ديوانية شموسه ورينبو...الي ولادتها بالصيف تتفضل تقرق معانا

[شمس و قمر]

بنات صباح الخير انا بالدوام واليوم صايره خوش موظفه مداومه وطالبه ريوق حدي يوعانه بطاط شبس وكرواسون جبن وطماط اتفضلو معاي عالريوق

بالعافيه انشالله مطرح مايسري يمري

شموسه انا جذي مع ريلي ساعات اكون حاطه في بالي مكان ابي اروحه مكان معين وادري ان اهو ما له خلق فاسوي فيلم واكشن ان ظايق خلقي وغلقه وفيني ظيقه بس تعال ابي اطلع مخنوقه خخخخخخ مع اظافة بعض التاثيرات الجانبيه وبس اركب السياره يقولي انزين الحين وين تبين تروحين اقوله انا بس ابي افتر بالسياره وشوي شوي تلقيني اقوله روح مني ومناك واحس مع الوقت قام ما يعطيني ويه عرف حركاتي

وبصراحه في اشكال يبيلها طق خخخخخخ يمكن الحبيبه تبي تروح وعرس وقالت دام انها كاشخه مره وحده اتروح الفينيوس خخخخ

هههههههههههههه اثاري موبس انا الي عندي حركات نص كم وافلام اكشن ودراما وخيال علمي اذا استلزم الامر ههههههه

خخخخخخخخ استغفر الله خذيت ذنبها بس بصراحه شكلها غريب:eh_s(14):

بنات انا لاحظت شغله ما ادري انتو ملاحظينها معاي لان صارت معاي بكل حملاتي من قبل


انتو تعرفون ظاهرة الخز لم وحده تكون مع ريلها وصار شي عادي تعودنا مع الوقت بس انا يوم احمل تصير معاي ظاهره يديده واهي خز البطن اتخيلو هذاك اليوم وانا امشي والا وحده اتخز ريلي ذيك الخزه وبعدها خزت بطني خزه وما شالت عينها الا لم طافت من جدامي وحتى مره يوم كنت حامل بولدي اللي قبل وحده من كثر ما خزت بطني ريلي انتبه حتى قالي شفيها اطالع بطنج ولازم قبلها اتشوف الريل بس ما ادري اهي ظاهره طبيعيه والا الظاهر ان كرشتي ملفته للنظر خخخخخخخ

:eh_s(10): :eh_s(10):

اثاري مو بس انا!!!

والله دايم يصيرلي جذي

واستغرب... اقول بخاطري شنو قصدها لمن اطالع زوجي اول!! ههههههه تفكيرها قليل ادب:eh_s(4):

بنات حدي محتره من الدوام برد لكم بعد شوي

اسم الله عليج من الحره......... ان شالله عدوينج

 

[شمس و قمر]

شلونكم حوامل كلكم...:eh_s(8):

شموسة .. هلا فيج وماتشوفين شر إن شاللة ... ترى كلنا على هالحال ه\ا وأنا عندي بنت وحدة بس مطلعة عيني وهم بدون خدامة نفسيتي صايرة X
بس مانقول إلا الحمدللة على كل حال وهذي سنة الحياة.... بالنسبة للافينيوز رحتلة بيوم الافتتاح فما لحقت أشوف أشكال غريبة بس هالاشكال لابدمنهم ومانقول إلا سترك يارب.

أم عبدالعزيز و أم فيونة .... حياكم اللة بالديوانية :eh_s(7):

أوشال.... أنا بعد أستحرم أراجع عند دكتور دكتورة وفشلة بس لوماإني مظطرة بس وايد أعرف بنات ماترتاح إلا عند دكتور وأنا حاليا أراجع عند دلال السالم بس خايفة أولد عندها وايد سمعت إن عندها أخطاء بالولادة ومرات أقول كل دكتور ممكن يغلط لأنهم بالنهاية بشر مو معصومين عن الغلط بس الوحدة قاطة فلوسها تبي شي مضمون واللة يسهل والة محتارة منو بولد عندها إهي ولا فوزية القطان ... بالنسبة للتجهيز بديت أجهز وخلصت كفري مع شغلة كامل من قميص نوم وسلبر ولفة البيبي والمفارش والزبالة وإنتي بكرامة سويتهم عند الاقتصاد المنزلي وطلع روعه وناوية أخلص باقي الاشياء قبل الثامن واللة يسهل أنشاللة وتجهيز البيبي عندي أشياء جديدة ملوت بنتي وبشتري كم شغلة بعد...

ياقلبي ام شيوخ
الله يعينا الظاهر اخرتنا بمستشفى الاعصاب:eh_s(14):

دلال السالم حليوه بس مادري عن ولادتها

فوزيه القطان لهلوبه وشاطره بس عيبها عندها العمليه مثل شربة الماي

يعني توصل متاخره وبالاخير تقول لاالبيبي تعبان لازم عمليه

صارت لثنتين مننا:eh_s(1):

ماشالله بكم سويتي الطقم.......ووين مكان الاقتصاد المنزلي؟؟

 

[شمس و قمر]

شلونكم حوامل... والله مشتاقه لكم..:eh_s(7): :eh_s(7):
شلونج شموسه..واوشال..ورينبو..وكل البنات..
انا صار لي اسبوعين تعبانه وما اقدر اقعد احس الثقل كله تحت..
واحس ودي امشي بس من الثقل مالي خلق..:eh_s(10): :eh_s(10):
بس الحمد الله قربت اخلص اغراضي واغراض البيبي..
وان شاء الله كلها كم يوم واسكر شنطه المستشفى..
بس تخيلوااااا طلعتلى مناسبه ما كانت على البال..وانا عاد مالي خلق كلش
حماتي ملجتها الخميس الجاي وبيسوون حفلة ملجه وانا الحين محتارة ما ادري من وين اجيب بدله حلووووة...خاصة اني صايرة متينه متينه..
تكفون بنات اللى تعرف محل حلووووة يبيع بدلات حوامل ذربه تقول لي..
او مشغل او حريم...انا ابي شيء ناعم وحلوووو وبنفس الوقت راقي...
:eh_s(11): :eh_s(11): وبصراااحة ما في وقت..

الله يعينج مابقى شي والثقل اه منه يخلي الوحده مثل البطريق:eh_s(3):

ان شالله البنات يدلونج على محلات حلوه
انا بصراحه افضل اني اخيط

ماحب الجاهز....... او بالاصح هو مايحبني خخخخخخ مايلبق علي كللللللللش:eh_s(14):

 

[شمس و قمر]

وي شموسه شالسالفه خليج ريلاكس هدي عشان البيبي والله يعينج على عيالج لانه يهال والصغيره يبيلها مجابل وهز يالله تنام اصلا انا اكفخ ولدي تكفخ وساعات يمد البوز شبرين ومن كثر الهز يدوخ وينام بس عقب ما ينام يكسر خاطري يحوشني تانيب ظمير ودي بس ابوسه واي حبيبي وما تشوف شر العنونه بعد الله يعينج بروحج حامل وعندج بيبي صغير ترا كلنا هالفتره مقصرين بعيالنا بس انشا الله فتره وتعدي

:eh_s(2): :eh_s(2): <<<<<< اكتب وانا جذي

لاخلالالالالالالاص شكلي باخذ المهدئات

بنتي الصغيره حاذفتها عند الخدامه مادري عنها

والكبيره ذابحتها طق والله قرصتها قرصه علمت بنفسجيه بفخذها:eh_s(2):

تقول حق امي ياجده خلاص انا بصير بنتج مابي اصير بنتها؟؟؟:eh_s(11):

 

[شمس و قمر]

مشكوره يا شمس و قمر عسى الله لا يحرمنا
نطري خل اكشخ فيه

:eh_s(9): :eh_s(9):

 

[شمس و قمر]

شلونكم بنات شخباركم
بنات عندي عرس حماتي بعد 10 ايام ان شاء الله وتوهقت على شنو البس والله ورحت طرت البلوكات وشريت خام ظل بالسيارة شهر نقع نقعه عدله خفت حتى لونها راح من الشمس احترت على الموديل ووين اخيطه
والله البنات بالمنتدى ماقصروا دلوني على خياط والله الحمدلله امس بالليل استلمت نفنوووفي بس تصدقون اول مناسبة تصادفني وانا حامل احس الشكل غلط
بقى بس الحين المكياج وين احطه شرايكم بنااااااااات دلوووني دلوووووني
وين مكياج حلووو

بنات صارلي تقريبا 3 او 4 ايام احس بثقل مو طبيعي ظهري يعورني
واحس جنه شي راح يطلع مني العوار من تحت فظيع فظيع احس عظام العانه راح تتوسع تعورني تعورني
لدرجة والله اليوم ماقدرت اقوم من الفراش عشان اروح الدوام
انا احسن منكم خذيته عرضي ماخذيته مرضيه هاهاهاهاي

المناسبات تتسلط هلينا لاصرنا حوامل:eh_s(14):

واشوا ان النفنوف طلع حلو

يالله عاد قوليلنا وين مخيطته ؟؟؟؟:eh_s(3):

والمكياج والله مادري

انا يابالجهرا يا كونتينيتال<<<<<<<<< رووووووووعه:eh_s(22):

والالام هذي راح تحسين فيها من اليوم ورايح الله يعينج

 

[شمس و قمر]

شلونكم بنات شخباركم شسالفة النفسيه اللي رايحه فيها الظاهر كلنا جذيه ..
بليز سوولي توقيع كل ما أدش ما يضبط وياي ..

هلا بجاكليت

الظاهر فيه شي بالجو يجيب كآبه:eh_s(13):

الحين اسويلج توقيع

 

[شمس و قمر]

قوة كروووشات
اشلونكم قطيت عنكم شوي بس انا حدي مكتئبة
حاسة اني بالسابع من الثقل مع اني توني داشة الرابع و اليوم رحت حق الدكتورة قلت لها قيسي ضغطي احس بضيقة و نفسي ماني قادرة اسحبه ثقيييييل وايد و قلبي تيييني رقعه قوية والله احس قلبي يطق ببلعومي وبعدين تروح
قالت لي تو الناس على هالكلام توج 14 اسبوع و قاست ضغطي اوكي وقالت اذا استمرت الرقعه معاج احولج على طبيب قلب يشوف لج النبض

منو صار معاها جذيه؟ انا بصراحة خفت اليوم من كلامها

اقولكم الجو فيه بلى

سلامتج حبيبتي

والي تحسين فيه هذا رفيقي بكل حمل

تدرين شنو هالرقعه؟؟؟؟

ترى فيج نقص حديد اخذي فيتاميناتج....ترى برتاحين انشالله

انا احس قلبي بطلع من بلاعيمي

والنفس ماحسه يدخل داخل بالرئه مهما تنفست

وهذا من فقر الدم معرووووووووووفه

لاتحاتين ولاتروحين اخصائي قلب ولاخرابيط

 

[شمس و قمر]

دونات انا صار معاي جذي وطحت ولي الاسعاف وصلت السالفة
طلع الدم عندي نازل والحديد سوي تحاليل
والله ذكرتيني بنفسي يوم قلتي طقات قلبج ببلعومج

شفتي؟؟؟ اقولج ترى انا وفقر الدم ربع من ايام الطفوله:eh_s(14):

 

[شمس و قمر]

احلى توقيع لاحلى جاكليته

 

[شمس و قمر]

ذكريات 6-5-2007

كات وومن 26-5-2007

مي الحلوه 20-6-2007

دموع الذهب 23-6-2007

ام عواشي 1-7-2007

شروفه 2-7-2007

جاكليت 12-7-2007

ظروف الليل 14-7-2007

رينبو 1-8-2007

زقرتيه 1-8-2007

شمس وقمر 1-8-2007

بنت النوخذه 2-8-2007

fjnt ام شيوخه 5-8-2007

منال88 5-8-2007

اوشال 8-8-2007

ام عبدالعزيز 9-8-2007

كويت ليدي 16-8-2007

lailalaila ليلىليلى 18-8-2007

ام فيونه 21-8-2007

ريماس 26-8-2007

ملاك هدية 3-9-2007

دونات 30-9-2007

 

[شمس و قمر]

يالله الحين اقولكم تصبحون على الف خير

ويارب يارب انام نفس الناس

 

[بنت النوخذة]

هلووووووووووووووووووو بنوتات شخباركم


شدنيا فيكم

بنوتات حاشني عوار اليوم من الصفير الساعة 4 عوار بخاصرتي ذبحني ورحت طيبة كلينك والله انا عندهم من الساعة 6.30 والله ما طلعت منهم إلا الساعة 11 لوعوا جبدي وعطوني دوا وسوتلي سونار حق البيبي ( هم بعد مو مبين شنو) وسوتلي سونار للكلية وقالتلي الحمدالله وسوتلي تحاليل طلع معاي تسربات وأملاح وعطتني دوا هاذي قصتي اليوم وطبعا عطتني مرضية 3 أيام ودوامي مستخفين هههههههههههههههه

 

[أوشال]

شلونكم حوامل... والله مشتاقه لكم..:eh_s(7): :eh_s(7):
شلونج شموسه..واوشال..ورينبو..وكل البنات..
انا صار لي اسبوعين تعبانه وما اقدر اقعد احس الثقل كله تحت..
واحس ودي امشي بس من الثقل مالي خلق..:eh_s(10): :eh_s(10):
بس الحمد الله قربت اخلص اغراضي واغراض البيبي..
وان شاء الله كلها كم يوم واسكر شنطه المستشفى..
بس تخيلوااااا طلعتلى مناسبه ما كانت على البال..وانا عاد مالي خلق كلش
حماتي ملجتها الخميس الجاي وبيسوون حفلة ملجه وانا الحين محتارة ما ادري من وين اجيب بدله حلووووة...خاصة اني صايرة متينه متينه..
تكفون بنات اللى تعرف محل حلووووة يبيع بدلات حوامل ذربه تقول لي..
او مشغل او حريم...انا ابي شيء ناعم وحلوووو وبنفس الوقت راقي...
:eh_s(11): :eh_s(11): وبصراااحة ما في وقت..

هلا ميوونه الحلووة

والله حبيبتي ما ادري انتي البدلات اللي تابينها شنو خبة وجذي
لازم تفصلين...عند مشغل ويمدحون مودا مليكة شفت بنات من عايلتنا
القصة والخام والموديل زووغة والله
مكانها قبال مطافي السالمية عند الاشارة على ايديج اليسار
أنا عندي عرس بعد اسبوعين وشريت بدلة ناعمه قطعتين

 

[أوشال]

بنت النووخذه حبيبتي
ماتشووفين شر
اذا تاكلين موالح وايد بيأثر عليج هالشي وايد
وزين دقري الدوام :eh_s(6):

 

[أوشال]

رينبوو

عليج بالعافيه الريووق
اللي كللللللللللش مووو صحي :eh_s(14):
ما عليه بسووويلكم محاضره سنعه بالتغذية
خخخخخخ انا اراجع عند دكتور تغذية من شهرين
ومرررتاااحه لي الحين مو زايدة الا 800 غرام:eh_s(6):


شموووس

الاقتصاد المنزلي بالاوقاف بس ترا شغلهم صج حلوو
بس خبة وغالي اورقنزات ودلنتيل واافر حق وحدة والدة
بس هذا ما يمنع انج تتحكمين فيهم وتطلعين كفرج ذرب
وناعم بنفس الوقت واهم شي يكون فنتق :eh_s(9):

أنا احب الكفرات الاسبانية والايطالية بالخام والصناعة
وما أحب شغل الأورقنزات والأطقم اللي هابين فيها

أنا اسووي طقمي على كيفي
بس بقووولج على وحده شغلها مووو طبيعي شفت كفرات
بنات أثنين رووووووعه بمعنى الكلم رندة الفودري
قمة وستايل مكتبها بالهادي ...وعندها صور
شغلها كله فناتق بس الطقم يبدا عندها 850

 

[أوشال]

يالله أنا بـــــــــرب

برووح أنظف الجووولة :eh_s(13): خخخخخخخخ
وأغسل المواعين قبل ما أذاكر

دعووواتكم يا بناااات
خخخخخخخ لا تصدقوون أنكم بنات بس:eh_s(3):

 

[rainbow_brite]

شروفه شسالفتكم عالعروس هلايام انشا الله ما تصير عندي مناسبه ليمن اولد مالي خلق

بس ترا عادي انا مره انعزمت بعرس بشهري التاسع وكشخت وصار شكلي وايد حلو ومو مبين ان غلط وانا لا تساليني عن الماكياج لاني بالمناسبات القريبه كنت احط عند دريم عند ميرفت بس هذي اطلعت من عندهم من زمان او حنان دشتي واحيانا احط بورده الجابريه بس اذا المناسبات عاديه بصراحه احط بالبيت بروحي احط وترا ما احب العروس وايد

وعلى المرضيات شخباري العرضي حرقته كله باقي يوم واحد بس

جاكليت انشا الله على الشهر الياي يخف شعور الاكتئاب وتتحسن النفسيه

دونات سلامتج الف سلامه وديري بالج من الرقعه انشا الله ما تكون نقص بالحديد انا اتصدقين لم اتصير فيني اعرف ان ظغطي نازل وانا يصيرلي اكثر شي عقب الاكل

 

[rainbow_brite]

:eh_s(2): :eh_s(2): <<<<<< اكتب وانا جذي

لاخلالالالالالالاص شكلي باخذ المهدئات

بنتي الصغيره حاذفتها عند الخدامه مادري عنها

والكبيره ذابحتها طق والله قرصتها قرصه علمت بنفسجيه بفخذها:eh_s(2):

تقول حق امي ياجده خلاص انا بصير بنتج مابي اصير بنتها؟؟؟:eh_s(11):

والله شموسه ان مو بس انتي اقولج انا ولدي الصغير لم يقوم من النوم ينادي الخدامه وريلي يطالعني وويهه كله نغزات وتبين الصج انا اتفشل لاني ما تعودت اقط عيالي عالخدم بس غصبن علي انا ما فيني حيل اغير حفاضته واجابله ونفسج قاطته عالخدامه وحتى فكرت اييب وحده ثانيه بس ريلي مو راضي اصلا انا اتييبلي الخدامه الصغير بالليل مغيرتله ومعاه مميته وابتدي انا عاد الهز والتكفخ اقول بقلبي انا مو ماسكته طول اليوم وهم اسوي فيه جذي مع اني قبل مو جذي واول بالي طويل معاهم وبس ينام والله قلبي يعورني عليه وولدي الكبير الصبح يقوم حق المدرسه قبل كنت انا اللي البسه واغسله الحين مالي خلق بس اقومه اخلي الخدامه اتلبسه يعني عيالي صارو عليها بس قولي انشا الله بالسلامه نولد وانظم وقتنا وانسق بين عيالنا

 

[rainbow_brite]

احلى توقيع لاحلى جاكليته

جاكليته مساع اقولج عالشهر الياي اتخف الكآبه اتخربطت بينج وبين دونات بس من شفت التوقيع استوعبت علبالي انتي بالشهر الرابع