ديوانية بيت العمر

[ملح بدويه]

كويتيات لا تنسون تذكرون الله وترقون بيتكم بالقرآن خوفا من لعين

 

[sara3]

اام وهابى


اللة يبارك فيك , وهذى الديوانية للكل يشارك فيها,وكاهى ملح بدوية طلت علينا_03BA:

 

[sara3]

ملح بدوية

هلا فيك اختى معانا والبيوت لازم تكون عامرة بذكر اللة والعين ربى يبعدها عنا ويهنى كل كويتية فى بيتها:bye22:

 

[sara3]

قاعدة اجار وتحلمين يكون لك بيت تعالى اقولك

قاعدة عند حمولتك وامقدمة على بيت وناطرة دورك في بيت الحكومة تعالى اقولك

امقدمة ارض وقرض تعالى اقولك

تبين تشترين بيت والاسعار نار ومنتى قادرة تشترين هم تعالى اقولك


تعالى نحلم فى بيت العمر و انحط احتياجاتنا ونرسم احلامنا على الورق وانصمم بيوتنا اليوم حلمك غير

عن بكرة واحتياجاتك اليوم غير عن السنة الياية.حلم راح يغير حياتك مو يقولون احلام وردية

تعالوا انسولف عن بيت الاحلام:gathering:

 

[لوباساج]

شوفى حبيبتى تونى انا خالصه من بيت اهلى بنيته بحكم انى مهندسه ونزلو فيه ماصارلهم سنه والحمدالله الكل يمدح فيه ورح اعطيج عصارة تجربتى ( حلوه عصاره) اهو بيتنا 600 متر مربع اهم شى فى البنيان الاختيار الصح للمقاولين احنا الله وفقنا بمقاول الاسود ايرانى زين والصحى هم زين والكهرباء لوع جبدنا الحين ناتى للمهم:-
1- الخريطه تركدو فيها ولاتستعجلون وغيرى فيها ليمن توصلين للشكل اللى تبينه
2-احنا اخترنا شركة الروابط البريطانيه الكويتيه للتكييف صراحه اهى اسوء شركه من حيث التعامل والشغل والحمدلله لحقنا عمرنا حطينا شركه تطلع اغلاطهم وياكثرها عشان جذى لاتصدقين الناس اذا امدحولج شى قوليلهم جربته اذاقال لا قوليله ماعندك سالفه
3- كبري الدرايش كثر ماتقدرين وخاصه الصالات والديوان
4-اانا حطيت رسبشن يعنى موزع عند مدخل الباب وفيه بابين كبار واحد يدخلج على الاستقبال والثانى يدخلج على الحرملك اللى اهو باجى البيت واحنا كنا بيتنا القديم صاله حيل كبيره ومفتوحه على بعض بس ماكانت عمليه الحين فى التصميم الجديد وايد فى خصوصيه
4- حمام الاستقبال من ارتكازا اما باقى الحمامات من بسامكو-الافق-الجداول الخ
5- نظام غرف النوم سويتها السويتات يعنى تدخلين الغرفه ممر ثم الحمام ثم باب غرفة النوم وداخلها غرفة الملابس وفى هاذى الحاله ممكن الخدامه تدخل تنظف الحمام بدون ماتدخل الغرفه
6-انصحج للمطابخ لايقصون عليج ويقولولج حطى تكييف راجع عشان الريحه من البدايه حطى وحدات احسن
7-تلبيس الارضيات لا ترقعين وحدى اللون لكل دور
تعبت بس اتذكر شى ان شاء الله احطه

 

[sara3]

لو بساج

هلا حبيبتى تو ما نور الموضوع و النقاط اللى ذكرتيها جدا مهمة

تصميم البيت لازم ياخذ وقتة وما لازم نستعجل فية علشان جذى اقول الوحدة اتحاول من بدرى اتتصمم بيتها على الورق واترتب افكارها واتعرف شنو تبى بالضبط.

بالنسبة للتكييف الحمدللة اللى اكتشفتوا الشى بدرى وعرفتوا تكشفون اخطائهم

وياريت تنورينا بتفاصيل اكثر علشان البنات يعرفون.


وبالنسبة للخصوصية انا مع الخصوصية خاصة احنا فى مجتمع شرقى لة عاداتة وتقاليدة.

نظام غرفة النوم جدا رائع لانى مرة شفت بيت جدا ما عجبنى اتدشين غرفة النوم بعدين واحد

من الجدران فيية مثل القوس يودى على الحمام وغرفة التبديل فتصورى معاى هذى طوفة ضاعت

وطوفتين فيهم شبابيك اشلون بتوزعين اثاثث الغرفة ؟ والخدامة اشلون واذا يبتى احد يصلح الحمام اخذى

عاد.

وبالنسبة للحمامات ارتكازا وين صاير لانى ابى شى راقى حق مغاسل الضيوف وحمامى

والارضيات مثل ما قلتى افخم لون واحد دام الصالات مفتوحة على بعض.

والمطبخ انا معاك انا انصح الكل انهم يحطون وحدة فى المطبخ انا مسوية جذى لان الريحة لو شنو راح

اتدش الغرف.


واخيرا مبروك عليكم البيت اتهنون فية ان شاء الله وطلى علينا ترى ما يثرى الموضوع الا مثل النصايح

والتجارب الحية ناطرينك:hjy5jewf:

 

[MyLittleBerry]

انا تفكيري اذا انشاءالله صار عندي بيت بالمستقبل

مابيه جاهز لاني حاطه تصميمي

ابيه موديرن

الدرايش كبيره

وبالنسبه للديكور الداخلي ماحب الكلاسيك نفس بيوت الحين احسه ممل ومبالغ فيه

ودي اسوي حوش داخلي

ودي غرفتي تكون مثل السويت تكون بالدور الارضي علشان اذا صرت عيوزه وفيها بلكونه ارضيه فيها حديقه صغيره حقي

وداخل السويت في دري يوديني لي غرفه صغيره فوق تكون مكتب حق ريلي حق الراحه

ودي مطبخي يكون بنص الصاله مفتوح ودائري

وطبعا بسوي شقتين فوق مع حوش صغير حق كل شقه

ودي وودي وودي

بعدين اقولكم الباقي

 

[sara3]

kuwaitbutterfly


هلا فيك وباحلامك الحلوة

يلا كملى ناطرتك.

 

[MyLittleBerry]

ولاتنسون تزورون موقعي اللي بتوقيعي

وتشوف قسم صور الديكورات ترى فيه صور خياليه انشاءالله تعجبكم

 

[ام وهابي]

لوباساج مرحبا فيك بالديوانيه
والحمد الله صار عندنا وحده متخصصه نقدر نسالها الله يعبينج علينا
حبيبتي شنو نوع التكييف اللي خذيتوه من الروابط لكويتيه وشنو طلع العيب من التكييف نفسه ولا من التركيب ؟
احنا التكييف الماخذينه من شركة الانماء العقاريه تبع بيت التمويل الكويتي <<<زوجي يشتغل فيه واسسسطه<<<<\وما شاء الله مواعيدهم مضبوطه وتركيب مبين عليه زين <<<<<لسه ما شغلناه عطلتنا وزاره الكهربا ومواعيدها <<
ونوع المكييف Askmشرايج فيه
وانا معاك بفكرة ان الصالات الاستقبال لازم تكون مفصوله عن البيت الداخلي للخصوصيه وبعد هم العيال الله يسلمهم يكسرون الاغراض الغاليه اوالتحف والاكسسوارات التعبانه عليهم خليهم ياخذون راحتهم بالصاله المعيشه وباقي البيت
حرام كل يوم نهاوشهم ونطقهم ونقولهم لا تكسر هذا ولا تقرب عند هذا تعبنا من الصراخ عليهم
حلوه فكرة النظام سويت وكنت ناويه اسويهالكن للاسف ما اقدر اسويها كلها الحكومه عطتنا قسيمه 400 متر ما تكفي للسويتات وخاصه للعايله الكبيره

اختي فراشه الكويت حياك الله معانا وصج احلامج ورديه الله يرزقج بالبيت اللي تحلمين فيه

 

[nono78]

انا بيتي مكاين كولكس

شركة القلاف مركبته والله يستر للحين ماجربت السنترال بهالحر بس بالشتا بطلناه نجربه كان ثلج



وتعالوا موضوع ردودي اشويه شوفوا صدمتي بتركيب السيراميك المطبخ الي بين الكبتات بببجيييييييييييييييي

 

[بدر البدور.]

مشكووووووووووووره حبيبتي على الموضوع


استفدت منكم بشغلات واااايد

انا بيتي اخر هالشهر يخلص الاسود ..... 3 ادوار الاول صالتين استقبال وغرفة العاب طبعا المغاسل والحمامات وووو مطبخين ووووغرفة غسيل وغرفة خدم (((ماحطيتهم فوق لان مؤجرين))) وطبعا الدوانيه

والثاني سويت بنات وسويت الصبيان والماستر وصاله ومطبخ تحضيري ....

والثالث مؤجرين

والواجهه ليلحين ما اخترتها ابيها ناااااااااعمه سيجما
اذا عندج افكار قوليلي ؟؟؟؟؟؟؟؟؟


وسمعت منكم اني احط وحدات في المطبخ ؟؟؟ انا عندي مطبخين واحد للخدم والطباااااخ وواحد لي

شنو تنصحيني احط بمطبخ الخدم بس وحدات لان بمطبخي مافي شغل وااايد وفيه طاولة الطعام

ابي دعوااااااااااااااااااتكم الله يتمم علينا ونقدر نخلصه وأبي نصايحج على كل شي وبعد الاسود


ناااااااااااااطرتج حبيبتي ...:tek:​

 

[بنت الشاميه]

ماشاء الله عليك يا ساره ذوقك حده راقى وبعد البنات المشاركات حده ذوقهم حلو مشكورةعلى هذا الموضمع وإن شاء الله يثبتونهلانه يستحق التثبيت

 

[sara3]

بنت الشامية

مشكورة حبيبتى هذا من ذوقك

والبنات كويتيات امهات ذوق ابا عن جد معروف والموضوع مثبت خلاص بفضل مشرفتنا اغلى حبيبة

 

[sara3]

بدر البدور

هلا فيك اختى ومبروك البيت عاد اللحين اتعب مرحلة التشطيب واللف على المحلات وربى يعينك عاد لاتنسينا مرى وقولى اخر التطورات .

وبالنسبة للواجهة اهو السيجما اخر شى ومتككر فى كال مكان ويختلف حسب شكل البيت ولون السيجما ونقشتها فى اللى اتكون امخططه وفى اللى دوائر وفى ناس اتحط حلية قرميد فانتى اخذى لفة مع ابو العيال وشوفى البيوت.

المطبخ الحين يا انك اتسوين مطبخ فى الملحق ويكون متصل فى البيت عن طريق ممر اذا مساحة البيت اتساعدك

او انك اتسوين مطبخ ديرتى حق الطبخ والنفخ لة باب على الحوش ومطبخ داخلى مفتوح ويكون بين المطبخين باب

الاخت( لوبساج ) فكرتها جدا عملية وهى ان الديرتى كتجن اتخلين فية وحدة والمفتوح مع تكييف السنترال لان داخل البيت .

واذا عندك اسالة لا يردك الا كى بوردك واذا ما لقيتى الاجابة عندى تلقينها عند خواتى ما راح يقصرون معاك


ربى يتمم لك بيتك على خير.

 

[لوباساج]

هلا خواتى شلونكم خلينى اكمل معاكم بالنسبه للاخت الى اسالتنى عن التكييف هو نوع carrier امريكى والمشكله ما كانتفى المكاين المشكله كانت فى تصميم الدكت اللى طالعه من الدور الاول الى الثانى كان فيها اغلاط لا وشركة الروابط تعتبر من اكشخ الشركات مالت عليهم بالنسبه لحمام الاستقبال من ARTCASAوهذا المحل موجود فى صن سيتى اللى بالشويخ ورا ماكدونالز شارع الكراجات لاتنسين بعد اختى انج تسوين حمام تكرمين حق اليهال والخدم بالدور الارضى لو صغيرون علشان الخدم موكل شوي رايحين فوق علشان الحمام وخاصه وقت الذروه الظهر وعقب المغرب واحنا سوينا حوش صغيرون مومسقف تقدرين تقولين منور 2فى 2 لازق فى المطبخ علشان الطباخ والسايق يشرون اهدومهم وحتى حق الشوى وايد نفعنا بالرمضان اللى طاف كان الطباخ يصب اللقيمات فيه وامى استانست عليه هم حاطين منشر صغير فيه حق فوط المطبخ لينغاسلو ومغسله كبيره حق الجدور والمواعين الضخمه
ولا تنسين باب الخدمات اللى طبيعى يودى عتي المطبخ الممر عندنا عرضه مترين وكان فيه 3 درجات توديج على المطبخ انا اخذت الترولى تعرفينه اللى يشيلون فيه انابيب الغاز وقست عرضه طلع 50 سم فقلت حق المقاول ياخذلى من ال3 درجات 50سم علشان يمشون عليها تروللى ومايهبدون الغاز على الرج ويكسرونه المعد اخذناه من ارفلون وايد زيينين وسعرهم حلو ولحد الحين الصيانه كل شهر اما بالنسبه حق الاثاث بصراحه وايد تعبت عليه خاص الاستقبال رحنا الهند انا وامى واختى وشرينا من هناك وصراحه اثاث يتورث واللى جاده فيكم وتحب تروح الهند انا مستعده اطرشلها العناوين على الخاص واحلى شى بالهند المعلقات صراحه مافى احد مادخل بيتنا الاوسالنا عن الثريات
تعبت اكمل باجر انشاءالله

 

[لوباساج]

ام وهابى مشكوره ياعمري تري انا بالخدمه لاى سؤال بالنسبه Askmوالله ماعرفهم بس دايما سالو اللي مجرب الشى
مو اللى سامع عنه
بدر البدور احنا سوينا سيجما لازم تكون مو اقل من 5مم واحنا كنا حابين نحط حجر بس لما حسبناها لقينا وايد غالى والحجر احسن شى يعنى حطيه وانسيه

 

[خبيرة اعشاب]

مرحبتين .....

احب افيدكم ببعض الاخطاء الي واجهناها بالبنيان ...

اول خطا :

الكهرباء و التمديدات : اول ما بدينا سلمنا اعمال الكهرباء لفني هندي و صراحة ما قصر ركب لنا تمديدات و تصلح حق عمارة 10 ادوار و كلفتنا اضعاف مضاعفة
و لكن في نص الشغل غيرناه و سلمنا العمل لمقاول ثاني يعرفه زوجي من زمان و صراحة الرجال نصووح جدا و رقع لنا اخطاء الهندي ( ما كان حاط انتركم و لا ساتلايت ) غير هاذي و هاذيك وفر لنا حيل حيل بالشغل و عطانا ارخص المحلات الي يبيعون معدات الكهربائيات ( الهضبة مثلا )
بالنسبة للبلاكات فرينا كل محلات الشويخ و ارخص شي ارخص شي بلاتفورم الغانم يعني بمعدل نص السعر مع العلم ان بلاكاتهم كلها ايطالية و انجليزية و الي بالشويخ سعودي و صيني يعني اجود و ارخص

الديكور : اول شي اتفقوا مع المعلم يصب لكم القوالب بالبيت قياس القالب لا يقل عن 2 و نص سانتي جبس سعودي لان معلمين الديكور يغشون حيل في صب القوالب و رح يخلونه سماكته سانتي و نص و بعدين بعد ما تشتغل مكاين التكييف كل الديكور رح يتشقق و هذا عن تجربة انا شفته ببيت اختي

بعدين شغلة ماله داعي الزخرفة في الديكور كل ماكان سادة و ناعم كل ما كان احلى و ارتب

الثريات للحين ما شريت بس حاطة ببالي كذا موديل

الابواب : حسن ابل عنده تشكيلة رووعة و ايضا في بمركز الثريا شغلات زينة حنا نوعنا خذينا مني و مني

سيراميك البيت خليه لون موحد مو اترقعين كل غرفة لون .. بالنسبة لي انا حطيته لون واحد خشبي محروق و صراحة كل خواتي ما عجبهم في البداية و قالوا لي ليش ما اتحطين جرانيت ابيض و لا رخام ...الخ
بس الحين بعد التركيب شكله جدااا فخم
و حتى الحمامات عزكم الله ركبت حمام الضيوف بني غااااامج و حمام العيال لون السيراميك اسود رخامي يعني تقريبا بالبيت عندي 5 حمامات كلهم ركبتهم بني غامج بس 2 الي اسود و صراحة الاسود طلع افخم و احلى

التكييف طبعا ركبنا كاريير بس ما اعرف اسم الشركة ابشوف العقد و اعلمكم بس شغلهم زين و تركيبهم حسب الموعد

السخانات مركزية من الغانم

الشي الي تحسرت عليه اني كنت مصصمة غرفتي على اساس فيها بلكونة بس ما حطيناها في المخطط و بعدين كسرنا و نقصنا من مساحة الغرفة على اساس انحط البلكونة و طلع شكلها غلط غلط و باب الحمام عزكم الله يفتح عليها يعني كللش مو شي , و نصحني مهندس الديكور اني اسكرها بالطابوق الي على شكل جام بس للحين ما سويت شي

 

[ام وهابي]

حبيبتي لوباساج انا غلطت باسم نوع التكييف اسمه Skm
واهي شركه جديده يابانيه ومدحها زوجي لانها مركبينها في فرع بيت التمويل اللي يشتغل فيه
وبالنسبه لشركة كولكس والله ما احد يمدحها وكل شوي تحتاج صيانه مركبها
ا حماي وحيل يسب فيها
ومعلومه مهمه بالنسبه للتكييف انه المكاين بالسطح لازم يكونون بينهم قواطع من الطابوق يعني كل مكينه تكون معزوله عن الثانيه وخاصه مكاين اللي تكون بالمطبخ علشان المكاين الثانيه ما تسحب ريحه الطباخ
بالنسبه للابوب الداخليه احنا فصلناها نجاره والموديل اخذته من كتالوج الحسنا للديكور وطلعو حدهم راقين وناعمين والنجار صراحه شغله بذمه وضمير بعد وضبط الموديل
المصعد و السخان المركزي من الغانم
باركولي اليوم ركبنا البيبان الرئيسيه وقفلنا البيت والحمد الله انتهت مرحله البنيان
وانشا الله بعد كم يوم راح تشتغل الكهربا والتكييف وانشا الله تعدي المرحله هذي على خير والله اني خايفه من شغل الكهربائي ما دري ليش

 

[لوباساج]

sara3 مشكوره حبيبتى على مداخلتج تري نسيت اشكرج امس لانى ادخل المنتدى فوق الساعه 12 باليل فلج على شوى
اقط خيط وخيط وخبيرة الاعشاب نصايحج وايد حلوه ومهمه وصح انا معاج الكهربا والصحى اهم اثنين فى مشروع البناء وصح الديكور يصب القوالب فى البيت احسن :-
1- انصح ان ماتحطين سبوت لايت فى غرف النوم وايد اريح يعنى رجعو على النظام القديم ليتات عدد 2 وكثرى الابليكات فى الغرف وخلى السبوت لايت لصالات الكبيره
2-غرفة الوالده حفظها الله فى الدور الارضى وسويتها عباره عن لوبى والحمام اهم شى واللى اهتميت فيه ان الوالده ماتقدر ترفع ريولها فى المغسله حق الووضوء فسويت لها مثل اماكن الوضوء فى المساجد مع دكه تقعد عليها وايد ريحتها هاذى الشغله....... عاد كلش ولا حلوة اللبن
3-ارضيات بيتنا احنا لبسنا جرانيت لون ابيض 60فى60للدور الارضى وبيج لدور الثانى والثالث وانا راي ان اللون الابيض يمشى عليه اى لون صبغ والوان الاثاث
4- صح الابواب حسن ابل افضل بس تري وايد غالى وانتى تتكلمين عن 60باب فى الفيلا ام 3 ادوار فاحنا الله وفقنا بنجار نجر الابواب فى البيت والمدخل الرئيسى سويناه عند الباب الاتوماتيكى اللى شركتهم فى السلام وزينين
5- اي باب عندك خارجى يفضل ان يكون الومنيوم علشان عوامل التعريه
6- امغره وايد تري فيها شغلات حلوه وجوده احنا الحوش لبسناه كاشى من امغره