى الحين سطح العمل راح يكون جرانيت بس ما راح اييك قطعه وحدة راح ينحطون يم بعض فاهم شى ان الفاصل يكون مرتب ونفس المستوى مايكون شى طالع وشى داش لو حتى ملى واح راح يفرق

ومبروك المطبخ بس ما قلتى لنا كم متر مطبخك واشكثر الوليد بيحسبه لك .وشفتى المطبخ الستيل اللى عنده اشرايك فيه

 

[sara3]

انشالله منزل مبارك للي سكنو والله يتم عليكم ......انا ادور قسيمه انشالله الاقي وحده لأن اذا مالقيت بنأخذ بصباح الأحمد

مشكورة حبيبتى على الدعوه الحلوة

وربى يوفقك للى تبينه

 

[sara3]

كل المواصفات السابقة هي خاصة بالتكييف السنترال
ومثل ما قلت من قبل لازم تطلبين المواصفات من الشركة وتقارنينها بالمواصفات السابقة
وفيه نقاط ثانية مهمة راح أنزلها لكم
سارة مشكورة على ذوقج حياتي

العفو حياتى

وخوش معلومات،ويارب انشوف مشاركات من البنات بخصوص موضوع التكييف

 

[sara3]

moon2009

بالنسبه للتدفئه تنصحين ان ناخذها مع البكج ولا ماله داعى يفرق السعر وايد يعنى انخل البيت شى مع التدفئة غرف النوم مثلا وشى لا

لان سمعت ان فى قطعة تركبينها اذا حابه اتخلين النترال تدفئه بالشتا ما تكلف الا 700 دينار

انتى اشرايك

 

[sara3]

دفعنا رسوم توصيل الكهرباء للبيت تقريبا 1،700 دينار للبيت :rgewrg::rgewrg:

 

[sara3]

 

[سافانا]

هلا والله بالغوالي ’’’

ان شاء الله تكونون بخير ’’’

بدينا مرحلةالديكور والحمدلله خلص جزئيا ماعدا الاستقبال الي يبي له شغل ,,,


وبدينا مرحلة السيراميك صراحه مرحله متعبه جدا (وفعلا لو مااختلفت الاذواق لبارت السلع )لان صراحه السوق مليان حركات غريبه عجيبه ماادري كيف الناس تشتريها .المهم شريت من امغره لحممامات المؤجرين ب850 فلس للمتر صيني نخب اول سماكه 8 ووديته لمهندس وفحصه واعتمدناه .وان شاء الله يكون جوده .

مرينا بسامكو ولقيت عنده اشياء حلوه ماعليها في القسم الاقتصادي بس ماادري ليه ماحبيتها .والمشكله ان الذوق لما تبينه يتحرك مايروح الا للاشياء الي ماعليها تخفيضات , الاسيويه عجبني شغلهم بعد ...
عاد المهم صراحه حمامات الاستقبال وغرف النوم .
وبس هذي قصتي مع السيراميك الي ليما الحين مانتهت .

 

[ســتارز]

هلا حبيبتى الحين سطح العمل راح يكون جرانيت بس ما راح اييك قطعه وحدة راح ينحطون يم بعض فاهم شى ان الفاصل يكون مرتب ونفس المستوى مايكون شى طالع وشى داش لو حتى ملى واح راح يفرق

ومبروك المطبخ بس ما قلتى لنا كم متر مطبخك واشكثر الوليد بيحسبه لك .وشفتى المطبخ الستيل اللى عنده اشرايك فيه

مشكورة يالغلا توني ادري عن الفواصل

الله يبارك فيج ...مطبخي 4في 6 صاير بالطول ماحب المطبخ المربع

بس بكم حسب لنا صعبة لان اول شي حسبناه بدون الجرانيت وسوالنا خصم طيب وبعدها دفعنا جزء والحين الجرانيت

بس مطابخهم رووعة من زمان واحنا معاهم جودة ومعاملة روعة

شكرا

 

[sara3]

هلا والله بالغوالي ’’’

ان شاء الله تكونون بخير ’’’

بدينا مرحلةالديكور والحمدلله خلص جزئيا ماعدا الاستقبال الي يبي له شغل ,,,


وبدينا مرحلة السيراميك صراحه مرحله متعبه جدا (وفعلا لو مااختلفت الاذواق لبارت السلع )لان صراحه السوق مليان حركات غريبه عجيبه ماادري كيف الناس تشتريها .المهم شريت من امغره لحممامات المؤجرين ب850 فلس للمتر صيني نخب اول سماكه 8 ووديته لمهندس وفحصه واعتمدناه .وان شاء الله يكون جوده .

مرينا بسامكو ولقيت عنده اشياء حلوه ماعليها في القسم الاقتصادي بس ماادري ليه ماحبيتها .والمشكله ان الذوق لما تبينه يتحرك مايروح الا للاشياء الي ماعليها تخفيضات , الاسيويه عجبني شغلهم بعد ...
عاد المهم صراحه حمامات الاستقبال وغرف النوم .
وبس هذي قصتي مع السيراميك الي ليما الحين مانتهت .

مبروك سافانا وزين سويتى .امغرة اشفيها اهى ستوكات بواقى المحلات الكبيرة ويعتمد على الكميه اللى تحتاجينها

ومثل ما قلتى اهى اتخلى الحمام يطلع روعه حتى لو المتر رخيص

( والمشكله ان الذوق لما تبينه يتحرك مايروح الا للاشياء الي ماعليها تخفيضات )

انتى لو اتكررين روحاتك لنفس هذى المحلات شوى شوى راح اتصير عندك هالحمامات عاديه


وتبين تشوفين شى ثانى

الحين المهم حمام الضيوف حمامك على قولتك

 

[sara3]

مشكورة يالغلا توني ادري عن الفواصل

الله يبارك فيج ...مطبخي 4في 6 صاير بالطول ماحب المطبخ المربع

بس بكم حسب لنا صعبة لان اول شي حسبناه بدون الجرانيت وسوالنا خصم طيب وبعدها دفعنا جزء والحين الجرانيت

بس مطابخهم رووعة من زمان واحنا معاهم جودة ومعاملة روعة

شكرا

مبروك مرة ثانيه حبيبتى انزين اشكثر يطول لمن يسوونه؟؟؟؟؟

 

[ســتارز]

مبروك مرة ثانيه حبيبتى انزين اشكثر يطول لمن يسوونه؟؟؟؟؟

الله يبارك فيج ياقلبي وعقبالج

اهو على حسب متى تبينه ..احنا طولنا على الاسود ...بس احسن شي.يسون لج شكله بالكمبيوتر وتشوفين اخطائج

موفقة يارب

 

[ام عصام]

بنات منو شافت شيوخة

 

[سنعه ومنعه]

هلا غلاااااااااااااا

وأخيرن أخيرن شاركت واالة وهقة :: نسيت الباسووورد للدخول للمنتدى


لكم وحشة وعندى سواالف سوااللف


سارا3 نوااارة الديوانية وأخت فروحة أشلونكم وين؟ وصلتوا

ولايهونون الباجى شخباركم

؟

برجع الصفحا ت ووبشوف الى كتبتوة

أوعدكم بمشاركات فعالة ووأنا حاضرة وسكنت بيتى من تقريبنن سبع شهور ما اقول بعد فية نواقص

العمر يخلص والبيت ما يخلص

فية حمام عندى محولتة لحمام بخار بغيت ألى تعرف ترد على ئابى مكينة بخار بركبها عندى معلومات بس بغيت خبراتكم احسن
لنا عودة ,,