ديوانية بيت العمر

[dectora 7elwa]

مبروك مبروك فروحه
وعقبال السكن يارب

 

[dectora 7elwa]

مرحبا بنات
اليوم المقاول فر راس ريلي فر
يقوله اقلب مكان الدرج الدائري اللي بالرضي اللي فيه قعدتنا اليوميه لان المسافه من باب المدخل لين الدرج صغيره والدرج والباب صارور على خط واحد متقابلين فالحل انه يا انخليه يقابل المدخل الخلفي لان البيت بطن وظهر او انخليه درج لازق بالطوفه مو دائري
ان حاشني احبااااااااااااااااااااط قلتله عطنا فرصه ليليوم بالليل عشان باجر النجار والحداد يشتغلون فيه
شنو رايكم انا ودي اخليه لان هالدور اهو بس قعدتنا اليوميه يعني لا دخلتي البيت فيه صالات مفتوحه على بعض يمين ويسار ومكان الاكل ووراهم المطبخ وغرفه ضيف وحمام وغرفه العاب يعني ماراح يضيق علينا شنو رايكم انتو

 

[مشاعل]

مساكم الله بالخير

اليوم صبو سقف الدور الارضى

دكتوره حلوه
احنا سلم البيت عقدنا اخيرا خليته يلف ويصير دائرى

علشان ماياخذ مساحه من الصاله وايد

ان شاء الله اول ما يشيلون الخشب اصور لكم

بس الى مضايقنى ان حمام الضييوف وايد صغير بحاول اسوى له دبره احتمال اخلى المقاول ياخذ من الحوش الخلفى متر حق الشاور بوكس

 

[أم تروفه]

الله يهنيئكم ومبروك فرررررروحة

ومتابعة بصمت

واستفدت من كلامكم كثير وجالسة اسيف الشغالات المهمة على مانبنى انشاءالله

 

[sara3]

صباحكم خير

سارا 3 مبدعة دايما مشاللة عليج

مشكوره حبيبتى سنعه

 

[sara3]

سارونه الله يشفي بنتك يارب ان شاء اله هالحاله تروح مع تقدم العمر بس لازم انك تكلمينها وتعززينها بالكلام انه مايصير وهي اكبر من هالمواقف ومن الهالكلام الي يعطيها الدافع , انا رفيقتي مدرسه وبنتها معاها بالمدرسه وكل يوم لازم اغماءه وطبعا لازم يستدعون الام وهي عندها حصص فهددتها امها خلاص اذا كل يوم يغمى عليك بانقلك من هالمدرسه , تقول امها ان الاغماءه ماختفت بس خفت عن اول صارت البنيه تعرف تتصرف تحاول تاخذ نفس لما تعرف انو بيغمى عليها . والله يشفيهم يارب .

يختى سافانا مشكوره وهذا فعلا اللى حاصل والله كريم وربى يشافى كل مريض

 

[sara3]

مرحبا بنات
اليوم المقاول فر راس ريلي فر
يقوله اقلب مكان الدرج الدائري اللي بالارضي اللي فيه قعدتنا اليوميه لان المسافه من باب المدخل لين الدرج صغيره والدرج والباب صارور على خط واحد متقابلين فالحل انه يا انخليه يقابل المدخل الخلفي لان البيت بطن وظهر او انخليه درج لازق بالطوفه مو دائري
ان حاشني احبااااااااااااااااااااط قلتله عطنا فرصه ليليوم بالليل عشان باجر النجار والحداد يشتغلون فيه
شنو رايكم انا ودي اخليه لان هالدور اهو بس قعدتنا اليوميه يعني لا دخلتي البيت فيه صالات مفتوحه على بعض يمين ويسار ومكان الاكل ووراهم المطبخ وغرفه ضيف وحمام وغرفه العاب يعني ماراح يضيق علينا شنو رايكم انتو

هلا dectora 7elwa


يختى حتى انا صار فينى احباط،حاسه فيك والله مجربه هذا الشعور هذا يسمون خطا فادح فى البنيان مو شغلو بسيطه مثل لخبطه فى الالوان اوالارضيات مقدور عليها

اهو الدرج انتى حابه اتخلينه لان شكله حلو بس منظر البيت ما راح يكون حلو يعنى اول ما تدشين البيت بتشوفين الدرج بويهك

انتى ما قلتى المسافه اشكثر يا دكتورتنا؟؟؟؟؟؟؟؟؟؟؟؟؟؟؟؟؟؟؟؟؟؟؟؟ وكم درج عندك فى البيت؟

الحلول مثل ما قالك يا انك اتخلينه فى المدخل الخلفى وهذا راح ياخذ منك مساحه

يا انك اتخلينه درج عادى فى المدخل

ما فى مجال ان يكون الدرج بيضاوى وايبه على جنب

؟؟؟؟؟؟؟؟؟؟؟

الله يكون فى عونك

 

[sara3]

مساكم الله بالخير

اليوم صبو سقف الدور الارضى

دكتوره حلوه
احنا سلم البيت عقدنا اخيرا خليته يلف ويصير دائرى

علشان ماياخذ مساحه من الصاله وايد

ان شاء الله اول ما يشيلون الخشب اصور لكم

بس الى مضايقنى ان حمام الضييوف وايد صغير بحاول اسوى له دبره احتمال اخلى المقاول ياخذ من الحوش الخلفى متر حق الشاور بوكس

هلا مشاعل

الحمام هذا حمام غرفة الضيوف؟؟؟؟؟؟؟؟؟؟؟؟؟

ولا حمام الاستقبال فى مدخل البيت

اذا الاول سوى شور بوكس بس لازم تاخذين موافقه قبل ما تزيدين المتر

اذا حمام الاستقبال مالة داعى بس اذا بتوسعين شى راجع لك لان انتى اللى بالموقع وشايفه

المكان

 

[sara3]

شوفوا الموزززززززززززززززززززززززززززززززززززوع

http://q8yat.net/showthread.php?t=592843

 

[جويـريه]

عجيب جويريه

هذا مطبخى ابى هذا اللون وهذى اللمعه من الشطورة اللى تقولى وين شافت جذى غير النت طبعا

لون الجدران هو لون ارضية مطبخى بس افتح همسه

واللون الرمادى الفاتح اللى فى ارضية الخزاين اهو لون الجدران


واشرايكم باللون الاحمر للخزاين بس وين القى نفسه ؟؟؟؟؟؟؟؟؟؟؟؟؟؟؟؟؟؟؟؟؟

والله حتى انا بخاطري الساده احسه مودرن اكثر وسهل التنظيف


سارا انتي وين واصله في بيتكم ؟؟؟



بنات

بحدود كم اسعار المتر بمطابخ الرياض ؟؟

ومنو راحت تنزيلات الفارسي ؟؟



بصراحه انا مابي شي غالي حسافه هو كله مطبخ .. ولا ابي ديكورات زايده فيه .. ابيه حيييييل بسيط وعملي اكثر

 

[عمار يا كويت]

سارا الف مبروك "كبار الشخصيات" تستاهلين وعاى فكرة حلوة الولن مطبخج عجبتني ....نفذتيها ومنين حصلتي البورسلان
بنات ابي اسالكم انتو شريتو سيراميك الحمامات كله مره وحدة وركبه العامل ولا بالتقسيط حلوة بالتقسيط؟؟

 

[dectora 7elwa]

لسلام عليكم كلكم يا بنات
سارا الف مبروك "كبار الشخصيات" والله تستاهلين
بسال ابونا كم المسافه والله الغشيم ياختج مشكله واحنا اذا تذكرين مهندس المكتب كان كللللش مومتعاون ولا شرحلنا ولا شي الحين في كسره بالطوفه تنفذت خلاص ما كنا منتبهين لها غير الجسور اللي بالسقف واللي تعارضت وايد مع التكييف اماكن الدكتات خربت بعض الغرف والمفاول يقول لو مسوين هوردي جان احسن بس اذا عرفت المسافه بقولج
تسلمون كلكم

 

[sara3]

والله حتى انا بخاطري الساده احسه مودرن اكثر وسهل التنظيف


سارا انتي وين واصله في بيتكم ؟؟؟

بنات

بحدود كم اسعار المتر بمطابخ الرياض ؟؟

ومنو راحت تنزيلات الفارسي ؟؟

بصراحه انا مابي شي غالي حسافه هو كله مطبخ .. ولا ابي ديكورات زايده فيه .. ابيه حيييييل بسيط وعملي اكثر

هلا حبيبتى انا مع اخت فروحه

المطابخ هذى سالفتهم سالفه وماكو شى رخيص،اذكر قبل مطبخ بيت اهلى خذناه من الوليد

يقولك متر الخزاين السفليه بسعر والخزاين العلويه المتر بسعر وطلع ببببب 1250 هذا قبل الغزو

الحين المطابخ غير فى بالامتار بس ارفف ثابته .وفى بالامتار وارفف متحركه

وبعدين عندك الاكسسوارات والسلال شى حق الماجله والمعلبات وشى حق تكرمين الزباله وشى حق البصل والبطاط

وشى حق الصوانى وشى طالع وشى نازل وكل شى بحسابه فالمطبخ يطلع له بمبلغ 5 الاف او 7 حسب المساحه اللى عندك

ساعات اقول يا جويريه المطبخ مثل ما تقولين بسيط ومو غالى خو كله الشغاله اللى بتقعد فيه

بس البسيط يلوع الجبد والفنشنج ماله مو ذاك الزود ويارب يهديهم التجار وينزلون الاسعار

 

[sara3]

سارا الف مبروك "كبار الشخصيات" تستاهلين وعاى فكرة حلوة الولن مطبخج عجبتني ....نفذتيها ومنين حصلتي البورسلان
بنات ابي اسالكم انتو شريتو سيراميك الحمامات كله مره وحدة وركبه العامل ولا بالتقسيط حلوة بالتقسيط؟؟

هلا عمار الله يبارك فيك حبيبتى

البوسلان كله خذته من ابيات ما فهمت عليك خذته كله مرة وحده ونقصنى كم حبه عند التركيب

وما حصلتهم

 

[sara3]

لسلام عليكم كلكم يا بنات
سارا الف مبروك "كبار الشخصيات" والله تستاهلين
بسال ابونا كم المسافه والله الغشيم ياختج مشكله واحنا اذا تذكرين مهندس المكتب كان كللللش مومتعاون ولا شرحلنا ولا شي الحين في كسره بالطوفه تنفذت خلاص ما كنا منتبهين لها غير الجسور اللي بالسقف واللي تعارضت وايد مع التكييف اماكن الدكتات خربت بعض الغرف والمفاول يقول لو مسوين هوردي جان احسن بس اذا عرفت المسافه بقولج
تسلمون كلكم

الله يبارك فيك دكتورتنا.المكتب الهندسى علمينى عنه انا ليش فكرت ان افتح ديوانيه للبنيان من المصايب اللى شفتها والله لمن الحين منقهره ولا انفتح موضوع بيتى لازم اذكر الاخطاء اللى صارت وايقولون لى خلاص انسى وارد اقول كان فى بالى جذى وما صار

الكسرة اللى بالطوفه قصدك عامود هذى هينه ممكن تضيع بالديكور بس سالفة السلم جايده

وسالفة التكيف سالفة ثانيه انتو المفروض التكيييف مع الديكور شغلهم مع بعض،ربك كريم

 

[اخت فروحه]

دكتورة حلوة وام تروفة وسنعة: الله يبارك فيكم والفال لكم

دكتورة : تو الناسااااااس عالتحبط ويمالج من المواقف اللي بتتعقدين فيها
في اشياء اشكثر كنت ابيها مابأذني ماي بس تنازلت عنها
احتريت في البداية بس تعودت بعدين

ما أبي احبطج بالدرج الدائري بس راح يصغر المساحة لان البيت لما يخلص في بعض الاماكن راح تشوفينها اضغر من الخريطة والدرج لما تسوينه صعب تعدلين وتوسعين وتسكرين فيه

المهم اخذي وقتج بالتفكير وسألي اكثر من مقاول وسوي اللي تقتنعين فيه وبالتالي اهوا بيتج وسوي اللي يريحج

 

[اخت فروحه]

مبرووووووووووووك سارا كبار الشخصيات تستاهلين والله

:nbvppw:

 

[جويـريه]

هلا حبيبتى انا مع اخت فروحه

المطابخ هذى سالفتهم سالفه وماكو شى رخيص،اذكر قبل مطبخ بيت اهلى خذناه من الوليد

يقولك متر الخزاين السفليه بسعر والخزاين العلويه المتر بسعر وطلع ببببب 1250 هذا قبل الغزو

الحين المطابخ غير فى بالامتار بس ارفف ثابته .وفى بالامتار وارفف متحركه

وبعدين عندك الاكسسوارات والسلال شى حق الماجله والمعلبات وشى حق تكرمين الزباله وشى حق البصل والبطاط

وشى حق الصوانى وشى طالع وشى نازل وكل شى بحسابه فالمطبخ يطلع له بمبلغ 5 الاف او 7 حسب المساحه اللى عندك

ساعات اقول يا جويريه المطبخ مثل ما تقولين بسيط ومو غالى خو كله الشغاله اللى بتقعد فيه

بس البسيط يلوع الجبد والفنشنج ماله مو ذاك الزود ويارب يهديهم التجار وينزلون الاسعار

ياختج التجار فجار الا من رحم الله

عموما انا رافضه فكره المطبخ الغالي والمبهرج نهائيا ابيه بسيط حييييل وعادي بس ابي فيه اكسسوارات التخزين


بنات سمعتوا بخامه الفينول للمطابخ ؟؟


اشرايكم بجودتها ؟؟

قالي مترها على 60 دينار واشكالهم حلوه والبايع يمدحها يقول هذي تصلح للمطابخ الرئيسيه

عاد انتوا اشرايكم ؟؟

 

[وصايف لو]

ياهلا ومرحبا بناااااااااااااااااااااااااااااااااااااااااااات
اخباركم ماشاء الله الدوانية عامرة من وين ابداء احم احم

ايه قبل ما انسى تراني نسايها بقول لكم هالشي حبيباتي
لاتنسون ان مساحة بيوتنا 400م بس غير متر ونص مني ومناك
اللا اللي رازقه ربنا عليه بالعافيه
يعني مستحيل نحط كل اللي نبيه فيه عدل ان اشوف بيوتنا طالعه
بالمسلسلات جنها محل اثاث
عدل كلامي ..علشان جذي حبيت اقول لكم كل البيت مكان بسيط يكون ارقى واحلا واشرحححححححححححححححح
مجرد رأي فديت رؤسكم حبيباتي
اخت فروحة الف مبروك الكهرباء
والله يهنئ اللي سكن ويعن وياخذ بيد اللي للحين ماسكن
كنت غاطة في الشويخ ادور سرميك والجرنيت اها على الاسعار عذاب وصلخ
عجبني جرنيت عند ارت كاززززززززززز روعه ذوق بس غالي
والله يابنات كنت حابة اركب باركية خشب حق المعيشة بس خوفتوني منه ؟؟؟؟
مع اني ادري انه عملي وزين ودافي بالشتاء .....
بعد شرايكم بروائع الثرياء حق الدرايش عطوني عرض زين بس مادري في احد منكم خواتي مجربهم كاجودة
بروح اقراه اللي فاتني وارجع لكم
بحفظ ربي

عندي كلام كثير

 

[sara3]

مبرووووووووووووك سارا كبار الشخصيات تستاهلين والله

:nbvppw:

الله يبارك فيك حبيبتى والفال لك ان شاء الله :friends: