ديوانية بيت العمر

[اخت فروحه]

عاد المطابخ خلصت منها اتفقنا مع الرياض وعطيناهم دفعة وراحوا القسيمة مع الصحي والكهربائي حدد لهم نقاط الكهرباء والشفاط والقياسات وغيره
انا الحين قاعدة ادور ديكورات وافتر عالحمامات اخذ فكرة

 

[sara3]

اهنىالديكور امسوينه نازل والكبت لازق فية جذى تضمنين سوالف الدهن لايتلف لك الخزانة


طبعا فى شغلات احلى انا كنت حاطتهم مع مطابخ الديوانية فى بدايتها

 

[sara3]

تصبحين على خير

 

[اخت فروحه]

وانتي من اهله

 

[البسايل]

قوه بنات شلونكم والله انا كل يوم اقرا لكم وتكسرون خاطرى الله يعينكم ويعينى لانى بعد ما بديت بنيان ...... ادعولى انى ابلش بنيان لان ذبحتنى المحاتات ...... الله يوفقكم يارب

 

[nono78]

اهلين نونا
شنو حطيتوا سقف الحمام والمطبخ ؟؟

هلا فروحة حبيبتي سويتهم جبس احلى شي ارقى

نونو أنا توني حجزت حمامات عيالي من الشايع وسويت التصميم عند شهيره عجييييييييييييييييييييب حتى السقف سوته لي

هلا شيوخة اتصدقين بروحي صممت حمامات البيت

والله يستر

بس شهيره تبع الشايع ولا من بره

الشايع الي بحولي يصممون بس غيره الي بشويخ ما يصممون

 

[اخت فروحه]

مرحبا كويتيات
اشلونكم ؟ شخباركم؟ وحشتوني

 

[شيوخه]

هذه شهيره مصممه عند الشايع بحولي شغلها عجيب بس يابنات عفيه كثر ما فيكي كبري الحمامات

 

[اخت فروحه]

عليج بالعافية شيوخة
فعلا الشايع شغلهم مميز
بس الحمام اذا كبير حيل مامنه فايدة خصزوصا انا حاطة لكل غرفة نوم حمام

 

[@ دهن العود @]

بنات بما انكم اتجهزون لبيوتكم الله يهنييييييييكم اتوقع انكم فريتوا محلات الكويت كلها

فياريت اللى عندها فكره عن موضوعى تساعدنى ضرورى والله يجزاكم خييييييييير

هذا الموضوع

http://q8yat.net/showthread.php?t=186053

 

[شيوخه]

فروحه أنا ما اقصد كبير حيل بون معنى انا قصدي اذا كنتي بتحطين كاونتر بنيان مع حاجز شور بنيان هذا راح ياخذ مساحه خاصه اذا كانوا قبال بعض يعني خلي عرض الحمام ما يقل عن مترين

 

[اموله الفنانه]

سلالالالالالالالالالالالالالالالالالالام الله يهنيكم في بيتكم
وخوش موضوع
بس يه متاخر لاني خلصت بيتي
ولي يبي استشارات هندسيه عندي خبره تصميم داخلي

 

[ام وهابي]

شلونكم بنات ولهت عليكم
اليوم خلص تركيب المطبخ وطلع بعد التعديلات روعه وصجج عجيب بنات اذكروا الله
اخت خواتي وامي واخوي راويتهم المطبخ الكل يمدح فيه ويقول جنه مطبخ امريكي
فصلت لعيالي غرف نوم من الضجيج وشريت لي غرفه نوم من مصانع بيروت اهو المحل الوحيد اللي عنده غرف نوم خشب زان اصلي وشغله عجيب حده الغرفه كلها حفر والسرير منجد حلد بني مع زراير ذهبيه
خلصت صبغ للدور الاول والدور الارضي قاعده افتر على محلات الديكور علشان ورق الجدران
الصراف وايد غالي طلع علي الرول ب50 دينار وفيه ارخص على 16 بس سبحان الله ما دش مزاجي الا الغالي
بنات منو تعرف محلات تبيع ورق جدران ارخص ونفس اللي عند الصراف

 

[سرايات]

ممكن ادلونى علي مصمم ديكور

 

[شيوخه]

أم وهابي حبيبتي عليج بالعافيه بس كم اطلعت غرفتج النوم ومن شنو تتكون وبالمره وين صاير مصانع بيروت

 

[ام وهابي]

بنات لا تزعلون مني بس احس ان بعض البنات تبالغ شوي يعني معقوله كل الكويت ما تشتري الا من الشايع وابل بس والا علشان انهم كشخه لازم نشتري منهم واتسولف عنهم يعني من خبرتي المتواضعه اذا تبين تشترين منهم راح يكلف الحمام الواحد تقريبا من 800 وطالع اي ميزانيه راح تكفي اذا حسبنا ان اقل عدد للحمامات بالبيت على الاقل ما يقل عن 10 حمامات يعني تكلف 10 الاف او اكثر
وبعدين بالنسبه للاثاث الكل يشتري من ذا كاسل ولمسات وانا امس رحت لهم سبحان الله ما عجبني شي ويلوعون الجبد والله ان الضجيج احسن وارقى منهم ومميزه اكثر ولا بعد ارخص يعني الاطقم عند لمسات تبدي من الفين وفوق وشكل الطقم ما يفرق عن الموجود بالضجيج وسعره 400 يا بلاش يبى ترى كله شغلهم صيني لا يقصون عليكم يبهرونكم بالديكورات المحل والاكسسوارات واالله شايفه نفس الاكسسوارات بسوق الجمعه
معقوله الابليكه ب750 دينار يعني اثنين يطلون عليه ب1400 معقوله الاسعار والكنسول مع المرايا ب6600 دينار حدي منصدمه من اسعارهم وخاصه مارتيز حد الغلا
ولا هذي بالتنزيلات والله مسخره
ترى كله بيت حكومه اثثوا بالمعقول ورجاء لا تتفاخرون فيهم وتسولهم دعايه على الفاضي ترى ما يسون فلس
وهذا رايي ارجو انكم تتقبلونه بروح رياضيه

 

[ام وهابي]

أم وهابي حبيبتي عليج بالعافيه بس كم اطلعت غرفتج النوم ومن شنو تتكون وبالمره وين صاير مصانع بيروت

مشكوره حبيبتي
الغرفه طلعت عليه بالفين و800 دينار بس صراحه تسوى لان مثل ما قلت كلها حفر يدوي وخشب زان كلها حتى القاطع من داخل الكبت خشب اصلي واهي صناعه محليه شغل لبناني
وان صراحه كنت ادور على الشغل اللبناني لانه مميز وراقي وانا عندي غرفتي القديمه صناعه لبنانيه وشريتها ايام الرخص بالف و400 من تقريبا 17 سنه ما شا الله عليها ما تغيرت متانه وجوده لا يعلى على شغل لبنان وحسافه اني راح اغيرها احبها وايد لها ذكريات حلوه بس شسوي لازم الواحد يغير شوي

 

[شيوخه]

أم وهابي من صج أنا بشتري حمام ب800 لا والله خذيت حمام ب 165 يهبل وواحد ب 300 و واحد 400 والباقي عادي ترا عندهم سيراميك رخيص وعليه تنزيلات بس انت تستفيدين من التصميم لان عندهم مصممين لو شنو السراميك يطلعونه لج جنه مال فنادق

 

[ام وهابي]

مصانع بيروت ما عليها كلام معروفه وشغل نظيييييييف وجوده وتعتبر من أقدم المناجر بالكويت ومن الأوائل بعد وحالها حل ديكورات الخالد وموبيليات الصباح ومنجرة الطيب وكلهم مو رخاص ويعتمد السعر على نوع الأخشاب المستعمله
ومكانها يا محفوظة السلامه بالشويخ وين الغنام مو أول لفه يمين ثاني لفه جنج رايحه سن ستي بس لا تلفين يسار كملي سيده اييج تقاطع تروحين يسار ويصير مكانهم هم على ايدج اليسار مبنى كبير مكتوب عليه
هذا وصف اختي داوني لمصانع بيروت ما قصرت الله يجزاها خير الوصف كان بالضبط وما يضيع

 

[ام وهابي]

أم وهابي من صج أنا بشتري حمام ب800 لا والله خذيت حمام ب 165 يهبل وواحد ب 300 و واحد 400 والباقي عادي ترا عندهم سيراميك رخيص وعليه تنزيلات بس انت تستفيدين من التصميم لان عندهم مصممين لو شنو السراميك يطلعونه لج جنه مال فنادق

حبيبتي اي فرع شريتي انا اقصد اللي بحولي مو الركن الاقتصادي بالشويخ