ديوانية سوالف حريم اللي فوق الثلاثين حياكم الله ..........

[نيرة الذهب]

آميييييييييييييييييييييييييين
السلام عليكوووووو
انا النيرة ( نيرة الذهب هههههه )
عمري ثلاثين سنة وعندي ولدين وبنت
واليوم سهرانه مع بنتي الصغيرة لان بطنها كله غازات اهئ اهئ
وامس وقبل امس مع ولدي الوسطي كان فيه حرارة عالية
وقبلهم ولدي الكبير كان بعد مصخن
خوش سهرة صح
وصج ابو العيال حايشه نفس مرضهم وحده تعبان
واقوله شكلي بلحقكم يقولي لا لا لما نصير زينين صيري مريضة
اشرايكم بعطلتي حلوة صح ههههه
وياليت تتكلمون عن غزات اللي تحوش البيبيات الصغار وشنو احسن علااااااااااااااج تكفووووووووووون

 

[نيرة الذهب]

غزات = غازات
وجب التنويه

 

[سما الكويت]

مبروك افتتاح الديوانيه وان شاء الله اكون عضوه دايمه فيها..

سما الكويت..العمر31 وشهر..عندى 3 عيال الله يخليهم لى ان شاء الله ..ربة بيت..وموبالكويت..

النيره الله يعافيلج عيالج وابوهم وكنت اتمنى افيدج بس انا اوديهم الطبيب وأخذ العلاج اللى يقول عليه..وبس..

me.. امين يا الغاليه الله يرزقج ويرزق كل محرومه..ويهون على كل حامل..ان شاء الله..

 

[شهد_الكويت]

مي اميييييين يارب يرزقج بالذريه صالحه يا قلبي وكل البنات الي ما حملو

رقي امين انشاء الله اي الله يحبني اني ما يبت منه عيال

سكون تسلمين يا عمري الله لا يحرمني منكم خوات وغالين علي

 

[شهد_الكويت]

صبحكم الله بالخير

اشلونكم شخباركم

 

[*ستايل*]

صباح الخير ياحلوين وانا بنضم لكم عمرى 30 سنه وعندى ثلاث بنوتات
بس شكل الكل نايم هههههههه وانا معدله نومتى صارلى جم يوم ارتحت جذى ابرك من السهر

 

[مهاوي البحرين]

خلني اشارك وياكم واسولف

معاكم مهاوي من البحرين

عمري 31

موظفه

عندي ولد ربي يحفظه

 

[امراة من زمن الحب]

انا بعد شهور يصير عمري ثلاثين
متزوجه وموظفه وعندي بنتين

 

[سبائك]

ماشاءالله ماشاءالله الدوانيه عاااااااااااااااااامره تبارك الرحمن

صافيه شرايج مو مكانها هني احسن


بالنسبه لي آنا لاحظت شغله كانت وحده قايله لي عنها بس الحين لاحظتها على نفسي

من تعديت الثلاثين بديت أسمن مع ان أكلي هذا اهو ما تغير!!!!!!

عاد اهي قالت لي ان من بعد الثلاثين يقل مستوى الايض بالجسم(يعني يقل حرق السعرات الحراريه)

علشان جذي تبتدي الوحده تسمن ديروا بالكم

 

[مهاوي البحرين]

هلا سبائك

مشكوره على هالمعلومه

خلنا انحط بالنا من الاكل والحين احنا على شهر رمضان وخبرج هالحلويات والطبخات

الله يستر جان ما يزيد الوزن

 

[سبائك]

يقولج يا مهاوي بعد لازم تسوين رياضه علشان تساعدين جسمج على حرق السعرات

واحنا الله خير مبلطين وقاعدين ماكو حركه للأسف

 

[أحب ترابها]

صافيه مشكوره يا الغاليه علي الترحيب والدعاوي الطيبه وفعلا متابعه وياكم .
ماشاء الله كل شي سولفتم فيه بالنسبه للعيد والمداررس شريت بس باقي القرطاسيه وتكرمون الجواتي
اما رمضان الله يعوده علينا وعليكم بالخير ماسوت شي بفصل دراعتين انا قليلة الطلعات برمضان

 

[سبائك]

احب ترابها بالنسبه للقرطاسيه عندج مكتبات وزارة التربيه(القديمه) الي في الديره بجانب البلوكات

يبيعون بسعر الجمله وكل شي فيهم

 

[OmRashed]

ام راشد يعني جم اكثر سنه؟؟ فيه سنه ؟؟؟

والله اختي يكفينا الشر اجمعين ويشافي الكل ان شالله
بس اللي اعرفه حسب نوع المرض وفي ناس يقعدون سنه واكثر
في واحد يارنا ورفيج ريلي قعد اكثر من سنه هم بامريكا لان فيه
المرض الشين هم كافينا الشر ان شالله

انتي لاتحاتين اللي الله كاتبه لج بيصير وكلشي قسمه ونصيب
والله يسهل امورج ان شالله ( وعسى ان تكرهوا شيئا وهو خيرا لكم )

 

[OmRashed]

حياج الله يا ام راشد وعسى ربى يتمم عليج والعمر كله ان شاء الله

وعسى ربى يخليهم لج ويتربون بعزج

وحياج الله معانا يا قلبى

الله يحييج ومشكوره واجمعين ان شالله ويخليلج عيالج ويتربون بعزج ويعطيج
طولة العمر وتفرحين فيهم وتشوفين عيالهم ان شالله

 

[OmRashed]

أقولكم .. شنو تجهيزاتكم حق رمضان سويتوا شي ؟؟

والله انا ماجهزت ولا سويت شي حق رمضان

 

[OmRashed]

الله يسلمج يارب لا والله ما عندي يا قلبي والحمد لله اني انفصلت وما عندي يهال ​

هلا وغلالا صافيه شنسوي يا اختي ما عندنا الا هالكمبيوتر مونسنا نسولف ونتعرف ونستفيد ما قلتيلي اشرايج بالكيكه

وينكم بنات​

اشوه انج انفصلتي وماعندج يهال احسن بس عسى ربي يرزقج بالزوج الصالح
ان شالله ويرزقج منه عيال هم صالحين

ومشكوره على الكيكه بس ييبيلنى المره اليايه كيكة كاكاو :eh_s(3):

 

[OmRashed]

احب ترابها بالنسبه للقرطاسيه عندج مكتبات وزارة التربيه(القديمه) الي في الديره بجانب البلوكات

يبيعون بسعر الجمله وكل شي فيهم

انزين عسى بس بضاعتهم حلوه ويديده ماهي قديمه ولازم نشتري
منهم بالجمله ولا اي كميه نبي؟

 

[الدنـ نور ـيا]

السلام عليكم آنا عمري 33 متزوجة وعندي بنوتة حلوة الله يحفظها ويحفظ أبناء المسلمين ويرزق كل محروم مديرة بإحدى وزارات الدولة الخدمية أحبالعمل التطوعي والإجتماعي اللي فيه طابع إنساني وخيري متطوعة بالعمل الخيري وذكركم هاليومين بإفطار الصائم وسلامتكم .

 

[*ستايل*]

سبائك شكل الدراسه اللى تقولين عنها ميه ميه

وانا اقول من كملت الثلاثين زايده ثلاث كيلوات الله يستر بس
حدى ضايق خلقى منهم

لالا لازم نشوفلنا صرفه