ديوانية شموسه ورينبو...الي ولادتها بالصيف تتفضل تقرق معانا

[rainbow_brite]

شلونكم حوامل؟؟؟؟؟؟؟:eh_s(8): :eh_s(8):
انا اليوم ضايق خلقي بالمره..ونفسيتى تعبانه..ولدي عمره 6سنوات..
صار له سنتين يلبس نظارة لان فيه حول وضعف نظر واول ما راجعنا قالت
الدكتورة ان شاء الله يتحسن وبصراحة انا اشوف ان الحول ما قاعد يتحسن
ومنقهرة ومرتفع ضغطي...وزوجي بس يهدي فينى..:eh_s(14): :eh_s(14): وناويه اروح انا وزوجي نستشير اخصائي عيون ياليت اللى تعرف اخصائي زين تقولي..في ناس يمدحون مبارك العجمي..
ادري طولت عليكم بقرقتى بس والله صار لي كم يوم حالتى حاله..

الله يشافيه انشا الله والله ما عرف عن دكاترة العيون المتخصصين اعرف واحد اسمه عبد الله منصور او ما ادري بالضبط شنو اسمه ويقولون زين وما اقدر افيدج اكثر من جذيه بس لا يضيق خلقج انشا الله الحول يتحسن ويصير زين

 

[rainbow_brite]

صباح الخير على كل الحوامل......:eh_s(17):

على طاري مذركير ....رحت لة ونسيت نفسي إني حامل وشريت هدايا حق ثنتين والدين وعقب ماطلعت تذكرت نفسي وتحسفت إني ماشريت ....

وبالنسبة للغيرة لا بد منها ....أنا بنتي غيورة بشكل موطبيعي حتى أبوي ماتبي أحد من عيال خواتي يقعدون بحضنة مع إن عمرها 3 سنين أمس ماكلت غداها لأنها شافت بنت أختي تشرب حليب بالممية وتسلطت علي إلا تبي حليب بالممية ....مادري شلون بيصير الوضع لم تشوف إختها شكلها بتشاركها كل شي وبترد بيبي....

اي عاد اذا تبين شي لحقي عليه لان المقاسات بسرعه اتخلص والله يعين عالغيره اصلا انا يوم ولدت كان ولدي الكبير قاطع المميات والبامبرز واسم الله عليه كان ما يبول على عمره تكرمون اتصدقون من ولدت وصار عنده اخو قام كله يسويها على عمره ويبي مميه ومصاص واتخيلو قام يتأتأ اخترعنا وودينا طبيب اثاري اعراض غيره وان شي طبيعي وفتره والحمد الله هدا شوي بس وايد ضعف رفيجاتي اللي بالدوام يوم شافو بالنفاس اخترعو صار يخرع من الضعف عيونه صارو شكبرهم مع ان اتصدقين يحب اخو وما كان لا يطقه ولا يقرصه ولا يسوي السوالف اللي اسمعهم يسوونها

 

[rainbow_brite]

مادري وين شموسه واوشال

 

[donat]

رينبو حبيبتي
انا عن خبرة مذر كير و مارك سبنسر اجود شي صراحة الخام ما يتأثر بالغسيل و المقاسات مضبوطة
و انا اللي احبهم بس مو حق مولود حق اكبر شوي يعني 6 او 7 اشهر و طالع هذول البجامات القطعتين اللي يصيرون 2 مع بعض كانوا ب 9.5 و الحين ب 5.250 امس اخذت منهم حق بنتي عمرها سنة وتسع اشهر هذول احسن وما يختربون بالغسيل و الوانهم ثابته اللي عند لاند مارك موشي بس منظر و غسله غسلتين يمولحون ويصيرون جنهم قديمين.

 

[د.شريفة]

والله شوقتوني بنات على تنزيلات ماذركير المشكلة اني شريت اغراضي وجهزت حق البيبي وحتى وليدي خذيت لها تيشيرتات وبنطرونات والله توني ماخذه سألتهم الاسبوع اللي طاف متى التنزيلات قالولي ماندري متى

بس يمكن امر كان بخاطري شغلات حق البيبي حلوه استغليتها يمكن عليها تنزيلات الحين اشتريها بمر وبشووف حق الخساير

انا بقالي اغراضي الخاصة للنفاس الكفر والملابس والقمصان والبجامات والله مادري متى اروح

انتوا شخباركم
شلون بنوتج شموسه احسن الحين ان شاء الله
طلعوا ضروسها والا بعد

رينبو شخبارج بخير ان شاءالله
وبنات كلكم شلونكم زينين ان شا ءالله شلون البيبيات

دونات اشتري الشغلات مثل الملابس الداخليه التبانات الافورولات

 

[rainbow_brite]

رينبو حبيبتي
انا عن خبرة مذر كير و مارك سبنسر اجود شي صراحة الخام ما يتأثر بالغسيل و المقاسات مضبوطة
و انا اللي احبهم بس مو حق مولود حق اكبر شوي يعني 6 او 7 اشهر و طالع هذول البجامات القطعتين اللي يصيرون 2 مع بعض كانوا ب 9.5 و الحين ب 5.250 امس اخذت منهم حق بنتي عمرها سنة وتسع اشهر هذول احسن وما يختربون بالغسيل و الوانهم ثابته اللي عند لاند مارك موشي بس منظر و غسله غسلتين يمولحون ويصيرون جنهم قديمين.

مو انا سالتج عشان ادري صار عندج خبره انا خذيت بس طقم واحد من لاند مارك والباجي كله مذر كير وانشا الله بمر مارك سبنسر اشوف وايد يمدحونهم


دونات ترا بنتج الصغيره كبر ولدي الحين عمره سنه وتسع شهور

اهو مواليد 13 -7- 2005

 

[rainbow_brite]

شروفه ترا مذر كير تنزيلاتهم فجاه انا سالت اللي تبيع قتلها شلون جذي كل ما اروح اسالهم متى التنزيلات لوعت جبدهم تقول احنا تفاجانا بس اذا جهزتي حق البيبي لا تكثرين لان نفاس وبسرعه يكبر البيبي

اتصدقين انا عكسج تلاقيني اجهز حق النفاس قبل البيبي يعني اغراضي تلقيني اخلصها قبل


خل اقولج مكان حلو يبيعون دراريع النفاس مع نعول تكرمين نفس لون الدراعه مجمع السندس بالسرداب محل يم الكافتيريا اسمه كادوه والله انا ارتاحله دراريعها زينه الحين نفاسين كله اشتري منهم واسعارهم زينه بعد روحي يمكن يعجبج

 

[rainbow_brite]

اقول بنات قولو انشا الله تنفج ازمة الدياي قبل ما نولد شناكل بالنفاس لا دياي ولا بيض

 

[donat]

رينبو
انا بنتي مواليد 15-6-2005
بس بغيت اسالج وين صاير مجمع السندس؟ اي منطقة؟

 

[جاكليت]

هلا والله اشلونكم حوامل
اتصدقون ليلحين ما جهزت ولااااااا شي
ذكروني شنوأجهز ترى ناسسسسسسسسيه الحين فوق الخمس سنين ماادري شالسالفه بصراحه ؟؟
لي متى تنزيلات مذركير..؟

 

[ذكريات]

شلونكم بنات ؟؟

رينبو يمكن اوشال عندها امتحانات .. لان وقت امتحانات الحين

 

[د.شريفة]

هلا والله رينبو
اي اعرفه المحل مريته عند شغلات حلوه والله وراقيه واسعاره احلى واحلى
بمره ان شا ءالله واخذلي جم قميص للنفاس
مريته ذاك قبل فتره شفت شغلاته وعجبتني وقلت ان شاءالله اذا حان وقت التجهيز بمره
وحاطته في بالي والان حان وقت التجهيز بس ان شاءالله بنطر لي المعاش هالمعاش للبيبي والمعاش الياي لي ان شاءالله
والمعاش اللي بعده للمستشفى هاهاهاي

دونات السندس بحولي قبال مجمع الايوب
يم بلازا حولي
ان شاء الله عرفتيه الحين

شموسه شخبارج عسى المانع خير وينج ماتبينين
خلينا نسمع اخبارج حبيبتي

 

[donat]

اي عرفته قبال الايوب صح؟ بينهم شارع

 

[rainbow_brite]

جاكليت انا بعد شوي بنام بس انشا الله باذن الله باجر بكتبلج قائمة حق البيبي وحقج


دونات مكانه مثل ما قالت شروفه الله يخليلج بنتج انشا الله


ذكريات الله يعين اوشال مسكينه حمال وامتحانات وعندها بنوته صغيره


شروفه يالله الشهر الياي حقج جهزيلج عشان بعد راح تثقلين ترا انا من الحين حاطتلي جنطه وقاعد اجهز ما ادري شفيني مستعيله على عمري

شموسه وينج ما بينتي هاليومين عسى المانع خير

 

[بنت النوخذة]

هلووووووووووو

حوامل شلونكم شخباركم شدنيا فيكم أقوووول بنوتات

أبي قمصان نوم حق المستشفى ذربين إلي فيهم شك شوي

 

[rainbow_brite]

بنت النوخذه انا قلت حق البنات عن محل كادوه اللي بالسندس عندها سوالف ناعمه وفي سوالف فيها شك خفيف وناعم بس الشك مو واضح ولا دفش مريها يمكن يعجبج والله انا كله اخذ منهم وما اعرف اذا في مكان ثاني والطاهر وانور بصراحه قمصانهم وايد غاليه

 

[rainbow_brite]

بنت النوخذه انا ترا بالبيت الحين اليوم خذيت مرضيه ما رحت الدوام متمغطه بالبيت وناسه شكلج بالبيت صح

 

[rainbow_brite]

يالله اليوم بكتبلكم الاشياء اللي تحتاجونها حق النفاس وبنات ياريت اتذكروني بالاشياء اللي اكون ناسيتها وعشان جوكليته ناسيه وايد سوالف انذكرها


ترا هالاغراض اهي نفسها اللي اتحطونها بجنطه المستشفى كل وحده على حسب حاجتها او المده اللي راح اتم في المستشفى وطبعا حسب المستشفى لان في مستشفيات توفر وايد اشياء انا عن نفسي اولد بالصباح فاحسب حسابي بكل شي حتى الصابون اللي بالحمام تكرمون اوديه معاي


يالله نبتدي


_ راح تحتاجين 3- 4 قمصان نوم للمستشفى للاستقبال ولازم اتراعين انهم مفتوحين بزراير عشان الرضاعه بعض القمصان نوم ايون فيهم فتحات حق الرضاعه بس انا ما احبهم افضل الازرارات وانا اخذهم من محل اسمه كادوه بالسندس بالسرداب امبيه شفيني جني سويت دعايه وايد حق المحل خخخخ وآخذ منهم بعد تكرمون نعال حق المستشفى يكون نفس لون الدراريع


_ اربع بجايم نوم انا بصراحه اخذ دراريع قطن من فاشن مل مفتوحين صوب الصدر بزراير ونص جم مريحين حق النوم بس في ناس تفضل بجايم بنطرونات اللي يريحكم بس لازم يكون مفتوح صوب الصدر عشان الرضاعه


_ 4 ستيانات على الاقل ملوت الرضاعه قطن واخذي مقاس اكبر من مقاسج قبل الحمل بس لازم يكونون مريحين ونفس الوقت شادين انا اخذ هم من مذر كير ايون اثنين مع بعض وسعرهم عشر دنانير بس انا وايد ارتاحلهم ولا تنسون قطن حق الحليب اللي تستخدمونهم مره وحده وتقطونهم انا استخدم ماركة بيجون وفي ماركه جونسون وشيكو انتو اخذو اللي يريحكم ولا تنسون كريم مرطب حق الصدر انا استخدم كريم اسمه بيبانثين اخذه من الصيدليه وفي كريم يبيعونه بسنتر بوينت لنفس الغرض


_ 3 شلحات على الاقل اللي ايون من غير ستيان انا اخذ خام الستان اخر نفاس خذيتهم من سوق الجميع وهذول البسهم تحت قمصان النوم ملوت النفاس لان اغلبهم يشفون


_ اندر وير قطن انا اخذهم سوري قطن 100% واخذ مقاس ضيج عشان يشد ويريح على الاقل تحتاجين 2 و شورت قطن وضيج عشان الفوط الصحيه ما تتحرك يمين وشمال هم 2 ولا تنسون صراوبل داخليه على الاقل 6 -7 وراح تحتاجون دلاغات عشان ادفون ريولكم ولا تقولون صيف وحر لان نفاس لازم وحده ادير بالها من الهوا عشان ما يدخل بالعظام وبالجسم


_ راح تحتاجون 1-2 ملفع حق المستشفى في ناس ما تلبس ملفع بس طبعا عشان ساعات الدكتور يمر الصبح او رياييل من اهلكم وهم حق طلعتج من المستشفى ولا تنسون بنات عبايه حق طلعتج من المستشفى وامطة واللي متنقبات لا تنسون اتحطون نقاب بالجنطه وراعو ان يكون الملفع مو من النوع اللي بسرعه يتعفس


_ والقائمة هذي حق جنطة المستشفى ضروريه

( فوطه ويفضل انها تكون غامجه وحده حق السباحه ووحده حق الويه صغيره في ناس ما تتسبح بس انا اغسل جسمي عقب الولاده بالفوطه من غير ما اخذ دوش - فوط صحيه -شامبو - صابون ايد - كريم مرطب - زبده كاكاو - معجون اسناس - فرشاة اسنان - مشط - شبابيص - مشابك للشعر - قوطي كلينكس - نعال حق الحمام عزكم الله - مناديل ديتول المعقمة - جياس فاظيه حق الهدوم الوسخه - نوته تسجلين فيها رقم الغرفه ومن هالسوالف حق البوم البيبي -قلم - مكياج خفيف حق اللي اتحب اتحط - فلوس خرده بونص وبو دينار احتياط - شاحن تلفون - كاميرا )


_ لعبه ايحبها البيبي اللي قبل اتحطينها في جنطة الولاده وتقولينله انها من اخوه


_ طقم كفر حق المستشفى


بنات يا ريت اذا انا ناسيه شي اتذكروني واتمنالكم ولاده سهله واتمنى الله يرزقكم الذريه الصالحه

 

[love love]

راكب راسي سؤال والا ابي اعرفه ومحد راضي يجاوب ابيكم اتجاوبون وبكرره بكل مكان شنو يعني يوم الاباضه فششششششششله مااعرف يعني شنو

 

[rainbow_brite]

انشا الله اذا فضيت بالليل اكتب قائمة حق اغراض البيبي

شموسه طولتي علينا ومو عوايدج انشا الله ماكو الا الخير