ديوانية سوالف حريم اللي فوق الثلاثين حياكم الله ..........

[OmRashed]

وعليكم السلام

ايامج سعيده

 

[أم بدير]

شلونج مع العيد ام راشد
انشالله مرتاحه

 

[OmRashed]

ام بدير .. رحنا عايدنا والحين انا بالياخور

 

[أم بدير]

احنا من قبل امس بالشاليهات
كل عيد اضحى نروح الشاليهات
العايلة كلها نحجز شاليهات يم بعض ونعيد هني

شلون الجو بالياخور ام راشد؟
هني حر
قصوا علبنا قالولنا برد يايبين شتوي
هذا وانا مو يايبه شتوي ثقيل بس يايبة تريننغات الي يكونون ربيعي بس كلهم جموم طويله
والمشكله البديات الي حدرهم حفر يعني مايصير نقط جاكيتاتنا توهقنا كلنا

 

[OmRashed]

والله برد شابين الدفايه وعيالنا منحكرين داخل موقادرين يلعبون بره من المطر والبرد

نفس الشي جنا قاعدين بالبيت بس فرق المكان ومتيمعين

 

[أم بدير]

يابختكم انا احب البرد
هني لو يايبين ملابس جموم قصيرة جان الجو شزينه يعني يطلع حلو براد بس المشكله يايبين كله شتوي.. لا وانا يايبه فروة احتياط خخخخخخخ
والمطر امس بنص الليل وايد بس الكل نايم
الحين بس رذاذ بين فترة وفترة
واليهال مانشوفهم الا كل فترة وفترة شوي عشان احنا قايلين لهم بعد يطلون علينا كله يتفرفرون

 

[OmRashed]

شنسوي عشان نفتك من الحنه والطلعه بالزحمه

انتي الحين وين قاعده بالشاليه ولا البيت؟

 

[أم بدير]

بالشاليه ام راشد
ووين نفتك من الحنه
الحنة لاحقتنا لي هني خخخخخخخخخخخخخ

 

[OmRashed]

عليكم بالعافيه ام بدير .. زين احنا بالياخور ماكو حنه لان ماكو شي يطلبونه ولا العاده يلعبون بره

بالالعاب والنطاطيه او البقيات او يركبون خيل وبما انه مطر فكل هالأشياء ماطلبوها

 

[أم بدير]

وناااااااااااااااااااااااااااسه اخيرا مطر
مطر مطر سنع
مبطلين البكونات ونطالع فينا فقرة مطرخخخخخخخخخخخخخ
والجو برد شوي بس هم مو برد برد
يعني ربيعي

 

[OmRashed]

ام بدير .. عليكم بالعافيه

ايه والله المطر اليوم برد قلبنا عن العام اللي ماياتنا ولا مطره وحده

 

[اثمان]

السلام عليكم


عيدكم مبارك

 

[أم بدير]

عليكم السلام
ايامج سعيده اثمان
شلون الديرة؟
مطر مثل هني والا زيادة؟

 

[OmRashed]

هلا اثمان .. وعليكم السلام وايامج سعيده

ام بدير ماعتقد المطر بالديره مثل المطر عندها :dddds:

 

[اثمان]

السلام عليكم

 

[اثمان]

ايه ام بدير وام ريرى

المطر فظيع يهبل

 

[OmRashed]

هلا اثمان .. وعليكم السلام

 

[ام حنونة]

العيد عليكم مبارك ....

الله يهنيكم بالشاليه والجاخور ....

اما المطر .....احنا الساعة 4الفجر .......خر السقف تونا مغيرين ...وتكرمون بالوعة الحوش سكرت ...والماي ما يطلع بره ...دش علينا في الممر ومنه الى الصالة ....وكله مجددينه ..راح فيها ولله الحمد ...

 

[ام حنونة]

أما اختي المسكينه نازله بيتها من سنه ..اتصلت تقول خر البيت والماي من الشبابيك يدخل عليهم ....اللهم لا اعتراض

 

[OmRashed]

هلا ام حنونه .. وعليكم السلام وايامج سعيده

والله يعوضكم