ديوانية سوالف حريم اللي فوق الثلاثين حياكم الله ..........

[*سكون*]

هالسنه كل المناسبات مع بعض ما شا الله

الله يعينا

 

[ضحى الكويت]

*سكون* عليج بالعافيه حبيبتي صافيه

ملابس المدرسه شريت بس ناقصني جم شغله والعيد كلش ما شريت وما سويت لا اكل ولا شريت مواعين كسلانه صح ؟؟

وحبيبتي شهد احنا اهني كلنا خواتج

الله يعافيج يا قلبى اى والله انتى كسلانه الناس خلصت كل شى بالله عليج شناطره شمرى اذراعج وتوجهى للسوق يالله لا تنطرين الايام قاعده تروح خلصى افتكى من الزحمه

انا سويت جذيه علشان اتفرق للصلاه والقران والمسجد برمضان كل الاشهر لاهين هالشهر خلونا اشوى نركز على الصلاه والقران هذا اللى بينفعنا يا بنات

رقي صافيه ماشلله زين 6 دراريع ملبوس العافيه
وين سويتيهم

الله يعافيج ويخليج يارب سويتهم يا محبوبه السلامه بالفروانيه خياط ابراج التحرير محد ما يعرفه احب اسوى من عندهم بس نواعم ما احب الخبه

رقي انا شريت حق العيد بس بقا وايد
والمدارس قاعدين نلقط

لقطى شدى حيلج ما بقى شى

 

[ضحى الكويت]

سكون اى والله وايد مناسبات مع بعض المدارس والعيد وارمضان والقرقيعان وايد وايد الله يعينا افلوسنا خلصت بهالسووووووووووووووق

 

[*سكون*]

شسوي صافيه حق العيد بنتي مو راضيه تقول اخاف تشترين شي واحد يلبسه قبل العيد قلت قبل رمضان باسبوع جذي بروح السوق

وبصراحه الأيام اللي طافت كنت مشغوله بتغليف السكر لاني بنزل معرض الاسبوع الياي انتوا اول ناس اقولهم بالمنتدى

وباجر بروح اكمل اغراض المدرسه وبشوف اذا منزلين شي حلو للعيد بشتري بدون تردد

صاجه والله برمضان ما يمدي نبي نتفرغ ونتعبد ونصلي .. الله يبلغنا رمضان

 

[ضحى الكويت]

سكون انا شريت لبنتى عمرها 6 واشوا ما تشرط على كل شى اسوى واشتري لها ما تقول شى حتى لمن اكون معاها بالمحل اقولها شنو تبين اختارى تقولى انتى احلى اختاريلى انا صغيره ما اعرف

والله يوفقج ان شاء الله ياربى بالمعرض ومشكوره على المعلومه وديوانيتى اول مكان تعلنين فيه عن معرض :eh_s(9):

وانا انصحج تخلصين بالمره احسن وانتى اللى بترتاحين

وينكم باجى البنات :eh_s(13):

 

[*سكون*]

الله كريم ويقدرني بهاليومين واخلص اغراضهم .. وعسا ديوانيج دووم عامره

 

[*سكون*]

ما فيه الا انا وانتي هههههههههه ننطر يأذن ونصلي وبعدين ننام

 

[ضحى الكويت]

مشكوره يا قلبى عامره فيكم يارب والله يخليكم لى لولاكم ما قعدنا ولا سولفنا ولا تعرفنا على بعض

والله يا سكون شوفى انا صارلى وايد بالمنتدى بس والله اول مره اتعرف عليج علشان جذي فكرت افتح هالديوانيه

وعلى فكره هالديوانيه كانت موجوده بس سكروها بقسم سوالف وفرفشه علشان فى ديوانيتن اهناك

وكنا وايد نتيمع فيها احنا اللى فوق الثلاثين وكل يوم نتعرف على بعض اكثر ونفقد بعض

وحسافا راحت ومن راحت وانا ضايعه

والحمد الله فتحتها اهنى بهالقسم ويارب يثبتونها لنا يارب

 

[*سكون*]

اللهم آمين .. والله احنا صج محتاجين نسولف ونتكلم ونستفيد من بعض

 

[*سكون*]

صافيه لاحظي رقم مشاركاتي ومشاركاتج .. صدفه غريبه بس الفرق 1000 ههههههههه

 

[ضحى الكويت]

ما شاء الله عليج اشلون لاحظتى عاد تدرين انا ما انتبه كلش للارقام المشاركات ولا اشوفهم

اى انتى نفسى بس انا سابقتج بواااااااااااااااااااااايد لوووول

 

[*سكون*]

هههههههههههههههههه بس غريبه صح

 

[ضحى الكويت]

اى والله صاجه غريبه قلبى على قلبج

 

[*سكون*]

صافيه حبيبتي انا استاذن تصبحين على خيييييير

اشوفكم باجر بس لا تفتحين الدوانيه مبجر هههههههههه

مع السلاااااااااامه

 

[ضحى الكويت]

وانتى من اهل الخير يا قلبى نومت العافيه

على خير ان شاء الله ان الله احيانا يا قلبى

الديوانيه ان شاء الله ما راح تبطل امبجر الا بوقت المدارس

والوقت اللى احنا فيه الحين انام ورا صلاه الفجر وين تبينا نبطلها مبجر ما ظنتى


تشرفت بمعرفتج يا سكون

 

[*سكون*]

وانا اكثر حبيبتي صافيه .. كلج ذووووووق

 

[أحب ترابها]

مبروك الدوانيه ...وانا في بداية الثلاثينات..34 (المهم ماتعديت الخمسه وثلاثين وصرت بنهاية الثلاثينات) ام لست اطفال اكبرهم بالمتوسطه
بشوف وين وصلتم واشارك

 

[ضحى الكويت]

مبروك الدوانيه ...وانا في بداية الثلاثينات..34 (المهم ماتعديت الخمسه وثلاثين وصرت بنهاية الثلاثينات) ام لست اطفال اكبرهم بالمتوسطه
بشوف وين وصلتم واشارك

الله يبارك فيج يا قلبى والعمر كله يارب لج والله يخليج لعيالج والله يخليهم لج واتشوفين اعيال اعيالهم يارب بالصحه والعافيه

انا شفتج من اليوم موجوده وساكته قلت بقلبى اكيد قاعده تقرااا لمشاركات اللى طافتها

المهم حياج الله معانا ونورتيناااا:eh_s(9):

 

[ضحى الكويت]

بنات انا استأن واشوفكم على خير ان شاء الله بروح اصلى الفجر واقرالى ما يتيسر لى من القران الكريم واحط راسى وانام اشوفكم باجر

اتوقع ان شاء الله اقوم الظهر علشان صلاة الظهر ما تطوفنى وراح اشبك واييييييييييكم واشووووووووووفكم شتسووووووووون ههههههههههه

مع السلامه وراح اشتاقلكم

 

[*me*]

مبروووووووووووك افتتاح الديوانيه
مابقالي شئ وأدش الثلاثين ((يا ويلي من التلاتييييييييين))
متزوجه من 6 سنين بس للحين الله سبحانه وتعالى مارزقني عيال.
عفيه إدعولي إنه رب العالمين يرزقني بالذريه الصالحه انا وكل بنات تجمع الأمل عاجلا غير آجلا قولوا آميييييييييييييييييييييييييييييييييييييييييييييييييييييين