ديوانية سوالف حريم اللي فوق الثلاثين حياكم الله ..........

[ام حنونة]

اي قريت العنوان بس ما دخلت .....

 

[أم بدير]

مافيه شي الموضوع
بس حاطين مواقع اعتقد
عاد انا ما ادش مواقع مو مضمونه
انا دشيت الموضوع توقعت وحده مسويه عنوان فلته يعني بتتكلم عن البنات الي يحطون جذي مواضيع لأن صراحه ماتوقعت اذا احد بيحط موضوع جذي يكتب اشكره بالعنوان!!

 

[أم بدير]

المهم
ابي دكتور متخصص حق اطفال
مو أي اطفال... أطفال لهم القدرة على انهم يزهقونهم ويكرهونهم بمهنتهم ويخلونهم يطلعون تقاعد طبي

 

[ام حنونة]

أم بدير وينج ؟؟؟؟

 

[ام حنونة]

منو يطلع تقاعد طبي ....؟؟؟؟؟؟؟؟؟الدكتور ؟؟؟

 

[ام حنونة]

واااااااااااااااااااااااااااااااااي المنتدى بطييييييييييييييييييييييييييييييييييييييييييييييييييييييييييئ

 

[أم بدير]

بالزاوية... صوب طاولة الشاي والقهوة

 

[ام حنونة]

الحمد لله

 

[ام حنونة]

أنا مخنسه بطاريتي .....فيني النوم.......

 

[أم بدير]

اي ام حنونه
الدكتور

 

[ام حنونة]

ليش ...يحافظ اشفيج ؟؟؟؟؟

 

[أم بدير]

مو انا ام حنونه
حق ولدي
خلاص تعبت
ماني عارفه شلون صاير والا شنو بمخه والا شلون يفكر... هذا اذا يفكر من الاصل

 

[ام حنونة]

الله يهديه والله ضحكتيني .....اسم الله عليه شيطان ؟؟؟

 

[أم بدير]

مادري اذا شيطان والا مو شيطان
يعني اهو شيطان بس مو مثل شطانة اليهال
عالاقل اليهال اذا طلعوا شياطين تقدرين تتفاهمين معاهم
تعاقبين
تطقين
تكلمين
هذا ماتدرين شتسوين معاه
لأن اصلا ماتدرين اذا اهو مستوعب الشي الي سواه والا لأ
والا إذا يفهم شنو يعني الكلام الي تقولينه والا لأ

 

[ام حنونة]

يعني مثل شنو ؟؟؟؟

 

[ام حنونة]

أم بدير كتبي لي علشان أفكر معاج ...لأني بطلع صار لي ظرف قعدني على أعصابي ....بروح أشوف شالسالفة ....

 

[أم بدير]

ام حنونه شقول
ماكو شي معين
كل شي
يعني مثلا مستحيل يكون قاعد بمكان وقت مايكون سوى فيه شي ينرفز
يا كافخ ياهل
والا متخانق مع الثاني
واذا ماكو يهال يشوف شنو اكو شي ممكن يسويه ينرفز

هذا بصوب والجذب بصوب
ادري كل اليهال يجذبون بس هذا جذبه غير شكل
يعني يجابلج ويهه بويهج ويقولج انتي قلتيلي كذا وكذا
وانتي تكونين مو قايله وتقولينله انا قلت؟؟ يقولج اي قلتي
حتى لو مافي غيركم بالغرفة.. تقولينله احنا بروحنا وانا ماقلتلك هالكلام.. يقولج امبلا قلتي
يخليج تشكين بصحة قواج العقليه
وهذا الي حاصل معاي
فبوديه دكتور نفسي قبل لا احتاج انا اروحله

 

[هوفه]

السلام عليكم

اشلونكم

اشلونج ام حنونه وام بدير

شخباركماااا

 

[أم بدير]

هلا والله هوفه
عليكم السلام
عاش من شافج

 

[أم بدير]

السلام عليكم
شلونكم بنات