ديوانية بيت العمر

[dimon]

هلا حبيبتى

التوازن حلو والوسطيه مطلوبه لازم تدفعين بس بذكاء ولا من غير بيزات محد بيشتغل

بس لازم اتبينين حق اللى اتعاملين معاه بذكاء ان مو كل ما طلب بيزات عطيتيه من غير ما تشوفين شغل .يعنى المقاول يقعد يحن ابى فلوس ابى دفعة والعمال يبون ومو قاعدين يشتغلون ومن هالسوالف تعطينة وانتى مارة على القسيمة وامنبهته لاكثر من 3 او 4 مرات على شغلات وما سواها وبينى دايما حقه ان الفلوس مو حاضرة راح اتسلف .راح اخذ قرض ناطر الراتب
ترى هذيلة المقاولين عبالهم قاعدين على بنك :0bee2e8d89:بلا لو قاعدين على بنك نطرنا القرض ودوخة البنيان

_03ba: صااااجه وكلامج واااااقعى جداااا عبالهم قاعدين على بنك خخخخخخخخخخخخ

 

[dimon]

thenutybee منورة حبيبتى ومرحبا بك بالديوانيه

وخوش صور .كثرى من هالسوالف خاصه وايد بنات بالاسود ومحتاجين افكار وشغلات ديكور حلوه تتنفذ فى هذى المرحله

عند تجاويف جداريه وقتها ، وعجبتنى صور الشلالات الداخليه هذى اتنفذ تالى بس لازم اتامنين لها تمديدات خاصه فى المكان تمديد كهرباء ومن هالسوالف

هذى عاجبنى مكانها صايرة مثل البارتشن

وفى سالفة التلفزيون المعلق وطريقة للوايرات بحيث انها ما تبين

عجيتنى صوره المطبخ التحضيرى واايد بس حبيت اسالج اخت ساره انا عندى ممر فى الدور الارضى عرضه 5 متر وطوله تقريبا 5 امتارفاصل الاستقبالات عن صالات المعيشه مادرى ودى استغله مانى عارفه تعتقدين يصير احطه مطبخ تحضيرى مثل هالشكل الى بصوره اهو المكان شررررح وبمركز الدور الارضى محتاره فيه وايد ؟؟؟؟ هل من مسااااااااااااعده ؟؟؟؟؟:eh_s(6):

 

[dimon]

بناااااااات يعنى تقريبااا الدرج يشبه الدرج هذاااااا وراااااه مساحه عرض 5 امتاااااار تقريبا ممر عريض ماااااااااانى عارفه شلووووون استغل هالمساحه لانهاااااا ممر ؟؟؟؟ يودينا لصالات المعيشه وفيه باب ينزلنا للسردااااااب حيرنى واااايد ؟؟؟؟؟ ياليت فهمتو شنو اقصد

 

[ســتارز]

ديمون طالما هي ممر او موزع الافضل اتخلينها فاضية او علقي لوحة حلو يكون بالبيت مساحات فاضية احلى من وجهة نظري

 

[كنوز78]

قوة بنات

الله يعطيكم العافيه على هالتجمع الحلو:ggdw:


ما تدرون شكثر استفدت منكم ... :rerrerek:



والحين ...ابي واحد يركب لي سيراميك و برسلان الحمامات بس ابيه شاطر و شغله مضبوط



ومشكورين حبايب قلبي​

:aha:

 

[sara3]

ديمون طالما هي ممر او موزع الافضل اتخلينها فاضية او علقي لوحة حلو يكون بالبيت مساحات فاضية احلى من وجهة نظري

انا مع ستارزهذا موزع ما فى داعى تزحمينه بيضيع جمال المكان

 

[dectora 7elwa]

شلونكم بنات
thenutybeeذوقج وااايد حلو
sara
يقول مالنا خلق تبقع طوف وخرير وهالخرابيط مع انه ذوقه حلو ويعرف يختار
ستارز
اصغرطفل عندي 7 سنين الله يحفظه يتروالي على مانسكن البيت الا اهو بالثانوي

 

[dimon]

صااااجين يعطى انشراح اكثر مثل هالصوره وايد عجبتنى

 

[dimon]

وييييييييييييه شفيها طلعت ناقصه الصوره

 

[ســتارز]

ستارز
اصغرطفل عندي 7 سنين الله يحفظه يتروالي على مانسكن البيت الا اهو بالثانوي

هههههههههههه الله يخليهم لج وتفرحين فيهم

حلو الوحدة تحط في بيتها شي مائي ..نافورة ..شلال ..حوض سمك ...يعطي طراوة بالجو واحسه يحيي المكان

عاجبتني طريقة نافورة بيوت سوريا القديمة بس عيالي مايصلح لهم

 

[زو71غة]

صباح الخير او مساء الخير اشلونكم حبيباتي
الحمدلله على السلامة حبيبتي سفانا
:33_1185028183:

 

[ريناد9]

هلا ريناد ان شاء الله تخلصين بيتك على خير حبيبتى

انتى شايفة الصورة الحجر اكثر شى اذا البيت كلاسيك

الجرانيت اذا البيت موديرن انا كنت شايفة بيوت فى مشرف واجهات جرانيت كل واحد يقول الزود عندى.وموفقة حبيبتى

هلا حبيبتي سارة..

بيتي كله الحجر طبيعي ...مشان كذي فضلت حجر لكن في اختلاف في الوان ..حجر البيت بيج
و مدخل الدرج سويت حجر البرتقالي فاتح ...
ان شاء الله يطلع حلو

مشكورة حبيبتي فروحة

 

[سافانا]

السلام عليكم بنات
الحمدلله على السلامه سافانا عسى توفقتوا
شكرا thenutybeeداخله بقوه ونشاط حوش صور

الله يسلمك حبيبتي ,,, وان شاء الله نكون توفقنا

حصلت الي رحت عشانه وعسى الله ييسر

 

[سافانا]

سافانا :

الحمدلله على سلامتج وناطرين التقرير

thenutybee الصور روعة ومشكورة وكثري منها خخخخخخ

الله يسلمك حبيبتي ,,,,

باذن الله باكتب لكم التقرير بس ماني عارفه شلون انزل صور بس ولايهمك بحاول

 

[سافانا]

سافانا

الحمدلله على سلامة الوصول :q8:

الله يسلم قلبك حبيبتي

 

[سافانا]

صباح الخير او مساء الخير اشلونكم حبيباتي
الحمدلله على السلامة حبيبتي سفانا
:33_1185028183:

الله يسلمك حبيبتي

 

[سافانا]

السلام عليكم ورحمة الله وبركاته ,,,,,

ان شاء الله تكونون بالف صحه وعافيه والله يجمعنا واياكم في جنات النعيم ,

بداية التقرير ,,,,, طلعنا من الكويت للدوحه ومن الدوحه لكوانزو ,,

ومن كوانزو طلعنا لمدينة فوشان الي هي مدينة السيراميك تبعد مسافة 45 دقيقه عن كوانزو ,

طبعا المحلات هناك مسقوفه تقريبا نفس امغره , وانا كنت كاتبه الامتار والكميات في جدول وبعد الالوان وكم ملاحظه ,

كنا نفتر على المحلات ونشوف الي يعجبنا نصوره وناخذ كرته ونكتب عليه نوع السيراميك الي حصلنا والسعر ونقارن عند المحلات الثانيه

والمحل الي يعجبنا سعره ناحذ منه الفاتوره وندبس عليها الكرت ونكتب عليه مثلا رخام الصاله عشان نكون فاكرين هذا اي محل ,

المهم عندهم اشياء حلوه واشياء عاديه بس الحمدلله السفره تسوى على الاقل الواحد ياخذ اغراضه خلال اسبوع واحد فقط لان الواحد بيقعد من

الساعه10 ليما الساعه تقريبا 6في مدينه متكامله للسيراميك والادوات الصحيه , والجو عندهم مو متعب يساعد ماعدا اذا نزل المطر ينزل

بغزاره مو طبيعيه بس الحياه عندهم ماتتوقف ’ بعد ماخلصنا الارضيات والادوات الصحيه طلعنا على مدينة جونشان الي هي مدينة الاضاءه

حلوه الاضاءه بس نفسها المدينه متعبه تبعد ساعتين ونص ومحلات كثير ومانقدر نغطيها في يوم واحد فاخنا الاشياء المهمه لان مانبي نرد مره

ثانيه الا وقت الاستلام , وبعدين قعدنا ننطر ليما يوم الاستلام ’ طبعا ماطوفنا قعدنا نحوس بالاسواق شوي تقريبا كل يوم مداومين عندهم ,

لما جا يوم الاستلام احسه احسن يوم بس اتعب يوم لان الواحد يحس تعبه صار له نهايه ويتاكد من كل الطلبيات والالوان لان بعض المحلات

اذا مالقوا اللون المطلوب يحطون اي لون مقارب ماعليهم اهم شي عندهم عدد الامتار والجوده عشان كذا لازم هو الي يحمل اغراضه ويتاكد

منها مو شركة الشحن لان شركة وقت الاستلام مايكون همها الا عدد الامتار الا اذا الواحد يكون مصور اغراضه وموثقها ’ صراحه احسهم

شعب غبي ويحب الفلوس بالمره , وفي نظرهم ان العرب اغنياء وان المراءه مالها دور فعال في الحياة ’ ومايعرفون الخليج وين بس اهم ان

احنا البو (عربو ) ومو كلهم يتكلمون انجليزي وفيه منهم طبعا يتكلمون عربي عالخفيف علا الاقل الارقام والالوان , وبس سلامتكم .

 

[سافانا]

اذا تذكرت شي بعد بقول والي عندها استفسار انا حاضره وان شاء الله افيدكم

 

[سنعه ومنعه]

هلا وغلاا

سافانا

موفقين


واللة بسهل عليكم

طلعتى البوليصة . سوالف البوليصة .. كلميننى وبقولج

ويوم وصول الكونتينر ترا فية أتعاب للرافعة بعد يعنى يكون ببالج و بعد أجرة لعمال والتنقلات بالكويت

صراحة هى رحلة حلم واتحسين التعب كلة يهون من تستقرين ببيتج

من زمااان عنكم

وبشوف لى وقت لأقرا الللى طااافنى

بس لاحظن سئوالفكم

أنة فية ناااس بالبدايات

الللة بسهل عليكم وأنصحكم تقرون أوائل اللصفحات فبة شغلاات مفيدة

 

[اجمل حكايه]

السلام عليكم شخباركم بنات
يالله الله يهوون علي الجميع
مدري ابي شوركم بشغله ام فارس وام محمد منزله مجموعة مطابخ لحظت انه المغسله موجاي مكانها عند شباك لانه عندنا العاده تكوون عند شباك.....فكرت اسويها نفس شغله بس تيجي دواليب المطبخ علي الجانبيين وفي الوسط عند شباك طبعا فاضي الا طاوله مع الكراسي توقعوون بيطلع حلوو لانه مطبخي 4في 4.80
اشوف رايكم
مشكوريين​