ديوانية سوالف حريم اللي فوق الثلاثين حياكم الله ..........

[OmRashed]

هلا ام بدير .. وعليكم السلام


الله يعينج ام بدير انا من رايي تودينهم حق دكتور يمكن ولدج هايبر اكتيف

واللي فيهم الهايبر اكتيف تقل عندهم نسبة الذكاء والتركيز لان مخهم مايشتغل من كثرة حركتهم

 

[أم بدير]

هلا ام راشد
ولدي يوم كان باولى ابتدائي وديته بس مو عشان هايبر اكتيف
لأن ولدي مو مشكلته الحركه
يعني اهو يتحرك بس طبيعي مو مثل الي فيهم هالمرض
مشكلته بمخه ام راشد
يعني يوم دششته المركز العلمي ماشالله استانس هناك والاساتذه مستانسين عليه وانصدمت كذا مره يشرحلي شغلات اقوله انت شدراك؟ يقولي بالمركز العلمي معلمينا
يعني انا انصدم ان فاهم الي كانوا يقولونه
بس تيين عند شغلات ثانيه وتنصدمين
يعني اهو عمره عشر سنوات وبصف خامس
لما شاف ايميل اذا تذكرين ياهل مات بعد ما اكل حلاو منتوس وشرب بعده بيبسي لأن صار اضطراب بمعدته وحاطيت فيديو حق تجربة يقطون فيها حلاوة منتوس ببطل بيبسي ويطيش البيبسي كله لي بره
قبل امس راح الفرع وشرى حلاو منتوس
وبيبسي والله ماتوقعت ببالة الايميل الي قبل جم شهر نسيناه
يتني اخته تركض تقولي لحقي ماما بدير بياكل المنتوس ويشرب فوقة البيبسي يقول بيجرب يموت والا لأ
رحتله ركض ازفه اقوله انت مينون؟ اذا مت شلون بتتأكد بالله؟
يقولي يمكن ما اموت انتي شدراج؟
اقوله ويمكن تموت شبتسوي؟
يقولي ويمكن ما اموت
اقوله انت شفيك ماتفهم؟ يمكن تموت ويمكن ماتموت.. اذا مت شلون بتعرف؟
يقولي ويمكن ما اموت
والله قعدت معاه على هالحال انا اقوله واهو يرد علي نفس الجواب لين قمت اصارخ من قمة راسي واقوله خلاص انا اقول لاتجرب وبس اسمع الكلام وانت ساكت واذا عدتها مره ثانيه انا الي بذبحك
ماعجبه كلامي وراح زعلان مالت عليه

 

[OmRashed]

الله يعينج عليه صج متعب .. مخه مافيه شي لان تقولين يفكر بس اهوه عبثي

ويحب يجرب كلشي حتى لو يدري انه خطر شنو الحل مع اللي مثله وديه الطبيب

اكيد بتعرفين السبب وديه الطب التطوري مستشفى البنك الوطني يمكن يفيدونج وان شاءالله مافيه الا العافيه

لان اللي تقولينها عنه اشياء موطبيعيه اللي يسويها يمكن خياله وتفكيره واسع مادري شقولج غير الله يعينج

ويعطيج القوه على تحمله ويهديه

 

[أم بدير]

ام راشد هذا الي قلتلج عنه وديته لما كان بأولى ابتدائي
مستشفى البنك الوطني
سألوه أسئلة وسووله اختبارات والنتيجه انه طبيعي مافيه شي
قالتلي مخه صغير شوي بس مو لدرجة الي يبيله علاج يعني طبيعي
لأن عندهم رسم بياني يحددون عليه نقاط
اهو طلع عدد النقاط الي عنده قريب من البداية يعني مو بالنص
بس قالتلي لو تحت البداية هذا نعتبرة يبيله علاج ورعاية خاصه والي نقاطه فوق النهاية يعني عبقري زياده عن اللزوم بس انتي ولدج بالرينج الطبيعي.. صج نازل بس مو شي موطبيعي
بس مستشفى البنك الوطني شغلهم حق بطيئي التعلم
انا ولدي مو بطيء تعلم
بس مايحط نتايج حق الشغلات الي يسويها
يعني كل شي يسويه بدون لايفكر شنو بتكون نتيجته

 

[بتبوتااا]

نداء لصافيه ,

مو ناوينن تبطلون تجميع يديد ؟

 

[OmRashed]

ام بدير .. هالمستشفى موبس حق بطىء التعلم حق كلشي

يكفينا ويكفيكم شر هالامراض ان شاءالله

مالج الا الصبر وتدعيله بالهدايه عسى ربي يستجيبلج ان شاءالله

 

[أم بدير]

المستشفى فيه استشاري نفسي؟
ام راشد انا اصبر عادي
بس المدرسة زهقوا منه كل يومين يدقون علي مسويله مشكله وشوفيله حل
كلمته بالهداوة والتفاهم ماكو فايده
قلتله بكافأه وحطيتله هدية ماكو فايده
زفيته ولعنت خيره ماكو فايده
طقيته هم ماكو فايدة
وابوه يقول ما اقدر عليه انا مايسمع كلامي

 

[هوفه]

صباح الخيرررررررررررررر

شخباركم

 

[OmRashed]

جربتي معاه العقاب بانج تحرمينه من اشياء يحبها يمكن تييب نتيجه معاه

ولدج يذكرني بعيال اختي كل يوم والثاني شكوه عليهم وهم عندي اختي عندها ولد نفس ولدج بالضبط

شيطان احنا قمنا نكره نتيمع معاها والسبه ولدها اهيا قامت تصرخ من كثر مايننها تخيلي ان يه ولدها معاها

نطلع مانقعد من شطانته الله يعين كل ام على جذبه عيال

 

[OmRashed]

هلا هوفه .. وعليكم السلام

 

[OmRashed]

up

up

 

[هوفه]

اهلين ام رشووووووود

كيف الحال

 

[ام حنونة]

السلام عليكم

 

[ام حنونة]

الله يعينج ام بدير .....ويهدي لج وليدج ...ويبلغج فيه ...

 

[OmRashed]

هلا هوفه وام حنونه .. وعليكم السلام

انا بخير ولله الحمد انتوا اشلونكم؟

 

[ام حنونة]

بخير الله يعافيج

 

[ام حنونة]

أب أب أب

 

[الرتاج29]

هلا والله بنات انا اول ومره ادخل عليكم وودي اكون عضوه وياكم ممكن

 

[OmRashed]

هلا والله بنات انا اول ومره ادخل عليكم وودي اكون عضوه وياكم ممكن

حياج الله

ام حنونه .. ان شاءالله دوم وانتي بخير

 

[مطلع الشمس@]

السلام عليكم


ومسااا الخيررر


الرتاج حياج الله بين خواتج