ديوانية سوالف حريم اللي فوق الثلاثين حياكم الله ..........

[ضحى الكويت]

الله يعطيج العافيه يااصافيه علي الفكره لاحلوه وخووش دواااانيه عاد انا بعرفكم علي نفسي الحين وخروااااا شوي


ام علاوي وعمري 40 وفوقهم خرده جم سنه هههههههههه

عندي عيال وصرت ماماعوده وعندي احفاد الفال لكم يارب تشوفون عيال عياال عيال عيال عيالكم
موظفه سابقا ومتقاعده حاليا ومبسطة بالبيت يعني ست بيت من الطراز الاول



الحين موضوعكم عن التجميل والا شنو بالظبط فيني قرقه بسولف هههههههههههههههههههههه

العمر كله ياااااااااااااااااارب يالصحه والعافيه يا ام علاااوى وعسي ربى يطول بعمرج على الصحه والعافيه والعفووو ياقلبى

والله انا كنت محتاجه هالدوانيه تدرون كبرت وما اقدر وايد اتمشى قلت افتح هالدوانيه واربض فيها

ونسوووووووووووووووولف ونقرق عن كل شى تبووووووووونه

موضوع التجميل انا مو ذاك الزود فيه ما اعرف شى فيه ولا احبه

وانتى مثلى انا رابضه مثلج بالبيت وحيااااااااج الله معانا نورتينا

 

[همسات ليالي]

بعد عمري صافيه انا ادرس لغةعربية متوسط

وضحكتيني رقي على سالفه وين رياييلكم

اخاف مصدقه انج عرووووووووس خليهم بحياتهم يتهنون بعيد عنا مجابلين هالتلفزيون والا الدواوين

 

[رقي]

اى رقى ما شاء الله عليهم السعوديات يهبلون وايد يعتنون مو انا معاج وغيرنااا

انا بالنسبه لى انا بيت اهلى اكلمكم

سكتي اهم شي عندهم اسعاد الريل
واحنا عندنا اتعاس الريل

 

[رقي]

انا ريلي نايم
بس انا مخاوي الليل من دوانيه لي دوانيه


الغاليه نونو شخبارج والله من زمان عنج
عيل 40 وكم خرده فوقهم
العمر كله
شصار معه ريلج ان شالله سمن علي عسل

 

[ضحى الكويت]

بعد عمري صافيه انا ادرس لغةعربية متوسط

وضحكتيني رقي على سالفه وين رياييلكم

اخاف مصدقه انج عرووووووووس خليهم بحياتهم يتهنون بعيد عنا مجابلين هالتلفزيون والا الدواوين

اى والله صدقتى كلامج مسمار بلووووووووووووح

 

[شهد_الكويت]

وسعو الملعب وزين العذاري في وصووول >>>>> ترا اتغشمر داشه بسوي جو يعني لووووووووووووول :eh_s(3):

السلام عليكم اشلونكم شخباركم

مبرووووووووووووووووك افتتاح الدوانيه اختي الغاليه صافيه :eh_s(9):

يعله منتدي عامر باهله يارب مشكوره علي الفكره الحلوه

انا شهد ويدلعوني شوشو وعمري 27 ومنفصله

ودي اتعرف عليكم كلكم

هالحلوو ما ابي ادش وايديني خاليه

تفضلووو ان شاء الله يعجبكم صنع ايديه وحيات عنيه لا صدقون ترا اتغشمر​

​

 

[*سكون*]

أقولكم .. شنو تجهيزاتكم حق رمضان سويتوا شي ؟؟

 

[رقي]

يسلمووو شهوده عندج بيببيات

 

[رقي]

احنا الخدم لفو سمبوسك
ووصينه وحده علي كبب
ويلبتهم لنا
وبس

 

[ضحى الكويت]

وسعوو الملعب وزين العذارى في وصوول >>>>>> ترا اتغشمر بسوي جو يعني لوووووووووووووووووووول

السلام عليكم اشلونكم شخباركم

مبرووووووووووووووووك افتتاح الدوانيه اختي الغاليه صافيه

يعله منتدي عامر باهله يارب مشكوره علي الفكره الحلوه

انا شهد ويدلعوني شوشو وعمري 27 ومنفصله

ودي اتعرف عليكم كلكم ويبت لكم معاي هالحلوو ما ابي ادش وايديني خاليه

تفضلووو ان شاء الله يعجبكم صنع ايديه وحيات عنيه لا صدقون ترا اتغشمر

​

وسعنااااااااااااااااااااااااااااااااا يالله تعالى وحياج الله معانا

وعليكم السلام ورحمه الله وبركاته الله يبارك فيج اختى شهد والعمر كله يارب انا بخير عساج بخير انتى الاخبار كله مجابلين هالنت ونقراا ونتصفح اعيوناا عمت وتعبنا ودخنا والنومه انعفست فوق تحت الله المستعان

حياج الله ومشكوره وايد وايد على الحلووو وتسلم ايدج قبل ما اشوفه

على فكره صوره ترى مو طالعه لو تعيدينه علشان اشوفه شوقتينى وناطرتج

 

[همسات ليالي]

يا حلوووووووو سوالفكم بس شكلي نعساااانه

تصبحووووون على خير

ومتابعتكم باااااجر باذن الله

 

[ضحى الكويت]

سكون انا اللى سويته الحين جهزت ملاابس المدارس والعيد بعد بكامل الاحتياجات وبالنسبه لرمضان سويت 6دراعات عن الخياط ليلحين ما اطلعوووا

وشريت مواعين لرمضان وحطيتهم للبنات بالمنتدى بقسم صور مشترياتنا

بالنسبه للكبه والسنبوسه ما سويت شى الاكل ما فكرت فيه ليلحين

فكرت اشترى ماى زمزم للمساجدوفكرت افطر صيام برمضان معنى انا اصوم بس نبى الاجر

لكن الاكل بالنسبه لبيتى عادى جدااا

 

[ضحى الكويت]

همسات الليالى وانتى من اهل الخير ولا تخلينا طلى علينااا نوم العافيه يا قلبى

 

[ضحى الكويت]

وينكم بنااااااااااااااااااااااات وين رحتوا دختوااا وياكم النووووووووووم

انا ما راح انام الا بعد صلاة الفجر ان شاء الله

 

[شهد_الكويت]

رقي يسلمووو شهوده عندج بيببيات

الله يسلمج يارب لا والله ما عندي يا قلبي والحمد لله اني انفصلت وما عندي يهال ​

هلا وغلالا صافيه شنسوي يا اختي ما عندنا الا هالكمبيوتر مونسنا نسولف ونتعرف ونستفيد ما قلتيلي اشرايج بالكيكه

وينكم بنات​

 

[ضحى الكويت]

الله يسلمج يارب لا والله ما عندي يا قلبي والحمد لله اني انفصلت وما عندي يهال ​

هلا وغلالا صافيه شنسوي يا اختي ما عندنا الا هالكمبيوتر مونسنا نسولف ونتعرف ونستفيد ما قلتيلي اشرايج بالكيكه

وينكم بنات​

هلاا فيج يا قلبى انتى ومشكوره وايد على الكيكه وان شاء الله نردها لج بالافراح ما قصرتى احرجتينى خوووووووووووووووش كيكه لذيذه يم يم يم

اى والله اهوا اللى مونسنا ونسولف ونقرق فيه الله يخليه لنا

 

[رقي]

شهوده الله يرزقج بللي احسن منه
والحمدلله ماعندج عيال
المنفصله مع عيالها
يصيرون عظم بالبلعوم


انا بعد صافيه بصلي وعقب انام

 

[*سكون*]

عليج بالعافيه حبيبتي صافيه

ملابس المدرسه شريت بس ناقصني جم شغله والعيد كلش ما شريت وما سويت لا اكل ولا شريت مواعين كسلانه صح ؟؟

وحبيبتي شهد احنا اهني كلنا خواتج

 

[رقي]

صافيه ماشلله زين 6 دراريع ملبوس العافيه
وين سويتيهم

 

[رقي]

انا شريت حق العيد بس بقا وايد
والمدارس قاعدين نلقط