ديوانية بيت العمر

[شيوخه]

اليوم رحت بيت اخوي توه راد من الصين وشاري تشطيب بيته وحرام زوجته مصوره كل شي حقي أمبيه قمت أطق على راسي من الصور

 

[sara3]

أهلا Sara سوي في السرداب الدائرة الكبيرة مثل القبة وفي وسطها قبة أصغر . أو عندج الأمواج المخفية وايد حلوة.
بس عسى سردابج السقف مونازل . آنا استقبالي سوية بالسرداب

هلا حبيبتى


انتى اثرت نقطة جدا مهمة لازم انراعيها واحنا انسوى الديكور اللى اهى ارتفاع السقف,بالنسبة لى ارتفاع السقف اوك

الامواج ما حبيتة ومانى حابة القبة احسها بتاخذ وايد من السقف

ما ادرى محتارة

 

[رحيق]

اخت فروحة صج الغالي سعرة فيه بس نصيحة لاتكلفين نفسج اكثر من طاقتها . مثل بعض زميلاتي أخذو قروض وتورق علشان اشطبون غالي . بعدين لما اخلص البيت اشلون الواحد يسكن بدون اثاث . هذا الصعب بالنسبة لي . اعرف ناس صار لهم ثلاث وخمس سنوات ساكنين وما أثثوا بيتهم. وأما بنعمة ربك فحدث آنا وزوجي حكمنة عقلنا في هذا الموضوع وشطبنا على كد افلوسنا . وألحين الحمدلله قاعدين انأثث. لان الصبغ والأثاث له دور في اظهار جمال البيت . أخذت حق استقبالي من ذي كاسل امسوي تنزيلات . وعندي غرفتين للمعيشة وحدة في السرداب ووحدة في الدور اخذت لهم أطقم من بنتا . وعلى فكرة ترى حطيت ديكورات في بيتي ادهشت الجميع لدرجة ان الصبغ يقول من وين هذه الافكار هذه الأفكار فخامة القصور

 

[شيوخه]

طبعا أنا مفتره لما عيزت طبعا هذا اخوي ذوقه جدا راقي ويدور على الزين رايح هناك وقايل لهم أبي السيراميك الجوده طبعا مودينه مجمع فيه أحسن الموجود توقعو شنو شاري شايفين السيراميك كل اللي عند الهلالي وبعض الشايع وبعض ابل كله مصوره لي هناك موجود حسافه ما أعرف أنزل صور تدرون شاري السيراميك الجلد اللي عند ابل نفسه وكاله أسبانيه 2,400 طلع كل البضايع شركات أسبانيه و ايطاليه ولكن تصنع بالصين

 

[رحيق]

Sara حبيبتي ديري بالج لا تتحسفين القبب تعطي فخامة وخاصة مع انواع الأصباغ بكرة راح أكمل الحديث لأني بروح أقعد عيالي حق الصلاة مع السلامة .

 

[sara3]

صاجة يا كسرة بخور البيت يعكس ذوق اهلة

 

[اخت فروحه]

كسرة بخور عفية ابي رقم صباغج ومال الديكور اذا ممكن او عالخاص واذا تقدرين الصور(جني طماعة)

شيوخة عاد انا عجبني سيراميك الجلد اللي عند ابل وبعد اللي على شكل ورق جدران بس سؤال نقدر نطلب من الصين بدون ما نسافر ؟؟؟؟ وابي بعد عنوان المكان اللي راحله اخوج بالصين اذا ممكن

 

[اخت فروحه]

تصبحون على خير ولنا عودة غدا ان شاء الله

ليش غدا خو طلع الصبح اقصد بعد شوي خخخخخخخخخ

 

[شيوخه]

أخت فروحه حتى السيراميك اللي على ورق جدران يهبل يابلي الكتلوجات وفي شي اهو مصوره لي قاعد اقولج غالبية اللي عند الشايع وابل والهلالي طبعا يصير تطلبين لاني احتمال اطلب البيبان منهم لانهم خشب صاج ومديلاتهم نفس بيبان أبل بس أرخص طبعا على قولته لو الواحد يتعنى بس عشان البيبان اهو كسبان

 

[رحيق]

السلام عليكم ورحمة الله . امبين ان الديوانية فاضية . صراحة اشفيكم . كنتو وايد انشاط قبل لا أشارك في المنتدى

 

[اخت فروحه]

احم احم اكو احد؟؟؟؟؟؟؟

 

[اخت فروحه]

شاي قهوة حلو فطاير تفضلوا بس احد يعبرني

 

[سافانا]

السلام عليكم

كيف الحال

ان شاء الله تمام .............من زمان عنكم



حياك الله كسرة بخور

وهلا والله بالغاليه شيوخه

واخت فروحه مشتاقه لك انتي وساره وبشتخته وام وهابي

 

[سافانا]

احنا الحين واصلين بالدور الثالث

ولقينا صعوبه في الحصول على الحديد بس الحمدلله ,الله يسرها

والحين التفكير واقف ليما بعد رمضان ماادري من كثر التفكير احس خلاص مابي افكر

عطله ....رمضان ....عيد.....مدارس .........وهلم جر

الله يسهل الامور يارب

 

[رحيق]

هلا فيج سافانا . الله يعينج على البنيان . نصيحة اجتهدي بالدعاء ان الله يسهل عليكم

 

[اخت فروحه]

يعني ما تتجمعون الا بشاي وقهوة وحلو لو ادري من زمان حاطتهم ههههههههههه

 

[sara3]

يعني ما تتجمعون الا بشاي وقهوة وحلو لو ادري من زمان حاطتهم ههههههههههه

مساء الخير

اشلونكم
الديرة صايرة كلها مطاعم محلات حلو وشوكليت بشكل رهيب اشدعوة

 

[اخت فروحه]

سارة هذا احنا الكويتيين واحد يسوويله شغلة الكل يقلده

 

[اخت فروحه]

امس شيشتني شيوخة على روحة الصين وتحمست للفكرة بس المشكلة ووووووووووووييييييييييين اودي عيالي؟

 

[شيوخه]

هلا والله فروحه شلونج انا أبي بس اقهوه لاني عشتو مسويه رجيم